За македонската азбука

Секој човек го зборува својот мајчин јазикот уште од мал. Јазикот е процес кој трае, и затоа се учи цел живот. Со јазикот луѓето лесно ја пренесуваат мислата, комуницираат меѓусебе и се разбираат. Преку јазикот најдобро се идентификуваат националностите, кои се, и од каде доаѓаат. За Македонија, македонскиот јазик е непроценливо богатство, основно национално обележје по кое се препознаваме во светот.

           Македонскиот јазик има своја азбука. Развојот на денешната македонска азбука датира уште со појавата на глаголицата и потоа со замената на глаголицата со кирилица и со постепено развивање и усовршување на гласовно-графичкиот систем. До 10-тиот век македонскиот јазик користел различни други писма, како што е грчкото писмо или некои сè уште недешифрирани писма, но со појавата на глаголицата се стандардизирала писменоста. Така, од X па сè до 19 век македонскиот јазик ги користел следните азбуки: глаголица, кирилица, црковно-мкедонско писмо, илинденска азбука.

Современата македонска азбука се темели на кириличната азбука на Крсте Петков Мисирков, а некои ортографски знаци се преземени од азбуката на Вук Караџиќ, Крсте Петков Мисирков користел знаци за истите тие гласови.

Најбогатиот период, во поглед на развојот на стандардната македонска азбука, е периодот на преродбата, поточно од средината на XIX век до почетокот на XX век. Во овој период голем број на македонски интелектуалци вршеле реформи за поедноставување на македонската илинденска азбука и со тоа стандардизирање на македонскиот правопис.

 На 5 мај 1945 година, со Решение на Народната влада на Федерална Република Македонија е усвоена азбуката на македонскиот јазик, а по два месеци, Министерството за просвета го озакони првиот правопис на македонскиот јазик.

            Нашиот великан Блаже Конески, чијшто заслуги за создавањето на македонската азбука и кодификацијата на македонскиот јазик се огромни, во една прилика беше рекол дека

           ,,Јазикот е нашата најкомплетна татковина”.

            Стандардна македонска азбуката е:

Големи букви
АБВГДЃЕЖЗЅИЈКЛЉМНЊОПРСТЌУФХЦЧЏШ
Мали букви
абвгдѓежзѕијклљмнњопрстќуфхцчџш

            Оваа азбука претставува печатен облик на писмото, додека ракописното писмо  е многу поразлично.

Да го зачуваме нашето најголемо национално богатство – Македонскиот јазик.

Занимливост: Во нашата азбука се кријат две именки.Пронајдете ги!

Решение:  ТСРП  и  ЖЕ.

                            (одговорот се чита од назад кон напред)

118 години од смртта Гоце Делчев

На денешен ден, 4 мај 2021г, се навршуваат 118 години од убиството на Гоце Делчев во село Баница, Егејска Македонија. Ѓорѓи Николов Делчев (Кукуш, 4 февруари 1872 – Баница, 4 мај 1903) бил македонски револуционер, учесник во македонското револуционерно движење, деец на Македонската револуционерна организација, идеолог, организатор и водач на македонското револуционерно национално ослободително движење кон крајот на 19 и почетокот на 20 век. Човекот кој го разбираше „светот како поле за културен натпревар меѓу народите“ и кој сметаше дека „никој не пострадал повеќе од предавствата на своите како Македонците“, ќе остане запаметен и како бескомпромисен противник на какво било мешање на надворешен фактор во ослободителното дело на македонскиот народ. Македонски револуционер, визионер, организатор и предводник на македонското национално-ослободително движење. . . , тој е еден од плејадата никогаш незаборавени и вечни патоводители на македонскиот народ. Неговата револуционерна дејност започнува од најрани години. Револуционерната дејност на Гоце Делчев започнува уште во текот на школувањето од 1893 година и трае се’ до неговата легендарна и херојска смрт, на 4 мај 1903 година. Во овој период тој се изградува во школуван воен стратег, познавач на воената вештина и тактика, но и организатор и неуморен проширувач на новооформената македонска револуционерна организација (МРО).

„Креативно против насилството“

Ние Учениците од ООУ. „Дане Крапчев“ од 6, 7 и 8 одделение во изминатиов период творевме на тема „Креативно против насилството“. Се обидовме на креативен начин да допринесеме за спречување на било каков облик на насилство. Се надеваме дека нашите творби ќе ви се допаднат и дека ќе ја прифатите пораката која ја пренесуваат.

