Author: Дане Крапчев

Новогодишна работилница во III – 4 одд.

На 14.12.2016  во 17 h. во рамките  на активностите планирани програмата за работа  на  тимот Соработка со родители и планираните активности на работата на одделенскиот наставника се одржа новогодишна работилница во III – 4 одделение. На работилницата зедоа учество сите ученици од одделението и 13 родители. Во топла и пријатна атмосвера со креативни идеи на родителите и учениците беа украсени училницата на III – 4 одделение и  ходникот  пред училницата .

Истата рабтилница во рамките на проектот МИО допринесе да се украси и холот на  училиштето со честитка напишана на ромски јазик  BAHTALO NEVO BERSH!!!

Благодарност до сите ученици и родители од III – 4 одд. за успешно  учество во новогодишната работилницa.

Одделенски наставник     Јованка Грујовска

Училишно – родителска соработка

На 12.12.2016г. понеделник  со почеток во 17 часот, во соработка со родителите се одржа новогодишна работилница. Во неа учествуваа 11 ученици и 11 родители. Беше украсена целата училница со прекрасни новогодишни декорации и заеднички изработки. Беше голема чест и задоволство да се соработува во весела и пријатна атмосфера. Почитувани родители од мое име и од името на нашите ученици Ви благодариме за Вашето учество и Вашиот придонес во животот и работата на училиштето.
 
                                               Одд. наставник – Светлана Пешовска

НОВОГОДИШНА РАБОТИЛНИЦА СО РОДИТЕЛИ ВО I -3 одд.

На 09.12.2016 год. со почеток во 17.00 часот во училницата на I-3 одд. беше реализирана новогодишна работилница.

Работилницата беше планирана и организирана од одделенскиот наставник Жаклина Атанасовска, учениците и нивните родители, со цел – изработка на новогодишни украси и украсување на училницата.

На работилницата присуствуваа 11 родители и 10 ученици. Во текот на истата во пријатна атмосфера и ведро расположение, во траење од два часа беа изработени поголем број декоративни украси кои беа поставени во училницата.

На општо задоволство, училницата е прекрасно украсена и учениците ќе имаат можност да престојуваат во прекрасен новогодишен амбиент.

 

Одделенски наставник на I -3 одд.

Жаклина Атанасовска

Почитувани родители!

Во текот на оваа седмица, одделенските наставници ќе организираат работилници за новогодишно украсување на училниците. Ве повикуваме активно да се вклучите и воедно да придонесете за пријатниот амбиент во училиштето.

Во периодот од 26.12.-30.12.2016 г. повторно се планираат активности во рамките на Проектот – Меѓуетничка интеграција и тимот за Родителска соработка. Активноста е под наслов  МУЛТИЕТНИЧКА ПРЕДНОВОГОДИШНА ТРПЕЗА . Предновогодишната трпеза ќе ја подготват родителите и наставниците со тоа што ќе приготват традиционални национални  јадења.  Учениците и родителите гости ќе имаат можност да ги вкусат јадењата и да се запознаат со начинот на нивното приготвување.  Поблиски информации за овој настан ќе добиете од одделенските наставници.

Ве повикуваме масовно да се вклучите и да поминете пријатни мигови со Вашите деца и наставниците!

Спортски натпревари

Изминатата седмица нашите фудбалери, кошаркари и одбојкарки имаа настапи во  лигите: фудбал – машки, кошарка – машки и одбојка женски.  Настапите на нашите спортисти беа делумно успешни.  Фудбалерите се закитија со убедлива победа – Дане Крапчев : Кирил и Методиј  (6 : 1 ).   Кошаркарите одиграа шок натпревар и за жал  изгубија за еден поен од домаќинската екипа на ООУ Крсте Мисирков ( 43: 42 )  Нашите  одбојкарки  го изгубија натпреварот против екипата на Крсте Мисирков  (2:0) во сетови.

Сите не можеме да бидеме членови на спортските екипи, но сите можеме да помогнеме за постигнувањето подобри спортски резултати како навивачи. На нашите спортисти сигурно многу ќе им значи нашата поддршка од трибините. Затоа ве повикуваме да ги следите сите натпревари и да им давате несебична поддршка во нивните заложби за постигнување подобри резултати.  Може и да се покрене иницијатива за формирање навивачка група која ќе го актуелизира и промовира следењето на спортските натпревари на нашите екипи.

Обука – Математика +

Во рамките  на Проектот на УСАИД „Со читање до лидерство“ чија главна цел  е подобрување на наставата и постигнувањата на математичката и јазичната писменост кај децата од одделенска настава,  Фондацијата за образовни и културни иницијативи „Чекор по чекор“- Македонија на ден 03.12.2016 реализирашае обука „МАТЕМАТИКА +“ во ООУ „П.П. Његош“  – Идризово .
На обуката присуствуваа и 6 наставника од нашето училиште: Жаклина Атанасовска, Данче Костовска  Јакимовска, Јованка Грујовска, Елизабета Георгиевска, Тања Метикош и Наташа Јосимовска . На обуката беа претставени техники за работа од темите кои се обработуваат на часовите по математика во одделенска настава. Обуката  ја реализираа обучувачите: Александра Павловска и Лулзим Мехмеди.

Ден на дрвото – Засади ја твојата иднина

-Цел:

-развивање на свест за здрава животна средина и важноста на засадување на дрвја за животната средина

-развивање позитивен другарски однос

На ден 30.11.2016г. учениците  од нашето училиште „Дане Крапчев“ се вклучија во традиционалната акција по повод Ден на дрвото.

Сите ученици од училиштето заедно со своите наставници се вклучија во акцијата за засадување на дрвца во училишниот двор.  Во дворот беа засадени околу 150 млади фиданки од листопадни и зимзелени дрвца кои ќе ја  разубават  и озеленат нашата околната.

