Month: јуни 2024

Завршна манифестација за оваа учебна година

Во петок, на 14 јуни во нашето училиште се одржа завршна манифестација на која се забавувавме со прекрасните песни во изведба на Кате, Александра и Ивана, се доделија над 200 признанија, на ученици кои учествувале на натпревари, на нашите спортисти, на наставниците ментори.

Во центарот на вниманието беа учениците од 9 одд.

Наградени беа учениците со континуиран одличен успех 5,00 и беше прогласен првенецот на генерација ДАВИД АРНАУДОВ 9-4 одд

Честитки за сите!

Продолжете да чекорите напред, да ги надоградувате знаењата и да го освојувате светот!

Слики од настанот може да погледнете на нашата фб страница

Државен натпревар по природни науки

УЧЕБНАТА ГОДИНА ја завршуваме со УБАВИ ВЕСТИ од ДРЖАВНИОТ НАТПРЕВАР по ПРИРОДНИ НАУКИ!

Нашите ученици ги постигнаа следниве резултати:

Илина Нестороска – 4 одд. – III награда, ментор: Лидија Ѓорѓиева

Ана Трајкоска 5 одд -.III награда, ментор: Бојана М.Личева

Ангелина Трпковска 6 одд. -III награда, ментор: Душанка Китановска

ЧЕСТИТИКИ за учениците и наставниците- ментори.

Продолжете да редите успеси и следната учебна година !

На натпреварот учествува вкупно 784 ученици (IV- 328, V- 255, VI- 201).

Нашата последна активност 4, Проект „Мултикултурализмот во образованието“

Спроведена анкета „Мерење на температурата“, две квалитетни работилници, изработка на презентација од нашите другарчиња и изработка на флаер со наши пораки до сите вас (12 и 14.06.2024). Ова е нашата последна задача, спроведување на иницијатива за спречување на секаков вид на насилство кај учениците под мото „Стоп на насилството“. Започнавме со анонимни анкети до ученици, наставници, стручни соработници и родители кои измерија висока температура во двете училишта (тоа значи дека насилството е минимално застапено во двете училишта). За да ја креме свеста на сите околу нас изработивме презентација која ја презентиравме во двете училшта пред присутните, потоа имавме работилница на која изработивме пораки во кои главниот акцент е намалување на говорот на омраза, булингот надвор од училиштата и на социјалните мрежи, прифаќање на разликите што мислиме дека горенаведените цели се главна превентива за намалување на насилството и развој на позитивна слика, а најглавно е „ДРУГАРСТВОТО“. На крајот изработивме и флаер во кој ги претставивме нашите пораки и го поделивме на наши соученици и случајни минувачи во нашето опкружување.

За сега се одјавуваме но сакаме да ви кажеме дека поттикнавме многу млади, а и возрасни да промовираат позитивни вредности и акции за спречување на врсничкото насилство, разбравме дека треба да го чуваме и негуваме нашето културно наследство, знаеме дека Водата вреди-затоа треба да се штеди. Стекнавме нови пријателства, се запознавме со други култури, научивме дека треба да се почитуваме, да другаруваме, да бидеме толерантни и дека различноста го прави овој свет поубав. СЕ ГЛЕДАМЕ!

Последни часови од проектот „Градиме нови мостови“

Во месец мај и јуни ги реализиравме и последните часови од проектот „Градиме нови мостови“

Во месец мај научивме: -Што се еколошки фактори и како се поделени.Откривме какви врски создаваат неживиот и живиот дел од природата.

-Седниот предизвик беа синџирите на исхрана.Усшешно констуравме синџири на исхрана и ја одредиме улогата на секој организам во нив.

А во последниот месец од училиште јуни учевме за заштита на природата и биодиверзитетот. Посебен акцент ставивме на грижата за природата во нашата Земја и општина.Да споделиме што научивме:

-Се запознавме со најголемите загадувачи и промените кои ги предизвикуваат во животната средина- кисели дождови,зголемен ефект на стаклена градина,климатски промени…Тоа не потикнат часот од училница да го префрлиме во локалната средина.Прошетавме низ нашата населба забележавме загадувачи и несовесни граѓани. Сакаме да ја подигнеме еколошката култура и затоа на минувачите им поделивме пораки и совети за заштита на животната средина кои ги научивме со нашите наставници

И дојде последниот час каде сплотени на парчиња рециклирана хартија креиравме постери преку кои апелираме за грижа кон природата и потсетивме на загрозените видови во Македонија. Многу убаво завршена учебна година! Учевме и се дружевме! Запознавме нови другарчиња, научивме за другите култури. Научивме природни науки, а и како да се биде толерантен, сочувствителен, да делиш со своето другарче, да му помагаш и да го поддржуваш. ДОВИДУВАЊЕ ДО НЕКОЕ СЛЕДНО ВИДУВАЊЕ!

Фотографиите може да ги погледнете на нашата фб страница

„Франкофонија“ во Дане Крапчев

Нашето училиште е дел од мрежата “J’aime le français” / ,,Го сакам францускиот јазик” – проект на Француската амбасада.

И ДА, ние во Дане Крапчев го сакаме францускиот јазик.

Денес ја славевме Франкофонијата и се забавувавме на француски.

Пеевме, читавме поезија од Жак Превер, па и малку спортувавме.

На настанот учество земаа ученици, вљубеници во францускиот јазик од 5 до 9 одд.

