Избор на првенец на генерација

Драги деветооделенци

Се наближува крајот на учебната година а со тоа и крајот на вашето образование во нашето училиште. Дојде време да ја почнеме процедурата за избор на првенец на генерација. Пријавувањето трае до 1 јуни 2022, а документите да се достават кај наставничката Катерина Лукарова. Среќно!

Во продолжение е Правилникот за пофалби и награди

Мултикултурализмот во образованието – Активност 2

Продолжуваме со реализација на следната активност на тема Уметничка работа на учениците „Ученици уметници“ од проектот “Мултикултурализмот во образованието”. Активноста 2 се реализираше во просториите на ООУ “25 МАЈ” во соработка со ООУ “ДАНЕ КРАПЧЕВ” на ден 10.05.2022 година. Целта на активноста беше учениците да разберат дека и отпадот може да го претвориме во уметничко дело.
Голема благодарност до учениците од двете училишта, до родителите кои помогнаа во реализација на активностите и благодарност до колегите од ООУ „25 Мај“ кои се вклучени во овој проект и беа одлични домаќини.

Пријателски места за аутизам

Македонското научно здружение за аутизам и ООУ “Дане Крапчев” склучија меморандум за соработка во рамките на проектот “Пријателски места за аутизам”. Во овој проект нашето училиште се стекна со 11 сертифицирани амбасадори (наставници и стручни соработници) и сертификат за училиштето како пријателско место за аутизам. 💛❤️💙🖐🏾🖐🏼🖐🏻

Нашето училиште обезбеди: 1. Тивко место за смирување при реакција на вознемиреност поради пречувствителност.

2. На учениците со аутистичен се ставија на располагање спектар ситни манипулативи -сензор за стимулација.

3. Табла/постер за комуникација со помош на симболи.

4. Едукативни материјали за примена на техниката социјални приказни за поддршка на разбирање на учениците на теми: училиште, дневни рутини, однесување и здравје.

5. Визуелен распоред на децата со аутистичен спектар.

Мултикултурализмот во образованието

Работилницата се одржа на 06.05.2022 година во Еко градината на нашето училиште. Голема благодарност до учениците од двете училишта, до родителите кои помогнаа во реализација на активностите и благодарност до колегите од ООУ „25 Мај“ кои се вклучени во овој проект.

Беше задоволство за учениците и позитивно искуство при реализација на активност 1„Весели емотикони“ во рамки на проектот „Мултикултурализмот во образованието“ во соработка со нашето партнер училиште ООУ „25 Мај“.

Работилницата се одржа на 06.05.2022 година во Еко градината на нашето училиште. Голема благодарност до учениците од двете училишта, до родителите кои помогнаа во реализација на активностите и благодарност до колегите од ООУ „25 Мај“ кои се вклучени во овој проект.

Регионален натпревар по француски јазик

На 6 Мај 2022 година во ООУ „Димитар Миладинов“ се одржа регионалниот натпревар по француски јазик.

На натпреварот учествуваа ученичките Сара Ангелова, Јована Ивановска и Ева Серафимовска од осмо одделение. Сите покажаа одлични знаења а ученичката Сара Ангелова се пласираше на државниот натпревар.

Честитки за сите, а на Сара и посакуваме успех на државниот натпревар кој ќе се одржи во среда, 11 Мај во ООУ „Невена Ѓоргиева Дуња“

Регионален натпревар по англиски јазик

На 07.05.2022 година се одржа регионалниот натпревар по Aнглиски јазик за основно образование што ја организира асоцијацијата на наставници по англиски јазик и книжевност на ЕЛТАМ во ООУ „Круме Кепески“ – Кисела Вода.

На овој натпревар од нашето училиште учествуваа учениците од V, VI, VII, VIII и IX одделение.

Елена Наумова V-3 одделение II (второ) место –ментор Кочова Весна

Илина Јордановска V-1 одделение III (трето) место – ментор Кочова Весна

Софија Мијалковска VI-3 одделение III (трето) место – ментор Катерина Лукарова

Калина Шипинковска VI-3 одделение III (трето) место– ментор Катерина Лукарова

Дора Николова VII-4 одделение I (прво) место – ментор Весна Трајковска

Елена Цветковска VII-4 одделение II (второ) место – ментор Весна Трајковска

Даријан Саравинов VIII-3 одделение III (трето) место – ментор Весна Трајковска

Алексеј Стојановиќ IX-3 одделение II (второ) место – ментор Катерина Лукарова

Дона Тасева IX-3 одделение III (трето) место – ментор Катерина Лукарова Сите ученици се пласираа на државниот натпревар

Им честитаме на учениците и нивните ментори.

Обука „Алгоритми“

Заврши втората мобилност од Erasmus+ KA229 проектот BAR CODE наменет за обука на наставници. Домаќин беше училиштето ” Портела” од Лисабон, Португалија. Креативни, инспиративни и корисни работилници за алгоритми, програмирање и роботика. Следната мобилност е во октомври во нашето училиште.

