“Градиме нови мостови” – Завршна манифестација

На 16 септември 2025 година, општина Бутел и ООУ “Живко Брајковски” беа домаќини на завршниот настан од двегодишниот проектот “Градиме нови мостови” чиj носител е мисијата на ОБСЕ, со поддршка на Министерството за образование и наука, Амбасадите на САД, Холандија, Полска и Луксембург.
Проектот е продолжение на претходните активности на Мисијата, насочени кон меѓуетничка интеграција во образованието, унапредување на демократијата и на социјалната кохезија во државата. Беа вклучени околу 30 училишта и 2600 ученици кои имаа заеднички активности – часови, спортски настани и дружење.
Со пораки за толеранција, заедништво и соработка меѓу учениците од различни етникуми, се обратија амбасадорот на ОБСЕ во РСМ, г. Килиан Вал, министерката за образование и наука Весна Јаневска и амбасадорките на Соединетите Американски Држави и Норвешка, Анџела Агелер и Кристин Мелсом, кои за успешната работа и нашата посветеност врачија плакети на претставниците на училиштата кои учествувале во проектот.
Ова признание е доказ дека преку образование, почит и заеднички ангажман, можеме да изградиме иднина во која различностите нè зближуваат, обединуваат и создаваат посилна заедница.
Нашето училиште со гордост учествуваше во завршниот настан од проектот за меѓуетничка интеграција, каде што беа презентирани активностите и резултатите кои ги реализиравме со учениците. Затоа, посебна благодарност упатуваме до координаторот на Тимот на МИО, Роза Јаневска и наставничката по природни науки и биологија Бојана М.Личева за вложената енергија, труд и ентузијазам, како и до директорката Андриана Младеновска која со својата визија и поддршка овозможи успешна реализација на активностите. НАЈГОЛЕМО БРАВО за учениците од 6-4 одделение кое две години неуморно и со голем труд работеа на овој проект заедно со нивната наставничка Бојана М.Личева. Благодарност и до нашите партнер училишта ООУ „Наум Наумовски Борче“ и ООУ „22 Ноември“, на учениците од VI-в одделение и нивниот ментор Анида кои беа вклучени во сите заеднички активности.

Уште еден УСПЕШНО ЗАВРШЕН заеднички ПРОЕКТ ,,Мултикултурализмот во  oбразованието“ со училиштето ООУ „22 Ноември“

Успеавме да создадеме книга со наши лични литературни творби напишана на македонски и албански јазик.

Им благодариме на сите наши соученици, другарчиња и на нашите наставнички кои ни помогнаа да го реализираме овој предизвик.

Промоцијата на книгата се одржа на свечена приредба на 03.06.2025 година во просториите на ООУ „22 Ноември“ .

Голема благодарност до МОН, кое поддржува вакви проекти и дава грант за истите да се реализираат.

Благодарност до директорките на двете училишта Адријана Младеновска – ООУ „Дане Крапчев“ и Сузана Курбардовиќ“- ООУ „22 Ноември“ кои несебично се заложија и помогнаа да се реализираат сите предвидени активности.

НАЈГОЛЕМА БЛАГОДАРНОСТ до координаторот на овој проект од нашето училиште, наставничката Роза Јаневска и координаторот од другото училиште, Дитурие Сејфедини

кои цело време беа наша најголема поддршка, наша мотивација и наша движечка сила.

Голема благодарност и до Тимовите на МИО од двете училишта, наставничките Марина Пејковска -информатика, Елена Малинова-македонски јазик и Жаклина Атанасовска-

библиотекар.

ЗА КРАЈ!

Чест беше да се учествува во ваков проект.

Не само што ИЗДАДОВМЕ СОПСТВЕНА КНИГА, туку уште поважно, запознавме нови другарчиња, отворивме нови врати кон иднината, се стекнавме со трајни вредности како почитта, толеранцијата, тимската работа, сочуството и заедништвото.

Научивме и по некој збор од другиот јазик, како и дел од културата и обичаите на различната култура од нас. Разбравме дека различноста е многу убава, бесценета и треба да се негува.

