Проект: „Сплотени градиме отпорна заедница“

Денес, во просториите на ООУ „Дане Крапчев“, се одржа работилница на Тема: „Превенција и спротивставување на насилен екстремизам”.

Учествуваа ученици од VII-те, VIII-те и IX-тите одделенија. Преку презентација, стрипови и практични примери и со поддршка од нашите наставници: Јовица Димески, Марија Шереметкоска и Роза Јаневска.

РАЗБРАВМЕ И НАУЧИВМЕ,

  • Што е тоа насилен екстремизам,
  • Што е радикализација,
  • Како да се заштитиме од насилен екстремизам,
  • Начини на кои поединците можат да помогнат во борбата против насилниот екстремизам,
  • Протокол за информирање за случаи поврзани со насилен екстремизам и тероризам
  • и Каде може да се обратиме доколку забележиме насилно однесување и знаци на радикализација.

Заклучивме за важноста да се остане информиран, буден и отпорен против насилниот екстремизам, затоа што не постојат граници и ги засегаат сите општества, младите луѓе се изложени на најголем ризик и тие се најголема целна група во стратегиите за регрутирање.

На крај можеме да кажеме дека интегрираниот пристап кој вклучува психолошка, образовна, социјална и правна интервенција може да помогне да се превенираат слични слични случаи на радикализација и насилство во иднината.

Затоа велиме:

СТОП НА НАСИЛНИОТ ЕКСТРЕМИЗАМ

Активност по повод празникот 11 Октомври

Во чест на 11 Октомври – Денот на народното востание на македонскиот народ учениците од VII одд. со нивната наставничка по историја- Роза Јаневска истражуваа, дискутираа, твореа, креираа и се забавуваа.

Сите се сложија во едно:

Минатото не смееме да го заборавиме! Со него треба да се гордееме!

За побезбедно училиште

Нашето училиште беше домаќин на Здружението ,,Центар за интегрирана безбедност”.

Ученици и наставници од училиштето следеа предавање на тема: ,, Подобрување на свесноста

и информираноста на учениците и наставниците во основните училишта за превенција од насилство, закани и опасности”

Приредба по повод приемот на првачињата во Детската организација

ДЕН кога ПРВАЧИЊАТА ВЕТУВААТ

Приредба по повод приемот на првачињата во Детската организација.

На приредбата со свои настапи беа вклучени ученици од II до V одделение.

Со рецитирање на заклетвата ,,Ветување” и официјално нашите првачињата станаа членови на Детската организација.

Активноста ја подготвија одговорните наставници на Тимот за детска организација Емилија Блажевска и Христина Петровска

КАКО ДА И ПОМОГНЕМЕ НА ПРИРОДАТА?

8-ми ОКТОМВРИ – ,,Меѓународен ден за намалување на уништувањето на природата

Учениците од V-3 одд.со нивната наставничка Анета Менчова ги поканија останатите паралелки од петто одделение на час на кој преку презентација се дискутираше:

– во каква животна средина живеме;

– од кого зависи во каква средина ќе живееме;

-каква судбина ќе има планетата Земја доколку продолжиме со загадување;

Учениците се сложија:

– одржувањето на чиста и здрава животна средина е сечија одговорност.

– од нас, луѓето, зависи судбината на планетата Земја, нашиот единствен дом.

ИСТРАЖУВАМЕ-СЕ ЗАБАВУВАМЕ!

Нашите шесто одделенци љубопитно истражуваа за бројните системи во минатото.

Изработија презентации и хамери на кои ги претставија египетските хиероглифи, римските цифри, денешниот декаден систем, (арапски броен систем) и бинарниот систем составен од 0 и 1.

Доколку сакате да дознаете како се пишува вашето име во бинарен код, тогаш треба да ги прашате членовите од математичко – информатичката секција

Aктивноста ја подготвија:

Билјана Стојановска – наставник по математика и

Марина Пејковска- наставник по информатика.

Успешно завршен тренинг за TeachSpace и TeachHub

На 01.10.2024 година, под водство на Весна Димитровска, беше одржана обука за едукатори во рамките на ISEC – ADE програмата! Оваа возбудлива обука е дел од иновативната иницијатива за дигитално образование насочено кон поддршка на ученици со состојби од аутистичен спектар (САС) и интелектуална попреченост (ИП).

Преку овој тренинг, наставниците и стручните соработници добија можност да ги унапредат своите вештини за создавање пристапни средини за учење. #TeachSpace и #TeachHub веб апликациите овозможуваат креирање на инклузивна и интерактивна средина, со посебен акцент на потребите на учениците со САС и ИП.

✨ Благодарност до сите учесници кои активно се вклучија и ја направија оваа обука успешна! Ве охрабруваме да продолжите да го користите знаењето и алатките стекнати на овој тренинг за подобрување на дигиталното учење и поддршка на сите ученици!

УЧЕНИЧКИ ПАРЛАМЕНТ за учебната 2024/25 година

Денес, го формиравме УЧЕНИЧКИОТ ПАРЛАМЕНТ за учебната 2024/25 година.

За претседател ја избравме Софија Мијалковска 9-3 одд.

Заменик претседател е Аника Велковска од 9-1 одд.

Улогата секретар ќе ја имаат: Калина Караџоска 8-1 одд. И Тара Спасиќ 9-2 одд.

Тара С. и Калина К. ќе бидат и наши претставници на Наставнички Совет, Совет на родители и Училишен одбор.

Нашите идеи, иницијативи и креативни активности веќе се на хартија !!!

И оваа учебна година нашиот ученички парламент ќе ги реализира сите идеи под водство на

Магдалена Павлеска- наставник по историја  и Данче Костовска- Јакимовска одделенски наставник.

26 СЕПТЕМВРИ – ЕВРОПСКИ ДЕН НА ЈАЗИЦИТЕ

Јазикот има моќ да обединува и да создава чувство на единство меѓу луѓето!

Денешниот ден, 26 Септември, посветен на одбележување на Европскиот ден на јазиците. Нашите ученици од предметна настава заедно со своите наставници по Македонски, Англиски и Француски јазик учествуваа во креативна работилница и со различни активности упатија порака до сите ученици дека учењето различни јазици ги отвора вратите кон нови култури, традиции и градење пријателства надвор од сопствената земја.

22 СЕПТЕМВРИ – СВЕТСКИ ДЕН БЕЗ АВТОМОБИЛИ

ИДНИНАТА е во превозните средства на две тркала –

СВЕТОТ одамна го прифати тој тренд…

И ние сме ЗА !!!

АЈДЕ да го следиме светскиот тренд !!!

Бидете ЗДРАВИ и СРЕЌНИ !!!

ВОЗЕТЕ ВЕЛОСИПЕДИ