На 29.08.2019 година,сите наставници од ООУ „Дане Крапчев” – Скопје следеа обука на тема: „Ученичко учество и заштита на детските права“. Реализатор на обуката беше Магдалена Павлеска- наставник по предметот граѓанско образование. Целта на обуката беше наставниците да се запознаат со современите методи на учество на учениците во демократското делување во училиштето преку формирање Ученички парламент и одредување Ученик-правобранител.
На 21-11-2017 во нашето училиште се одржа работилница за наставници во рамките на проектот ЕКО ПАКЕТ-Македонија со што официјално го означуваме стартот на овој еко проект. Проектот се реализира во соработка со НВО „ОХО” и компанијата „Пакомак”, а оваа година целна група се учениците од I до V одд..
Целта на проектот е запознавање на учениците, наставниците , родителите и локалната средина за употребната важност на тетрапак амбалажата. Тетрапак амбалажата доколку се селектира од останатиот отпад е погодна за рециклирање. За да ја постигнеме таа цел во училиштето ќе бидат поставени соодветни корпи за селектирање на тетрапак амбалажа, со што ја означуваме првата фаза од проектот. Еден дел од собраниот амбалажен отпад ќе се искористи за изработка на уметнички дела од учениците под менторство на одделенските наставници, а останиот дел ќе се предаде на компанијата “Пакомак” со цел истиот да се одложи соодветно. Најуспешните дела ќе се ипратат на национален награден конкурс во организација на НВО „ОХО” и компанијата „Пакомак” кој е планиран за месец мај.
За сите подробности во врска со конкурсот тековно ќе Ве информираме.
На 17 ноември 2017 во ООУ Дане Крапчев се одржа ателјето за дисеминација на обуката “Иновирање, креирање и мотивирање во наставата “ и на истото присуствуваа 32 наставници од училиштето. Ова атеље беше анимирано од наставничката Анета Митевска, која учествуваше на обуката која се одржа во август,во Охрид, организирана од OIF – Меѓународната организација на Франкофонијата во соработка со МОН
Цели на обуката :
Програма на атељето:
Во текот на атељето беа претставени разни активности, интернет ресурси и игри кои ќе ја поттикнат мотивацијата кај учениците и ќе го олеснат учењето.
Атељето на дисеминацијата се одвиваше во најдобри можни услови, во прекрасна атмосфера а тоа пред се беше можност за дискусија и размена на искуства меѓу наставниците од предметна и одделенска настава.
На 04.07.2017 год. се одржа обука во организација на нашето училиште. Обуката ја одржаа предавачи од Едукативен центар „ Алгоритам центар“ на обуката присуствуваа 42 наставника
На 04.07.2017 во хотелот „Дрим“, г-ѓа Изабел Марки-Барбо, Директорка на Францускиот инстут во Скопје, свечено го отвори 19-тиот Летен универзитет во Струга.
На отворањето збор зедоа и: г-ѓа Флоранс Коз од Францускиот институт во Србија, г-ѓа Соња Радкова од Франкофонскиот центар за обуки во Софија (CREFECO) и г-ѓа Марија Николова, одговорна за #Франкофонија при Министерство за образование и наука на РМ.
На универзитетот учествуваат 90 професори по #францускијазик и професори кои предаваат други наставни предмети на француски јазик во двојазичните #франкофонски паралеки, и тоа од 9 земји: Хрватска, Босна и Херцеговина, Србија, Косово, Албанија, Македонија, но и од Романија, Молдавија и Ерменија.
На универзитетот присуствуваат и наставниците по француски јазик од нашето училиште
Јасмина Ѓоргиева Анета Митевска
Летниот универзитет се затвора на 7 јули
На 17.06.2017година, во соработка помеѓу Специјалната олимпијада и УНИЦЕФ, се одржа конференција на тема ,, Обезбедување на можности за личен развој и интеграција во заедницата на лицата со интелектуална попреченост преку спортот,,. На оваа конференција и присуствуваа Јорданчо Тодосиев – наставник по физичко и здравствено образование и Елизабета Георгиевска -одделенски наставник.
