Активност 3 – Проект „Мултикултурализмот во образованието“

Малку прошетка, разгледување на убавините и занаетите во нашиот град, работна атмосфера, соработка со позитивна енергија, а тема? „Стари занаети во Скопје“, Проектна работа. 06 и 07. Јуни 2024 година.

На работилницата Учениците имаа за задача да истражуваат на интернет за: „Занаетчиството во Старата Скопска чаршија” за различни занаети кои биле застапени на подрачјето на Старата Скопска чаршија низ историјата. Потоа своите презентации ги презентираа пред своите другарчиња, наставници, родители. Посета на Стара чаршија, разгледување на занаетчиските работилници, појаснување за тоа што е ЕСНАФ. Учениците посетија повеќе занаетчиски дуќани и се запозна со занаетите: јорганџија, опинчар, јажар, крзнар, грнчар, шапкар, казанџија, копчар, саатчија, ракотворби-изработка на сувенири, домашна ракотворба, филигран, накит и слични производи, производство на музички инструменти и изработка на македонски рубин (научија дека кај нас во Македонија, Прилеп се ископува каменот рубин кој го има само на нашето поднебје и во Шри Ланка и е од исклучителна важност бидејќи е драг камен). По посетата од сите занаетчиски дуќани учениците споделија мислења за профитабилноста и дали старите занаети имат средства за одржување на едно семејсто или со текот на времето и овие занаетчии што опстојуват еден ден ако немаат поддршка од државата ќе изумрат. И на крај РАБОТИЛНИЦА-ученици мајстори и презентирање на сработеното.Беа вклученици 30 ученици од 7,8 и 9-то одделение, 1 родител-Теута Хаскај и координаторите на Тимовите на МИО, Саљате Бектеши и Роза Јаневска. Одлично искуство, стекнување нови другарства, почит кон старите занаети и еснафи, поттикнување на креативноста, негување на културното наследство. квалитетно поминато време. Заклучок-Старите занаетчиски дуќани се обележјето на Чаршијата, кое треба да се зачува. Чаршијата е единственото автентично нешто што остана од Скопје и старите занаетчиски дуќани се обележјето на Чаршијата.

Се гледаме повторно.

Фотографиите погледнете ги на нашата фб страница

Уште еден заеднички наставен час со нашите другарчиња од ООУ „25 Мај“

На 17.05.2024 година, учениците од двете партнер училишта поделени во две простории во ООУ „25 Мај“ во мешан состав се запознаа со поим за еколошки фактори. Преку визуелна презентација и користење на ИКТ програма дополнета со интерактивна дискусија се запознаа со абиотички и биотички еко.фактори и го увидоа нивното значење. Учениците активно учествуваа во дискусијата и посочуваа соодветни примери за еколошки фактори. Сите ученици навремено и во најголем број точно го сработија работниот лист. Часот се одвиваваше во пријатна и релаксирана работна атмосфера, стандардите беа постигнати. Благодарност до нашите наставнички по природни науки и координаторот Роза Јаневска.

Заедно учиме за маса и тежина

Овој час по Природни науки, заедно со учениците од „25 Мај“ се реализираше во просториите на нашето учулиште.
Учениците на часот се запознаа со физичките величини маса и тежина. Преку практични вежби,поделени во групи, измерија маса и тежина на неколку предмети (јаболко,портокал,прибор за пишување) и воочија дека масата и тежината се различни величини. Учениците работеа тимски и ангажирано, и сите 10 групи успешно ја извршија задачата: избраа соодветни иструменти и правилно ја измерија масата и тежината.
Исто така воочија дека масата влијае на тежината на телата, колку е масата поголема толку е и тежината на телото поголема. Увидоа и дека масата е непроменлива, додека тежината зависи од гравитациската сила, односно каде и да сме во Соларниот систем,масата е иста,но тежинта е различна на различни планети.
Часот се одвиваше во пријатна работна атмосфера, наставниците ги мотивираа групите да работат и потоа сработеното го проверивме со кус наставен лист на крајот од часот.

Заеднички учиме за гравитација

На 19.02.2024 година во просториите на ООУ „25 Мај“ се одржа уште еден заедички час по природни науки. ГРАВИТАЦИЈА! Учениците на часот активно учествуваа во дикусиите, со внимание го проследија излагањето на наставниците и одговорно го сработија работниот лист. Учениците ја идентификуваа гравитацијата како привлечна сила и ја поврзаа како величина која е зависна од масата и растојанието на телата. Пријатна работна атмосфера, дружба, споделување, тимска работа.

