Ден за природата, ден за творење!

​Нашето училиште блесна во сите бои на пролетта! Од најмалите до најголемите, сите се обединивме со една цел – поубава и почиста околина.

​Учениците од второ одделение со многу љубов цртаа, боеја и пишуваа еко-пораки, потсетувајќи нè колку е важно да ја чуваме природата.

Креативната енергија ја продолжија учениците од V-1, кои преку својот плакат „Додај и боја на планетата Земја“ испратија силна порака за одговорност кон планетата.

Вредните раце од предметна настава пак, со четки и бои му дадоа нов сјај на училишниот двор и ги подготвија сите места за пролетно садење.

За крај, нашата Еколошка секција покажа како со рециклирање се создава нов живот, изработувајќи уникатни саксии во кои засадија прекрасни цвеќиња.

16 Октомври – Светски ден на храната

Секој 16 октомври во светот се одбележува Светскиот ден на храната – ден кој нè потсетува дека здравата исхрана е предуслов за здрав живот, среќно детство и посветла иднина.
Оваа година, нашето училиште ја одбележа оваа важна дата со весела и поучна активност во училишниот хол, каде што учениците од 5. и 9. одделение подготвија штандови со свежо овошје и здрави производи.
Учениците од останатите одделенија со насмевки ги посетија штандовите и уживаа во вкусната и здрава понуда.

Денот помина во позитивна атмосфера исполнета со боја, мирис и радост, а најважната порака која децата ја испратија беше јасна:
„Здравата храна е наш избор, нашата енергија и нашата грижа за себе и за иднината!“ ❤️
Голема благодарност до сите ученици, наставници и родители кои ја поддржаа оваа иницијатива.
Средствата собрани од продажбата ќе бидат наменети за потребите на ЕКО тимот.

22 септември-Меѓународен ден без автомобили

Учениците од актив петто одделение заедно со Еко-тимот реализираа активности по повод овој значаен ден.

Со порака:

„Да дишеме почист воздух!“

„Да чекориме повеќе, да возиме велосипед, да ја чуваме нашата планета!“

Нашите мали еко-херои покажаа дека секој чекор кон поздрав живот и почиста средина е важен.

16 СЕПТЕМВРИ- Светски ден за заштита на озонската обвивка

Во нашето училиште на 16 Септември беше одбележан Светскиот ден за заштита на озонската обвивка. Учениците изработија пано за озонската обвивка , преку кое ја истакнаа нејзината важност со цел да се подигне еколошката свест за почиста, позелена и поздрава иднина. Озонот е одговорен за спречување на околу 98% од УВ зрачењето. Иако станува збор за глобален феномен, секој индивидуално со своето однесување односно со незагадување е пример за останатите и може да придонесе локално, за да имаме поздрава животна средина. Секој отпад несоодветно третиран ја загадува почвата и причинува да дојде до испарување на отрови во атмосферата,што севкупно влијае негативно на озонот.

Во активноста се вклучија учениците од еколошката секција и ученици од 9-3 одд.

Одговорен наставник: Душанка Китановска

ПЛАНИНАРСКА ТУРА „ПЕШАЧИМЕ ЗА МИР, СОЖИВОТ И ТОЛЕРАНЦИЈА“

На 12 мај 2025 година нашите ученици учествуваа во планинарската тура на Скопска Црна Гора – с. Раштак, во организација на Општинскиот сојуз на училишен спорт на Гази Баба и Грин спорт.

Дополнително беше спроведена и еко – акција за расчистување на околината што беше одличен пример за подигнување на еколошката свест.

Настанот помина во позитивна атмосфера, исполнета со енергија, заедништво и прекрасна дружба во природата.

Одговорен наставник за активноста- Ивица Петрушевски.

ДЕН за КРЕАТИВНОСТ,СОРАБОТКА и ДОНАЦИЈА

Младите екологисти денес беа дел од текстилна работилница преку која се запознаа со последиците од текстилните отпад.

