Нашиот мандолински оркестар под диригентската палка на наставникот Ванчо Јовчев го освои I-то место со 99 бода на Државниот натпревар за оркестри во I категорија.
Натпреварот се одржа во Валандово на 13.05.2018 год. на истиот земаа учество 17 училишта од целата земја. Нашиот оркестар на натпеварот се претстави со композициите „Полонеза“ од М.К.Огински и „Бетовен“ од Гоце Коларовски.
Многу сме горди што се дел од нашато училиште и им честитаме на победата!
По повод триесет годишнина од манифестацијата Саем на книгата ученици од IV до IХ одделение на ден 09.04.2018г. со наставниците Елена Малинова, Роза Јаневска, Катица Стојчевска, Весна Трајковска, Марија Наневска и Елена Тасевска, ја посетија метрополис арената Борис Трајковски каде годинава се одржа Саемот на книга . Учениците самостојно избраа и се подновија со книги по сопствена желба , заедно со наставниците присуствуваа на промоција на книга од писателката Исидора Бјелица која ја предводеше лично госпоѓата Бјелица со професори од институтот за Педагогија. Учениците имаа и време за слободни активности во бифето од спортскиот центар каде ги разменија своите импресии од посетата на саемот.
Денес, (09.05.2018 г) учениците од III-1 одд. го посетија Саемот на книгата. Некои од учениците имаа можност за прв пат да посетат настан од овој тип и уште при влезот , првата рекција беше-воодушевеност од глетката. Потоа секое дете тргна во потрага по книга по сопствен избор. На саемот имавме средба и мал разговоор со Министерката за образование – госпоѓа Рената Дескоска.
Веднаш по посетата на саемот, во нашето училиште активот на трето одделение беше посетен од студенти на ФИНКИ , кои одржаа кратко предавање на тема ,,Запознавање и заштита од малициозни , штетни софтвери – Информатика во мини паакување .“
превземено од https://deca.mk/
Во некои училишта прецизно ги информираат родителите каде бесплатно може да се извадат лекарски потврди за запишување во прво одделение, но во други не
За запишување ученик во прво одделение во основно училиште потребни се фотокопија од Извод од матичната книга на родените за детето, фотокопија од лична карта на родителите, потврда за систематски преглед од стоматолог и потврда за примени задолжителни вакцини издадена од надлежна здравствена установа. Лекарските потврди збунија дел од родителите кои запишуваат деца во училишта што не прецизирале каде да се извадат. Така, не знаејќи дека може бесплатно да ги добијат, плаќаат за нив.
Потврдите што се вадат кај лекарите во поликлиниките кои се дел од пунктовите за вакцинација, како и во ординациите за детска превентивна стоматологија се бесплатни. Матичните лекари, пак, имаат право да наплатуваат за овие документи.
– Издавањето на сите видови лекарски уверенија што ги издаваат матичните лекари (општ, педијатар, стоматолог) не се на товар на Фондот за здравствено осигурување. Ако се издаде потврда од здравствената установа каде што се вршат систематски прегледи, односно се вакцинираат деца, тогаш потврдата е бесплатна за осигурениците – велат од Фондот.
Во дел од училиштата во информацијата за запишување првачиња е наведено дека лекарското уверение, т.е. потврдата за примени вакцини треба да се земе од советувалиште за вакцини или т.н. вакцинални пунктови, а потврда за систематски преглед на заби од поликлиника, каде што има ординација за детска и превентивна стоматологија. Во некои е наведено и кои установи се најблиску. Меѓутоа, во друг дел, во објавената информација не е прецизирано каде може да се извадат потврдите, па некои родители одат кај матични лекари и плаќаат за услугата.
– Зедов потврди од матичен педијатар и од матичен стоматолог и за нив платив по 150 денари. Дури отпосле дознав дека можело и да не платам – вели Маја Ристевска.
Од Министерството за образование велат дека општините им посочуваат на училиштата каде може да се добијат овие потврди.
