,,Социјална правда за квалитетно образование”

Најдобро се учи од изминатите животни лекции на постарите. Нашите ученици од училишниот клуб за детски права кои се вклучени во проектот ,, И јас имам глас”, на 19 декември беа дел од настанот Speech 4 Teach организиран од фондацијата за образовни и културни иницијативи ,,Чекор по чекор ”. Тие заедно со нивните наставници кои се вклучени во проектот имаа можност во МКЦ да присуствуваат на прекрасни инспиративни говори на тема: ,,Социјална правда за квалитетно образование ” токму од луѓе кои навистина поминале низ животните лавиринти на социјалната неправда но сепак успеале да стигнат до својата замислена цел на социјалната правда. Ние, наставниците, родителите,психолозите сме оние кои во своите раце го имаме најмоќното оружје со кое можеме да го промениме светот!

ОТВОРЕН ГРАЃАНСКИ ДЕН ВО ООУ ,,ДАНЕ КРАПЧЕВ “

Денес, ние учениците, наставниците и директорот на ООУ,,Дане Крапчев” бевме домаќини на отворен ден на граѓанско образование, под мотото ,,НИЕ ДЕЦАТА МОЖЕМЕ МНОГУ” !

    Со големо задоволство, сите ние –големи и мали пречекавме многу гости. Горди сме  што пред многу возрасни, градоначалникот, претставници од БРО, директорот ,наставниците, родителите зборувавме за граѓански вредности.

  Пред сите нив ,го претставивме  нашиот Училишен парламент – на кој сме  особено горди .

  Ги презентиравме сите наши иницијативи  кои се реализирани и оние за кои бараме помош и очекуваме да се реализираат.

 Се покажавме како одлични млади оратори. Деца сме но ги знаеме аномалиите на денешното општество

 Му кажавме СТОП на насилството.

Кажавме НЕ на дискриминацијата !

 Кажавме ДА на детските права.

Кажавме  ДА на меѓуетничката интеграција во училиштата.

Горди сме на различностите во нашето училиште. Токму затоа денес зборувавме и пеевме на многу јазици .Горди сме на граѓанските вредности на кои не учат содржините од предметот граѓанско образование.

Горди сме што сите го слушнаа нашиот глас .

Деца  сме, но верувајте ги знаеме граѓанските вредности .

     Гласно ќе кажеме- ние децата на ООУ Дане Крапчев , денес се надминавме себе си , ги воодушевивме возрасните и им дадовме надеж да веруваат во нас –ние сме идните граѓани-водачи на оваа земја .

 Сите ние, учениците и возрасните во училиштето -препознатливи сме по тоа што секогаш целиме високо напред.

ДЕНЕС И ВОЗРАСНИТЕ ПРИЗНАА-НИЕ ДЕЦАТА МОЖЕМЕ МНОГУ !

Соработка со наставник од Шведска на часовите по физичко и здравствено образование

     Во период од 28.10 до 02.11.2019 г. учениците од  V-1   одделение од ООУ ,,Дане Крапчев” –Скопје и нивната наставничка Данче Костовска – Јакимовска имаа несекојдневна можност да бидат домаќини на наставникот  Роби Костовски – кои 16 години работи како наставник  по физичко и здравствено образование со ученици од VII до IX одд.во Шведска.

     Беа реализирани  несекојдневни  часови со многу динамика, тимски игри, часови на кои на прво место беше развивањето на  тимскиот дух, почитувањето на правилата на игра, градењето чесен однос кон соиграчот и противникот, правилното користење на реквизитите, јакнењето на самодоверба ,упорноста и желбата за успех и напредок.

     Игрите: ,, Јоши”;  ,, Јенка”;   ,,Кинески ѕид”; ,, Изгорена топка”;  ,,Опавче”; ,, Кенгури”;                   ,,Воз”; ,,Кој помалку”;  ,, Каде е топката”  ;и многу други предизвикуваа големо воодушевување , правилата беа совладувани брзо ,а игрите –изведувани со големо задоволство.Часовите траеа повеќе од предвиденото , а замор не постоеше.

     Учениците имаа можност преку видео презентации да видат во какви услови и на кои начин се изведуваат  часовите по физичко и здравствено образование во Шведска.

   Од остварената соработка користа за наставникот беше непроценлива –задоволството и радоста кај учениците немерливи.

   На разделбата имаше многу емоции и ветувања. Наставникот го испративме со изработена ,,Книга на спомени “ .Секој учениk даде ветување дека спортските активности ќе  бидат дел од неговото секојдневие, наставничката даде ветување дека ќе го применува виденото и наученото ,а наставникот Роби ни вети повторна средба и ни порача:

                                   Избери здравје – избери спорт !

                                                            Здраво тело-здрав дух –здрава нација !

