Денес во нашето училиште имавме едно поинакво дружење!
Аквадон, Пет и Еко ни донесоа многу смеа, песна и забава, а нашите ученици со радост се вклучија во музичката авантура. Се пееше, се танцуваше и се уживаше во секој момент!
Убаво е кога училишниот ден ќе се претвори во ваква весела дружба, исполнета со детски насмевки и позитивна енергија.
Мирисот на нова книга, љубопитни погледи и многу инспирација – така изгледаше нашата посета на Саемот на книга 2026!
Учениците од 4 одделение и учениците од предметна настава од 6 до 9 одделение имаа можност да прошетаат низ светот на книгите, да откријат нови наслови, да се запознаат со автори и да ја почувствуваат магијата што ја носи пишаниот збор.
Секој штанд криеше нова приказна, а секоја книга – нова авантура. Посетата беше прекрасна можност да ја поттикнеме љубовта кон читањето и да покажеме дека книгата секогаш останува најдобар пријател на знаењето.
Во рамки на подготовките за натпреварот First Lego League 2026 со тема „Unearthed“, нашиот Тим Осетра денес го посети Факултетот Историја на уметност и археологија.
Учениците имаа можност да присуствуваат на предавање од професор на Институтот со група студенти, каде научија повеќе за археолошките истражувања и културното наследство.
Тимот пред присутните го претстави својот иновативен уред со кој ќе се натпреваруваме на претстојниот голем натпревар на 14ти и 15ти март во Diamond Mall.
Ги покануваме сите пријатели, родители и поддржувачи да ни држат среќа и да го поддржат нашиот тим на натпреварот овој викенд !!!
Им посакуваме многу успех на нашите млади истражувачи, програмери, инженери, креативци
Нашиот тим ученици од VI до IX одделение, кој активно се подготвува за натпреварот First Lego League 2026, имаше ретка и несекојдневна можност – конструктивна средба и разговор со археолог во прекрасниот амбиент на музејот.
Годинешната тема “UNEARTHED” доби сосема нова димензија преку оваа едукативна и навистина инспиративна посета.
Преку разгледување на автентични артефакти и професионално водена тура, учениците стекнаа подлабоко разбирање за развојот на древните цивилизации и значењето на археологијата во зачувувањето на нашето културно наследство.
Овој директен контакт со материјални докази од минатото ја разбуди нивната љубопитност и отвори нови хоризонти – особено во насока на размислување како современата технологија и роботиката можат да придонесат во идните археолошки истражувања.
Вчера VII-2 имавме супер искуство! Заедно со наставничките Радица и Роза бевме во ресторан „Потковица“ – Хиподром, каде што се запознававме со „тајните“ на ресторанот: правила на однесување, хигиена, мени, сервирање… сè!
Шефот и келнерите ни покажаа како се поставува маса професионално, како се складира храна и зошто хигиената е закон.
Ние? Прашај, слушај, пробај – баш како вистински млади гастрономи!
Благодарност за гостопримството, вкусната храна и позитивната енергија!
Слободен изборен предмет – „Истражување на родниот крај“,
Тема-Природни особености на родниот крај.
Содржина ,,Растителниот и животинскиот свет на родниот крај” со учениците од 7-4 одделение
Активности: посета;
-набљудување на околината; -запознавање со најстарата биолошка институција во земјата која го претставува богатството на македонската флора и фауна, -запознавање со растителниот и животинскиот свет во ЗОО,
-дискусија за застапеноста и територијалната разместеност на растителниот и животинскиот свет; -изработка на албум со животински свет.
Вештини: да објаснува за застапеноста и разместеност на растителниот и животинскиот свет;
– да ги именува и да ги разликува различните растителни и животински видови.
Вредности: развива одговорно однесување кон себе, кон другите и кон околината;
– познавањето на историјата и географијата овозможува подобро разбирање на светот во кој живееме.
Активноста ја реализира предметниот наставник: Роза Јаневска
Денес бевме гости на срдечни домаќини. Низ игри се едуциравме, се забавувавме и се наградувавме. Имавме исклучителна можност да влеземе во ,,Срцето на Винчини” и да видиме како се создаваат Винчини производите.
Новогодишните пакетчиња беа неизбежен подарок за секој од нас!
Голема благодарност до срдечниот тим на ,, Винчини” кои не воодушеви со гостопримството, условите за работа, едукативните работилници и подароците.
Благодарност до нашите наставнички Магдалена Павлеска и Данче Костовска- Јакимовска кои ни ги организираат овие интересни патувања.
Благодарност до нашата директорка Адријана Младеновска која секоја наша идеја ја поддржува и ни овозможува да ја реализираме онака како што сме ја замислиле.
Нашиот Ученички парламент и во 2024 година ќе продолжи да патува и да создава несекојдневни спомени!!!
Денес, ученици од 6 одделение го посетија Францускиот Институт во Скопје.
Се запознаа со содржините што ги нуди Институтот, се дружеа со Фриж, маскотата на претстојните олимписки игри во Париз 2024, слушаа француска музика, гледаа видеа со знаменитостите на Париз, разгледуваа книги, фотографии, едукативни игри.
Највозбудлива беше можноста учениците да се качат на Ајфеловата кула со помош на виртуелна реалност и од таму да го набљудуваат Париз.
Задоволни ја завршија посетата во очекување на следна франкофонска активност.