ПРИЕМ НА ПРВАЧИЊА

На 02.09.2019 година во нашето ООУ„ Дане Крапчев “- Скопје беше организиран свечен прием на првачињата. Со мала пригодна програма го одбележавме најубавиот, најочекуваниот и најпосакуваниот ден на секое дете, денот кога за прв пат ќе го пречекори училишниот праг, ден кога во нивните животи започнува едно ново поглавје, нов долг пат по кој храбро треба да чекорат!

Првачиња среќно!!!

Координатор на тимот

за културно забавен живот

Даниела Торковска

This slideshow requires JavaScript.

Приредба по повод завршување на учебната 2018/2019 година и заминување на деветтоодделенците

This slideshow requires JavaScript.

…Радост, гордост, возбуда, насмевки, неизвесност, мала трема, измешани емоции и по некоја солза радосница беше се она што се случуваше денеска во нашето ООУ „Дане Крапчев„

Учениците со кратка пригодна програма го одбележаа крајот на учебната година и заминувањето на деветтооделенците од нашиот заеднички дом – училиштето Дане Крапчев.

Оваа пригода како училиште ја искористивме да ги прогласиме и најуспешните ученици кои во учебната 2018/2019 година го претставуваа нашето училиште на општинските, регионалните и државните натпревари и освоија прво, второ или трето место, а пак училиштето им додели признанија за нивните постигнати резултати.

На овој свечен настан му дадовме и еден посебен белег со тоа што успеваме да ја вратиме традицијата која со години се негуваше во нашето училиште и да ги прогласиме учениците кои го завршија овој циклус на образование со континуиран одличен успех, а исто така беше прогласен и првенецот на генерацијата.

Ученици кои го завршија овој циклус на образование со континуиран одличен успех и примерно поведение:

IX-1 одделение: Емилија Трајковска, Катерина Илиевска, Сара Јосевска и Лука Карагунов
IX-2 одделение: Симона Петровска, Ивана Додевска и Никола Маркоски
IX-3 одделение: Миа Јакимовска и Ивана Стефановска
IX-4 одделение: Петар Здравевски, Виктор Милески и Маја Стојановска.

Првенец на генерација 2019 – Катерина Илиевска од IX-1 одделение

За сите ученици кои беа со континуиран одличен успех во нивното образование како и за првенецот на генерацијата беа обезбедени симболични подароци.

Денеска нашите деветтоделенци го напуштаат нашиот заеднички дом и заминуваат кон освојување на нови повисоки цели.

Сигурни сме дека од ова училиште во животот ќе носат преубави спомени, но и знаења кои понатаму ќе ги надоградуваат, знаења со кои ќе го освојуваат светот но и ќе градат подобра и поубава иднина за оваа земја.

Среќно!!!

Подготвил:

Даниела Торковска – Координатор за културно забавен живот во училиштето

АПРИЛИЈАДА 2019

Со цел одбележување на 1 Април –  ,,Денот  на шегата,, во училиштето беше организирано ,,Првоаприлско дефиле,, за учениците. Освен во училиштето ученици од одделенска настава продефилираа и низ улиците во населбата, со цел да ги покажат своите маски.

Најдобрите маски од нашето училиште беа испратени на плоштадот во Автокоманда. Ученици пак од IV и  V одделение од нашето училиште, под раководство на нивните наставнички  Лидија Ѓоргиева и Лидија Велковска, учестуваа на манифестацијата која по повод 1 Април ја организираше општината Гази Баба. Тие настапуваа во забавниот дел на манифестацијата, која се одржа на плоштадот во Автокоманда, каде учениците од IV и  V одделение настапија со ритмички точки, а пак ученичките Ема Котеска VII одделение и Миа Јакимовска од IX одделение настапија со пеење во живо на песната Perfect. И водителката на манифестацијата Тамара Вељковиќ беше од нашето ООУ„Дане Крапчев“. Сето ова кажува дека учениците од нашето училиште навистина има што да покажат.

 

Координатор на тим за                                                                                                                         

културно забавен живот

Даниела Торковска

This slideshow requires JavaScript.