Според Законот за основното образование, при запишување на детето во прво одделение родителот е должен да достави потврда за примените задолжителни вакцини за детето, издадена од надлежна здравствена установа.
– Во врска со потврдата од стоматолог, во 2012 година Министерството за здравство во соработка со Министерството за образование и наука препорача при запишувањето во прво одделение родителите, покрај потврдите за систематски преглед, за нивните деца да достават и потврда за систематски преглед од стоматолог одговорен за нивното училиште. Ова е со цел да се пристапи кон спроведување на мерки за остварување на превенцијата на кариесот, со што ќе се овозможи остварување на целите одредени со Националната стратегија за превенција на орални заболувања – објаснуваат од Општина Аеродром.
Овој месец се запишуваат првачиња за учебната 2018/2019 година. Уписот го врши комисија во училиштето.
– Во информацијата наведовме дека е потребна потврда од надлежна здравствена установа. За нас не е проблем дали е од матичен лекар или од тимовите во поликлиниките – вели Перо Арсеновски, директор на скопското Основно училиште „Лазо Ангеловски“.
Инаку, запишувањето на првачињата во прво одделение важи за сите деца што до крајот на календарската година ќе наполнат шест години, односно сите деца што се родени во 2012 година. Детето може да се запише во прво одделение и доколку наполни шест години до 31 јануари наредната 2019 година, но по претходно барање од родителите (старателите) и добиено мислење од стручните служби во училиштето.
Ако родителот сака да го одложи запишувањето во училиште, треба да поднесе барање до училиштето и да добие мислење од педагогот или психологот што работи таму. На барање на родителот, за една година може да го одложи и здравствена установа, ако се утврди дека детето не е подготвено за на училиште, по направено тестирање.
https://deca.mk/
На ден 30-04-2018 во нашето училиште се одржа избор за за најдобри изработки од тетрапак амбалажа во рамките на проектот “ЕКО пакет-Македонија”.Teмата на која учениците твореа беше “Зелен тарнспорт”
Им честитаме на победниците кои одат на националниот конкурс во мај.
Сите изработки ќе бидат изложени во училишниот хол до крајот на утрешниот ден.
Благодарност до сите наставници,ученици и родители кои се влучија во активностите во рамките на проектот
Освоено ПРВО МЕСТО на училишен натпревар
Наслов на уметничко дело KAJAK
| Ментор: Данче Костовска-Јакимовска | |
| Име и презиме на ученикот | Одделение |
| 1. Максимилијан Стојчев | Трето одделение |
| 2. Давид Арнаудов | Трето одделение |
| 3. Мики Величковски | Трето одделение |
| 4. Стефани Настева | Трето одделение |
Освоено ВТОРО МЕСТО на училишен натпревар
Наслов на уметничко дело EKO-МЛЕКО
| Ментор:Гордана Павлова | |
| Име и презиме на ученикот | Одделение |
| 1.Марио Јовчевски | V |
| 2.Теодора Цветковска | V |
| 3.Јована Деаноска | V |
| 4.Стефан Јанкоски | V |
| 5.Кристина Тасева | V |
Освоено ТРЕТО МЕСТО на училишен натпревар
Наслов на уметничко дело СОЛАРЕН ВОЗ
| Билјана Трајановска | |
| Име и презиме на ученикот | Одделение |
| 1.Јана Павловска | II-4 |
| 2.Софија Мијалковска | II-3 |
| 3.Матеј Митрески | II-2 |
| 4.Марија Спасовска | II-1 |
| 5.Павел Доневски | II-1 |
Од 24 – 28. 04.2018 год. беше изведена Настава во природа за учениците од V одделение. На наставата присуствуваа 67 ученици.
Учениците беа сместени во хотелот „Конгресен центар“ – Охрид.
