Започна новата сезона на FIRST LEGO League N. Macedoniа

На 30 октомври со менторскиот состанок на кој присуствуваа нашите наставнички Марина Пејковска, Лиле Сарваноска и Билјана Стојановска

во организација на Robotics & Innovation Academy, нашето училиште и тимот ОСЕТРА, со голема возбуда по трети пат се вклучува во нова авантура.

Овогодишната сезона, BIOGLOW , нè води во светот на биолошката разновидност, поттикнувајќи ги младите преку наука, технологија, роботика и креативност да истражуваат и да создаваат иновативни решенија за зачувување на природата.

Им посакуваме успешна и инспиративна сезона исполнета со љубопитност, креативност, нови знаења и многу убави моменти!

„УЧЕНИЧКА КВИЗОТЕКА 2026/27“ – ЗНАЕЊЕ НА ДЕЛО!

На 29 октомври, во Детскиот културен центар „Карпош“, се одржа „Ученичка квизотека 2026/27“, на која нашето училиште го претставуваа Ангелина Трпковска (IX-1), Меланија Георгиевска (IX-2) и Јана Ангелоска (VIII-3).

Нашите ученички се натпреваруваа со врсниците од ООУ „Крсте Петков Мисирков“ – Гази Баба и ООУ „Ѓорѓија Пулевски“ – Аеродром, покажувајќи знаење, снаодливост и тимска соработка.

Во квизот учествуваат ученици од 53 училишта во Скопје, што го прави ова искуство уште позначајно.

Им честитаме на Ангелина, Меланија и Јана за учеството и успешното претставување на нашето училиште!

ФИНАНСИСКА ПИСМЕНОСТ ОД МАЛИ НОЗЕ: ЗОШТО Е ВАЖНО ШТЕДЕЊЕТО?

Во рамките на месецот на штедењето, денес претставниците од НЛБ Банка – Ченто ги посетија нашите третоодделенци и одржаа едукативно предавање.

​Учениците преку забавен квиз ги покажаа своите знаења за тоа како и зошто се штеди, а на крајот беа изненадени и со заслужени подароци!

​Голема благодарност до тимот од НЛБ Банка за прекрасната дружба и соработка.

БРЗИНА, ВЕШТИНА И СПОРТСКИ ДУХ!

Учениците од III одделение од нашето училиште учествуваа на спортски полигон во организација на Општинскиот сојуз на училишен спорт на Гази Баба, кој се одржа во ООУ „Вера Јоциќ“ – Хиподром.

Нашите ученици се истакнаа со одлични спортски вештини и го постигнаа најдоброто време во првиот дел од натпреварувањето!

Под раководство на одговорниот наставник Томислав Спасовски, нашите мали спортисти покажаа труд, тимски дух и вистинска спортска енергија.

Браво за сите! Продолжете да нижете успеси!

15 ОКТОМВРИ – МЕЃУНАРОДЕН ДЕН НА ПЕШАЦИТЕ

По повод Меѓународниот ден на пешаците, денес нашите учениците спроведоа едукативна активност во блиската околина на училиштето, делејќи флаери со пораки за важноста на пешачењето, здравите животни навики и безбедното учество во сообраќајот.

Со оваа активност, учениците испратија порака дека пешачењето придонесува за подобро здравје, почиста животна средина и поголема безбедност во сообраќајот.

Пешачете повеќе – живејте поздраво и движете се безбедно!

КОГА МУЗИКАТА ГИ СПОЈУВА ГЕНЕРАЦИИТЕ

Нашето училиште денес беше исполнето со музика, детска радост и прекраснo дружење!

Ни беа гости дечињата од градинката „25 Мај“, кои заедно со својот музички педагог донесоа песна, насмевки и многу позитивна енергија.

Членовите на нашиот мандолински оркестар им ја открија магијата на мандолините и другите народни инструменти, доближувајќи им дел од богатството на нашата музичка традиција. А малите гости возвратија со весели детски песни и ја претворија средбата во вистинска музичка дружба!

Кога традицијата ќе се сретне со детската искреност, се раѓаат моменти што се паметат!

Благодарност до градинката „25 Мај“ за прекрасната соработка. Нека продолжат нашите музички приказни, исполнети со дружење, креативност и многу насмевки!

Со Аквадон, Пет и Еко – ден исполнет со песна, смеа и детска радост!

Денес во нашето училиште имавме едно поинакво дружење!

Аквадон, Пет и Еко ни донесоа многу смеа, песна и забава, а нашите ученици со радост се вклучија во музичката авантура. Се пееше, се танцуваше и се уживаше во секој момент! 💃

Убаво е кога училишниот ден ќе се претвори во ваква весела дружба, исполнета со детски насмевки и позитивна енергија.

Благодарност до „Артленд & Бејби Арт Продукција” за убавото доживување!

СВЕТОТ Е ПОУБАВ КОГА ГИ ПОЧИТУВАМЕ И ПОДДРЖУВАМЕ ДЕТСКИТЕ ПРАВА

Во рамките на активностите за Детската недела, нашите вредни ученици преку креативни работилници, цртежи и пораки ни покажаа колку се важни детските права и нивната среќна иднина!

​Преку своите изработки, учениците не потсетија на:

​ Правото на глас и мислење

​ Правото на игра и дружење

​ Правото на образование и развој

​ Правото на љубов, грижа и безбедност

​Преку бои, насмевки и заедничка работа, уште еднаш ги истакнавме вредностите кои секојдневно ги негуваме во нашата училишна заедница.

​ Секој глас на детето заслужува да се слушне!

СВЕЧЕН ПРИЕМ НА ПРВАЧИЊАТА ВО ДЕТСКАТА ОРГАНИЗАЦИЈА!

Денешниот ден го одбележавме и со многу детска песна, прегратки и среќни лица!

Нашите најмали ученици официјално станаа дел од Детската организација, гордо носејќи ги своите први медалчиња.

​Секое дете заслужува топла средина, пријателство и безгрижно учење.

Им посакуваме среќен и успешен почеток на ова прекрасно училишно патување!

Ученички парламент за учебната 2026/27 година

УЧЕНИЧКИОТ ПАРЛАМЕНТ е подготвен за нови предизвици, дебати, дискусии и акции во учебната 2026/27 година!

Новиот состав ќе го предводат:

Јана Ангелова – претседател

Јана Србиноска – заменик-претседател

Меланија Георгиевска – секретар

За претставници на учениците на состаноците на Наставничкиот совет, Советот на родители и Училишниот одбор се избрани:

Илина Нестороска

Јана Велковска

Нека биде ова година исполнета со идеи, иницијативи, тимска работа и ученички глас што се слуша!

СРЕЌНА И УСПЕШНА РАБОТА!