Со нови сили, во второто полугодие, продолжуваме да работиме со нашето партнер училиште ООУ “25-ти Мај” на проектот: “ГРАДИМЕ НОВИ МОСТОВИ”

На 26.01.2024 учениците од 6-4 одд. беа на посета на своите другари и заеднички се реализираше наставната содржина за Земјини движења. Преку визуелната презентација учениците се запознаа со движењата на Земјата. Преку практична вежба, срочена во облик на игра, ги симулиравме Земјините движења ,а потоа преку дискусија учениците ги увидоа последиците овие движења.

Разгледуваме модели на Соларен систем ,изработени од рацете на нашите учениците и дискутиравме за изученото. Потоа следеше и втората активност- учениците се распределија во парови, составени од ученици од двете училишта и одговорија работен лист со

прашања поврзани со земјините движења.  Точноста на одговорите ја проверивме заеднички со нашите наставнички по природни науки Бојана и Анида. Резултатите беа одлични !!!

eTwinning проектот Let’s take climate action! со најпрестижни признанија за квалитет

eTwinning проектот Let’s take climate action! ги доби најпрестижните признанија за квалитет

National Quality Label и European Quality Label.

Основач на проектот е наставничката по англиски јазик Катерина Лукарова, а во него учествуваа ученици од нашето училиште како и 16 наставници и 110 ученици од повеќе држави Италија, Португалија, Шпанија, Турција, Романија и Полска.

Во рамките на проектот беа реализирани најразлични активности преку кои учениците го подобруваа Англискиот јазик, своите комуникациски вештини, тимскиот и натпрварувачкиот дух, мултикултурализмот и толеранцијата.

Учеството во проектот е од непроценливо значење за сите, а задоволството од добиените признанија уште поголемо.

Kвиз–проверка на знаењата за респираторен систем

На 17.11.2023 година се одржа уште еден заеднички час со учениците од ООУ „25 Мај“ и нивната наставничка. Ние бевме домаќини и со радост ги дочекавме нашите другарчиња. Часот беше многу интересен бидејќи правевме квиз–проверка на знаењата за респираторен систем. Имавме капитени во нашите екипи, кутија на знаења-преку техниката аквариум, табела со поени, жири комисија.
Преку овој едукативен квиз ги проверивме стекнатите знаења. Имаше и победници, екипа 3 која точно одговори на сите прашања на двата јазика, а останатите две екипи имаа изедначен резултат. Имаше одлична атмосфера и позитивен натпреварувачи дух помеѓу екипите. Соработувавме меѓусебно за да постигнеме успех и ги почитувавме правилата на играта. Погледнете!

Час со нашите сооученици од ООУ „25 Мај” – 27.10.2023 година

Со нашите другарчиња од ООУ „25 Мај“ изградиме уште еден заеднички мост на знаења по предметот Природни науки. Нашите наставнички Бојана и Анида денес не научија за видовите заби и нивната функција. Имавме многу интересни активности кои заедно ги реализиравме. Еве и вие да видите што правевме на овој час!
П.С. Се гледаме наскоро! Овој пат со гости на часот. Следете не за да дознаете!

Проект: Волшебна интеркултурална мрежа на пријателства

Проект: Волшебна интеркултурална мрежа на пријателства Соработка на релација СКОПЈЕ – БЕЛГРАД . Заедно учиме за ОДГОВОРНОСТ. Учениците од III-1 одд .заедно со нивната наставничка Данче Костовска – Јакимовска остварија соработка со наставничката Тамара Миличевич и нејзините ученици од училиштето Алекса Шантич од Белград. Учениците имаа задача да истражуваат за најодговорните луѓе за човештвото од нашите простори. Учениците од Белград дојдпа до заклучок дека најодговорен кон човештворо бил Нилола Тесла. Нашите ученици за одговорност учеа од ликот и делото на Мајка Тереза . Истражуваа, пишуваа цртаа , соработуваа и другаруваа . На крајот изработија и книги. Денес беше воспоставен линк на релација СКОПЈЕ – БЕЛГРАД со цел взаемно презентирање на сработеното Изработените книги , искрените насмевки и новите пријателства беа ново искуство за сите 😀. Нашата интернационална соработка ќе има продолжение….