Водители на настанот беа Дејанчо и Анастасија а ја проследивме следнава програма

1. Bonjour mes amis- учениците од 5 одд 

2. Поемата  Quand la vie est un collier – ја рецитираа Ивана, Јана, Мила, Меланија, Анастасија, Ангелина, ученички од 6 одд

3. Voila – ја испеа Катарина Пислевиќ

4. Поемата Dejeuner du matin – ја читаше Тара придружена со драматизација (Тео и Ана)

5. Matador – ја испеа Ангелина

6. Поемата  Je suis comme je suis- ја читаше Аника 

7. Je veux – ја испеа Ивана 

8. Поема Pour toi mon amour – ја прочита Софија

9. Малку спортувавме со песната Les pouces en avant 

10. Со песничката Je te dis Bonjour учениците од 5 одд на присутните им кажаа Догледање

Ментори : Наставници по француски јазик Анета Митевска и Наташа Апостоловска.

Успех и на државниот натпревар по Македонски јазик

Нашите ученици повторно со високи резултати на ДРЖАВНИОТ НАТПРЕВАР по МАКЕДОНСКИ ЈАЗИК кој се одржа на Филолошкиот факултет ,,Блаже Конески” во Скопје.

На натпреварот учениците и менторите се стекнаа со пофалници.

1. Ангелина Трпковска 6 одд. 84 бодови – ментор Марија Шереметкоска.

2. Калина Караџоска 7 одд. 83 бодови – ментор Елена Малинова.

3. Никола Тргачевски 6 одд. 74 бодови – ментор: Марија Шереметковска.

Им честитаме на учениците и нивните ментори!

Медал и на Математичката Олимпијада

Нашите ученици Давид Арнаудов од 9 одд. и Александар Маџовски од 8 одд. нa 06.06 учествуваа на 28 Јуниорска математичка олимпијада за ученици до 15.5 години.

Нашиот Давид Арнаудов од 9 одд. се закити со бронзен медал.

Давид и Александар ја сакаат математиката, работат посветено на своето надоградување, осмислуваат креативни пристапи во решавањето математички задачи, редовно учествуваат на натпревари и постигнуваат успеси.

ЧЕСТИТКИ ДАВИД, твојот успех во иднина, да биде уште поголема мотивација за Александар и сите други вљубеници во математиката.

БРАВОО деца се гордееме со вас !!!

Ментор на Давид Арнаудов – Билјана Стојановска.

Ментор на Александар Маџовски -Лиле Сарваноска.

Одлични резултати на државен натпревар по Биологија

Денес се одржа 11-от ДРЖАВЕН НАТПРЕВАР по БИОЛОГИЈА на кој нашите ученици постигнаа одлични резултати:

7 одд. Калина Караџоска – II награда,

7 одд. Тео Бојанчев – III награда,

8 одд. Тара Спасиќ – II награда,

8 одд. Софија Мијалковска- II награда,

8 одд. Павел Доневски- II награда.

МЕНТОР на учениците од 7 и 8 одд-Душанка Китановска.

9одд. Дејанчо Стојановски- II награда

9 одд. Мила Златановиќ – II награда.

МЕНТОР на учениците од 9 одд. – Бојана М.Личева.

Честитки за постигнатиот успех на учениците и менторите!!!

Се гордееме со вас, имајте многу успеси и во иднина!

Активност 3 – Проект „Мултикултурализмот во образованието“

Малку прошетка, разгледување на убавините и занаетите во нашиот град, работна атмосфера, соработка со позитивна енергија, а тема? „Стари занаети во Скопје“, Проектна работа. 06 и 07. Јуни 2024 година.

На работилницата Учениците имаа за задача да истражуваат на интернет за: „Занаетчиството во Старата Скопска чаршија” за различни занаети кои биле застапени на подрачјето на Старата Скопска чаршија низ историјата. Потоа своите презентации ги презентираа пред своите другарчиња, наставници, родители. Посета на Стара чаршија, разгледување на занаетчиските работилници, појаснување за тоа што е ЕСНАФ. Учениците посетија повеќе занаетчиски дуќани и се запозна со занаетите: јорганџија, опинчар, јажар, крзнар, грнчар, шапкар, казанџија, копчар, саатчија, ракотворби-изработка на сувенири, домашна ракотворба, филигран, накит и слични производи, производство на музички инструменти и изработка на македонски рубин (научија дека кај нас во Македонија, Прилеп се ископува каменот рубин кој го има само на нашето поднебје и во Шри Ланка и е од исклучителна важност бидејќи е драг камен). По посетата од сите занаетчиски дуќани учениците споделија мислења за профитабилноста и дали старите занаети имат средства за одржување на едно семејсто или со текот на времето и овие занаетчии што опстојуват еден ден ако немаат поддршка од државата ќе изумрат. И на крај РАБОТИЛНИЦА-ученици мајстори и презентирање на сработеното.Беа вклученици 30 ученици од 7,8 и 9-то одделение, 1 родител-Теута Хаскај и координаторите на Тимовите на МИО, Саљате Бектеши и Роза Јаневска. Одлично искуство, стекнување нови другарства, почит кон старите занаети и еснафи, поттикнување на креативноста, негување на културното наследство. квалитетно поминато време. Заклучок-Старите занаетчиски дуќани се обележјето на Чаршијата, кое треба да се зачува. Чаршијата е единственото автентично нешто што остана од Скопје и старите занаетчиски дуќани се обележјето на Чаршијата.

Се гледаме повторно.

Фотографиите погледнете ги на нашата фб страница