CULTURAL RAINBOW – ЕВРОПСКА ОЗНАКА ЗА КВАЛИТЕТ!

Денес нашето училиште блеска уште посилно!

Го добивме престижното Европско Признание за Квалитет за eTwinning проектот „Cultural Rainbow“!

Проектот е креиран и реализиран од наставничката по англиски јазик Катерина Лукарова, и талентираните ученици од 8 одделение.

Реализиран во учебната 2024/25 година, во партнерство со ученици и наставници од 8 држави:

Турција • Грција • Унгарија • Србија • Литванија • Полска • Бугарија • Грузија

Големи честитки за наставничката и учениците!

Со овој успех, нашето училиште уште еднаш се потврдува на меѓународната сцена!

Да ни се множат успесите и да продолжиме со модерни, иновативни и инспиративни проекти!

Одбележување на меѓународниот ден на професорот по Француски јазик

На 21 ноември 5 ученички од нашето училиште учествуваа на музичко-образовниот настан Sunovision dansante 2025, организиран во чест на Меѓународниот ден на професорите по француски јазик, кој има за цел да ја истакне примената на алатката за вештачка интелигенција – Suno во учењето на францускиот како странски јазик.
На настанот се обрати Амбасадорот на Република Франција, господинот Кристоф Ле Риголер, а присутни беа и гости од Францускиот институт и од Филолошкиот факултет.

Погледнете кратко видео од настанот

Претхониот ден, на 20 ноември, нашата наставничка Анета Митевска, на покана од Француската амбасада и Францускиот институт, учествуваше на работилницата „Жив Весник“ организирана од Францускиот институт а потоа на прием во резиденцијата на Амбасадата на Франција

ОТВОРЕНИ УЧИЛИШНИ СПОРТСКИ ЛИГИ 2025/26

На 18 ноември 2025 во спортската сала при ООУ „Вера Јоциќ“ беше означен стартот на новата сезона од Училишните спортски лиги. Претседателот на Општинскиот сојуз на училишен спорт на Гази Баба Ивица Петрушевски упати инспиративна порака за фер игра и спортски дух.

Нашите екипи успешно ги одиграа првите кола:

Одбојка – девојчиња (VIII и IX одделение)

Кошарка – машки (VIII и IX одделение)

Учениците покажаа борбеност, енергија и тимски дух.

Честитки за победниците!

Со нетрпение ги очекуваме следните кола – спортскиот дух продолжува

Денес нашето училиште мирисаше на… шеќер!

Учениците уживаа во волшебната театарска претстава „Шеќерна приказна“, реализирана во соработка со Артлен и Бејбисрт.

Под режисерската палка на Трајко Јордановски, сцената оживеа со енергија, боја и хумор, благодарение на талентираните актери Шинаси Рамадан и Димитрина Мицкоска Трајкоска.

Публиката беше дел од една слатка, разиграна и поучна авантура што ни ги стопли срцата.

Благодарност до тимот кој ја донесе магијата на театарот во нашето училиште!

Денот на детето

СИТЕ ДЕЦА ИМААТ ПРАВО да сонуваат, да мечтаат, да бидат слушнати, почитувани и да растат безгрижно.

По повод Денот на детето, членовите на Ученичкиот парламент, Ученикот правобранител и неговите заменици изработија:

„Ѕид на детските соништа“

Пано со детските права

Пораки и желби од децата – за децата

Нивната креативност, визија и големи срца ни покажуваат дека детските соништа се нашата најголема инспирација!

Среќен Ден на детето!

Нека секое дете расте во љубов, грижа и поддршка

Едукативна посета – Петто одделение

Учениците од петто одделение реализираа богата и поучна посета на црквата „Св. Архангел Гаврил“ – Ченто и на џамијата во Инџиково.

Оваа активност беше организирана во корелација со наставните содржини по Историја и Општество, со цел учениците да се запознаат одблизу со верските објекти, нивната историска вредност, архитектура и културно значење во нашата средина.

Што научија учениците?

Слушнаа интересни објаснувања за настанокот и важноста на двата објекти

Разговараа со домаќините и поставуваа прашања

Развиваа почит, толеранција и разбирање за различните традиции и култури.

Продолжуваме да ги градиме вредностите на знаење, почит и меѓусебно разбирање!

Активноста ја реализираа наставниците од активот на V одделение.

Нашиот тим во подготовка за FIRST LEGO League!

Нашите програмери Стефан, Давид, Андреј и Марко го презентираа роботот и мисиите за претстојниот натпревар по роботика и иновации. Во процесот тие стекнаа силни СТЕМ вештини, совладувајќи алгоритамско размислување, логичко решавање проблеми и тимска соработка.

Проширениот тим продолжува да ги следи мисиите од роботската игра и да истражува како модерната технологија помага во решавање реални предизвици во археологијата. Со голем ентузијазам ќе работат на нови идеи кои придонесуваат за заедницата и околината.

Наскоро ќе биде избрано идејното проектно истражување на годинешната тема:

“UNEARTHED! – Влијанието на модерната технологија врз археологијата и како минатото нè води кон иднината“

Им посакуваме успешна и инспиративна работа!

Натпревар по противпожарна заштита – Општина Гази Баба

Во нашето училиште се одржа општинскиот натпревар по противпожарна заштита за основните училишта од Општина Гази Баба во организација на Противпожарниот Сојуз на град Скопје.

Натпреварот помина во дух на другарство, тимска работа и спортски натпреварувачки дух. Организаторите ја потенцираа важноста од вакви активности кои ги поттикнуваат учениците на одговорно однесување, подготвеност и стекнување практични знаења.

Нашите претставници:

Калина Караџоска – 9-1

Тео Бојанчев – 9-1

Емил Адемовски – 9-4

Ангелина Трпковска – 8-1

Небојша Новоселов – 8-2

Меланија Ѓоргиевска – 8-2

Горда вест! Учениците од 8 одделение го освоија ВТОРОТО место на натпреварот!

Голема честитка за нивниот одличен резултат и покажана подготвеност!

Честитки за сите натпреварувачи за одличното претставување!

Со љубов за нашето Скопје!

По повод 13 Ноември – Денот на ослободувањето на Скопје, учениците од нашето училиште реализираа креативни активности посветени на нашиот главен град.

Со песна, боја и збор ја изразија љубовта кон Скопје – градот на храброста, топлината и спомените.

Нека овој ден нè потсети да ја чуваме слободата и да го сакаме градот во кој растеме!

Одговорни наставници: Емилија Блажевска, Роза Јаневска и Весна Стојковска

Малите чекори водат до големи соништа

Во рамките на “Месецот на штедењето”, на 07.11.2025 година, учениците од III одделение беа домаќини на претставници од НЛБ Банка.

Преку интересна и едукативна средба на тема „Штедиме и мечтаеме“, децата научија дека секое денарче има своја моќ – кога се штеди со љубов и цел, може да се претвори во исполнет сон!

Активноста ја реализираа наставниците од активот на III одделение.