Работилница на тема „Развивање на емпатија, пријателство и поддршка за ученици кои се на лекување“

Во нашето училиште беше реализирана работилница на тема „Развивање на емпатија, пријателство и поддршка за ученици кои се на лекување“, во организација на НВО САНО со поддршка на БРО и Министерството за образование и наука.

Учениците од 7-3 преку активности, разговор и игри учеа како да бидат повнимателни, емпатични и поддржувачки кон своите другари кои се соочуваат со здравствени предизвици.

УЧЕНИЧКА КВИЗОТЕКА 2025/26

На 21.10.2025 година, во просториите на Детскиот културен центар „Карпош“, се одржа возбудливиот настан „Ученичка квизотека 2025/26“

Нашите ученици :
Тео Бојанчев (9-1), Калина Караџоска (9-1) и Ангелина Трпковска (8-1) гордо го претставија нашето училиште и се натпреваруваа со врсниците од:
ООУ „Петар Поп Арсов“ – Карпош
ООУ „Јан Амос Коменски“ – Карпош
ООУ „Наум Охридски“ – Гази Баба

Оваа квизотека опфаќа 52 училишта од град Скопје, а нашите ученици покажаа знаење, тимски дух и љубов кон учењето!

Браво за нив и честитки за одличното претставување!

Со детска радост го заокруживме крајот на Детската недела

Нашите ученици, заедно со своите наставници, ја претворија оваа недела во вистински празник на детството!
Преку песна, игра, цртежи и насмевки ни порачаа дека детството е најубавото време – време за соништа, другарство и љубов.

Браво за нашите вредни ученици и посветени наставници од одделенска настава – со многу љубов создадоа незаборавни моменти!

6 Октомври – Светскиот ден на живеалиштата

Учениците од второ одделение со многу љубопитност и креативност го одбележаа
6 Октомври – Светскиот ден на живеалиштата.

Научија што е живеалиште, како човекот влијае врз природата и зошто е важно да ја чуваме нашата планета.
Годинешната тема – „Одговор на урбана криза“ – ги поттикна да размислат како со рециклирање и селекција на отпадот можеме да создадеме подобра иднина.

Браво за нашите второодделенци и нивните наставници за љубовта и грижата кон природата!

Денот на учителот одбележан во нашето училиште


По повод Денот на учителот 5-ти Октомври, нашите ученици на креативен начин ја изразија својата благодарност и почит кон наставниците. Преку творби, цртежи и искрени пораки, ни покажаа колку значат учителите во нивните животи.
Наставниците се срцето на нашето училиште – водичи, мотиватори и поддршка за секое дете. Нека овој ден биде потсетник за нивната огромна улога во оформувањето на иднината.
Среќен Ден на учителот!

Училиштето учи – природата инспирира!

Денес нашите љубопитни третооделенци тргнаа во мала авантура – посета на Природнонаучниот Музеј во Скопје!

Со широко отворени очи откриваа тајни за животните и нивните коски – вистинска лекција од природата што не се заборава!

Најважната поука беше дека најубаво се учи кога истражуваме и откриваме заедно.

Ви пренесуваме дел од денешната детска радост и љубопитност преку слики на нашата фб страна

Ученички парламент 2025-2026г

УЧЕНИЧКИОТ ПАРЛАМЕНТ подготвен за нови предизвици, дебати, дискусии, акции.
Новиот состав ќе го предводат:
Тео Бојанчев- претседател
Јована Младеновска- заменик претседател
Анастасиа Пислевиќ- секретар.
За претставници на учениците на состаноците на Наставнички совет , Совет на родители и Училишен одбор се избрани учениците :Тео Бојанчев и Јана Ангелова.
СРЕЌНА И УСПЕШНА РАБОТА!!

Запознавање со различни професии

По предметот Општество во III одделение предвидена е содржина за запознавање со различни професии. Поради тоа беа повикани родители кои ги запознаа учениците со своите професии овозможувајќи им поблизок пристап до посакуваните професии.

Одбележување на Европскиот ден на јазиците – 26 Септември

На ден 26 септември, во нашето училиште свечено беше одбележан Европскиот ден на јазиците. Настанот беше организиран од учениците во предметна и одделенска настава со поддршка од предметните наставници по Македонски, Англиски и Француски јазик и одделенските наставници.
Целта на активноста беше да се истакне значењето на јазиците и да се охрабри почитта кон јазичната и културната различност во Европа и светот.

Настанот помина во весела и едукативна атмосфера. Учениците уживаа додека учеа нови зборови, се запознаваа со други култури и го изразуваа своето почитување кон различноста. Со ова одбележување, уште еднаш ја потврдивме важноста на учењето јазици и отворањето кон светот..
Настанот заврши со заедничка порака:
„Секој јазик е богатство – да го чуваме и почитуваме!“

ФРАНКОФОНСКИ КАМП ВО СТРУГА

Во периодот од 15 до 20 јуни 2025 година, во прекрасниот амбиент на Солферино во Струга, се одржа Франкофонски летен камп, организиран од фондацијата Бел идеал од Париз.

На кампот учествуваа ученици од основни и средни училишта од повеќе македонски градови, победници на дел од државните натпревари по француски јазик; на натпреварот за француска шансона како и добитници на награди од националната франкофонска вечер во Свети Николе.

Меѓу наградените учесници на кампот беше и Ивана Ивановска од VII оддление, која заедно со другарите уживаше на брегот на Охридското Езеро.

Исто така и Анстасија Пислевиќ од VI одделение требаше да учествува на кампот, но од лични причини го откажа присуството.

Во продолжение погледнете го видеото од активностите на кампот