ЛИТЕРАТУРЕН КОНКУРС И ЛИТЕРАТУРНО ЧИТАЊЕ НА ТЕМА 8 МАРТ – ДЕН НА ЖЕНАТА

 

По повод празникот 8-ми Март – Денот на жената  во нашето училиште ,,Дане Крапчев” беше организиран литературен конкурс. Право на учество на конкурсот имаа сите ученици од нашето училиште, а учествуваа   29 од нив со лични литературни творби.

На денешното литературно читање кое се одржа во просторијата на училишната библиотека во присуство на неколку наставници, директорката и библиотекарот со почеток во 12.00 часот, преку поетски и прозен  литературен мозаик учениците ја покажаа почитта и љубовта кон своите мајки, баби и наставнички…

За оваа пригода беа доделени награди (книга) за најуспешните литературни творби во предметна и одделенска настава и тоа:

I награда за личната творба ,,За жените” – Илина Тодева IX 1 одд.

I награда за лична творба ,,Мајка” – Кирил Недев IV 4

II награда за личната творба ,,Мојата мајка” – Ања Јованова V4 одд.

Библиотекар – Жаклина Атанасовска

ПАТРОНЕН ПРАЗНИК НА ООУ „ДАНЕ КРАПЧЕВ“ – СКОПЈЕ

„Сите ние имаме глас во креација на заедничка иднина“

На 08.02.2019 година со почеток во 12 часот во холот на ООУ “Дане Крапчев” , беше одбележана 41 година од постењето на училиштето. Беше организирана пригодна програма, во која учество земаа ученици од училиштето и гости од студиото за танц Еурека и од Факултетот за музичка уметност.

Со ритмички точки се претставија учениците од IV и V одд. под раководство на наставничката Лидија Ѓоргиева настапија со ритмичкa точка на микс од инструментална музика.

V одделение под раководство на наставничката Лидија Велковска, настапија со ритмичка точка на песната “Вlack magic”.

Студиото за танц „Еурека“ се претстави со хип-хоп изведба на одбрана музичка композиција.

Училишниот хор настапи со химната на училиштето.

Пријатната атмосферата беше надополнета и од страна на училишниот оркестар под раководтсво на наставникот Ванчо Јовчев. Учениците изведоа две прекрасни композиции:

„Музички момент“ од Франц Шуберт,

„Обоата на Габриел“  од Емио Мориконе, каде специјален гостин беше и студентот од ФМУ Андреј Петрески кој свиреше на обоа.

Јана Стоилевска ја изведе ,,La shate mi murire“ – во пијано придружба на наставникот Ванчо Јовчев.

Како дел од проектот „И јас имам глас“ учениците изведоа и драматизација поврзана со правата на децата под менторство на наставниците по Македонски јазик Елена Малинова и Катица Стојческа.

Во пресрет на патрониот празник во училиштето се твореше и црташе на темата: „Јас со глас за мојата иднина“.

Наградени од ликовниот конкурс се:

1.место  Михаела Стојменовиќ    и    Павел Наневски  од   VIII-3

2. место Теодора Стефановска  IX-2   и    Дина Шабановиќ  VIII-3

3. место Лулхан Ајрединов VI-2 Драгана Здравковска VI-3 Теодора Мусајска IX-3

Од литературните творби  наградени се следните:

  1. место Горазд Стојановски од V-4
  2. место Марија Гичевска од IV-1
  3. место Марија Стојановска од VI-2

Од прозните текстови наградена творба е творбата на ученичката Моника Блажевска од IX-1

Концептот на овој патронен празник беше поинаков од претходните. Овој пат во активностите беа вклучени и младите физичари, хемичари, биолози, ученици кои се докажуваат во природните науки. Преку експерименти и програмирања докажаа и покажаа само дел од нештата кои тие умеат да ги направат, а верувајте ги има многу. Под менторство на наставниците Јулија Јанкуловска, Сашка Крстевски, Бојана М. Личева и Душанка Китановска.