Освен засадувањето на дрвцата учениците вредно ги уредуваа и сезонските цвеќиња засадени во дворот, а спроведоа и  акција за расчистување на сметот во училишниот двор.

ГОЛЕМ ОДМОР

На ден 29.11.2016г. учениците  од нашето училиште „Дане Крапчев“  беа гости – учесници  во образовната програма Голем одмор-МРТ. Учесници беа учениците од предметна настава од VI до IX одделение.

На почетокот беше претставена личната карта на училиштето и проектните активности кои што се реализираат, а потоа учениците се претствија со работата во воннаставните активности и нивни изведби.

Се претставија учениците талентирани за ликовна уметност со своите ликовни творби,  работилница за новогодишни украси  и награди освоени од ликовни конкурси. Исто така  самостојно сликаа на слободна тема во текот на целата емисија.

Еко тимот преку креативните работилници се претстави со изработки – цветни аранжмани кои ги засадија во стари предмети кои ги пренаменија во саксии. Прикажани беа и дел од фустаните  од  модната ревија-рециклирана облека и се водеше разговор со младите креатори за нивните идеи за изработка на моделите и за одржаниот Еко настан-модна ревија Trash fashion .

Младите математичари освен тоа што се вешти во решавањето на задачи успешно се претставија со презентациите за животот и делото на познати математичари.

Литературните творци зборуваа за нивните учества на разни конкурси , а беше претставена наградената творба на одржаната II Книжевна манифестација “Есен во Гази Баба“ по повод Денот на Општината  3 Ноември на тема:„Прличев и Сердарот во мојот есеј“

Преку Квиз- натпревар учениците ги покажаа своите познавања од музичката уметност.

Дел од членовите на мандолинскиот оркестар успешно ја изведе Божиќната песна, а маладиот хармоникаш го свиреше македонското Свадбарско оро.

Во емисијата се претставија и учениците преку ритмички игри и соло пеење на  прекрасната француска песна Ma-philosophie.

Гостувањето во емисијата траеше од 10,30 до 11,30,а дружењето и позитивните емоции продолжија и се пренесоа во училиштето.

ПРЕТСТАВУВАЊЕ НА УЧИЛИШТЕТО

МАТЕМАТИЧАРИ

ЕКО ТИМ  + ЛИКОВНА УМЕТНОСТ

МУЗИКА

Посета на Собранието на Република Македонија

Секој последен петок во месецот, како и овој на 25 ноември 2016 година, се одржа Отворен ден за посета на зградата на Собранието на Република Македонија. Ова претставуваше можност учениците од V одделение од ООУ “Дане Крапчев” да го разгледаат свечениот дел на зградата на законодавниот дом, како значајно обележје на македонската државност.Сето ова е дел од содржините кои се изучуваат по предметот општество во петто одделение. Целта беше учениците да се запознаат со начините на функционирање на институциите на системот и да стекнат нови сознанија за работата на институциите на системот.

15205746_1116308121771242_2112690145_o 15205780_1115609411841113_1234891058_o 15183837_1115611595174228_179162273_o  15134627_1201068996605616_160400647165143696_n    15182318_1115609775174410_39764611_o  15182333_1115609851841069_1657841299_o 15183962_1115611438507577_1220202904_o  15204083_1115610978507623_472694747_o 15204185_1115611395174248_1478586737_o   15205624_1116308125104575_712533931_o 15205675_1115611085174279_734171157_o  15215794_1115611281840926_1810785901_o 15219623_1201069643272218_9167191396852272223_n 15225261_1115609625174425_1058372208_o 15225280_1115609571841097_190582952_o 15225334_1115610548507666_2062392948_o     15232246_1201069689938880_9117150630742070381_n 15231637_1115610631840991_1390376253_o

15225339_1115609001841154_21934239_o

Натпревар – Дабар

Дабар е интернационален предизвик (еден вид натпревар), наменет за ученици од основните и средните училишта (почнувајќи со 3то одделение), кој има за цел да ја промовира информатиката и сродните науки. Истиот се организира во повеќе држави, и е еден од најпопуларните натпревари во светот. Во продолжение се дадени неколку информации поврзани со натпреварот, правилата, начинот на регистрација и учество, како и државите кои земаат учество во овој натпревар.

Инаку, како идеја, Дабар има добиено повеќе награди на европски и светски конференции. Последната од нив е добиена на Европскиот самит за компјутерски науки, каде Дабар ја доби наградата “Informatics Europe Best Practices in Education”. Со цел да ја промовираме оваа активност и во Република Македонија, се надеваме на поддршка од сите основни и средни училишта во Македонија. На тој начин, заедно можеме да ги промовираме компјутерските науки кај учениците, со што ќе придонесеме за нивниот развој како и развојот на нашата држава.

И нашето училиште се вклучи во овој меѓународен натпревар. Во натпреварот земаа учество наставниците: Марина Пејковска, Лиле Сарваноска, Виолета Стоилевска, Елизабета Георгиевска, Гордана Павлова и Тања Метикош.

На натпреварот учествуваа 70 ученици од нашето училиште од IV, VI, VII, VIII и IX. Најдобар резултат со освоени 90 поени имаа учениците Мартин Илиевски и Методија Тасевски, учениците: Дамјан Ѓорѓиевски, Христија Змејкоски, Елеонора Маркоска и Дона Тасева освоија 80 поени. Со освоени 70 поени натпреварот го завршија учениците: Петар Георгиевски, Дарио Ристовски, Теона Димишковска, Харис Расими, Јане Ѓорѓиевски и Матеј Трајчевски.