Јазикот е единствената наша татковина.

Во нашето училиште го одбележавме 21 Февруари – Меѓународниот ден на мајчиниот јазик.

Преку прекрасни литературни творби, инспиративни цртежи и едукативни реферати, нашите ученици покажаа дека јазикот е богатство што треба постојано да се негува.

​ Од преводи на познати мисли до креативни паноа – секој агол од училиштето зборуваше на најубавиот јазик, оној на знаењето и почитта кон традицијата.

​Со радост ја истакнуваме посветеноста на нашите ученици, кои покажаа дека јазикот е темелот на нашиот идентитет!

Хуманоста на дело во ООУ „Дане Крапчев“

​Нашето училиште повторно е дел од програмата ЦКА-ПХВ (Црвен крст во акција)!

Преку неа, нашите ученици учат како со емпатија и активност да помогнат таму каде што е најпотребно.

​Што преземаме до 18-ти мај?

–​Ги препознаваме потребите на нашите сограѓани.

-​Анализираме реални ситуации и поддржуваме ранливи категории.

-​Реализираме конкретни хуманитарни акции на терен.

​Под менторство на наставничките Бранкица Наумовска и Весна Димитровска, нашиот подмладок докажува дека младите се движечката сила на доброто!

Го одбележуваме роденденот на Гоце Делчев

Денес Гоце Делчев беше дел од нашата училница 🤍

Преку стихотворби, портрети и детска креативност, учениците го запознаа како мило дете кое со добрина и знаење го градело својот пат .

Со мали чекори и големи срца, децата покажаа дека љубовта кон татковината се учи тивко – преку пример и човечност

2 февруари – 114 години од раѓањето на Дамјан Крапчев – Стари

Денес, преку ученички активности и креативна работа, го одбележавме роденденот на нашиот патрон – Дамјан Крапчев – Стари.

Учениците се запознаа со неговиот живот и делото што го посвети на слободата и татковината.

Како училиште што гордо го носи неговото име, продолжуваме да го чуваме споменот и вредностите што тој ги остави зад себе.