Денот на планетата Земја – Активности на биолошката секција

Во пресрет на Денот на Планетата Земја учениците од биолошката секција при нашето училиште учествуваа на настан организиран од МЖСПП под мотото “Инвестираме во знаење-се грижиме за планетата”.

Globe претставува меѓународен проект за заштита на животната средина каде преку едукација на учениците се комбинираат науката, образованието и технологијата на меѓународно ниво, во функција на осознавање на животната средина.

Како активни реализатори на протоколите од програмата GLOBE ја презентиравме нашата работа и изработивме постер на тема заштита на животната средина. Нашите ученици на настанот имаа прилика да разменат искуства со други ученици и се запознаа со процесот мониторинг на квалитет на амбиенталниот воздух.На настанот беа доделени и сертификати за придонес на наставниците и учениците,а беше врачен и инфрацрвен термометар кој ќе го користиме во практичните изведби. Голема благодарност за сите ученици кои секојдневно собираа податоци и учествуваа во изработка на постерот и училишното пано по повод 22 Април.

Одговорни наставници

Б. М. Личева и Д. Китановска.

Трето одделенците го одбележаа 22 Април – Денот на планетата Земја

Нашите трето одделенци и компанијата за производство на амбалажа ,,DS Smith” заедно го одбележаа: 🌎 ,, 22 Април – Денот на планетата Земја”🌎🌿🌿 ТИЕ беа наши гости, ние учествувавме на нивниот ликовен конкурс и за нив цртавме во чест на планета Земја…. Потоа 🌿 НИЕ бевме нивни гости – 🌿 ТИЕ ни овозможија од блиску да видиме со што се занимаваат, подготвија подароци за секој од нас и ги наградија најкреативните ликовни творби. Во едно се сложивме : 🌿 СИТЕ НИЕ треба да се менуваме! 🌿 НИЕ треба да ги менуваме навиките ако сакаме да ја сочуваме нашата 🌎

BARCODE – Реализирана Петтата и последна мобилност во Турција

Од 10 до 14 април 2023 година се реализираше последната мобилност во рамките на Еразмус плус проектот BARCODE на која учествуваа наставниците Анета Митевска, Марина Пејковска, Билјана Стојановска и Весна Кочова.

Активности реализирани на проектот:  

Наставниците од Литванија, Португалија, Македонија и Србија најпрво бевме пречекани од учениците и вработените со културно – уметничка програма, а потоа се  запознавме со животот и работата на училиштето во Денизли.

Потоа во текот на мобилноста се реализираа следните активности:

  • Учениците ни презентираа игри кои ги креирале самостојно, користејќи го mBlockv.5.4.0 софтверот. Подоцна софтверот беше проверен од партнерите каде изработивме кодирачки игри. Направивме Ардуино вежба и подоцна наставниците од Турција организираа STEAM предавање користејќи интерактивни игри за да го научиме јазикот.
  • За време на посетата имавме ликовна активност со учениците користејќи  Ебру техника и работилница – „Уметност на мермер“ (креативна и неограничена комбинација на бои на мрсна вода).
  • Го посетивме образовниот центар Актепе, каде што гледавме час по роботика за деца од основно училиште, при што тие програмираа роботи и играа кошарка со роботи. Имавме можност и уживавме и ние наставниците во  работата со учениците играјќи кошарка на еден поинаков дигитален начин.
  • Го посетивме и средното техничкото училиште Орхан Абалиоглу, кое има 1200 ученици и различни отсеци – храна, електроника, ИТ, автоматизација, електротехника и обработка на дрво. Тоа е најдоброто технолошко училиште во регионот Денизли.
  • Во текот на денот извршивме ИТ експерименти користејќи го програмскиот јазик Arduino, тестиравме систем за паркирање програмиран од учениците. Создадовме игри; тестиравме 3D очила и програми за симулација, кои учениците ги користеа за правење едноставни проекти, како што се работа со трактор или багер за градежништво, поправки на патишта итн.
  • Мобилноста во Турција ја завршивме со активности за евалуација на стекнатите знаења, вештини и искуства и споделувања на искуства од нашата секојдневна работа.
  • Во попладневните часови имавме можност за заедничко дружење и запознавање со бројните прекрасни историски места на Денизли: Лаодекија, Хиераполис, Памуккале со неговите уникатни травертини, Фетије.

Резултати од регионалниот натпревар по биологија

Резултати од регионалниот натпревар по биологија одржан на 07.04.2023.

VII одд.

Тара Спасиќ и Александар Маџовски ПРВА НАГРАДА

Софија Мијалковска и Дамјан Петровиќ ВТОРА НАГРАДА

VIII одд.

Теона Јовева ПРВА НАГРАДА

Дејанчо Стојановски ВТОРА НАГРАДА

Ученици од VII и VIII одд. продолжуваат на државен натпревар.

IX одд.