Одговорен наставник и реализатор на проектот- Роза Јаневска наставник по историја.

„Мултикултурализмот во образованието“ – 4

Четврта работилница во ООУ „Дане Крапчев“ финализирање на книга (26.05.2025) и посета на издавачка куќа (27-31 Мај).

Претпоследна заедничка работилница предвидена со активностите од проектот: „Мултикултурализмот во образованието“

Овој пат изработивме насловна страна за нашата заедничка книга: „Книга од соништата“ под наслов „ПРИЈАТЕЛСТВО“ за која беа задолжени нашите  другарчиња Никола Тргачевски Владевски и Петар Стефановски од VII-2 под менторство на наставничката по информатика Марина Пејковска.

Останатите ученици ги уредуваа, преведуваа личните творби со поддршка на наствничките

по македонски јазик Елена Малинова, албански јазик наставничката Дитурие Сејфедини и наставничката по историја Роза Јаневска.

Огромно задоволство и позитивно искуство е за сите нас што ќе оставиме белег во нашите животи и траен спомен за нашите училишта и идните генерации.

Се надеваме дека сите вас ве поттикнавме да бите креативни, сплотени, иновативни и во иднина и вие да превземете вакви ученички иницијативи.

Финалниот потег е печатење на нашата заедничка книга која ќе се реализира во печатницата

ФОКУС ПРИНТ во Скопје.

Голема благодарност до генералниот директор Имер, генералниот менаџер Јусуф Гоѓуфи и останатиот тим кои ќе се погрижат за изработката и издавање на Книга од соништата.

Не примија со широко отворени раце, разбирање и почит. Им благодариме.

Голема благодарност и до МОН кое ги доделува овие грантови на училиштата кои придонесуваат за развој и унапредување на мултикултурализмот, меѓуетничката интеграција и толеранција.

Преку овие проекти се промовираат добри практики во кои се негуваат хармонични односи кои се темелат на почитување на разликите, соживот, заедништво, трајни пријателства, трајни вредности, а притоа градејќи едно мултиетничко и мултикултурно општество со што се овозможува градење на современи, успешни и ефективни воспитно-образовни установи.

За крај Ве ПОКАНУВАМЕ сите вас драги ученици, родители, пријатели, вработени, локална заедница, претставници на општина Гази Баба и МОН да дојдете на нашата заедничка промоција на книга која ќе се реализира на свечената приредба на 04.06.2025 година во просториите на нашето партнер училиште ООУ „25 Мај“ во 17:00 часот.

Одговорен наставник за активноста: Роза Јаневска- наставник по историја.

Мултикултурализмот во образованието 3

Уште една заедничка средба предвидена со Проектот „Мултикултурализмот во образованието“, овој пат во просториите на ООУ „25 Мај“, 28 април 2025.

Повторно ние децата заедно, но дружба на поинаков начин. Целта е да твориме за Другарството и со нашите креации да создадеме Фото книга од соништата, но овој пат решивме дека приоритет ни е да се дружиме преку игра.

Спортот е најубавата тимска игра преку која сакаме да покажеме колку многу можеме кога заеднички дејствуваме, учиме еден од друг, си помагаме, споделуваме, го зајакнуваме тимскиот дух, промовираме заеднички вредности, придонесуваме за развојот на својата заедница и со истрајност стигнуваме до остварување на поставената цел- „Градење и негување на трајни вредности“.

Голема благодарност до наставникот по Физичко и здравствено образование Фљорим Муртезани кој ни овозможи преку игри, вежби и пријателски натпревар да имаме убаво поминато време со нашите другарчиња.

Ова беше задоволство и позитивно искуство за сите нас.

Проект „Мултикултурализмот во образованието“

Проект „Мултикултурализмот во образованието“

Втората работилница се одржа во ООУ „Дане Крапчев“ во училишната библиотека каде имавме можност да се запознаеме со книжниот фонд на библиотеката, видови на литература, познати книги и автори, а се запознавме и со дел од читателите кои позајмуваат книги во библиотеката.

Оттука добивме идеја за создавање на наша КНИГА во која ќе оставиме свој личен печат.

