Светски ден посветен на математичката константа ПИ

Учениците од Математичко – информатичката секција

Ви посакуваат Среќен ПИ ден – 3.14

Тие на интересен начин го одбележаа Светскиот ден посветен на математичката константа ПИ.

Се потсетија на основите на кодирањето, “лансираа” хартиени ракети изработени по даден алгоритам, преку забавен квиз помалите дознаа што всушност е бројот ПИ, за потоа и експериментално да го докажат.

14 март беше предизвик и за поголемите ученици кои ги поттикна да научат повеќе за бројот ПИ и да се натпреваруваат решавајќи квиз во Kahoot.

Погледнете ги

,, НИЗ ИСТОРИЈАТА” – ОД ВРЕДНИТЕ РАЦЕ НА НАШИТЕ УЧЕНИЦИ

Во рамките на ИСТОРИСКАТА РАБОТИЛНИЦА учениците изработија:

-пирамиди, наколни живеалишта, штитови, копја, мечови, садови од глина, песочен часовник, стари писма, средновековни замоци, црква, манастир, боздоган, запрежна кочија, охридска куќа, црешово топче, портрети на познати личности, историски карти…

Работилницата придонесе учениците да ги продлабочат знаењата за секојдневниот живот на луѓето во минатото и да развијат интерес и почит кон нивните достигнувања.

НЕДЕЛА за БОРБА ПРОТИВ РАКОТ

Секоја година во светот заболуваат над 12 милиони луѓе од некој вид малигни заболувања, а 7,6 милиони умираат како последица на болеста.

Експертите и Светската здравствена организација нагласуваат дека приближно 40% од карциномите можат потенцијално да се спречат и ризикот од развој на малигни заболувања може значително да се намали со примена на превентивни мерки и промена на животните навики.

Учениците од IX одделение изработија пано во контекст на оваа тема, ставајќи акцент на пушењето. Оваа штетна навика се смета за ризик фактор кој доведува до малигни, но и многу други тешки болести.

Подршка за сите кои поминале или минуваат низ борбата со ракот!

Со почит,

Тимот на Црвен крст од нашето училиште.

Одговорен наставник: Бојана М.Личева

Заедно учиме за маса и тежина

Овој час по Природни науки, заедно со учениците од „25 Мај“ се реализираше во просториите на нашето учулиште.
Учениците на часот се запознаа со физичките величини маса и тежина. Преку практични вежби,поделени во групи, измерија маса и тежина на неколку предмети (јаболко,портокал,прибор за пишување) и воочија дека масата и тежината се различни величини. Учениците работеа тимски и ангажирано, и сите 10 групи успешно ја извршија задачата: избраа соодветни иструменти и правилно ја измерија масата и тежината.
Исто така воочија дека масата влијае на тежината на телата, колку е масата поголема толку е и тежината на телото поголема. Увидоа и дека масата е непроменлива, додека тежината зависи од гравитациската сила, односно каде и да сме во Соларниот систем,масата е иста,но тежинта е различна на различни планети.
Часот се одвиваше во пријатна работна атмосфера, наставниците ги мотивираа групите да работат и потоа сработеното го проверивме со кус наставен лист на крајот од часот.

ПРОЕКТОТ ,,ГРАДИМЕ МОСТОВИ” презентиран пред претставници од МОН, ОБСЕ и ОПШТИНА ГАЗИ БАБА

Денес нашите ученици Михаела Миовска и Никола Недев заедно со нашите партнери, имаа прилика да ги презентираат реализираните активности во проектот.

Учениците и наставниците ги споделија впечатоците и искуството кое го стекнаа при реализација на заедничките часови.

Проектот има големо значење за развој на мултикултурализмот во нашата општина и продолжува да се реализира и во II полугодие.

Одговорни наставници на проектот се: Роза Јаневска и Бојана М.Личева.

Честитки за вредните и неуморни ученици и наставници!

Што е ЕМПАТИЈА?

На денешната РАБОТИЛНИЦА УЧЕНИЧКИОТ ПАРЛАМЕНТ во соработка со ПСИХОЛОГОТ на училиштето – Марина Пазаркоска дадоа одговор на прашања од типот:

➖️ Што е ЕМПАТИЈА?

➖️ ️Кои се знаците на емпатијата?

➖️ Зошто е важна емпатијата?

➖️ Како да развиеме емпатија?

➖️ Која е разликата помеѓу емпатијата и симпатијата?

На крајот од работилницата порачавме:

СОСЛУШАЈТЕ!

РАЗБЕРЕТЕ!

ПРИФАТЕТЕ!

ПОМОГНЕТЕ!

НЕ КРИТИКУВАЈТЕ!

СОЧУВСТВУВАЈТЕ!

ДАЈТЕ ПОДДРШКА!

БИДЕТЕ ЕМПАТИЧНИ!