ПОЧИСТ ДВОР, ПОЗДРАВА ОКОЛИНА, ПОСРЕЌНИ ДЕЦА

Чистата животна средина значи поздрав простор за живот, побезбедно место за игра и поубаво секојдневие за сите нас.

Токму затоа, денес учениците од нашето училиште се вклучија во еко акција за чистење на училишниот двор. Големи и мали, здружени со заедничка цел, покажаа дека со малку труд, добра волја и заеднички сили можеме да направиме голема разлика.

Затоа што грижата за природата не е само обврска, туку навика што ја градиме заедно.

Да го чуваме чисто она што ни припаѓа на сите!

Со Аквадон, Пет и Еко – ден исполнет со песна, смеа и детска радост!

Денес во нашето училиште имавме едно поинакво дружење!

Аквадон, Пет и Еко ни донесоа многу смеа, песна и забава, а нашите ученици со радост се вклучија во музичката авантура. Се пееше, се танцуваше и се уживаше во секој момент! 💃

Убаво е кога училишниот ден ќе се претвори во ваква весела дружба, исполнета со детски насмевки и позитивна енергија.

Благодарност до „Артленд & Бејби Арт Продукција” за убавото доживување!

СВЕТОТ Е ПОУБАВ КОГА ГИ ПОЧИТУВАМЕ И ПОДДРЖУВАМЕ ДЕТСКИТЕ ПРАВА

Во рамките на активностите за Детската недела, нашите вредни ученици преку креативни работилници, цртежи и пораки ни покажаа колку се важни детските права и нивната среќна иднина!

​Преку своите изработки, учениците не потсетија на:

​ Правото на глас и мислење

​ Правото на игра и дружење

​ Правото на образование и развој

​ Правото на љубов, грижа и безбедност

​Преку бои, насмевки и заедничка работа, уште еднаш ги истакнавме вредностите кои секојдневно ги негуваме во нашата училишна заедница.

​ Секој глас на детето заслужува да се слушне!

8 Октомври – Ден за заштита на природата: НАУЧИ, ЧУВАЈ, СОЗДАВАJ

​Денес нашите четвртодделенци го одбележаа 8 Октомври – Меѓународниот ден за заштита на природата и намалување на ризикот од катастрофи со креативна еко-работилница под мотото „Од отпад до уметност“! 🌱

​ 1. Едукација и свест: Учениците разговараа за последиците од загадувањето врз нашата планета и како човечките активности влијаат врз животната средина.

​ 2. Еко-акција: Преку практична тимска работа, тие им дадоа „втор живот“ на собраните пластични капачиња, изработувајќи прекрасен еко-мозаик и шарени еко-декорации.

​Со овие активности, нашите ученици покажаа дека зачувувањето на Земјата започнува со мали, но свесни чекори секој ден!

СВЕЧЕН ПРИЕМ НА ПРВАЧИЊАТА ВО ДЕТСКАТА ОРГАНИЗАЦИЈА!

Денешниот ден го одбележавме и со многу детска песна, прегратки и среќни лица!

Нашите најмали ученици официјално станаа дел од Детската организација, гордо носејќи ги своите први медалчиња.

​Секое дете заслужува топла средина, пријателство и безгрижно учење.

Им посакуваме среќен и успешен почеток на ова прекрасно училишно патување!

5 ОКТОМВРИ – СВЕТСКИ ДЕН НА УЧИТЕЛОТ

Во рамките на Детската недела со многу насмевки и емоции го одбележавме Светскиот ден на учителот!

​Преку прекрасен рецитал, рачно изработени честитки и пораки со благодарност, нашите ученици им оддадоа признание на своите учители за нивната посветеност, љубов и знаење што им го пренесуваат секој ден.​

​На сите просветни работници им го честитаме нивниот ден – останете и понатаму сјајна ѕвезда што го осветлува патот на знаењето.

Ученички парламент за учебната 2026/27 година

УЧЕНИЧКИОТ ПАРЛАМЕНТ е подготвен за нови предизвици, дебати, дискусии и акции во учебната 2026/27 година!

Новиот состав ќе го предводат:

Јана Ангелова – претседател

Јана Србиноска – заменик-претседател

Меланија Георгиевска – секретар

За претставници на учениците на состаноците на Наставничкиот совет, Советот на родители и Училишниот одбор се избрани:

Илина Нестороска

Јана Велковска

Нека биде ова година исполнета со идеи, иницијативи, тимска работа и ученички глас што се слуша!

СРЕЌНА И УСПЕШНА РАБОТА!