На гости ни беа претставници од компанијата “Тексмак” кои преку предавање не запознаа со последиците врз животната средина од текстилен отпад.

Заеднички на работилницата стариот текстил го реупотребивме и креиравме од старо ново.

Од оваа соработка произлезе и донација на контејнер за текстилен отпад кој наскоро ќе биде поставен во нашето училиште.

Во прилог фотографии од работилницата.

Одговорни за активноста: Бојана М.Личева и Душанка Китановска – наставници по биологија.

ПРОЕКТ – Еколошки отпечаток на младите во Гази Баба

На 30.10.2024 , учениците од VI до XI одд,учествуваа на работилница во рамките на проектот кој се реализира во соработка со Институт за добро владеење и политики во животната средина и климатските промени (ИПЕК) , Општина Гази Баба и нашето училиште OOУ “Дане Крапчев”.

На работилницата учениците се запознаа со поимот еколошки отпечаток.

Еколошки отпечаток е мерило за степенот на човековата побарувачка и искористување на екосистемите на планетата Земја. Тоа е стандардизирана мерка за експлоатацијата на  природниот капитал наспроти еколошкиот капацитет на планетата за регенерација. Така што го претставува неопходното количество на биопродуктивно земјиште и море што е нужно за да се задоволат потребите на човештвото за секојдневната потрошувачка на ресурси и асимилација на произведениот отпад.

Учениците имаа прилика да одговорат на прашалник кој ќе им даде слика за тоа каков еколошки отпечаток прават како индивидуи, а добија и едукативни материјали со совети кои доколку ги применат во секојдневието ќе допринесат за одржувањето на еколошкиот капацитет на нашата планета.

Немаме резервна планета, секој од нас има одговорност за животната средина !

Благодарност до едукаторите кои ја реазлизраа ова интересна работилница

Реализирал-Еко тимот на училиштето.

Одговорни наставници: Бојана Личева, Душанка Китановска и Билјана Јовчева.

16 Октомври – СВЕТСКИ ДЕН на ХРАНАТА

Нашите вторачиња денес со активности во чест на 16 Октомври – СВЕТСКИОТ ДЕН на ХРАНАТА.

16 Октомври е датум на основање на Организацијата за храна и земјоделство на Обединетите нации уште во далечната 1945 г. Овој ден го слават и многу други организации кои се занимаваат со глад и безбедност на храната.

Денес нашите вторачиња овој ден го одбележаа со творење на тема „Овошје и зеленчук “.

Потоа се засладија со вкусно и здраво овошје.

Нивната желба беше едноставна и јасна:

Возрасните да обезбедат квалитетна и здрава храна за сите деца во светот!

Активност подготвена од активот наставници на второ одделение.

22 СЕПТЕМВРИ – СВЕТСКИ ДЕН БЕЗ АВТОМОБИЛИ

ИДНИНАТА е во превозните средства на две тркала –

СВЕТОТ одамна го прифати тој тренд…

И ние сме ЗА !!!

АЈДЕ да го следиме светскиот тренд !!!

Бидете ЗДРАВИ и СРЕЌНИ !!!

ВОЗЕТЕ ВЕЛОСИПЕДИ

22 АПРИЛ – ,, ДЕНОТ НА ПЛАНЕТАТА ЗЕМЈА”

Денес, младите еколози и уметници од нашето училиште обединети во чест на 22 АПРИЛ – ,, ДЕНОТ НА ПЛАНЕТАТА ЗЕМЈА”.

Преку изложба насловена: “ОД ОТПАД до УМЕТНОСТ” нашите еколози и уметници се обединија и изработија уметнички дела од отпад, кои беа поставени во училишниот хол.

Преку оваа активност сакаме да потсетиме за потребата од грижа за Планетата и да ја потикнеме јавната свест за селектирање и рециклирање на отпад.

Не заборавајте: Немаме резервна планета !

Земјата ние ја позајмуваме од следните генерации и ја должиме на нашите

поколенија!

Одговорни наставници:

Бојана М.Личева и Марија Н.Наневска.