Оваа прилика ја искористивме и да ја претставиме на јавноста нашата Медијатека каде што освен со позајмување и користење книги, енциклопедии, прирачници и речници, учениците имаат можност да учат и истражуваат, да ја развиваат својата личност и  да ги задоволуваат своите интереси со помош на 20 компјутери и интерактивна табла.

Изразите на лицата на посетителите, вработените, учениците, Градоначалникот на општината и претставниците на Сојузот на борците, од различни институции и фирми со кои училиштето соработува, говореа за успешноста на приредбата и времето поминато во добра атмосфера. А за сето тоа да изгледа така се погрижија директорката на училиштето Виолета Стоилевска, координаторот  на тимот за културно забавен живот Даниела Торковска, наставничката Јагода Филиповска која го подготви сценариото, наставничката Марија Наневска Николоска која се погрижи за сценскиот изглед   и нашите вредни и талентирани ученици и  нивните наставници.

Координатор на тим за културно забавен живот

                                                                                                     Даниела Торковска

 

This slideshow requires JavaScript.

Новогодишни работилници

Во периодот од 10-19.12.2018 год. се одржаа новогодишни работилници за изработка на новогодишни украси и честитки во соработка со родителите. Исто така се украсуваа и училниците, ходниците и холот. Целта на заедничката работилница е да се вклучуваат родителите во животот и работата на училиштето како и активно учество на родителите во воннаставните активности на училиштето.

Промотивен настан на активности за меѓуетничка интеграција на Денот на Општината

Ве очекуваме на 03.11.2018 во 17:00 во спортската сала „Крсте Мисирков“ да ги проследите заедничките активности на учениците од 11 основни училишта во општина Гази Баба.

44948651_2234829983254898_5425486770881953792_o

Одбележана Детската недела во ООУ ”Дане Крапчев”

 

               На 05.10.2018 со културно – уметничка програма беше одбележан приемот на првачињата во Детската организација. Приредбата беше организирана од страна на постарите другарчиња и наставниците од училиштето.
               Истата беше проследена и од родителите на првачињата.
               Првооделенците дадоа свечено ветување.
ВЕТУВАЊЕ
Во овој момент, ветувам на сиот глас
Дека моите наставници ќе ги почитувам јас !
Секоја задача ќе се обидам со леснотија да ја решам,
но Ве молам простете ако некогаш згрешам !
Во овој момент давам чесен татковински збор,
ќе се дружам со другарчињата, во училишниот двор

Денес се слави Рамазан Бајрам

 

Светиот месец Рамазан е муслимански празник кој трае во текот на целиот деветти месец од исламскиот календар. Се верува дека во текот на тој месец светата книга – Куранот му бил откриен на Архангелот Гаврил, кој потоа му го пренел на пророкот Мухамед. Рамазан е време на пост, молитва, солидарност и милост, во кој муслиманските верници целодневно се воздржуваат од конзумирање храна, цигари, алкохол, но и од лоши мисли, идеи и дела. Постот почнува со изгрејсонце (суфур) и трае до зајдисонце (ифтар). Јадење и пиење се дозволени во текот на ноќта. Од пост се ослободени децата, бремени жени, доилки и болни. 

Рамазан е еден од петте столба на исламот. Останатите се верата, молитвите, поклонението и давањето милостина. Тоа е месец на добрина, милост, љубов и простување. Верувањата се дека кога ќе дојде празникот, портите на џенетот (рајот) се отвараат, портите на џехенем (пеколот) се затвораат. Муслиманите сметаат дека Рамазан на секој дом му носи полни раце дарови – милост, бериќет и проштевање. Куранот вели дека Рамазан има четири димензии – духовна, морална, солидарна и здравствена.

