ДРЖАВЕН НАТПРЕВАР ПО ПРИРОДНИ НАУКИ

На 18 Мај на ПМФ се одржа Државниот натпревар по Природни науки.

Нашите ученички:

Бисера Митровска од 5-3 одд. освои III награда

и Леона Арсова од 5-2 одд. освои пофалница.

Ментор :Душанка Китановска.

Честитки за двете наши ученички

Државен рецитаторски натпревар

На 17 Мај 2025г.во киносалите на ,,Скопје Сити Мол” (Синеплекс) се одржа Државен рецитаторски натпревар во чест на поезијата.

На натпреварот учествуваа и нашите ученички Софија Мијалковска од 9-3 одд. под менторство на Катица Стојчевска и Ана Трајкоска од 6-3 одд. под менторство на Марија Шереметкоска.

За успешното интерпретирање добија благодарници.

ДРЖАВНИ ПРВАЦИ СМЕ!!!

Оркестарот на Дане Крапчев предводен од наставникот Ванчо Јовчев го освои првото место со максимални 100 бода.

БРАВО за вредните ученици кои благодарение на нивната заложба за музичката уметничка интерпретација постигнаа највисок резултат во земјава.

Честитки од целиот колектив за нашите музички виртуози…

ОСТАНЕТЕ НА ВРВОТ!

Отворен меморијалниот турнир во мал фудбал во Инџиково

На 10.05.2025 година во Инџиково беше отворен меморијалниот турнир во мал фудбал кој традиционално се одржува во спомен на Горан Стојменовиќ, херој кој го загуби својот живот во одбраната на Македонија во настаните од Диво Насеље и младото момче Бојан Арсенов кој го загуби својот живот во несреќа!

Училишниот хор при ООУ „Дане Крапчев“ по 10-ти пат учествува на овој хуман настан како знак на длабока почит и сеќавање, кој денес одбележува 10 годишнина во чест на нашите бранители.

Нека се издигне нашето сеќавање – нека лета нивната храброст!

Хероите живеат вечно!

Активноста ја реализира наставник- Роза Јаневска.

ПЛАНИНАРСКА ТУРА „ПЕШАЧИМЕ ЗА МИР, СОЖИВОТ И ТОЛЕРАНЦИЈА“

На 12 мај 2025 година нашите ученици учествуваа во планинарската тура на Скопска Црна Гора – с. Раштак, во организација на Општинскиот сојуз на училишен спорт на Гази Баба и Грин спорт.

Дополнително беше спроведена и еко – акција за расчистување на околината што беше одличен пример за подигнување на еколошката свест.

Настанот помина во позитивна атмосфера, исполнета со енергија, заедништво и прекрасна дружба во природата.

Одговорен наставник за активноста- Ивица Петрушевски.

НАГРАДЕНИ ученици на ДРЖАВНИОТ натпревар по АНГЛИСКИ ЈАЗИК

На 10 Мај се одржа државниот натпревар по англиски јазик. Нашите ученички:

Ема Ивановска 5-1 одд. освои 83 поени , III награда. Ментор: Андријана Недевска.

Каја Стојковска 7-2 освои 80 поени, III награда. Ментор: Весна Кочова.

Честитки за двете наши ученички!

Државна изложба на ,,Кинолошкиот клуб-македонски паничар”

ДВЕ НАГРАДИ за наши ученици на третата државна изложба на ,,Кинолошкиот клуб

македонски паничар” која се одржа на 11.5.2025 г. во паркот на општина Ѓорче Петров.

На оваа манифестација на литературниот и ликовен конкурс учество земаа ученици

од 41 училиште од државава.

Наши наградени ученици на литературниот конкурс се: Петар Стефановски од 7-2 одд.

освоено I место и Меланија Георгиевска од 7-2 одд. освоено III место.

Честитки за нашите ученици!

Активност организирана од наставник по македонски јазик – Марија Шереметкоска.

Награда и на квизот ,,КОЛКУ ЗНАЕШ за ЕВРОПА?”

…И ПОВТОРНО НАГРАДА !!!

Овој пат во рацете на нашите ,,Парламентарци” кои покажаа одлични знаења на квизот:

,, КОЛКУ ЗНАЕШ за ЕВРОПА?”

Во конкуренција на 24 училишта од град Скопје , по повод ,,ДЕНОТ на ЕВРОПА” нашите ученици го освоија високото II место.

Денешниов настан во градски парк беше во организација на ,, Националната агенција за европски образовни програми и мобилност”.

Горди сме на нашите ученици кои секогаш достојно не претставуваат на сите натпревари.

Активност организирана од одговорните наставници на Ученичкиот парламент: Магдалена Павлеска и Данче Костовска- Јакимовска.

Работилница „Зајакнување на училиштата за демократско образование – постигнувања и резултати“

На 07.05.2025 година, во хотелот  „Александар Палас“ се одржа завршна работилница „Зајакнување на училиштата за демократско образование – постигнувања и резултати“, во рамки на проектот „Квалитетно обрзование за сите“ кој Советот на Европа го имплементира од 2023 година.

25-те пилот училишта, средни и основни кои беа дел од двегодишниот проект имаат идентичност во искуствата околу градењето на демократски систем на управување и иновативност од аспект на вклучување на учениците во носењето одлуки, форми на нивно организирање за остварување на права.

Демократското образование создава активни генерации, кои се свесни за човековите права и одговорно се однесуваат.

Демократијата мора да биде еден од основните столбови на образовниот систем. Образовниот процес е алатка за стекнување вештини и знаења, но мора да насочува и кон критичко размислување, кон развивање на одговорност, свесност за човековите права и обврски, кон конструктивност и почитување.

Учесници на оваа завршна работилница беа учениците: Калина Караџоска 8-1 одд. Софија Мијалковска 9-3 одд. и наставниците Роза Јаневска и Вилдана Суљовиќ.

Голема благодарност до директорката на училиштето Адријана Младеновска, сите ученици, наставничките Марија Наневска и Магдалена Павловска, дефектологот Катерина Банџо кои несебично се вклучија и помогнаа во реализирање на активностите предвидени од проектот.

Игравме со срце за АЛЕК

 

На 07.05.2025г. ученици од III одд. од 11 училишта во општината, во организација на Општински сојуз на училишен спорт на Гази Баба реализираа втор полигон, игри од натпреварувачки карактер.

Настанот се одржа во спортската сала на ООУ,,Вера Јоциќ”.

Честитки за нашите ученици и наставници кои и овој пат се меѓу најдобрите во општината.

1 место -ООУ,,Вера Јоциќ”.

2 место ,,Крум Тошев”.

3 место,,ООУ Дане Крапчев”.

Aктивноста имаше меморијален карактер во чест на нашиот другар Алек.

Одговорен за активноста: Томи Спасовски- наставник по физичко и здравствено

образование.