…Радост, гордост, возбуда, насмевки, неизвесност, мала трема, измешани емоции и по некоја солза радосница беше се она што се случуваше денеска во нашето ООУ „Дане Крапчев„

Учениците со кратка пригодна програма го одбележаа крајот на учебната година и заминувањето на деветтооделенците од нашиот заеднички дом – училиштето Дане Крапчев.

Оваа пригода како училиште ја искористивме да ги прогласиме и најуспешните ученици кои во учебната 2018/2019 година го претставуваа нашето училиште на општинските, регионалните и државните натпревари и освоија прво, второ или трето место, а пак училиштето им додели признанија за нивните постигнати резултати.

На овој свечен настан му дадовме и еден посебен белег со тоа што успеваме да ја вратиме традицијата која со години се негуваше во нашето училиште и да ги прогласиме учениците кои го завршија овој циклус на образование со континуиран одличен успех, а исто така беше прогласен и првенецот на генерацијата.

Ученици кои го завршија овој циклус на образование со континуиран одличен успех и примерно поведение:

IX-1 одделение: Емилија Трајковска, Катерина Илиевска, Сара Јосевска и Лука Карагунов

IX-2 одделение: Симона Петровска, Ивана Додевска и Никола Маркоски

IX-3 одделение: Миа Јакимовска и Ивана Стефановска

IX-4 одделение: Петар Здравевски, Виктор Милески и Маја Стојановска.

Првенец на генерација 2019 – Катерина Илиевска од IX-1 одделение

За сите ученици кои беа со континуиран одличен успех во нивното образование како и за првенецот на генерацијата беа обезбедени симболични подароци.

Денеска нашите деветтоделенци го напуштаат нашиот заеднички дом и заминуваат кон освојување на нови повисоки цели.

Сигурни сме дека од ова училиште во животот ќе носат преубави спомени, но и знаења кои понатаму ќе ги надоградуваат, знаења со кои ќе го освојуваат светот но и ќе градат подобра и поубава иднина за оваа земја.

Среќно!!!

Подготвил:

Даниела Торковска – Координатор за културно забавен живот во училиштето

Со цел учениците од петто одделение да се запознаат со францускиот јазик, како еден од најмногу зборуваните јазици ширум светот освен англискиот, во текот на второто полугодие од учебната 2018/19 година во нашето училиште се спроведуваше проект за сензибилизација на јазикот. Учениците имаа можност да се запознаат со основите на јазикот преку игри и песни. На 3 мај учениците имаа и работилница со французинката Силвен Ајаш,која работи во Центарот за универзитетски успех на франкофоните при Филолошкиот факултет.

На 28.05.2019 година се одржа приредба насловена како “J’aime le francais” – Го сакам францускиот на која учениците го презентираа тоа што го научиле. Покрај нив, на приредбата со драматизации, игри и песни се претставија и учениците од VI до IX одд. Учениците со голема возбуда и ентузијазам успешно се претставија, што можеше да се забележи по задоволните лица како на учесниците така и на присутните гости

На приредбата присуствуваа амбасадорот на Франција г. Кристиан Тимоние, градоначалникот на општина Гази Баба  г.Борис Георгиевски, г-ѓа Љупка Димова од Францускиот институт и претседателката на Здружението на професори по француски јазик г-ѓа Јулијана Јозиќ. Амбасадорот и градоначалникот им се обратија на присутните и ги охрабрија учениците да продолжат и понатаму да го изучуваат францускиот јазик и да приредуваат вакви манифестации.

Довидување до следната година!

Одговорен наставник – Анета Митевска