Month: мај 2022

Мултикултурализмот во образованието – Активност 3

Работна атмосфера, соработка со позитивна енергија на тема „Прочитав јас, прочитај и ти“. Соработка меѓу учениците на ООУ „25 Мај“ и ООУ „Дане Крапчев“ – Гази Баба, Скопје. Активноста се реализираше во библиотеката и Еко градината на ООУ „Дане Крапчев“, преку дискусија, истражување и презентирање на истражувачката работа. Целта беше да се развие љубовта кон читањето на разни дела и разни писатели , а финалниот резултат и ефекти од работилницата беа меѓусебно дружење, поддршка еден со друг, рамноправно вклучување во активноста, запознавање и читање на јазик од друга етничка припадност и развивање почит кон него, развивање љубов кон литературата и креативно и критичко размислување, афирмирање на МИМО, осознавање дека знаењето јазици е богатство и секако градење на трајни вредности. Беа вклученици 20 ученици, 2-ца родители и координаторите и членовите на Тимовите на МИО. Одлично искуство, квалитетно поминато време. Се гледаме повторно.

Избор на првенец на генерација

Драги деветооделенци

Се наближува крајот на учебната година а со тоа и крајот на вашето образование во нашето училиште. Дојде време да ја почнеме процедурата за избор на првенец на генерација. Пријавувањето трае до 1 јуни 2022, а документите да се достават кај наставничката Катерина Лукарова. Среќно!

Во продолжение е Правилникот за пофалби и награди

Мултикултурализмот во образованието – Активност 2

Продолжуваме со реализација на следната активност на тема Уметничка работа на учениците „Ученици уметници“ од проектот “Мултикултурализмот во образованието”. Активноста 2 се реализираше во просториите на ООУ “25 МАЈ” во соработка со ООУ “ДАНЕ КРАПЧЕВ” на ден 10.05.2022 година. Целта на активноста беше учениците да разберат дека и отпадот може да го претвориме во уметничко дело.
Голема благодарност до учениците од двете училишта, до родителите кои помогнаа во реализација на активностите и благодарност до колегите од ООУ „25 Мај“ кои се вклучени во овој проект и беа одлични домаќини.

Пријателски места за аутизам

Македонското научно здружение за аутизам и ООУ “Дане Крапчев” склучија меморандум за соработка во рамките на проектот “Пријателски места за аутизам”. Во овој проект нашето училиште се стекна со 11 сертифицирани амбасадори (наставници и стручни соработници) и сертификат за училиштето како пријателско место за аутизам. 💛❤️💙🖐🏾🖐🏼🖐🏻

Нашето училиште обезбеди: 1. Тивко место за смирување при реакција на вознемиреност поради пречувствителност.

2. На учениците со аутистичен се ставија на располагање спектар ситни манипулативи -сензор за стимулација.

3. Табла/постер за комуникација со помош на симболи.

4. Едукативни материјали за примена на техниката социјални приказни за поддршка на разбирање на учениците на теми: училиште, дневни рутини, однесување и здравје.

5. Визуелен распоред на децата со аутистичен спектар.

Мултикултурализмот во образованието

Работилницата се одржа на 06.05.2022 година во Еко градината на нашето училиште. Голема благодарност до учениците од двете училишта, до родителите кои помогнаа во реализација на активностите и благодарност до колегите од ООУ „25 Мај“ кои се вклучени во овој проект.

Беше задоволство за учениците и позитивно искуство при реализација на активност 1„Весели емотикони“ во рамки на проектот „Мултикултурализмот во образованието“ во соработка со нашето партнер училиште ООУ „25 Мај“.

Работилницата се одржа на 06.05.2022 година во Еко градината на нашето училиште. Голема благодарност до учениците од двете училишта, до родителите кои помогнаа во реализација на активностите и благодарност до колегите од ООУ „25 Мај“ кои се вклучени во овој проект.

Регионален натпревар по француски јазик

На 6 Мај 2022 година во ООУ „Димитар Миладинов“ се одржа регионалниот натпревар по француски јазик.

На натпреварот учествуваа ученичките Сара Ангелова, Јована Ивановска и Ева Серафимовска од осмо одделение. Сите покажаа одлични знаења а ученичката Сара Ангелова се пласираше на државниот натпревар.

Честитки за сите, а на Сара и посакуваме успех на државниот натпревар кој ќе се одржи во среда, 11 Мај во ООУ „Невена Ѓоргиева Дуња“

Регионален натпревар по англиски јазик

На 07.05.2022 година се одржа регионалниот натпревар по Aнглиски јазик за основно образование што ја организира асоцијацијата на наставници по англиски јазик и книжевност на ЕЛТАМ во ООУ „Круме Кепески“ – Кисела Вода.

На овој натпревар од нашето училиште учествуваа учениците од V, VI, VII, VIII и IX одделение.

Елена Наумова V-3 одделение II (второ) место –ментор Кочова Весна

Илина Јордановска V-1 одделение III (трето) место – ментор Кочова Весна

Софија Мијалковска VI-3 одделение III (трето) место – ментор Катерина Лукарова

Калина Шипинковска VI-3 одделение III (трето) место– ментор Катерина Лукарова

Дора Николова VII-4 одделение I (прво) место – ментор Весна Трајковска

Елена Цветковска VII-4 одделение II (второ) место – ментор Весна Трајковска

Даријан Саравинов VIII-3 одделение III (трето) место – ментор Весна Трајковска

Алексеј Стојановиќ IX-3 одделение II (второ) место – ментор Катерина Лукарова

Дона Тасева IX-3 одделение III (трето) место – ментор Катерина Лукарова Сите ученици се пласираа на државниот натпревар

Им честитаме на учениците и нивните ментори.

Обука „Алгоритми“

Заврши втората мобилност од Erasmus+ KA229 проектот BAR CODE наменет за обука на наставници. Домаќин беше училиштето ” Портела” од Лисабон, Португалија. Креативни, инспиративни и корисни работилници за алгоритми, програмирање и роботика. Следната мобилност е во октомври во нашето училиште.

Ден на македонскиот јазик – 5 мај

Македонскиот јазик е темелот на нашиот идентитет. Неговиот развој го следиме уште од далечниот IX век па с’е до неговото прогласување за службен јазик во нашата држава на 2 август 1944, на Првото заседание на АСНОМ. Овој долгогодишен развој на македонскиот јазик многу јасно говори за нашето коренито потекло, историја и традиција. Затоа наша задача е да го чуваме и негуваме јазикот, само така ќе останеме верни на нашите претци и ќе ја зачуваме културата и традицијата на нашата татковина.

Денот на македонскиот јазик 5 мај, нашите ученици го одбележаа со креативни изработки.

Нека ни е честит и вечен

5 мај, Денот на македонскиот јазик!