Во текот на наставата беа посетени: манастирот Св. Јован Бигорски, Вевчанските извори, црквата Св.Софија во Охрид, Антички театар – Охрид, Самуилова тврдина – Охрид, Плаошник – Охрид, Музејот на икони – Охрид, Биљанини извори – Охрид, Истекот на реката Дрим – Струга, Џамијата на Мустафа Челеби – Струга, Природно-научен музеј – Струга, Куќата на Никола Незлобински – Струга, Куќата на Миладиновци – Струга, Заливот на коските и Римскиот кастел – Градиште (Охрид), манастирот Св. Наум, изворот на реката Дрим, градот Битола, винарија – Лозар – Битола и археолошкиот локалитет Хераклеја.
На оваа настава во природа учениците посетија и научија многу за нашето културно наследство од праисторијата па до денес. Имаа можност да ги видат и доживеат природните богатства на нашата татковина, видовме: планини, рамнини, реки, природни и вештачки езера, села и градови.
И што е најважно научија да се грижат: за личната хигиена, за хигиената на просторот во кој живеат, за сопствените потреби , за личната и заедничката сопственост , за другарството и меѓусебното помагање, за сочуството и заедничката радост, за однесувањето во хотел, ресторан, продавница, музеј, црква, џамија, сообраќај. Со еден збор да бидат САМОСТОЈНИ. И беа многу успешни во тоа!
Останаа многу слики, многу спомени, Ви пренесуваме само мал дел од нив.
Актив на V одделение
На 30.04.2018 година (понеделник) во нашето училиште ООУ,,Дане Крпчев,, беше одржана ,,Едукативна работилница за хигиена на рацете и бон-тон при кашлање и кивање,, за учениците од I и IV одделение од страна на Клиничката болница Аџибадем Систина.
Целта на оваа работилница беше преку практични вежби децата да се научат на правилна хигиена на рацете во точно време и на правилен начин. Преку брошури и краток танц беа претставени техниките за хигиена на рацете, а беше прикажана и кратка видео презентација со цртан филм со цел да се објасни ширењето на инфекциите и потребата за хигиена на рацете и бон-тонот при кашлање и кивање.
По работилницата, на децата им беа поделени дипломи за успешно завршен курс по Хигиена на рацете и бон-тон при кашлање и кивање, свежо овошје и вода.
Даниела Торковска
На Регионалниот натпревар по Биологија и Природни науки одржана на 15.04.2018 учествуваа ученици од одделенска и предметна настава и ги постигнаа следните резултати:
V одд.
Мила Данева , Бојана Петровска, Алексеј Стојановиќ и Марија Стојановска – III награда
VI oдд.
Анастасија Тодевска –III награда
VII oдд.
Методија Тасевски –III награда
Ментор на учениците од V,VI и VII одд Бојана М. Личева
VII одд
Маја Стојановска – пофалница
Ивана Додевска – пофалница
IX одд.
Матеј Трајчевски – III награда
Ана Тасева – III награда
Ментор на учениците од V,VIII и IX одд Душанка Китановска
Целосните резултати се објавени на официјалните web страници
http://prirodni-nauki-natprevari.blogspot.mk/
https://biologija.yolasite.com
Честитки за постигнувањата.
На 24.04.2018 год. во Радовиш се одржа Државното првенство во гимнастика за основните училишта. На ова првенство учествуваа 60 – тина учесници од 10 училишта во Република Македонија. Нашето училиште го претставуваа ученичките: Ана Марија Митреска VI одд, Ивана Смилевска VI одд, Адријана Стоилевска IV одд и Јана Димовска IV одд, предводени од наставничката Андријана Трповска.
Ученичката Јана Димовска го освои III- то место во категорија 4-5 одделение во партер и прескок. На нашите гимнастичарки им честитаме на постигнатиот успех и им посакуваме уште поголеми успеси во иднина.
Во период на награди и признанија ете и јас да ги пофалам моите ученици од мандолинскиот оркестар при ООУ „Дане Крапчев“ за постигнатиот успех Прво место на регионалните натпревари и освоени 100 бода. 
❤. Горд сум што соработувам со вакви упорни, умни, емотивни, посветени млади уметници…. БРАВО! ❤❤❤ 
🎼
🎶
Наставник: Ванчо Јовчев
