На ден 30-04-2018 во нашето училиште се одржа избор за за најдобри изработки од тетрапак амбалажа во рамките на проектот “ЕКО пакет-Македонија”.Teмата на која учениците твореа беше “Зелен тарнспорт”

Им честитаме на победниците кои одат на националниот конкурс во мај.

Сите изработки ќе бидат  изложени во училишниот хол до крајот на утрешниот ден. 

Благодарност до сите наставници,ученици и родители кои се влучија во активностите во рамките на проектот

Освоено ПРВО МЕСТО на училишен натпревар

Наслов на уметничко дело KAJAK

 

Ментор: Данче Костовска-Јакимовска
Име и презиме  на ученикот	Одделение
1.       Максимилијан Стојчев	Трето одделение
2.     Давид Арнаудов	Трето одделение
3.      Мики Величковски	Трето одделение
4.     Стефани Настева	Трето одделение

Освоено ВТОРО МЕСТО на училишен натпревар

Наслов на уметничко дело EKO-МЛЕКО

Ментор:Гордана Павлова
Име и презиме  на ученикот	Одделение
1.Марио Јовчевски	V
2.Теодора Цветковска	V
3.Јована Деаноска	V
4.Стефан Јанкоски	V
5.Кристина Тасева	V

Освоено ТРЕТО МЕСТО на училишен натпревар

Наслов на уметничко дело СОЛАРЕН ВОЗ

Билјана Трајановска
Име и презиме  на ученикот	Одделение
1.Јана Павловска	II-4
2.Софија Мијалковска	II-3
3.Матеј Митрески	II-2
4.Марија Спасовска	II-1
5.Павел Доневски	II-1

 

Во нашето училиште оваа недела се одржаа неколку активности преку кои се обидовме да го насочиме вниманието кон важноста за зачувањето на нашата планета.

Учениците од еко тимот поставија пано на кое ги испишаа своите еколошки пораки упатени до сите посетители на нашето училиште.

Исто така и оваа година се одржа едукативно предавње на тема “Климатски промени” кое го одржаа НВО “Go green”  и учениците од гимназијата  ” Раде Јовчевски- Корчагин”.

Чест е да се имаат гости кои шират ваква благородна едукација, а задоволството е уште поголемо кога тие гости своите први чекори во областа на екологијата ги направиле во нашето училиште. Во улога на предaвач го имавме нашиот негогашен ученик Александар Атанасовски и неговите соученички од гимназијата кои се потрудија да ги запознаат нашите ученици со последиците од климатските промени.

This slideshow requires JavaScript.

На 20.04.2018 год. учениците од I до V одд. имаа можност да ја проследат ЕКО- едукативната претстава „Хокус- покус, рециклирањето е во фокус“  во соработка со ПАКОМАК.

Со многу магија, смеа и забава учениците  учеа како да ја практикуваат 3Р програмата (РЕЦИКЛИРАЊЕ, РЕУПОТРЕБУВАЊЕ И РЕДУЦИРАЊЕ)

Преку активно учество и анимирање на учениците, по пат на примери во триковите и со важни пораки за зачувување на животната средина еко-магионичарот Кристиан Шопов направи магично шоу кое никого не остави рамнодушен.

This slideshow requires JavaScript.

Нашето училиште се вклучи светската акција насловена како ” Global Action Days ” Наш избор е да ја подржиме Цел 3. Да се обезбеди здрав живот и да се промовира благосостојба за сите од сите возрасти

Опис на активноста -Еколошка парада низ локалната средина за подигнување на свеста против аерозагадувањето во нашиот главен град,Скопје и поделба на едукативни флаери за намалување на аерозагадувањето на локалното население.

За жал Скопје е во врвот по загадување на воздухот и со оваа активност сакаме да предложиме едноставни совети преку кои секој од нас ќе може да даде личен допринос за намалување на загадувањето со мали измени во секојдевната рутина.

This slideshow requires JavaScript.

Оваа учебна 2017/2018 година нашето училиште е вклучено во Проектот Еко пакет, кој  е наменет за развивање на свеста и значењето на одговорното однесување кај учениците, наставниците, вработените во училиштето и родителите, преку собирање и селектирање на употребената Тетра Пак амбалажа од млекото, јогуртот и соковите.

За таа цел во месец март активот на   III  одделение формира тим од ученици , наставници  и родители кои на 02.04.2018 организираа работилница за изработка на уметничко дело од селектирана Тетра Пак амбалажа на тема „Зелен транспорт“.

  На работилницата од 35 тетрапак амбалажи  од  сокови од еден литар,                                 20  капачиња и  1 метар коноп беше изработен кајак.

Со изработениот кајак активот на трето одделение ќе учествува на училишниот избор за три  најдобри уметнички дела.

