Денес учениците и наставниците од IV одд. во посета на НАРОДНАТА БАНКА и МУЗЕЈОТ НА ПАРИ за да ги откриеме сите тајни поврзани со парите.

️Патувањето продолжи во СПОМЕН КУЌАТА НА МАЈКА ТЕРЕЗА- најголемата светска хуманитарка на 20 век.

Во НАРОДНАТА БАНКА проследивме финансиска едукација за деца.

Добивме одговори на прашањата:

– што се парите и која е нивната улога;

– добивме повеќе информации за нашата национална валута;

-сега точно знаеме каде се печатат македонските пари;

– знаеме и како да препознаеме вистински и лажни банкноти;

Во МУЗЕЈОТ НА ПАРИ ја видовме збирката од ретки и стари пари од македонското поднебје;

Во Спомен куќата на Мајка Тереза преку фотографии, документи и експонати го проследивме нејзиниот животен пaт.

Учењето надвор од училишните клупи секогаш е најинтересно и останува најдолго во сеќавањата!

На ден 23.11.2023 год. се одигра Турнир во Шах за учениците од VIII и IX одделение од општина Гази Баба.

Нашиот ученик Давид Арнаудов од IX одд. освои ПРВО МЕСТО.

Честитки за Давид, многу успеси и во иднина !

Пласман на учесниците:

1. Арнаудов Давид – ООУ”Дане Крапчев”

2. Петровски Никола – ООУ”Наум Наумовски Борче”

3. Велковски Матеј – ООУ”Крсте Мисирков”

На 17.11.2023 година се одржа уште еден заеднички час со учениците од ООУ „25 Мај“ и нивната наставничка. Ние бевме домаќини и со радост ги дочекавме нашите другарчиња. Часот беше многу интересен бидејќи правевме квиз–проверка на знаењата за респираторен систем. Имавме капитени во нашите екипи, кутија на знаења-преку техниката аквариум, табела со поени, жири комисија.
Преку овој едукативен квиз ги проверивме стекнатите знаења. Имаше и победници, екипа 3 која точно одговори на сите прашања на двата јазика, а останатите две екипи имаа изедначен резултат. Имаше одлична атмосфера и позитивен натпреварувачи дух помеѓу екипите. Соработувавме меѓусебно за да постигнеме успех и ги почитувавме правилата на играта. Погледнете!

Нашите ученички,

Калина Караџоска од VII – 1 одд., ментор Елена Малинова

и Тара Спасиќ од VIII- 2 одд., ментор Катица Стојчевска,

освоија II место на регионалниот натпревар по предметот Македонски јазик и литература што се одржа на 18.11.2023г. на Филолошкиот факултет ,,Блаже Конески” во Скопје.

Честитки Калина и Тара, уште поголем успех ви посакуваме на државниот натпревар.

На 14.11.2023 година, се реализираше воннаставна активност-посета на Планетариум при МКЦ, предвидена со активностите од Проектот „Градиме нови мостови“. На оваа посета учествувавме ние учениците од VI-4 одделение заедно со нашата наставничка Бојана М.Личева и нашиот координатор Роза Јаневска, нашите другарчиња од VI-4 и IV-1 одделение од училиштето ООУ „25 Мај“ со нивните наставнички Теута Хаскај и Сузана Курбардовиќ и другарчињата од IV-а, б и в одделение од ООУ „Наум Наумовски-Борче“ со нивните наставнички Дијана Николовска, Анета Пешевска и Соња Николова и координаторот Даниела Караташова-социолог. На оваа активност како дел од Проектот МИО, поддржан од ОБСЕ, МОН, општина Гази Баба и нашето училиште присуствуваа и претставници од ОБСЕ. Посетата имаше за цел да се обезбеди дополнителен простор за учениците вклучени во заедничките наставни часови да се поттикнат на граѓанскиот ангажман и да се промовира меѓуетничката соработка.

Уште еден успешен заеднички час со нашите другарчиња од ООУ „25 Мај“ и нашите наставнички Бојана М.Личева и Анида Амиди. Овој час беше многу интересен, интерактивен, практичен, а најважното е тоа што имавме и посетители-гости, г-ѓа Емилија Симоновска Јаначковска и г-дин Франческо Бигагли претставници од ОБСЕ/OSCE – Mission to Skopje. Наставната содржина „Пренесување на храна и гасови“ беше многу интересна и поттикнувачка, бидејќи имавме за задача практично да го претставиме респираторниот систем, патот на воздухот низ органите за дишење и да ги именуваме органите. Потоа следеше презентација на изработките, толкување на поимот респирација и претставување на разликата меѓу вдишување и издишување. Споделуваме дел од атмосферата.