ЗАЕДНО ДО ПОГОЛЕМА БЕЗБЕДНОСТ И ПОДГОТВЕНОСТ

Денес, во нашето училиште тимот на Црвениот крст спроведе вежба за евакуација во случај на елементарни непогоди.

​Со целосна посветеност и според утврдениот план за евакуација, секој вработен организирано и безбедно ги евакуираше учениците надвор од училишните простории.

Ваквите активности се од клучно значење за градење навики за правилно реагирање, смиреност и взаемна поддршка кога тоа е најпотребно.

​Посебна благодарност до одговорните наставници Катерина Димовска и Марија Шереметковска за одличната организација и реализација на вежбата!

Хуманост, знаење и тимска работа – во духот на Црвениот крст

На 24.04.2026 година, во нашето училиште, во организација на Општинска организација на Црвен Крст – Гази Баба, се одржа Општинскиот натпревар по прва помош, каде учениците од нашето училиште ги покажаа своите вештини преку практични вежби и реални ситуации.

Настанот помина во одлична атмосфера, исполнета со посветеност, тимска работа и хуманост.

Честитки до учениците за нивниот труд и ангажман, како и голема благодарност до менторите Весна Димитровска и Бранкица Наумовска за поддршката и вложениот труд.

Првата помош е знаење што спасува живот

Заедно во борбата против ракот

Подмладокот на Црвениот крст во нашето училиште ја одбележа Неделата на борба против ракот (1–8 март).

Преку разговор и активности учениците потсетија колку се важни грижата за здравјето, здравиот начин на живот и редовните прегледи.

Испраќаме порака за поддршка, солидарност и надеж за сите кои се соочуваат со оваа болест.

Хуманоста на дело во ООУ „Дане Крапчев“

​Нашето училиште повторно е дел од програмата ЦКА-ПХВ (Црвен крст во акција)!

Преку неа, нашите ученици учат како со емпатија и активност да помогнат таму каде што е најпотребно.

​Што преземаме до 18-ти мај?

–​Ги препознаваме потребите на нашите сограѓани.

-​Анализираме реални ситуации и поддржуваме ранливи категории.

-​Реализираме конкретни хуманитарни акции на терен.

​Под менторство на наставничките Бранкица Наумовска и Весна Димитровска, нашиот подмладок докажува дека младите се движечката сила на доброто!

Месец на борба против зависности

Во периодот 24–28 ноември 2025, подмладокот на Црвениот крст при нашето училиште, под менторство на наставничките Бранкица Наумовска и Весна Димитровска, реализираше уште една значајна активност.

Овој пат, преку читање реферат, изработка на едукативни материјали и интерактивни дискусии, учениците поставија силна порака за здрави навики и свесност за штетноста од цигари, алкохол, електронски цигари и дрога.

Малите чекори што ги правиме денес создаваат големи промени во утрешнината

НЕДЕЛА НА БОРБА ПРОТИВ ДИЈАБЕТЕС

Подмладокот на Црвениот крст во нашето училиште, под менторство на наставничките Бранкица Наумовска и Весна Димитровска, во периодот 14–18 ноември 2025 реализираа едукативни активности со цел учениците подобро да се запознаат со ризиците и превенцијата од дијабетес.

Преку читање реферат, изработка на едукативни материјали и интерактивни дискусии, тимот на ЦК успешно ги прошири знаењата на учениците за значењето на здравите навики и раното препознавање на симптомите.

Заедно учиме, превенираме и се грижиме за здравјето!

Градскиот натпревар по прва помош

Нашиот училиштен тим на ЦРВЕНИОТ КРСТ учествуваше на Градскиот натпревар по прва помош, каде што го освои петтото место на ниво на Град Скопје и покажа дека е подготвен за укажување на прва помош на високо ниво.

Браво за учениците на нашиот тим:

1 Анастасија Ивановска-капитен

2 Вероника Златковска

3 Jaсна Филeвска

4 Тео Бојанчев

5 Jана Ангелова

6 Христијан Десподовски

Благодарност до нашата волонтерка Адриана Стоилевска за соработката.

Одговорен наставник за подготовки на тимот – Бојана М. Личева

ДЕНЕС е ден за ПЕХАР!!!

На 45-от Општински НАТПРЕВАР за ПРВА ПОМОШ нашиот тим докажа дека е спремен да укажува помош кога е потребно.

Тимот составен од: Јана Ангеловa, Христијан Деспотовски, Тео Бојанчев, Анастасија Ивановска Јасна Филевска и Вероника Златкова, го сместија нашето училиште помеѓу најспремните.

Тие го освоија III место на натпреварот.

Благодарност до Адриана Стоилевска која помогна  во подготовките.

Одговорни наставници на ,,Тимот за црвен крст”-

Бојана М.Личева и Весна Димитровска

Работилница – Кажи НЕ на дрогата

Оваа недела тимот на Црвениот крст од нашето училиште ја посвети на борба против болестите на зависност.

Фокус на работилницата беше горчливиот проблем -употребата на дрога.

Учениците Аника Велковска, Тео Бојанчев, Мила Велковска и Тамара Костовска споделија информации за штетните последици од употреба на дрога.

Акцент ставивме на превенцијата, на знаците кои укажуваат на наркоманија и како да му помогнеме на некој кој се бори со зависности.

Одговорен наставник на Тимот на Црвен крст – Бојана М.Личева.

4 Ноември – Светски ден на дијабетесот

Тимот на Црвен крст во нашето училиште изминатата недела го одбележа Светски ден на дијабетесот .

Учениците изработија едукативно пано,презентација и реферат со корисни информации за оваа заболување,со цел да допринесат за превенција и подигање на свеста кај јавноста за дијабетесот.

Дијабетесот е хронична болест која се јавува кога панкреасот не произведува доволно инсулин или кога телото не може ефикасно да го користи инсулинот што го произведува.

Инсулинот е хормон кој го регулира шеќерот во крвта. Хипергликемија, или покачен шеќер во крвта, е најчест ефект на неконтролиран дијабетес и со текот на времето доведува до сериозно оштетување на голем број системи на телото, особено на нервите и крвните садови.

Постојат три типа на дијабетес: дијабетес тип1, дијабет тип2 и гестациски дијабет.

Во прилог ги споделуваме изработките на нашите ученици: Ева Стојмановска, Марија Трајковска, Калина Павлевска и Мила Николова.

Одговорен наставник за активноста – Бојана М. Личева.