Ден на училиштето

Ден на училиштето

Денес е посебен ден за сите нас, ден кога го празнуваме Патрониот празник на нашето училиште.

Оваа 2022 година одбележуваме 44 години воспитно-образовна дејност во нашето училиште, и 78 години од загинувањето на нашиот патрон Дане Крапчев. По тој повод, а со цел да го одбележиме овој ден огранизиравме низа активности под мотото

„Бели гулаби за сите деца во светот“.

Токму од ова училиште учениците едногласно упатија широки прегратки со желби за мир, единство, љубов до сите деца во светот.

Нека ни е честит патрониот празник на училиштето!

110 години од раѓањето на нашиот патрон – Дамјан Крапчев-Стари

Денес 2 февруари прославуваме 110 години од раѓањето на нашиот патрон – Дамјан Крапчев-Стари

Дамјан (Даме) Јованов КРАПЧЕВ-СТАРИ – с. Ивањица, Србија, 1912 – пл. Плачковица, 24. Ⅴ 1944 – комунистички деец и првоборец. Бил студент на Правниот факултет во Белград, член на КПЈ (од 1939) и активист на Спортското друштво „Работнички” во Скопје. Во НОБ учествувал во диверзантската акција на рудникот Радуша, Скопско, август 1941г. и бил политички комесар на Првиот скопски НОПО (октомври 1941). По расформирањето на Одредот на 29. XI 1941 се илегализирал, а потоа Дамјан Крапчев-Стари бил назначен за политички комесар на Вториот скопски НОПО. На судскиот процес во Скопје на 27. Ⅳ – 9. Ⅴ 1942 во отсуство бил осуден на смрт. Извесно време бил борец и во Скопско-косовскиот НОПО во првата половина на 1943 г, во шарпланинскиот НОПО летото 1943г, во Косовскиот НО баталјон и во Третата македонска НОУБ од 26. Ⅱ 1944 г. Загинал во борба со бугарската војска и полиција. 

Иако тој не е веќе меѓу нас, не може да се заборави еден таков човек кој служи како пример на секој млад човек, за тоа како треба да се сака татковината.

Во чест на Свети Климент Охридски

8 Декември го одбележуваме во чест на Св. Климент Охридски, најпознатиот ученик на браќата Кирил и Методиј.

           Тој е најзначајниот македонски средновековен писател и педагог.

           Тој е творецот на Охритската книжевна школа – првиот словенски универзитет каде голем број ученици под негово раководство ги препишувале книгите со словенски букви за словенскиот народ.

           Тој развил  богата книжевна дејност. Автор е на многу поучни и похвални слова, похвалата на Кирил Филозоф, похвалата за Кирил и Методиј.

           За него твориме и го славиме неговото дело.

Денес е Светскиот ден на детето

Денес е Светскиот ден на детето! Одбележуваме точно 32 години од усвојувањето на Конвенцијата за правата на детето од Обединетите Нации. Точно 32 година трае борбата за заштита и унапредување на детските права.

Но и денес светот се соочува со истите предизвици, како и на почетокот. За жал се уште има деца кои живеат на работ на егзистенцијата, без доволно храна, без пристап до чиста вода за пиење, без можност за образование, здравствена заштита. Има деца кои се жртви на насилство и злоупотреба.

Токму затоа, не само 20 ноември, туку секој ден треба и мора да биде ден на детето. Нека бидат среќни секој ден. Секое дете има свои желби, соништа, своја страст, почитувајте ги. Ако вашиот син сака да биде полицаец, а вашата ќерка сака дабиде балерина, почитувајте го тоа и поттикнувајте ја нивната љубов кон тоа. Охрабрувајте ги и носете ги на места каде што ќе може да се запознаат со работите за кои чувствуваат страст. Светот мора да биде обединет во подигнувањето на свеста  за детските права. Само преку заедничка и координирана акција ќе создадеме услови за безгрижно детство, за развој и квалитетно образование, со еден збор услови за воспитување на идните градители на светот.

Борбата за унапредување на детските права продолжува.

За нас секое дете е важно!

Се грижиме!

– Најдобро се открива душата на општеството преку начинот на кој таа се однесува кон своите деца – Нелсон Мандела.

– Нема седум чуда во светот во очите на детето. Има седум милиони – Волт Стрејтиф.

Нека е честит Светскиот ден на децата!

Патронат 2021 – „Дане Крапчев чекор напред кон иднината“

Денес го прославуваме 43 патронен празник на нашето училиште и одбележуваме 77 години од смртта на Дане Крапчев

На следниот линк е настанот кој се пренесуваше во живо од нашето училиште како и неколку фотографии од активностите

линк од настанот

Градоначалникот на општина Гази Баба, господинот Борис Георгиевски, се обрати по повод патронатот

Исто така подготвивме и видео со пригодна програма по повод патронатот

5 Мај – Ден на Македонскиот јазик

Вечен идеал на македонскиот народ беше создавањето на свој литературен јазик врз кој ќе ја гради својата култура. Денес тој идеал е остварен. Ние имаме свој литературен јазик на којшто учиме, зборуваме и твориме. Твориме на наш литературен јазик, на македонски јазик. Горди сме поради тоа, но колку што сме горди со него, уште поголема и посвета е нашата обврска да го браниме и чуваме како зеницата во окото. Нема ништо помило и поскапо од мајчиниот јазик! Македонскиот јазик претставува најголем скапоцен дар којшто со години и векови н’е чувал од многу силни ветришта, бури и виулици… Јазикот за еден народ е негово духовно богатство! Јазикот е единствена наша татковина. С’е додека го чуваме, го негуваме, го вардиме јазикот наш македонски-ќе ја имаме и татковината! Во нашето училиште “Дане Крпчев”, секоја година го одбележуваме Денот на македонскиот јазик со соодветни активности. И оваа година, под вакви околности, кога наставата и сите воннаставни активности се реализираат преку далечинско учење, а учениците учат и творат од дома, имаме особена чест да ви го претставиме Македонскиот јазик со сета раскош, топлина, восхит, убавина, значење,истрајност и заљубеност. Среќен ден на Македонскиот јазик!

Во продолжение погледнете ги творбите на нашите ученици во чест на Денот на Македонскиот јазик

Свечен прием на првачињата во детската организација

Денес, на 10.10.2019 година, 113 првачињата од нашето училиште со свечено ветување ѝ пристапија на детската организација. По тој повод се одржа свечена приредба на која настапија учениците од петто одделение. Приредбата ја проследија и родителите на првачињата. На крајот на приредбата на првачињата им беше доделен детски пасош како потврда за прием во детската организација.

Многу успех им посакуваме на наште првачиња!