Ден на македонскиот јазик – 5 мај

Македонскиот јазик е темелот на нашиот идентитет. Неговиот развој го следиме уште од далечниот IX век па с’е до неговото прогласување за службен јазик во нашата држава на 2 август 1944, на Првото заседание на АСНОМ. Овој долгогодишен развој на македонскиот јазик многу јасно говори за нашето коренито потекло, историја и традиција. Затоа наша задача е да го чуваме и негуваме јазикот, само така ќе останеме верни на нашите претци и ќе ја зачуваме културата и традицијата на нашата татковина.

Денот на македонскиот јазик 5 мај, нашите ученици го одбележаа со креативни изработки.

Нека ни е честит и вечен

5 мај, Денот на македонскиот јазик!

Регионален натпревар по БИОЛОГИЈА

Регионалниот натпревар по БИОЛОГИЈА се реализираше на 09.04.2022 година и нашите ученици ги постигнаа следните резултатити

VII одд.

Мила Златановиќ- III награда

Теона Јовева-III награда

Катарина Пислевиќ- III награда

VIII одд.

Mихаела Димчова – II награда и продолжува на државен натпревар

Ања Јовановска- II награда и продолжува на државен натпревар

IX одд.

Теона Димишковска- II награда и продолжува на државен натпревар

Алексеј Стојановиќ – II награда и продолжува на државен натпревар

Матеј Крстевски – II награда и продолжува на државен натпревар

Им честитаме на сите ученици за постигнатиот успех и им посакуваме уште поголем успех на ученици кои продолжуваат на Државниот натпревар.

Упис на ученици во I одд во учебна 2022/2023 год.

Врз основа на член 60 и член 183 став 3 од Законот за основно образование (Сл.весник бр.161 /19) и општинско основно училиште ,,Дане Крапчев“ – Скопје објавува ПОКАНА за запишување ученици во прво одделение во учебната 2022/2023 годинаПраво за запишување во прво одделение имаат:- деца родени 2016 год., односно кои до крајот на календарската 2022 година ќе наполнат 6 години. – деца кои до 31 јануари 2023 ќе наполнат 6 години, по барање на родителот и со добиено мислење од педагог и психолог од училиштето.

За запишување во прво одделение потребни се следните документи:

• Лична карта од родител – на увид

• Извод од матична книга на родени за детето (може и копија)

• Врз основа на член 60 став 2 при запишувањето на детето во прво одделение родителот, односно старателот е должен да достави:

1. потврда за примените задолжителни вакцини за детето, издадена од надлежна здравствена установа. Потврдата за примени вакцини треба да се извади од советувалиште за вакцини или т.н. вакцинални пунктови.

2. Потврда од стоматолошки преглед издадена од надлежна здравствена установа. Потврдата за систематски преглед на заби може да се извади од поликлиника, каде што има ординација за детска и превентивна стоматологија.

3. Потврда од офталмолошки преглед издадена од надлежна здравствена установа.

4. За запишување на дете со попреченост во прво одделение родителот, односно старателот е должен да достави и Мислење/функционален профил од комисијата за проценка на деца и младинци за дополнителна образовна, социјална и здравствена поддршка според МКФ.

5. За запишување на детето кое ќе наполни шест години до 31 јануари 2023, потребно е претходно родителот односно старателот да поднесе писмено Барање за запишување во училиштето и по добиено позитивно Мислење од педагог и психолог на училиштето.

Родителот/старателот потребно е најпрво да пополни Пријава за запишување на детето. Запишувањето може да се врши со електронска пријава на услугата https://uslugi.gov.mk или со физичка пријава во рамките на училиштето секој работен ден од 08 до 16 часот. Телефон за контакт 02525292. По доставената пријава родителот/старателот ќе биде контактиран телефонски од страна на Комисијата за запишување во прво одделееление. Пред да се изврши опсервација на детето родителот/стратаелот е должен да достави комплетна документација за детето според огласот. Реонизација на училиштатаВрз основа на член 63 од Законот за основно образование (Сл.весник бр.161 од 05.08.2019 год.:

– Родителот, односно старателот има право да го запише детето во основното училиште во реонот во кој живее или каде што постојано престојува.

– Основното училиште е должно да ги опфати учениците од својот реон.

– Родителот, односно старателот може да го запише детето во друго основно училиште во истиот или друг реон ако за тоа има согласност од училиштето во кое се запишува и од училиштето од реонот во кој живее или каде што постојано престојува.

– Основното училиште може да запише ученици од друг реон или од друга општина само доколку има слободни места за запишување или доколку ученикот од другиот реонили општина нема можност за следење на наставата на својот мајчин јазик во својот реонодносно општина.

НАПОМЕНА:

– Родителот, односно старателот ако ученикот не го запише во рокот утврден во членот 60 став (2) од Законот за основно образование , ако не му овозможи на своето дете да ја исполни обврската за задолжително основно образование и воспитание (член 8 став (2), пропишана во Законот за основно образование, за која е должен, одговорноста ја сноси родителот, односно старателот. ООУ„Дане Крапчев“ Скопје Комисија за упис на ученици во прво одделение