Ања Јовановска и Јована Ивановска – ТРЕТА НАГРАДА , без пласман на државен натпревар.

Честитки за освоените награди!

Ментори Бојана М.Личева и Душанка Китановска.

Официјалните резултати се достапни на: МАКЕДОНСКО БИОЛОШКО ДРУШТВО

РЕГИОНАЛЕН НАТПРЕВАР ПО АНГЛИСКИ ЈАЗИК

Регионалниот натпревар по англиски јазик се одржа на 08.04.2023 год., сабота.

Ученици што учествуваа на наптреварот се:

5 одд.

Михаела Миовска-77 бода-III награда-ментор Андријана Недовска

Горазд Петрушев-82 бода-III награда- ментор Андријана Недовска

6 одд.

Елена Наумова-81 бод- III награда-ментор Катерина Лукарова

7 одд.

Дарјан Јовчев-73 бода-ментор Катерина Лукарова

Аника Велковска-70 бода-ментор Катерина Лукарова

8 одд.

Дора Николова-95 бода- I награда-ментор Весна Трајковска

Елена Цветковска-85 бода- II награда-ментор Весна Трајковска

9 одд.

Алисија Ебип-79 бода- III награда-ментор Весна Трајковска

Горазд Стојановски-84 бода- II награда-ментор Весна Трајковска

Учениците што имаат освоено награда продолжуваат на државен натпревар и им посакуваме многу успех и среќа.

ХИПО 2023

На 17.03.2023 година се одржа прелиминарниот дел од натпреварот по Англиски јазик ХИПО 2023. На натпреварот учествуваа голем број ученици од нашето училиште, љубители на англискиот јазик. Ученици што ќе се натпреваруваат во полуфинале се:

Little Hippo-Амар Салихич-57 бода

                      Јана Велковска-56,5 бода

                      Андреј Арнаудов-56,5 бода

                      Ема Ивановска-56 бода

Hippo 1-Софија Мијалковска-58,5 бода

                Елена Наумова-55,5 бода

                Марко Наумов-55,5 бода

                Емил Адемоски-55,5  бода

                Стефанија Спасовска-55,5 бода

                Нина Томова Ташков-55,5 бода

                Амра Оручи-54,5 бода

Hippo 2-Дарјан Јовчев-61 бод

Hippo 3-Алисија Ебип-58 бода

               Горазд Стојановски-56,5 бода

               Ева Серафимовска-56,5 бода

На сите учесници им честитаме за одличните резултати, а на полуфиналистите им посакуваме многу успех и среќа.

Одбележување на светскиот ден на лицата со аутизам

Светскиот ден на лицата со аутизам беше одбележан во нашето училиште преку едукативна работилница во која учествуваа учениците од I-4 одделение заедно со одделенскиот раководител Стефани Тоневска , специјалниот едукатор Катерина Банџо и образовниот асистент Марија
Иваноска. Заедно да ја подигнеме свеста за лицата со аутизам, да им помогнеме во секојдневието! 💙

Предизвиците во новите времиња и состојбите со кои се соочуваат младите денес

На 24 Март во нашето училиште се реализира работилница со наставници и родители на ученици од VIII и IX одд. Имавме чест гостин да ни биде професор Александра Жежова од универзотетот Гоце Делчев од Штип. На работилницата се дискутираше на тема: ,, Предизвиците во новите времиња и состојбите со кои се соочуваат младите денес” . Голема благодарност до професорката и сите родители и наставници кои беа дел од работилницата.

ИНТЕРНАЦИОНАЛНА СОРАБОТКА СКОПЈЕ- БЕЛГРАД

Нашето училиште по иницијатива на наши наставници, потпиша ,,Меморандум за културна и образовна соработка” со училиште од Белград. Соработката ја потпишаа директорот на нашето училиште мр.Адријана Младеновска и Радивоје Миљиќ, директорот на ОУ,, Алекса Шантиќ”. Целта е реализирање заеднички проекти, размена на ученици, размена на искуства и заедничко одбележување значајни јубилеи. Претставници од нашето училиште три дена беа гости на срдечните домаќини во Белград. Оваа пролет и ние ќе го возвратиме нивното гостопримство и официјално ќе ја започнеме соработката.

ООУ ,,ДАНЕ КРАПЧЕВ” ПОД МАСКИ

Денес нашето училиште беше весело, распеано и шарено. Принцови, самовили, кловнови и јунаци од цртаните филмови ни го разубавеа денот. Наши гости денес беа и дечињата од градинката ,,Искра” со нивната наставничка Марија. На дефилето беа избрани десет најкреативни маски на кои им доделивме пофалници и награди. Благодарност до сите креативни ученици и наставници за вложениот труд.

🤡 ВЕ ОЧЕКУВАМЕ СО НОВИ КРЕАЦИИ НА СЛЕДНАТА АПРИЛИЈАДА 🤡