Специјалната олимпијада за „Млади атлети“ е програма за спортување и игра за деца со и без интелектуална попреченост на возраст од 2 до 9 години. Целта на програмата на „Млади атлети“ е да ги запознае децата со основните спортски вештини, начините како децата заедно да играат и да се дружат.
По воведот кој го дадоа претставниците на Специјалната олимпијада и УНИЦЕФ, Младите атлети – деца и волонтери, прикажаа практични примери, вежби и игри кои можат да се користат на часовите по физичко и здравствено образование. Потоа следуваше работилница на која волонтерите, наставниците, стручните соработници и водителите на конференцијата работеа во групи и меѓусебно си ги разменуваа своите искуства околу потешкотиите со кои се среќаваат во секојдневната работа и како истите да се надминат.
Одделенски наставник:
Елизабета Георгиевска
Ателјето за Дисеминација на обуката “Техники за усна интеракција на часот по француски јазик за подобрување на комуникацијата на француски “ се одржа во сабота, 13 мај 2017 на Филолошкиот факултет Блаже Конески во библиотеката на катедрата за романски јазици и литература од 10 до 17 часот . Ова атеље беше анимирано од учесничките од Скопје на обуката која се одржа во август,во Охрид – проф. д-р Снежана Петрова од Филолошкиот Факултет , Милена Касаповска Чадловска- виш лектор на правниот факултет во Кичево , Сузана Стојчевска- професор во СУГС Орце Николов, Анета Митевска и Јасмина Ѓоргиева наставнички по Француски јазик во ООУ Дане Крапчев .
Цели на обуката :
Програма на атељето:
Теоретските елементи за техниките на усно изразување претставени на почетокот на атељето брзо беа заменети со презентација и реализација на игри
Атељето на дисеминацијата се одвиваше во најдобри можни услови, во прекрасна атмосфера а тоа пред се беше можност за дискусија и размена на искуства меѓу професори по француски јазик од различни нивоа (од основно до факултет)
Во вонредни услови, на температура далеку под нулата, без парно греење наставниците , стручните соработници и директорт на училиштето учествуваа на обука „Диференцирана настава во инклузивна училница“
Училиште/Објект: ООУ „ Дане Крапчев “
Место: Скопје
Обучувачи: Тања Метикош, Билјана Стојановска
Датум: 17 и 18.01.2017
Учесници: Одделенски и предметни наставници, стручни соработници, директор
Дневен ред:
| 17.01.2017 (понеделник) | |
| 09.00 – 10.00
|
Единица 1.2 Димензии на различноста.Интерподеленост. |
| 10.00 – 11.00
|
Единица 2.1 Клучни елементи на диференцирање. Пирамида на планирање |
| 11.00 – 11.30 | Пауза |
| 11.30 – 12.30
|
Единица 2.2 Организација на училницата. Атмосфера во училницата |
| 13.00 – 14.30 | Единица 1.1 Измени и прилагодувања на наставни планови, настава на повеќе нивоа |
| 14.30 – 16.00
|
Единица 1.2 Колаборативно учење |
| 18.01.2017 (вторник) | |
| 09.00 – 10.00
|
Единица 2.1 Различни видови на оценување Врсничко оценување и самооценување во училницата |
| 10.00 – 11.00
|
Единица 2.2 Повратни информации |
| 11.00 – 11.30 | Пауза |
| 11.30 – 12.30
|
Единица 1.1 Проблематично однесување Метод на група за поддршка без обвинување |
| 13.00 – 14.30 | Единица 1.2 Градење класна заедница |
| 14.30 – 15.30
|
Лекција 2.1 Соработка со семејствата |
| 15.30 – 16.00
|
Евалуација на модулот |