Избраните дела  ќе учествуваат на националниот конкурс „Еко пакет Македонија“ .

Убедени сме дека со селектирање на употребената Тетра Пак амбалажа ја намалуваме количината на отпадот во депониите, го намалуваме загадувањето на животната средина и ги зачувуваме природните ресурси.

Со оглед на тоа што  изработката на  уметничкото дело помина во позитивна атмосфера , смеа, другарство ,соработка, надополнување на креативноста , со нетрпение го очекуваме училишниот избор и се надеваме на успех.

Актив на трето одделение

This slideshow requires JavaScript.

Во месец март активот на четврто одделение ја реализира планираната активност „Еко пакет „ на Македонија.

Имено  најнапред се формира тимот  и се договори датум за работилницата. Истата се реализира на 22.03.2018 год. Целта беше да се изработи уметничко дело од употребената и селектирана Тетрапак амбалажа.

Работилницата се реализира со голем ентузијазам од страна на учениците и родителите. Во работата покажаа доста креативност и умешност и создадоа две уметнички дела под мотото Зелен превоз.

Работилницата помина во ведар дух и позитивно расположение.

 

This slideshow requires JavaScript.

 

Одговорен наставник:  Јованка Грујовска

 

Еко тимот на нашето училиште спроведе низа активности со кои го одбележа Денот на екологијата.

Активностите беа разновидни ,но со иста цел – Да се потикне свеста за важноста на задрава и чиста животна средина.

Првата активност која ја направија учениците беше засадување на 60 корени сезонски љубичици во училишниот двор и уредување на жардињерите.

Ги уредивме и саксиските цвеќиња, а изработивме и и истакнавме еко пораки за заштеда на енергија, вода и чување на околината . Пораките ги истакнавме на видни места низ училиштето.

Во училишниот хол истакнавме ликовни творби на тема “Природа” , а изложивме и дела изработени од рециклирани материјали.

Денеска не’ изненади снежното време, но ние не се откажавме и продолживме!

Централна активност беше едукативно предавање на тема “Учиме за цвеќињата”.

На ова предавање учениците се запознаа со правилната нега и грижа за најчестите цвеќиња во нашите дворови , а се запознаа и со начинот на одгледување на цветни растенија во оранжериски услови. Во улога не предавач беше ученичката Андријана Антовска од VII oдд.  која ја изработи оваа презентација со стручна помош на оранжеријата  “Лале”.Учениците не само што се информираа за одржувањето на растенија туку се запознаа и со целиот процес на подигнување на растенијата од семе,начинот на одржување на соодветни услови во оранжериите и со системот за полевање на принципот капка по капка.

Следна активност која ја реализиравме беше одбележување на Светскиот ден за заштита на водите.Носители на оваа активност беа учениците од дневен престој.Тие изработија пано и еко пораки преку кои го пренесоа апелот за важноста на штедењето на питката вода. Пораките ги поделија на локалното население, сооучениците и вработените во нашето училиште.

И на крај да Ве потсетиме дека собирна акција за отпад (пластика,хартија и е-отпад) е во тек.Отпадот ќе се собира секој ден до петок во двете смени !!!

Активностите продолжуваат веднаш штом се подобрат временските прилики…

This slideshow requires JavaScript.

Пролетта ќе ја започнеме со пролетно чистење и засадување сезонски цвеќиња и млади садници.

Приклучете се во акцијата!

На 21-11-2017 во нашето училиште се одржа работилница за наставници  во рамките на проектот ЕКО ПАКЕТ-Македонија со што официјално го означуваме стартот на овој еко проект. Проектот  се реализира во соработка со НВО „ОХО” и компанијата „Пакомак”, а оваа година целна група се учениците од I до  V одд..

Целта на проектот е запознавање на учениците, наставниците , родителите  и локалната средина за употребната важност на тетрапак амбалажата. Тетрапак амбалажата доколку се селектира од останатиот отпад е погодна за рециклирање. За да ја постигнеме таа цел во училиштето ќе бидат поставени соодветни корпи за селектирање на тетрапак амбалажа, со што ја означуваме првата фаза од проектот. Еден дел од собраниот амбалажен отпад ќе се искористи за изработка на уметнички дела од учениците под менторство на одделенските наставници, а останиот дел ќе се предаде на компанијата “Пакомак” со цел истиот да се одложи соодветно. Најуспешните дела ќе се ипратат на национален награден конкурс во организација на НВО  „ОХО” и компанијата „Пакомак” кој е планиран за месец мај.

За сите подробности во врска со конкурсот   тековно ќе Ве информираме.

 Ве повикуваме да го направме првиот чекор од проектот   и заеднички да отпочнеме со собирната акција на ТЕТРАПАК амбалажа!!!!

This slideshow requires JavaScript.