Сите заедно да дејствуваме против насилството, да се дружиме, да ја развиваме хуманоста и емпатијата.

Од учениците Од ООУ „Дане Крапчев“

Прво место за песна на конкурсот „БЗР од мали нозе 2021“

      На конкурсот „БЗР ОД МАЛИ НОЗЕ 2021 година”, песната со наслов БЕЗБЕДНОСТ И ЗДРАВЈЕ ПРИ РАБОТА  чиј автор е ученикот Христијан Гочевски Иваноски  со ментор – наставничката Билјана Трајановска, од ООУ„ Дане Крапчев “- Гази Баба   беше рангирана и освои награда:

 – Безбедност и здравје при работа , Христијан Гочевски Иваноски – V-1 одд – Прво место во Категорија 1 – Песна на тема безбедност и здравје при работа .

Честитки за ХРИСТИЈАН!

БЕЗБЕДНОСТ И ЗДРАВЈЕ ПРИ РАБОТА

Секој мора да знае

за утре да не се кае,

животот е еден

но, не секому е меден.

Во рудникот влегува рудар.

Тој мора да е мудар.

На главата да носи  шлем

со македонскиот амблем.

Катастрофа ко од шала,

ќе настане од грешка мала

со хемиски препарати и

електрични апарати.

Здравствениот работник

маска и ракавици да носи ,

неговите најмили

болест  да не ги покоси.

                                                                                                         Христијан Гочевски Иваноски  V-1

 Работното место                                                                       O.O.У:,,Дане Крапчев”-Скопје

 не секогаш е лесно.                                                                  Ментор:Билјана Трајановска

Биди информиран,                                                                    Конкурс за категорија:1

во униформа програмиран!                                

Прво место на конкурсот „Блаже Конески“

       По повод одбележувањето на 100- годишнината од раѓањето на Блаже Конески Министерството за образование и наука објави Конкурс за ученици од основното образование инспирирани од делата на Блаже Конески. Согласно критериумите утврдени во Конкурсот, комисијата избра најдобра поетска творба и најдобар расказ.  Нашиот ученик ХРИСТИЈАН ГОЧЕВСКИ ИВАНОСКИ  од  V -1 освои прво место во категоријата за најдобри творби во расказ.

Честитки Христијан!

Прва GLOBE on-line обука

На 22 и 23 Април се спроведува обука за имплеметација проектот “GLOBE одржлива програма” ,кој ќе биде нашиот следен предизвик.„Прва GLOBE on-line обука – Северна Македонија, Хрватска и Словенија“ се спроведува преку онлајн платформата ZOOM , а учесници од нашето училиште се наставниците по биологија Б.М.Личева и Д. Китановска .Отпочнувањето на оваа програма го подржа министерката за образование М. Царовска, Г-ѓа Кејт Брнз, амбасадор на САД во Република Северна Македонија и Министерството за животна средина, а целта е да се потикне учењето преку научно истражувачката работа во училиштата.Целта на проектот е да овозможи одржливост на Globe програмата преку нејзина практична имплементација во училиштата , со цел стекнување поголемо знаење за животната средина, како и зголемување на свеста за климатските промениПроектот е финансиски поддржан од Амбасадата на САД во Северна Македонија, а реализиран од страна на Центарот за истражување и информирање за животната средина, Еко-свест од Скопје. Со едукација го прославивме роденденот на нашата планета!

Известување за запишување во прво одделение во учебната 2021/22 година

ЗАПИШУВАЊЕТО НА УЧЕНИЦИТЕ ВО ПРВО ОДДЕЛЕНИЕ ЗАПОЧНУВА ОД 01.05.2021 односно од 04.05.2021 ГОД.(поради празници и неработни денови) И ТРАЕ ДО 31.05.2021 ГОД.

Родителот е должен да го запише детето кое до крајот на каледнарската година односно до 31.12.2021 год. ќе наполни 6 години. Во прво одделение може да се запише и дете кое до 31.01.2022 год. ќе наполни шест години, но по претходно барање на родителот/старателот и по дадено мислење од страна на педагогот или психологот на училиштето.

