Листа на слободни изборни предмети за учебната 2023-24г
Month: мај 2023
Одбележување на патрониот празник на училиштето
46 ГОДИНИ ООУ ,, ДАНЕ КРАПЧЕВ” Училиште во кое секогаш работеле големи ентузијасти, одговорни и посветени наставници за кои учениците се секогаш во главна улога. Учениците се тие кои денес во чест на нашиот патрон ни го стоплија срцето, беа на висина на задачата , не направија горди, го истакнаа својот потенцијал и докажаа дека можат да ги достигнат сите височини. Ние возрасните денес добивме силни пораки од вас ! И на влезот од 47 година од постоењето продолжуваме да бидеме ваша поддршка, да се радуваме на секој ваш успех и заедно да напредуваме ! Ние сме тим кој секогаш победува
Нашите ученици порачаа:
НИЕ СМЕ СВЕТОТ, НИЕ СМЕ ДЕЦАТА
ние сме оние кои го прават денот поубав,
па ајде да почнеме да даваме.
Имаме избор да го заштитиме нашиот живот
вистина е дека јас и ти заедно ќе го направиме денот поубав
Ние сме 
, ние сме 
ЧИТАЊЕТО Е СУПЕР МОЌ
Нашето училиште оваа седмица беше дел од кампањата,, ЧИТАЊЕТО Е СУПЕР МОЌ” која ја реализираше издавачката куќа ,,АРС ЛАМИНА” со поддршка од општина Гази Баба. 
Оваа издавачка куќа ги израдува учениците со донацијата од 100 книги со кои ни го збогатија библиотечниот фонд. 
Нашите ученици со радост и љубопитство ја примија донацијата и порачаа: ,,Не постои полојален пријател од книга, нема поисполнети денови од детството од оние поминати со омилената книга” 
” Читајте за да станете моќни !
Успеси и на државниот натпревар по БИОЛОГИЈА
Редиме повторно успеси !
На 20.05.2023 на ПМФ се одржа 10-от Државен натпревар по биологија на кој нашите ученици постигнаа одлични резултати:
Тара Спасиќ (VII) освои ПРВА награда
Софија Мијалковска (VII) освои ВТОРА награда
Александар Маџовски (VII) освои ВТОРА награда
Дамјан Петровиќ (VII) освои ВТОРА награда
Ментор на учениците од VII одд: Душанка Китановска
Дејанчо Стојановски (VIII) ТРЕТА награда
Теона Јовева(VIII) пофалница
Ментор на учениците од (VIII) :Бојана М.Личева
Честитки за постигнатиот успех!!!
Им посакуваме многу успеси и во иднина!
Награда на детскиот литературен фестивал „Ракатки 2023“
На XIX Републички детски литературен фестивал „Ракатки 2023“, на тема „Чистата средина – мост до моето здравје“, ученикот Христијан Гочевски Ивановски VIIодд. освои III (трето) место. Денес, 20.05.2023г., во ООУ „Браќа Миладиновци“ – Скопје, учесниците се претставија со своите творби и им беа врачени пригодни награди и дипломи за освоено место. Творбите се објавени во алманах „Ракатки 2023“.
Честитки за постигнатиот успех и уште многу успеси во иднина!!!
Ментор Катица Стојчевска
Успех на државниот натпревар по МАТЕМАТИКА
На ДРЖАВНИОТ натпревар по МАТЕМАТИКА кој се одржа на 14. 05.2023 на ПМФ, ученикот Дамјан Петровиќ од VII одд. освои ПРВА награда. 
Учество зеде и ученикот Александар Маџовски од VII одд. и постигна солиден резултат.
Честитки за постигнатиот успех!!! 
Им посакуваме многу успеси и во иднина!
Одбележување на Светскиот ден на пчелата
Денес нашите ученици од 8 и 9 одд. имаа чест да бидат дел од одбележувањето на – 
,,Светскиот ден на пчелата” Настанот се одржа на Земјоделскиот институт во соработка со Општина Гази Баба, ФАО и амбасадата на Р. Словенија. Учениците проследија едукативно предавање за важноста на пчелите за животот на нашата планета и се запознаа со начинот на одгледување пчели и производство на мед. Крајот на настанот го одбележа креативна работилница на која учениците сликаа на сандаци за одгледување пчели кои ќе бидат населени со пчелни семејства во округот на институтот. Исто така засадивме и медоносни растенија кои ќе допринесат за целиот процес и уживавме во заеднички меден појадок. Да не дозволиме да сопре зуењето на и останатите опрашувачи на 
!
Одговорен наставник Бојана М.Личева.
Ги запознаваме знаменитостите на Париз
На 19 мај, петок, на часот по француски јазик со деветто одделение имавме гости. Дојдоа четири студентки со нивните лекторки, од катедрата по француски јазик при Филолошки факултет. Студентките ги запознаа учениците со знаменитостите на Париз, а исто така подготвиле квиз и крстозбор со кои нашите ученици се забавуваа. Прекрасна соработка и интересно искуство како за учениците така и за студентите.
Соработката ќе продолжи и понатаму со нови активности кои со нетрпение ги очекуваме.
Наша гордост – музичарите од Дане Крапчев
Иии… уште една убава вест овој викенд за нашето училиште Овој пат наша гордост е МАНДОЛИНСКИОТ ОРКЕСТАР кој ни донесе ПРВО МЕСТО на ДРЖАВЕН НАТПРЕВАР со освоени 99 бода.
Наша гордост е и ХОРОТ кој го освои ВТОРОТО МЕСТО на државниот натпревар Трудот на нашите ученици заедно со трудот и ентузијазмот на нашиот наставник Ванчо Јовчев секогаш го носат нашето училиште на самиот врв кога е музиката во прашање. Гордост сте ни 
ПРВО МЕСТО за нашата екипа на ЦРВЕНИОТ КРСТ
Денес сме горди на ПРВОТО МЕСТО за нашата екипа на ЦРВЕНИОТ КРСТ, на ниво на општина Нашиот училишен тим на Црвениот Крст учествуваше на 43-от општински натпревар по прва помош. Екипата составена од Теона Јовева – капитен, Адриана Стоилевска, Горазд Стојановски, Бисера Стојменовиќ, Антонија Владевска и Теодора Јосевска го освоија првото место. Раководител на екипата е наставничката по биологија Бојана М.Личева. Голема благодарност до волонтерката Ангела Ангелковска, наша поранешна ученичка која несебично ни помогна во подготовките
