Дане Крапчев-домаќини на третата мобилност од Еразмус+ проектот ,,Bar code”

Нашето училиште е вклучено во проектот ,,Bar code ” преку Програмата ,,Еразмус +” . Денес бевме срдечни домаќини на гости од Португалија 🇵🇹 , Србија 🇷🇸 ,Турција 🇹🇷 и Литванија 🇱🇹. Топло добредојде им посакавме во боите на македонското знаме, со кратка програма во која ја испочитувавме традицијата на секоја земја учесник во проектот. Потоа имавме продуктивни работилници, а попладене ги одведовме на прошетка низ Скопје за да се запознаат со знаменитостите и историјата.

На крајот од првиот ден сме горди домаќини. Но,нашите гости не видоа се од нас. И во наредните четири денови ќе продолжиме да ги воодушевуваме 😊

Спорт – Успешен старт на учебната 2022/23 година!!!

Особено е важно младите да ги на­со­чу­ва­ме кон активен спорт бидејќи тоа е алатка што ги надминува сите раз­ли­ки и ги надградува физичките и интелектуалните способности.

На денешниот крос организиран од Општинскиот сојуз на училишен спорт на Гази Баба во СРЦ Хиподром учество земаа повеќе од 300 ученици од сите основни училишта во Општина Гази Баба , нашите ученици настапија во повеќе категории и ги постигнаа следните резултати:

1 место Јасин Јашарај VI одделение 500 метри време: 1:47

2 место Љато-Лусијано Селими VI одделение 500 метри време: 1:52

1 место Марко Ѓорѓиевски VII одделение 600 метри време: 1:59

3 место Матеј Трајановски VII одделение 600 метри време: 2:07

2 место Матеја Добревска VIII одделение 650 метри време: 2:42

2 место Катерина Мирческа IX одделение 750 метри време: 2:56

2 место Стефан Трајановски IX одделение 800 метри време: 2:38

Градоначалникот на Општина Гази Баба г-н Бобан Стефковски на најуспешните ученици им додели медали и дипломи за освоените места.

Честитки за нашите ученици и наставниците по физичко и здравствено образование!

Слободни изборни предмети

На следните линкови може да ја прочитате програмата за слободни изборни предмети

  1. Дизајн
  2. Кошарка
  3. Одбојка
  4. Уметност – театарски работилници
  5. Уметност – изработки од хартија
  6. Ликовно образование-Цртање
  7. Фудбал / футсал

Се одржа завршниот настан на УСАИД за меѓуетничка интеграција на младите во образованието

По повод завршниот настан на УСАИД за меѓуетничка интеграција на младите во образованието, реализиран од страна на Младински центар за граѓанско образование (МЦГО) во соработка со Младински образовен форум (МОФ) нашето училиште доби покана да биде гостин на една таква прекрасна манифестација. Манифестацијата се оддржа на 21 септември (среда) во просториите на хотелот Александар Палас.

Од нашето училиште земаа учество 12 ученици кои го претставија училиштето во најубаво светло и несебично ги споделуваа своите идеи.

  Во изминативе 5 години проектот работеше со инстируциите и со сите основни и средни училишта низ државата со цел да се зајакне меѓуетничката кохезија во училиштата, граѓанското однесување на учениците и младинското учество.
   Обраќање имаа заменик-министерот за образование и наука и заменик шеф на Мисијата во Амбасадата на САД во Скопје.

Најважно од се беше да се поттикне младинското учество и да се иницираа повеќе младински иницијативи. На самиот настан имаше дискусија за тоа како можеме да го подобриме нашето  општеството. Беа промовирани до сега направените промени и беа стекнати многу нови пријателства. На тој начин се развива тимската работа, емпатијата и љубовта меѓу сите нас, да сакаме да помогнеме, да го направиме ова општество поубаво место за живеење затоа што ние сме иднината на оваа држава. Нешто што посебно го истакнаа одговорните личности за овој проект беше тоа дека сите ученици кои биле вклучени во овој проект не биле себични, постојано поставувале за цел нешто возможно и што е недостаток и проблем на повеќе луѓе.

Крајот на настанот се затвори со харизматична песна напишана и искомпонира од група млади која беше навистина големо задоволство да се слушне.

16 Септември – Светски ден за заштита на озонската обвивка

Светот денес го одбележува 16 Септември – Светскиот ден за заштита на озонската обвивка, со цел да се привлече вниманието за важност на зачувувањето на озонот и поттикнување на најмалите да се уклучат во неговата заштита . Нашите ученици, членовите на Еко тимот по повод Светскиот ден за заштита на озонската обвивка изработија пано за важноста на озонската обвивка преку која учениците се информираа за нејзиното значење ,важноста за да ја чуваме и заштитиме озонската обвивка.

И да се потсетиме повторно, иако станува збор за глобален феномен, секој индивидуално со своето однесување односно со незагадување е пример за останатите и може да придонесе локално, за да имаме поздрава животна средина. Дека секој отпад несоодветно третиран ја загадува почвата и причинува да дојде до испарување на отрови во атмосферата, што севкупно влијае негативно на озонот.

Еко Тимот

ДОБРЕДОЈДОВТЕ ПРВАЧИЊА!

Првачињата во нашето училиште го започнаа првиот училишен ден на свечен начин. Повозрасните ученици им подготвија свечена приредба, а директорката со кусо обраќање им посака топло добредојде во нивниот втор дом, училиштето. Сите возбудени, среќни, насмеани и со малку родителски солзи радосници нашите првачиња се упатија на првиот училишен час со своите наставнички.

Среќно првачиња, градете најубави детски спомени во нашето училиште

СРЕЌНО ПОЛУМАТУРАНТИ!

Дел од атмосферата на завршната забава наменета за учениците со континуиран успех и првенецот на генерација наменета исклучиво за нашите полуматуранти.

Среќно и многу успеси во Вашето понатамошно образование. И запомнете пред се бидете луѓе кои ќе ги красат најдобрите епитети на една личност!!!!

СО УСПЕХ !!!!!!

Наградени првенците во Општина Гази Баба

3000 денари за ученикот на генерација – Aлексеј Стојановиќ

Денес градоначалникот Бобан Стефковски имаше средба со учениците на генерација од општинските основни училишта на територија на Општина Гази Баба.

Горди сме на успесите на нашиот првенец Алексеј Стојановиќ

Благодарност до општина Гази Баба и градоначалникот г-н Бобан Стефковски за поддршката на секое поле во образовниот процес во сите училишта на територија на општина Гази Баба !!!

Меѓународен натпревар по Англиски јазик

Од 18-20.05.2022 година во Лидо ди Јесоло, Венеција, Италија,

се одржа финалето на Меѓународниот натпревар по Англиски јазик Hippo English Language Olympiad под мотото English without Borders.

Ученикот Дамјан Петрович од VI-3 одделение со својот ментор

Катерина Лукарова учествуваше на натпреварот, постигна одлични резултати и му беше доделен медал и диплома.

Честитки за Дамјан на којшто му посакуваме успешно учество на уште многу вакви натпревари, а исто така посакуваме и многу финалисти од нашето училиште во иднина.