Запишувањето може да се врши со електронска пријава на услугата https://uslugi.gov.mk или со физичка пријава во рамките на училиштето секој работен ден од 08 до 16 часот. Телефон за контакт 02525292.

При запишување на детето во прво одделение родителот, односно старателот е должен да достави потврда за примените задолжителни вакцини за детето, офталмолошки и стоматолошки преглед, издадена од надлежна здравствена установа. За добивање на потврда од стоматолог во Поликлиника Ченто, според протоколите и укажувањата од МЗ, родителите треба претходно да се јават да закажат термин на тел. 02 2522-235 локал 120 за да се избегне групирање во чекална.

Имајќи ја во предвид светската пандемија предизвикана од вирусот COVID 19, Министерство за образование и наука укажува дека

– ДОКОЛКУ ПРИ ЗАПИШУВАЊЕТО ВО ПРВО ОДДЕЛЕНИЕ РОДИТЕЛОТ НЕ ДОСТАВИ ПОТВРДА ОД ИЗВРШЕН ОФТАЛМОЛОШКИ ПРЕГЛЕД, ПОТРЕБНО Е ДА ПРИЛОЖИ УПАТ ЗА ВРШЕЊЕ ОФТАЛМОЛОШКИ ПРЕГЛЕД. Во тој случај училиштето условно ќе ги прими документите на ученикот по што родителот треба да ја донесе потврдата за извршен офталмолошки преглед веднаш по добивање добивање на истата, но не подоцна пред започнување на учебната 2021/2022 година.

– ДОКОЛКУ ПРИ ЗАПИШУВАЊЕТО ВО ПРВО ОДДЕЛЕНИЕ РОДИТЕЛОТ НЕ ДОСТАВИ ПОТВРДА ОД ИЗВРШЕН СТОМАТОЛОШКИ ПРЕГЛЕД, се дава можност истата да ја достави пред започнување на учебната 2021/2022 година.
Подетални информациите за потребни документи можете да добиете од следното видео:

22 Април-Ден на планетата Земја

   22 Април е Меѓународниот ден на планетата Земја .  Се одбележува  со цел подигање на свеста за заштита на животната средина и намалување на загадувањето.

 Денот на планетата Земја претстaвува можност секој од нас како дел од планетата да размисли за своето однесување кон  Земјата,  дали се однесуваме правилно и одговорно  и што можеме да направиме да биде почиста и поубава.

Бидејки само здрава и чиста животна средина може да ни овозможи квалитетен живот.

Неопходно  е сите ние секојдневно да се трудиме правилно да ги чуваме природните убавини во својата најблиска околина.

Преку Еко пораките потсетуваме како сите ние можеме да и помогнеме на нашата планета Земја и да допринесеме за нејзиното зачувување :

Редуцирај го отпадот кој секојдневно го фрлаш !

Реупотребувај и потикнувај секогаш кога можеш !

-Рециклирај  и подржи го рециклирањето со тоа што ќе купуваш производи со рециклирана содржина !

Штедете ја колку можете електричната енергија !

-Штедете  ја водата!

-Користете  ги велосипедите а на автомобилите !

Да ги погледнеме изработките по повод 22 Април  од вредните рачиња на вашите ученици!!!!

                                                                        Подготвил  ЕКО Тимот

Ново катче на учениците- креативци

Драги наши,

Со голема радост сакаме да Ви соопштиме дека покрај нашата препознатлива веб страница, стартува и блогот на учениците наречен

„Дружината на Дане Крапчев“

Креатори се мотивираните ученици кои неуморно започнаа со истражување и пишување од различни области, за кои допрва ќе читате и дознавате. Тимот на блогот, на самиот почеток е составен од 30 ученици, кои избраа наслов на блогот, лого и 7 уредници.

Добредојдени се сите ученици кои имаат желба да ги изразат своите размислувања преточени во интересни објави за различни содржини: книги, спорт, музика, мода, здравје, наука, филм, хоби и што ли уште не!

Имињата на уредниците и нивните mail адреси се објавени на блогот, а сите вие кои ќе покажете интерес да бидете дел од ова наше креативно катче, имате можност вашите текстови да ги пратите кај нив, ќе бидат обајвени со ваше име и презиме.

Дојде време сите вие креативци да го добиете вашето заслужено место, токму на блогот – Дружината на Дане Крапчев

Читајте, споделувајте, уживајте заедно со ДРУЖИНАТА!!!