Децата се грижат за птиците

Дворот на нашето училиште денес тивко се исполни со детски чекори и љубопитни погледи кон гранките.

Учениците од III-3 и III-4, заедно со наставничките Весна и Емилија, ги поставуваа хранилките за птици што сами ги изработија – со внимание и искрена грижа.

Разговорите од училницата денес добија смисла надвор.

Без големи зборови, во еден мал, тивок момент, децата покажаа што значи да се забележи, да се сочувствува и да се биде човек.

УЧИМЕ од НАШИТЕ РОДИТЕЛИ

На часот по природни науки, учениците од II -1 одд. содржината ,,Електрична енергија” – за струјно коло ја совладаа со нашиот гостин презентер, електротехничарот Младен Богатинов.

За него беше големо задоволство, како ученик од нашето училиште да го сподели своето искуство со учениците и да се обиде да им ја доближи професијата.

Учениците имаа модели на струјни кола кои ги поврзуваа и истражуваа како работат.

На нивните прашања добија стручни одговори од гостинот родител. Активност подготвена од одделенскиот наставник на II-1 одд. Елизабета Георгиевска

Посета на ЗОО и Природонаучен музеј на Македонија

Слободен изборен предмет – „Истражување на родниот крај“,

Тема-Природни особености на родниот крај.

Содржина ,,Растителниот и животинскиот свет на родниот крај” со учениците од 7-4 одделение

Активности: посета;

-набљудување на околината; -запознавање со најстарата биолошка институција во земјата која го претставува богатството на македонската флора и фауна, -запознавање со растителниот и животинскиот свет во ЗОО,

-дискусија за застапеноста и територијалната разместеност на растителниот и животинскиот свет; -изработка на албум со животински свет.

Вештини: да објаснува за застапеноста и разместеност на растителниот и животинскиот свет;

– да ги именува и да ги разликува различните растителни и животински видови.

Вредности: развива одговорно однесување кон себе, кон другите и кон околината;

– познавањето на историјата и географијата овозможува подобро разбирање на светот во кој живееме.

Активноста ја реализира предметниот наставник: Роза Јаневска

Заедно учиме за маса и тежина

Овој час по Природни науки, заедно со учениците од „25 Мај“ се реализираше во просториите на нашето учулиште.
Учениците на часот се запознаа со физичките величини маса и тежина. Преку практични вежби,поделени во групи, измерија маса и тежина на неколку предмети (јаболко,портокал,прибор за пишување) и воочија дека масата и тежината се различни величини. Учениците работеа тимски и ангажирано, и сите 10 групи успешно ја извршија задачата: избраа соодветни иструменти и правилно ја измерија масата и тежината.
Исто така воочија дека масата влијае на тежината на телата, колку е масата поголема толку е и тежината на телото поголема. Увидоа и дека масата е непроменлива, додека тежината зависи од гравитациската сила, односно каде и да сме во Соларниот систем,масата е иста,но тежинта е различна на различни планети.
Часот се одвиваше во пријатна работна атмосфера, наставниците ги мотивираа групите да работат и потоа сработеното го проверивме со кус наставен лист на крајот од часот.

Заеднички учиме за гравитација

На 19.02.2024 година во просториите на ООУ „25 Мај“ се одржа уште еден заедички час по природни науки. ГРАВИТАЦИЈА! Учениците на часот активно учествуваа во дикусиите, со внимание го проследија излагањето на наставниците и одговорно го сработија работниот лист. Учениците ја идентификуваа гравитацијата како привлечна сила и ја поврзаа како величина која е зависна од масата и растојанието на телата. Пријатна работна атмосфера, дружба, споделување, тимска работа.

Со нови сили, во второто полугодие, продолжуваме да работиме со нашето партнер училиште ООУ “25-ти Мај” на проектот: “ГРАДИМЕ НОВИ МОСТОВИ”

На 26.01.2024 учениците од 6-4 одд. беа на посета на своите другари и заеднички се реализираше наставната содржина за Земјини движења. Преку визуелната презентација учениците се запознаа со движењата на Земјата. Преку практична вежба, срочена во облик на игра, ги симулиравме Земјините движења ,а потоа преку дискусија учениците ги увидоа последиците овие движења.

Разгледуваме модели на Соларен систем ,изработени од рацете на нашите учениците и дискутиравме за изученото. Потоа следеше и втората активност- учениците се распределија во парови, составени од ученици од двете училишта и одговорија работен лист со

прашања поврзани со земјините движења.  Точноста на одговорите ја проверивме заеднички со нашите наставнички по природни науки Бојана и Анида. Резултатите беа одлични !!!

Првиот училишен ден

Прв училишен ден за нашите првачиња – џагор, убави фустанчиња, свечени кошулчиња, насмевки, подароци, возбуда, збунети погледи и по некоја солза – имаше од се’ по нешто. Првиот училишен ден сигурно ви создаде убави спомени. 🍀Драги наши првачиња од понеделник среќно во училишните клупи !!! 🍀

Секое патување ново доживување

Со учениците од трето одделение денешниот час по предметот општество за видови сообраќај го одржавме на несекојдневно место – во воз, на релација Скопје – Велес. ,,Големиот одмор” го имавме низ градот Велес. Последните часови ни беа повторно во воз на релација Велес – Скопје.

Изложба на изработки по Природни науки и Биологија

На 05  и 06.06.2018 во училишниот хол пред кабинетот по биологија беше поставена изложбата на дел од  изработките од учениците од V до IX одделение по предметите  Природни науки и Биологија. Изложбата имаа можност да ја посетат учениците од нашето училиште и нивните родители.

Предметни наставници: Душанка Китановска и Бојана М. Личева