На следниот линк може да го погледнете видеото од оваа убава соработка

https://drive.google.com/file/d/0Bxmo1t5pSm5GaTI3TW93RlNib0pBd3lmVV9ZQ0dBbU9WYWpr/view?usp=sharing

Денови на меѓуетничка интеграција: „ГРАДИМЕ ЗАЕДНИЧКА ИДНИНА-ГРАДИМЕ МОСТОВИ“

На 05.10.2019 г. во „Школка“ Градски Парк, Скопје беше одржана свечена манифестација во организација на ОБСЕ (OSCE-Organization for Security and Co-operation in Europe, Mission to Skopje). На манифестацијата присуствуваа околу 1000 ученици од 30 училишта од нашата држава кои се вклучени во овој проект. За самиот настан имаше говор од страна на Министерот за образование и наука, Арбер Адеми и господинот H.E. Clemens Koja (OSCE Head of Mission to Skopje). По нивното излагање следеше пригодна програма која беше наменета за учениците кои присуствуваа на свеченоста и тоа: хорско пеење, ритмички и спортски перформански, Зумба танцување, R’n’B со вокалот Kanita Suma, Тони Зен и Флека Бенд изведба во живо, како и најразлични улични артистички групи-Жонглери, Магионичар, Акробати, Кловнови, Цртачи на лице, одење по јаже и спортски активности-карате-ката во презентација на KK Yoshitaka, фудбалски натпревари, рачен фудбал, кошарка и пикадо.

Преку сите овие активности учениците ја примија пораката дека заедничката дружба е алатка за постигнување на поголемо меѓукултурно разбирање и почитување на разликите.

На 06.10.2019 г. во музичкото студио на познатиот пеач, музичар, композитор и снимател Александар Митевски, во склоп на Пионерски Дом Карпош, Скопје од 17:00 до 20:00 часот се снимаше Химната на општината Гази Баба под наслов „Мостови на другарство“ на три јазици: македонски јазик, албански јазик и англиски јазик. За оваа активност наставникот по музичко образование Ваљбон, од основното училиште во с. Страчинци, кој воедно и ја подготви музиката и го напиша текстот на песната ги подготви своите ученици (5 ученици од албанска етничка припадност 1 машко и 4 девојчиња) за делот на албански јазик, а наставничката Роза Јаневска ги подготви своите ученици да го пеат делот на мелодијата на македонски и англиски јазик.  На снимањето присуствуваа и директорката на ООУ „Кирил и методиј“ Анита и директорката на нашето училиште Виолета Стоилевска. Снимањето беше успешно, а во иднина ќе следи и подготовка на Химната со учениците кои пеат во хор од сите 11 училишта на нашата општина. Изведбата ќе биде на сите три јазици. На тој начин учениците ќе ги научат туѓите јазици, ќе ја разберат пораката на текстот и ќе создадат почит кон туѓите култури и јазици и почит на мултикултурата во нашата држава која претставува најголемо богатство за една држава.

Објавата на поетот Филип Димкоски

Денес се дружев со учениците од ОУ,, Дане Крапчев” во населба Ченто во Скопје, библиотекарката Жаклина и наставничките Јованка и Данче. Учениците за добредојде ми подарија грст песни и раскази за пролетта и со многу прашања и одговори но и со внимание и интерес. Јас пак им читав песни за екологијата и природата а меѓу стиховите прашував и давав одговори. Со стихови и пријатни разговори во библиотеката на училиштето на најубав начин го најавивме утрешниот Ден на пролетта и Денот на поезијата. Благодарност за иницијативата и поканата од наставничката Јованка Грујовска

Филип Димкоски

This slideshow requires JavaScript.







Голема Еко акција во училишниот двор на ООУ „Дане Крапчев“ – Скопје

Оваа седмица на инцијатива од  нашиот  Еко-тим во соработка со Јавното Комунално Претпријатие „ Гази Баба 2007” се спроведе  голема Еко-акција. Акцијата опфати  расчистување на отпадот расфрлен во задниот дел на училишниот двор  од страна на несовесни граѓани.

Со помош на механизација на ЈКП „Гази Баба 2007“ се расчисти оргомна количина на отпад на кој местото не му е во нашиот училишен двор.

Сакаме да апелираме до сите граѓани кои гравитираат низ нашиот двор дека тој е место за рекреација и дружење на нашите ученици , а не депонија !!! Несоодветно одложениот отпад е опасен за здравјето на сите нас!

Во иднина се надеваме дека нема да има потреба од ваков тип на акции , а вооедно сакаме да искажеме јавна благодарност за помошта од ЈКП “Гази Баба 2007”.

И за крај една убава вест – Пред училишниот влез засадени се четири зимзелени садници од видот Туја-смарагд кои ќе придонесат за разубавување на амбиентот.

Грижата и негата за садниците е заедничка одговорност!

ЕКО – тим







Промотивен настан на активности за меѓуетничка интеграција на Денот на Општината

Ве очекуваме на 03.11.2018 во 17:00 во спортската сала „Крсте Мисирков“ да ги проследите заедничките активности на учениците од 11 основни училишта во општина Гази Баба.

