Успешни и на Општински натпревари по географија, хемија и природни науки

На општинскиот натпревар по географија, одржан на 22.02.2025г., Меланија Георгиевска VII-2 одд. го освои второто место, Тара Спасиќ освои 87 поени.

Ученичките обезбедија пласман на регионалниот натпревар.

Ментор: Маја Величковска

……………………………………………………………………………………………………………………………………………………………………………………………..

……………………………………………………………………………………………………………………………………………………………………………………………..

Прво место на ,,FIRST LEGO League” државен натпревар по едукативна роботика

НИЕ ИМАМЕ ДЕЦА ХЕРОИ!!!

ИМАМЕ ДЕЦА ИНЖЕНЕРИ!

ТИМ ,, ОСЕТРА” – ЗЛАТНИ ДЕЦА!

ДЕНЕС во Diamond Mall секоја LEGO коцка градеше иднината!

Повеќе од 300 деца од цела Македонија се натпреваруваа на ,,FIRST LEGO League” државен натпревар по едукативна роботика, каде млади иноватори ја покажаа својата способност за решавање инженерски предизвици.

ДЕНЕС се натпреварувавме во арена за иновации и креативност!

Се натпреварувавме со многу поискусни од нас, со ученици од основни, средни, државни и приватни училишта и токму ние – ТИМОТ ОСЕТРА бевме НАЈДОБРИ во категоријата ,, РОБОТСКА ИГРА”…

звучи НЕВЕРОЈАТНО но ВИСТИНИТО Е!

Овој успех е резултат на 4 месечна работа- часови и часови поминати во училиштето на тимот

наставници и ученици.

Наставникот по информатика Марина Пејковска е нашата гордост и ја има главната заслуга за овој успех.

Нејзин прв неуморен соработник беше Лиле Сарваноска наставник по математика.

Соработници – креативци во овој проект се наставници Билјана Стојановска – наставник по математика , Данче Костовска – Јакимовска -одделенски наставник и Марија Н.Наневска

-наставник по ликовно образование.

Овој пехар е резултат на неверојатна сплотеност на наставници и ученици, упорност, борбеност, желба за успех и тимски дух. Овие деца и наставници денес дишеа како еден.

На овој настан со свој настап наша поддршка беше и хорор на училиштето под менторство на наставникот Ванчо Јовчев.

Огромна благодарност до нашата директорка Адријана Младеновска што ни го донесе проектот во училиштето и беше наша голема поддршка.

Сите ние без поддршката на родителите немаше да успееме во овој проект.

Денес тие точно 10 часа беа заедно со нас и го преживуваа секој момент исто како нас.

Затоа сме успешни, затоа што сме училиште – семејство!

Нема да застанеме тука и следната година повторно ќе влеземе во арената да се бориме –

да бидеме победници во сите категории.

ОСЕТРА ТИМ – ХЕРОИТЕ на ДЕНОТ!

Дамјан Петровиќ

Давид Трајановски

Андреј Арнаудов

Ведран Вељковиќ

Стефан Арсевски

Ангелина Трпковска

Софија Мијалковска

Алек Јовановски

Елена Наумова

Марко Наумов

Анастасија Ивановска

Петар Стефановски

Матеј Макрешански

Ана Ристиќ

Тара Спасиќ

Денот низ фотографии  – погледнете ги на нашата фб страница

Ретко е да си редок

Денес на Меѓународниот ден на ретките болести под мотото “Ретко е да си редок” реализиравме работилници и дадовме поддршка на лицата со ретки болести.

Учениците од V-3 и V-4 одд. заедно со одделенските наставнички Анета Менчова и Весна Димитровска образовниот асистент -Жаклина Цветковска и специјалниот едукатор и рехабилитатор Катерина Банџо на симболичен начин поддадоа рака на дечињата со ретки болести.

Нашите срца секогаш се отворени за сите луѓе на планетава.

ДЕН за ПОЧИТ кон МАЈЧИНИОТ ЈАЗИК!

Големиот одмор, денес посветен на Меѓународниот ден на мајчиниот јазик под мотото: ,,Јазикот сум јас, јазикот си ти, јазикот сме ние!”

Со топол чај, творби и пораки за јазикот, учениците од предметна настава со своите наставници по Македонски јазик и учениците од второ и петто одделение го одбележаа Денот на мајчиниот јазик.

Говорете го правилно и негувајте го мајчиниот јазик!!!

Само така мајчиниот јазик ќе звучи силно, чисто и ќе биде вечен!

Спортуваме заедно

Колку е важно да се занимаваш со СПОРТ? Колку е важно да си дел од ТИМ?

Денес ученици од 5 одделение од ООУ,, Дане Крапчев”, ООУ,, Крсте Мисирков” ООУ ,, 25 Мај” беа дел од заедничка спортска активност. ТИМОТ беше приоритет!

Затоа што тимските игри ги учат децата:

– да почитуваат правила и авторитети;

– да работат на остварување на заедничка цел;

– да градат тимски дух;

– да практикуваат фер игра;

– да го почитуваат соиграчот и противникот;

-да ги контролираат емоциите кога губат;

-да бидат горди на себе и тимот кога победуваат;

Овие активности ќе продолжат и во иднина , затоа што СПОРТОТ ОБЕДИНУВА – СПОРТОТ УЧИ!!!

Ученичка квизотека

На 13.02.2025г. (четврток) учениците Тара Спасиќ, Александар Маџовски од 9-2 одд. и Калина Караџоска од 8-1 одд. со придружба на наставничката по Географија Маја Величковска, учествуваа на ,,Ученичката квизотека 2024/2025” која се одржа во просториите на Детскиот културен центар – Карпош.

Квизот опфаќа тематика од наставно- образовниот процес, но и прашања со елементарен контекст (култура, спорт, уметност, актуелности).

Учениците се натпреваруваа со ученици претставници од ООУ,,Панајот Гиновски” – Бутел , ООУ ,,Григор Прличев”- Гази Баба и ООУ,,Круме Кепески”- Кисела Вода, го освоија второто место и го поминаа елиминацискиот дел.