Државниот натпревар по математика за учениците од основното образование ќе се одржи на 8.05.2021 година, сабота и 9.05.2021 година, недела.

         На Државниот натпревар се пласирани сите ученици од шесто, седмо, осмо и деветто одделение кои освоиле прва награда и оние ученици од деветто одделение кои освоиле втора награда на Регионалниот натпревар. На овој список се додаваат и учениците кои имаат најдобар резултат во сопствениот регион на Регионалниот натпревар.

Постигнати резултати од регионалниот натпревар по математика на учениците од ООУ„Дане Крапчев“, Гази Баба- Скопје

Ученик	Ментор	Одделение	Поени	Награда
Марко Крстевски	Елизабета Ордева	IV	94	I
Сандра Милосковска	Елизабета Ордева	IV	88	I
Александар Маџовски	Даниела Салтирова	V	93	I
Христијан Гочевски Иваноски	Билјана Трајановска	V	88	I
Тара Спасиќ	Даниела Салтирова	V	74	II
Матеј Китановски	Даниела Салтирова	V	74	II
Петар Георгиевски	Вилдана Суљовиќ	V	69	III
Дамјан Петровиќ	Вилдана Суљовиќ	V	68	III
Ива Андова	Даниела Салтирова	V	51	П
Давид Арнаудов	Јулија Атанасова	VI	95	I
Михаела Димчова	Билјана Стојановска	VII	45	П
Алексеј Стојановиќ	Лиле Сарваноска	VIII	60	III
Анастасија Тодевска	Лиле Сарваноска	IX	100	I
Јана Благојевиќ	Лиле Сарваноска	IX	40	П

         Официјалниот почеток на Државниот натпревар е во 10 часот, во соодветниот ден, а сите ученици треба да се пред влезот на Природно-математичкиот факултет во Скопје, најдоцна до 9:30 часот.

         Натпреварот ќе се одржи во просториите на Природно-математичкиот факултет во Скопје, со физичко присуство на учениците и со почитување на протоколот за работа на ПМФ при физичко присуство.

Пандемијата со КОВИД-19 , нова и досега непозната опасност , ги погоди сите области од нашите животи.Изолацијата, недостатокот од контакти со врсниците и нарушеното секојдневие влијаат негативно на менталното здравје на децата и младите. По предлог на учениците членови на Ученичкиот парламент беше спроведена иницијатива за подобрување на менталното здравје на учениците во училиштето. Најнапред беше спроведено истражување меѓу учениците IV до IX одделение, со цел да се идентификуваат промените во нивното ментално здравје. Преку спроведениот анонимен прашалник ги воочивме чувствата на учениците кои ги предизвика пандемијата, што им е најстресно во оваа состојба, што најмногу им недостига, што најмногу им помага за надминување на состојбата и дали имаат потреба од некаква помош од страна на училишниот психолог. Врз основа на резултатите добиени од истражувањето, а со цел подобрување на менталното здравје на учениците беше спроведена работилница – Справување со стрес за време на пандемија со КОВИД-19, со членовите на Ученичкиот парламент. Работилницата беше реализирана од страна на психологот во нашето училиште. По предлог на учениците од парламентот вакви работилници, дискусии и дебати за подобрување на менталното здравје ќе бидат спроведени во сите паралелки во училиштето. Предлози, пораки и совети до учениците за успешно справување со стресот споделија и учениците на Ученичкиот парламент!

На 20.03.2021, Сабота се одржа општинскиот натпревар по Англиски јазик за учениците од 5 до 9 одд. Учениците од нашето училиште кои освоија први места и продолжуваат на регионелаен натпревар се:

Алексеј Стоjановиќ 8-3

Дона Тасева 8-3

Ема Димитровска од 9-1

Андреј Јордановски 6-1

Дора Николова 6-4

Даријан Саравинов 7-3

ЧЕСТИТКИ!!!

21 март се одбележува како Ден на екологијата. Нашите ученици активно се вклучија во нејзиното одбележување преку изработка на еко пораки,изработка на скулптури од рециклирани материјали и литературни творби на тема Екологија.

Преку нивните одлични креативни изработки потсетуваат на сите оние работи кои несмееме да ги заборавиме:

-да ја чуваме природата, отворено да зборуваме за неправдата која ѝ ја нанесуваме на природата, но и заедно сите да делуваме како би ја прекинале истата

 -да се грижиме за околината и природата значи сметот да го фрламе на точно одредено место

-повеќе да се возат велосипеди,  да употребуваме еколошки неотровни средства за домаќинство, 

-да засадуваме нови садници и да ја развиваме нашата еколошка свест неопходна за да се придонесе за почиста околина и поздрава средина.                                                  

Погледнете ги дел од ликовните и литературните творби на нашите вредни ученици!!!!              

Овој месец во нашето училиште започна уредување на мини дендро парк , активност во рамки на прoектот “Редовно на часови”.Во тек се подготвителни активности на теренот за засадување на различни дрвја кои дополнително ќе го оплеменат училишниот двор. Хортикултурно уредување со дендро паркот ќе се користи во образовни цели, поврзани со реализација на наставната програма и воннаставни активности. Во рамките на овој проект се планирани повеќе едукативни активности кои имаат задача да потикнатат редовност на училиште. Овој потфат е овозможен благодарение на добиениот грант финансиран од Европската унија, проект инплементиран од Фондација Отворено општество – Македонија во партнерство со Фондација за образовни и културни иницијативи Чекор по Чекор – Македонија со поддршка од нашата Општина Гази Баба .

• 

• 

• 

Сега можете да нè следите и на Instagram

https://instagram.com/ooudanekrapcev?igshid=1iq6574p4a18k