44948651_2234829983254898_5425486770881953792_o







Објавен редовниот конкурс за учениците од основите и средните училишта по повод Светскиот ден на штедењето и Светскиот ден на осигурувањетo

Превземено од: http://www.nbrm.mk/ns-newsarticle-objaven-redovniot-konkurs.nspx

Денес, Народната банка на Република Македонија (НБРМ), Министерството за финансии и Агенцијата за супервизија за осигурување (АСО) го објавија конкурсот за ученици од основното и средното образование, којшто веќе неколку години наназад е заедничка активност по повод одбележувањето на Светскиот ден на штедењето – 31 октомври и Светскиот ден на осигурувањето – 1 ноември. Трите институции коишто заеднички учествуваат во Координациското тело на регулаторните институции во Македонија за финансиска едукација, со овој конкурс имаат за цел да ja поттикнат креативноста, имагинацијата, како и критичкото размислување на учениците при создавањето творби на темите штедење и осигурување. Овие институции на овој начин ќе придонесат за натамошно интересирање и едуцирање на младата популација за овие два клучни сегмента во финансиската сфера.

Во конкурсот се одредени две теми на кои учениците од основите училишта можат да се јават со испраќање литературна творба – песна и/или ликовна творба – цртеж: „И јас умеам да штедам“ и „Што значи осигурувањето на домот и семејството за мене“. По завршување на конкурсот ќе бидат избрани по три најдобри литературни и ликовни творби на двете теми. На авторите (ученици) на избраните творби ќе им бидат доделени парични награди.

Годинава, за првпат, на конкурсот, учениците од средните училишта можат да испратат литературна творба – есеј, и тоа на тема „Штедам – мислам на својата иднина“. Според насоките дадени во конкурсот, есејот треба да содржи личен поглед кон штедењето, со осврт на некои од важните прашања: причините и потребата за штедење, значењето на штедењето за иднината, ставот кон штедењето на младата популација наспроти повозрасните, семејните навики и штедењето, познавањата на младите за штедењето во финансиските институции и други аспекти.

Учениците од средното образование можат да конкурираат и со литературна творба – расказ на тема: „Што значи осигурувањето на домот и семејството за мене“. На авторите (ученици) на трите најдобри есеи и раскази ќе им бидат доделени парични награди.

Условите за учество се наведени во конкурсот којшто е објавен на интернет-страниците на НБРМ, Министерството за финансии и АСО.

Крајниот рок за доставување на творбите е 15 октомври 2018 година.

Пристигнатите творби ќе ги разгледуваат и ќе ги оценуваат комисии формирани од претставници на трите институции коишто го распишаа конкурсот. Списокот на наградените ученици, датумот и локацијата на доделувањето на наградите ќе бидат објавени најдоцна до 31 октомври 2018 година, на интернет-страниците на трите институции.

НБРМ, Министерството за финансии и АСО се надеваат дека и оваа година, конкурсот ќе предизвика голем интерес меѓу учениците од основните и средните училишта во Република Македонија и дека дополнително ќе го стимулира стекнувањето и развивањето на навиките за штедење, а воедно ќе придонесе и за подобра упатеност во можностите коишто ги дава осигурувањето. Трите институции ќе продолжат со активностите преку кои ќе се обидуваат да придонесат за соодветно финансиско едуцирање на новите генерации, со што ќе се овозможи зголемување на финансиската писменост на населението во Република Македонија и во иднина.

 







Правилна исхрана – одлична иднина

Дружбата и активностите продолжија на 07.06.2018г. во нашето училиште “Дане Крапчев’. Учениците раскажуваа за поминатите случки и впечатоците од заедничките посети на Земјоделскиот факултет, во фабриката Виталија, Зелениот пазар. Дискутираа за здравата храна и она што го осознале. Потоа од набавените зеленчукови и овошни плодови, различни по вид, учениците приготвија овошни и зеленчукови салати според различните рецепти, онака како што правеле нивните мајки или по рецепти. Додека ги приготвуваа салтите појаснуваа каде најмногу успева плодот, кои витамини ги содржи и сл. Подготвија прекрасна трпеза. Вредните раце на учениците ги наполнија кошниците со овошје и зеленчук и се упативме кон СОС Детско село. Беа пречекани од нивните соученици – штитеници на СОС Детско село. Дружбата продолжи.

 

This slideshow requires JavaScript.

 

 

 







Правилна исхрана – одлична иднина

Продолжуваме со реализација на проектот: ,,Правилна(здрава)исхрана-одлична иднина“  во рамки на МИО по добиениот Гранд од МОН.  Учениците од ООУ,,Дане Крапчев,, и ООУ,,25 Мај,, беа во заедничка посета на ВИТАЛИЈА – Фабрика за производство и преработка на здрава храна. Поминавме еден прекрасен ден во дружење и запознавање со процесот на преработка, производство и пакување на здрави производи од „Виталија“.

This slideshow requires JavaScript.