СИТНИ АМА БИТНИ: НОВ ПРИСТАП КОН ОБУКА ЗАБЕЗБЕДНОСТ НА ХРАНА

Во нашето училиште на 18.10.2023 се одржа предавање од Катедрата за
микробиологија и микробна биотехнологија, при институтот за Биологија,
ПМФ- Скопје под раководство на проф. д-р Наталија Атанасова- Панчевска,
проект насловен СИТНИ АМА БИТНИ: НОВ ПРИСТАП КОН ОБУКА ЗА
БЕЗБЕДНОСТ НА ХРАНА
Учесници во предавањето беа ученици од осмо одделение.
Главната цел на проектот е преку иновативни, едукативни методи да се
информираат младите потрошувачи за хигиената и безбедноста на храната и да
се подготват едукативни материјали кои ќе им помогнат на наставниците во
продолжување на споделување на знаењето за безбедност на храна и нивно
користење во наставната програма и отпочнување на тренд за кревање на јавната
свест.

„Го сакам францускиот“ – Средба во Резиденцијата на Амбасадорот на Франција

Во рамките на проектот на француското Министерство за Европа и надворешни работи за

заживување на наставата по француски јазик во образовните системи на земјите од Западен Балкан, беше оформена мрежата на училишта “Го сакам францускиот“, во која е вклучено и нашето училиште благодарение на квалитетот на наставата по француски јазик кој се предава.

Денес, имаше средба со претставници од сите училишта од мрежата, директорот, професорот по француски јазик , како и по еден ученик, на коктел во Резиденцијата на Франција.

На средбата се разменија мислења, се сподели планот на активности за оваа учебна година, во позитивна атмосфера успешно да продолжи проектот.

Од нашето училиште присуствуваа директорката м-р Адријана Младеновска, наставничката Анета Митевска и ученикот од 9-1 Дејанчо Стојановски.

16 ОКТОМВРИ “МЕЃУНАРОДНИОТ ДЕН НА ХРАНАТА

ПО ПОВОД 16 ОКТОМВРИ “МЕЃУНАРОДНИОТ ДЕН НА ХРАНАТА” нашето училиште, во соработка со здружението “ЕКГ” и под покровителство на Општина Гази Баба беше дел од манифестација на тема “Здрава исхрана”. .

Учениците проследија едукативно предавање од стручни лица за здрава храна и учествуваа во работилница за приготвување на здрави рецепти. Заедно, учениците и наставниците изработија постери и цртежи на оваа тема.

Наставниците од нашето училиште Бојана М. Личева, Душанка Китановска и Марија Н. Наневска беа вклучени како коавтори на “Мини готвач со вкусни и здрави рецепти ” кој произлезе од оваа соработка. Истиот е достапен во нашата училишна библиотека.

НАШЕТО МОТО СЕКОГАШ Е ,, ДА СЕ ХРАНИМЕ ЗДРАВО ЗА ТЕЛОТО ДА НИ БИДЕ ЗДРАВО”. . .

🫘Во прилог фотографии преку кои ви пренесуваме дел од атмосферата.

МЕЃУНАРОДEН ДЕН НА ПЕШАЦИТЕ

По повод 15 ОКТОМВРИ ,,МЕЃУНАРОДНИОТ ДЕН НА ПЕШАЦИТЕ” ЕКО тимот и наставниците по физичко и здравствено образование реализираа кратка прошетка со учениците под мотото,,ОСТАВИ ГО КОМПЈУТЕРОТ ЗА ЧАС И ДВИЖИ СЕ СО НАС!”

🚶‍♀️Целта на оваа активност е: – подигање на еколошката свест за одржување здрава животна средина; – намалено користење на автомобилите; – движење пеш од и до училиште; 🚶За таа цел изработивме и флаери со кои сакаме да ја промовираме оваа идеја и помеѓу локалното население.

МЕЃУНАРОДНИОТ ДЕН НА Е-ОТПАД -14 Октомври

ПО ПОВОД МЕЃУНАРОДНИОТ ДЕН НА Е-ОТПАД -14 Октомври , ученици од 5. одделение присуствуваа на предавање организирано од еколошката организација ,,Екоѕвон,, во соработка со општина Гази Баба. ♻️Целта е развивање свест за рециклирање на електронски и електричен отпад и заштита на животната средина.

СИМУЛАЦИСКА ВЕЖБА ЗА ЗАШТИТА ОД КАТАСТРОФИ И ЕЛЕМЕНТАРНИ НЕПОГОДИ

ДЕНЕС, 13 Октомври, НАШИТЕ УЧЕНИЦИ И ВРАБОТЕНИ СПРОВЕДОА УСПЕШНА СИМУЛАЦИСКА ВЕЖБА ЗА ЗАШТИТА ОД КАТАСТРОФИ И ЕЛЕМЕНТАРНИ НЕПОГОДИ. ️

🔸️️️Вежбата имаше за цел: —да се проверат елаборатите и плановите за елементарни непогоди и катастрофи во училиштето; – –да се обезбеди високо ниво на подготвеност за дејствување при катастрофи со цел безбедно згрижување на учениците и вработените;

🔸️НАШАТА ИНСТИТУЦИЈА СО РЕДОВНИ СИМУЛАЦИСКИ ВЕЖБИ ЌЕ ПРОДОЛЖИ ДА СЕ ГРИЖИ ЗА СВОИТЕ УЧЕНИЦИ И ВРАБОТЕНИ И ВО ИДНИНА!

Ученичкиот парламент во посета на Собранието

НАШИОТ УЧЕНИЧКИ ПАРЛАМЕНТ ВО МАКЕДОНСКИОТ ПАРЛАМЕНТ🇲🇰 На лице место од Законодавниот дом каде се донесуваат најголемите државни одлуки.

Попатно ја посетивме Старата Скопска Чаршија и разговаравме со занаетчии кои со љубов работат занаети со долгогодишна традиција, од кои за жал некои се во изумирање.

Убава глетка!!! Пријатно чувство!!! Несекојдневно искуство и спомени низ фотографии !!!

26 септември – Европски ден на јазиците

Јазиците се нашето најголемо богатство!

Денес, 26.09 учениците од III-4 со наставничката по англиски јазик Андријана Недевска го одбележаа Европскиот ден на јазиците.

Изработки на учениците од 9-4 одд.

НОВ ПОЧЕТОК! НОВИ ПРЕДИЗВИЦИ! НОВИ МОСТОВИ!

На 15.09.2023 г.заеднички започнавме да ги имплементираме активностите на Првиот Проект „Градиме нови мостови“ поддржан од ОБСЕ и МОН. Го реализиравме и првиот наставен час по предметот Природни науки заедно со наставничките Бојана М. Личева и учениците од 6-4 одделение и Анида Адеми и учениците од 6-2 одделение од партнер училиштето ООУ „25 Мај“. Ние бевме гости кај нашите пријатели, во нивното училиште. Следната средба е кај нас и со нетрпение чекаме да ве известиме за активностите што заеднички ќе ги реализираме.

П.С. Научивме за хемиските својства, за боја, мирис, вкус, форма и идентификувавме физички својства на супстанците со помош на своите сетила. А, најинтересно изведувавме експеримент со кој ја истраживме растворливоста на различни супстанци во вода. Погледнете дел од атмосферата !