„Barcode” (Best Achievable Results in Coding) – „Дане Крапчев“ домаќин на третата мобилност

„Баркод“ е проект Еразмус плус во кој учествуваат пет партнерски училишта и кој ќе се спроведува под раководство на Гимназијата Кретингос Р. Видмантаи од Литванија. Покрај основното училиште Дане Крапчев во Скопје, во проектите се вклучени Information Technology High School, Belgrade од Србија, Agrupamento de Escolas de Portela e Moscavide во Португалија и средното училиште TOKI во Турција.

Домаќин на третата мобилност беше ООУ “Дане Крапчев“ од Скопје, С. Македонија. Учесниците беа обучени да ја користат програмата Scratch и да стекнуваат способност, техниките на кодирање да ги интегрираат во наставата. Тие ќе можат да користат кодирање како наставна алатка во области како што се математика, странски јазик, природни и општествени науки и уметничко образование.

Со примена на овие методи и техники, ќе се подобри  логичното и алгоритамското размислување на учениците и способноста да се преиспитуваат идеите.

Цели на проектот:

се развиваат методи за одговорно и редовно решавање на проблеми;

обезбедува учење на основите на програмирањето;

– зголемување на степенот на примена на иновативни наставни методи;

–  ја поттикнува употребата на колаборативно учење во размена на информации.

разбивање на предрасудите за примена на иновативни наставни методи;

– подигнување на свеста за важноста на методите за кодирање како една од алатките што се користат за учење на учениците за вештините на 21 век.

Активностите на проектот:  

03.10.2022

Третата мобилност од Проектот Erasmus+ KA-229 Barcode се реализираше во ООУ “Дане Крапчев“ Скопје. Наставници од Литванија, Србија, Португалија и Турција беа топло пречекани со кратка програма во која беа вградени културата на секоја земја.

Подоцна во текот на денот се реализираа следните активности:

– Ice breaking игри : Сите учесници играа неколку игри за да се запознаат и да ја подобрат работната средина.

– Се запознаа со програмскиот јазик Scratch и неговата работна околина.  Секој учесник отвори сметка на Scratch. На учесниците им беше прикажана колекцијата примероци од проекти изработени во Scratch.

Активноста  заврши со „Создавање уметнички работи“ која вклучува креирање цртеж со повторување на геометриска форма 72 пати.

 04.10.2022

Денот започна со експеримент по биологија каде наставниците издвоија ДНК од банана.

Продолживме со забавна работилница „Rocket design“ каде дизајниравме едноставни и лесни изработки од хартија.

Ученици од 7 одд. демонстрираа игри во Scratch и научивме за различни движења на фигури.

Потоа учесниците создава сопствена игра во Scratch.

Денот го завршивме со пешачење на планината Водно и се восхитувавме на прекрасниот поглед од врвот.

05.10.2022

Третиот ден на мобилност во С.Македонија беше посветен на разгледување на природните и културните богатства што ги нуди Македонија.

На планината Бистра, покрај реката Радика, посетен е манастирот Св.Јован Бигорски.

Потоа групата отпатува до „бисерот на Балканот“, градот Охрид, каде ја виде старата чаршија, уживаше во погледот на манастирот Св. Јован Канео на брегот на Охридското Езеро и се восхитуваа на старата архитектура на градот.

06.10.2022

Четврти ден на мобилност во Македонија започна со посета на канцеларијата на општина Гази Баба каде нè пречека генералниот секретар и советникот за образование.

Потоа ја посетивме стручната гимназија „Владо Тасевски“ каде имавме можност да го разгледаме училиштето и да се запознаеме со различните образовни програми што ги нуди. Исто така, присуствувавме на неколку работилници организирани од средното училиште.

По ручекот беше церемонијата на доделување сертификати на сите учесници во проектот а вечерта имавме заедничка традиционална вечера.

07.10.2022

Мобилноста во Македонија ја завршивме со посета на кањонот Матка. Имавме можност да уживаме во неверојатната глетка пловејќи со бротче во најстарото вештачко езеро во земјата. Имавме можност да посетиме и една од многуте пештери во Кањонот, кои се најфасцинантните спелеолошки паркови во светот.

Се надеваме дека бевме добри домаќини и дека сите ќе се сеќаваат на нашата мала земја со голема наклонетост.