Голема благодарност за споделените искуства кои ги дознавме од библиотекарката Жаклина Атанасовска.

Следната активност се случи во училницата по историја каде повторно заедно читавме, ги споделивме нашите творби со другарчињата, преведувавме и научивме по некој збор на друг јазик.

Следно беше кршење со јајца каде на своите другарчиња им ги покажавме обичаите за прославување на празникот Велигден, а потоа правевме дизајни за насловна страна на нашата КНИГА преку ликовен цртеж.

И на крај до сите вас-нашата домашна задача е да објавиме конкурс со кој ќе ве поканиме и вас кои сте заинтересирани да ни се приклучите во проектот со ваша лична творба.

Информациите ќе бидат објавени на веб страните на двете училишта.

Учесници во проектот – наставниците Роза Јаневска и Дитурие Сејфедини со ученици од V, VI и VIII одд.

Мултикултурализмот во образованието

Стартуваме повторно со Проектот „Мултикултурализмот во образованието“ со нашите долгогодишни другарчиња од ООУ „25 Мај“.

Првата работилницата се одржа на 17.04.2025 година во просториите на ООУ „25 Мај“ организиранa од страна на наставничката Дитурие Сејфедини и учениците од 5-то одделение и

наставничката Роза Јаневска и ученици од 8-4 и 6-2 одделение.

Активност 1 – Творење – пишување на поезија и Избор за наслов на заедничка тема како мото за создавање на книга

Учениците се запознаа, дискутираа меѓу себе, твореа лични творби на тема „Другарство“, потоа читаа на двата мајчини јазика-албански и македонски и ги искажуваа своите мисли и идеи.

Споделија пред другарчињата кои книги ги имаат прочитано, колку книги имаат прочитано, која им е омилена книга и автор и дојдоа до заклучоци и потреба да создадат своја креација КНИГА која ќе се состои со нивни лични креации, ќе ја промовира мултикултурата, другарството и соработката и ќе биде напишана на албански и македонски јазик.

Овие активности ќе придонесат учениците да развиваат свест за прифаќање на различноста и љубов и почит кон читањето и на друг јазик; да бидат креативни, да разменуваат мислења и дружењето и соработката да продолжи и во иднина.

Активност 3 – Проект „Мултикултурализмот во образованието“

Малку прошетка, разгледување на убавините и занаетите во нашиот град, работна атмосфера, соработка со позитивна енергија, а тема? „Стари занаети во Скопје“, Проектна работа. 06 и 07. Јуни 2024 година.

На работилницата Учениците имаа за задача да истражуваат на интернет за: „Занаетчиството во Старата Скопска чаршија” за различни занаети кои биле застапени на подрачјето на Старата Скопска чаршија низ историјата. Потоа своите презентации ги презентираа пред своите другарчиња, наставници, родители. Посета на Стара чаршија, разгледување на занаетчиските работилници, појаснување за тоа што е ЕСНАФ. Учениците посетија повеќе занаетчиски дуќани и се запозна со занаетите: јорганџија, опинчар, јажар, крзнар, грнчар, шапкар, казанџија, копчар, саатчија, ракотворби-изработка на сувенири, домашна ракотворба, филигран, накит и слични производи, производство на музички инструменти и изработка на македонски рубин (научија дека кај нас во Македонија, Прилеп се ископува каменот рубин кој го има само на нашето поднебје и во Шри Ланка и е од исклучителна важност бидејќи е драг камен). По посетата од сите занаетчиски дуќани учениците споделија мислења за профитабилноста и дали старите занаети имат средства за одржување на едно семејсто или со текот на времето и овие занаетчии што опстојуват еден ден ако немаат поддршка од државата ќе изумрат. И на крај РАБОТИЛНИЦА-ученици мајстори и презентирање на сработеното.Беа вклученици 30 ученици од 7,8 и 9-то одделение, 1 родител-Теута Хаскај и координаторите на Тимовите на МИО, Саљате Бектеши и Роза Јаневска. Одлично искуство, стекнување нови другарства, почит кон старите занаети и еснафи, поттикнување на креативноста, негување на културното наследство. квалитетно поминато време. Заклучок-Старите занаетчиски дуќани се обележјето на Чаршијата, кое треба да се зачува. Чаршијата е единственото автентично нешто што остана од Скопје и старите занаетчиски дуќани се обележјето на Чаршијата.