Еден од најбитните настани во текот на овој месец е постењето (савма). Секој ден во текот на месецот Рамазан, Муслиманите низ светот стануваат пред изгревот на сонцето да јадат Сухоор, оброк пред зората, и обавуваат фаџар (fajr) молитва. Сите мора да имаат завршено со јадење и пиење пред да започне повикот за молитва (езан) па се до четвртата молитва од денот, магриб (залез). Муслиманите може да продолжат да јадат и пијат по залезот на сонцето, па се до следниот фаџар (повик за молитва). Рамазан е време за обожување на Бог. Муслиманите треба да посветат повеќе време и внимание врз следењето на исламските учења и да избегнуваат лоши мисли и нерелигиозни разговори. Размислување и имање секс во текот на постот исто така се забранети. Насилството, освен ако тоа навистина е потребно е забрането исто така (Коран 2:187). Една од најважните карактеристики на месецот е чистотата на мислата и активностите. Постот има за цел да го продлабочи искажување на почит и воспевањето на името на Бога, со што и самите верници стануваат поблиску до бога.

Единствено од постот може да бидат „оправдани“ старите, болните и безумните/лудите, иако првите две групи мора да дадат напор секојдневно да исхрануваат барем еден сиромашен верник. Исто така исклучок може да бидат бремените жени, жените во периодот на менструација и доилките. Сите ги надокнадуваат деновите во кои не постат отпосле. Децата не се обврзани да постат, сепак многу деца се обидуваат да постат колку што е можно повеќе пати во текот на детството, во тоа им помагаат нивните роднини. На крај, патниците се исклучени од обврската на постот, но исто како и другите, по нивното патување мора да надокнадат за пропуштените денови на пост.

По триесетдневниот рамазански пост, следува тридневен Рамазански бајрам, кој се смета за голем празник во исламот. Почетокт на Рамазан секоја година се поместува за 10 дена наназад, односно во престапните години за 11 дена, во однос на претходната година, поради разликата помеѓу исламскиот и грегоријанскиот календар.

Муслиманите во Република Македонија, како и во целиот свет, денеска го слават Рамазан Бајрам. По едномесечниот пост, во кој верниците се воздржуваа од храна и пијалоци од зора до зајдисонце, денеска во сите џамии се служи утрински Бајрам-намаз.

Кај муслиманите Бајрам се честита со зборовите „Бајрам шериф мубарек олсун“, што во превод значи „Нека е благословен племенитиот Бајрам“.

Одговорот е: Алах рази олсун (Нека Алах биде задоволен од тебе).

Во текот на бајрамските празници муслиманските верници се посетуваат и го честитаат празникот на своите најмили, на роднините, соседите и пријателите.

На сите ученици и нивните родители од исламската вероисповед им го честитаме празникот и посакуваме да го празнуваат во мир, радост љубов и среќа!

Превземено од   https://www.fakulteti.mk/news/15062018/deneska-se-slavi-ramazan-bajram

Зошто се слави 8-ми Март?

Меѓународниот ден на жената е светски празник кој се одбележува на секоја година на 8. март. На овој празник се одбележува борбата на жените за економска, политичка и социјална рамноправност со мажите.

Идејата за одбележување на посебен ден посветен на жените потекнува од почетокот на 20-от век, на иницијатива на социјалистичкото движење. Првиот Ден на жената бил одбележан на 28. февруари 1909 година во САД по иницијатива на Социјалистичката партија на Америка. Во 1910 година, под закрила на Втората интернационала во Копенхаген, била  одржана Првата меѓународна конференција на жените, на која било одлучено да се прославува Меѓународен ден на жената, но не бил утврден точен датум. На 19 март 1911, празникот по прв пат е прославен од страна на повеќе од милион луѓе во Австрија, Данска, Германија и Швајцарија. На 8 март 1913 година жените ширум Европа одржале мировни собири.

8. март за прв пат бил прогласен за државен празник, по победата на болшевиците во Русија, а по иницијатива на Александра Колонтај. На запад во 1920-тите одбележувањето на 8 март полека замре, а оживеа во 1960-тите заедно со растежот на феминизмот. Но, сепак, во ниту една западна земја 8 март не е прогласен за државен празник.

8 март е државен празник во неколку земји како Русија, Белорусија, Молдавија, Украина, Ерменија, Бугарија, Монголија, Узбекистан,Виетнам, Кина. Република Македонија е една од ретките земји во кои се празнува Меѓународниот ден на жената.

http://www.crnobelo.com/novosti/svet/992-zosto-se-slavi-8mi-mart