Се гледаме повторно.

Фотографиите погледнете ги на нашата фб страница

Активност 2 од проектот за Мултикултурализам

Продолжуваме со реализација на следната активност од проектот “Мултикултурализмот во образованието”, Посета на археолошкото наоѓалиште, неолитско село Тумба Маџари и работилница. Активностите се реализираа во просториите на ООУ “Дане Крапчев” во кабинетот по историја на ден 17.05.2024 година. Учесници беа учениците од 6-то и 7-мо одделение од двете училишта како и наставничките Саљат Бектеши и Роза Јаневска. Целта на активноста беше Запознавање на учениците со културното наследство во нашата општина, запознавање со времето во кое живееле во минатото (неолит), запознавање со начинот на нивното живеење, да прават споредба на орудијата за работа кои се користеле во минатото и сега. Финалниот резултат-проширување на знаењата, дружење, заедништво, запознавање со културата и начинот на живеење на луѓето во неолитско време и почит кон истото, развивање љубов за креирање на уметничко дело од вештите раце на учениците.

Уште еден заеднички наставен час со нашите другарчиња од ООУ „25 Мај“

На 17.05.2024 година, учениците од двете партнер училишта поделени во две простории во ООУ „25 Мај“ во мешан состав се запознаа со поим за еколошки фактори. Преку визуелна презентација и користење на ИКТ програма дополнета со интерактивна дискусија се запознаа со абиотички и биотички еко.фактори и го увидоа нивното значење. Учениците активно учествуваа во дискусијата и посочуваа соодветни примери за еколошки фактори. Сите ученици навремено и во најголем број точно го сработија работниот лист. Часот се одвиваваше во пријатна и релаксирана работна атмосфера, стандардите беа постигнати. Благодарност до нашите наставнички по природни науки и координаторот Роза Јаневска.

Стартуваме повторно со Проектот за мултикултурализам

Стартуваме повторно со Проектот за мултикултурализам со нашите долгогодишни другарчиња од ООУ „25 Мај“. Првата работилницата се одржа на 10.05.2024 година во просториите на ООУ „25 Мај“ и беше организиран од страна на наставничката Саљате Бектеши и учениците од 7-мо одделение, а втората работилница на 13.05.2024 година во кабинетот по хемија во нашето училиште организиран од страна на наставничката Роза Јаневска и Елена Томевска и ученици од 8-4 и 9-1 одделение. Целта е Стекнување истражувачки навики (во пракса и преку користење на добивање податоци од интернет и нивна презентација), споредување, значајноста за тоа колку е важна водата за животот, како да се користат природните ресурси во умерен степен (во овој случај водата), да се запознаеме со супстанциите кои се неопходни за водата и супстанците кои не се дозволени да ги има во водата. Истражувавме за водата, изработивме проект, го презентиравме, а потоа најинтересниот момент ЕКСПЕРИМЕНТИРАЊЕ! Со помош на рефлектометар, дигитален мерач за pH вредност во водата, тестери за контрола на водата измеривме неколку параметри на водата од чешми во нашите училишта (кабинет по хемија и чешма во тоалетите), флаширана вода и дестилирана вода и чешма чија вода се филтрира со помош на реагенси за мерење на калиум и железо. Добиените резултати ги запишавме во тетратка, ги споделивме со нашите другарчиња и наставнички и ги споредивме со добиените резултати во двете училишта.

Преку овие активности кај учениците се развива љубов кон науката, истражувањето, применливоста на знаењата, а и практично да ги искажуваат своите идеи и сознанија. Беше задоволство за учениците и позитивно искуство за сите нас. Голема благодарност до наставничката по хемија Елена Томевска која на многу креативен и интересен начин преку презентација и практични примери ни ги објасни карактеристиките и значењето на pH вредност на водата.