Саем на книгата 2018

По повод триесет годишнина од манифестацијата Саем на книгата ученици од IV до IХ одделение на ден 09.04.2018г. со наставниците Елена Малинова, Роза Јаневска, Катица Стојчевска, Весна Трајковска, Марија Наневска и Елена Тасевска, ја посетија метрополис арената Борис Трајковски каде годинава се одржа Саемот на книга . Учениците самостојно избраа и се подновија со книги по сопствена желба , заедно со наставниците присуствуваа на промоција на книга од писателката Исидора Бјелица која ја предводеше лично госпоѓата Бјелица со професори од институтот за Педагогија. Учениците имаа и време за слободни активности во бифето од спортскиот центар каде ги разменија своите импресии од посетата на саемот.

This slideshow requires JavaScript.

III-1 на Саем на книгата

Денес, (09.05.2018 г) учениците од III-1 одд. го посетија Саемот на книгата. Некои од учениците имаа можност за прв пат да посетат настан од овој тип и уште при влезот , првата рекција беше-воодушевеност од глетката. Потоа секое дете тргна во потрага по книга по сопствен избор. На саемот имавме средба и мал разговоор со Министерката за образование – госпоѓа Рената Дескоска.

Веднаш по посетата на саемот, во нашето училиште активот на трето одделение беше посетен од студенти на ФИНКИ , кои одржаа кратко предавање на тема ,,Запознавање и заштита од малициозни , штетни софтвери – Информатика во мини паакување .“

This slideshow requires JavaScript.

Настава во природа – V одделение

Од 24 – 28. 04.2018 год. беше изведена Настава во природа за учениците од V одделение. На наставата присуствуваа 67 ученици.

Учениците беа сместени во хотелот „Конгресен центар“ – Охрид.

Во текот на наставата беа посетени: манастирот Св. Јован Бигорски, Вевчанските извори, црквата Св.Софија во Охрид, Антички театар – Охрид, Самуилова тврдина – Охрид, Плаошник – Охрид, Музејот на икони – Охрид, Биљанини извори – Охрид, Истекот на реката Дрим – Струга,  Џамијата на Мустафа Челеби – Струга, Природно-научен музеј – Струга, Куќата на Никола Незлобински – Струга, Куќата на Миладиновци – Струга, Заливот на коските и Римскиот кастел – Градиште (Охрид), манастирот Св. Наум, изворот на реката Дрим, градот Битола, винарија – Лозар – Битола и археолошкиот локалитет Хераклеја.

На оваа настава во природа учениците посетија и научија многу за нашето културно наследство од праисторијата па до денес. Имаа можност да ги видат и доживеат природните богатства на нашата татковина, видовме: планини, рамнини,  реки, природни и вештачки езера, села и градови.

И што е најважно научија да се грижат:  за личната хигиена, за хигиената на просторот во кој живеат, за сопствените потреби , за личната и заедничката сопственост , за другарството и меѓусебното помагање, за сочуството и заедничката радост, за однесувањето во хотел, ресторан, продавница, музеј, црква, џамија, сообраќај. Со еден збор да бидат САМОСТОЈНИ.  И беа многу успешни во тоа!

Останаа многу слики, многу спомени,  Ви пренесуваме само мал дел од нив.

Актив на V одделение

This slideshow requires JavaScript.

Посета на општина Гази Баба

Учениците од четврто оделение на 03.04.2018 година беа во посета на Општина Гази Баба.

Целта на посетата беше учениците да се запознаат со функцијата градоначалник и други вработени во општината.

Беа топло пречекани од страна на градоначалникот Борис Георгиевски кој ги  запозна со функцијата градоначалник и со други вработени во општината и нивните работни задачи.

Јавно се заблагодаруваме на поканата,срдечниот прием и пречекот.

This slideshow requires JavaScript.

Посета на кино претстава

На 07.12.2017 год. учениците од V одделение со нивните одделенски наставници според планот за воннаставните активности ја реализираа планираната посета на кино. Учениците беа во кино „Милениум“ и го следеа детскиот игран филм  „Мечето Падингтон 2“.

Омилениот лик на култната англиска серија сликовници, мечето Падингтон се враќа на големото платно со нови авантури. Сега, кога мечето Падингтон среќно се сместило кај семејството Браун, како рамноправен член на заедницата, шири радост и љубов каде и да оди. Во потрага за совршен роденденски подарок за стотиот роденден на својата сакана тетка Луси, Падингтон налетува на една совршена книга во антикварница, но ќе мора да заврши неколку работи за да може да ја купи. Но, кога ќе открие дека книгата е украдена, Падингтон и Браунси ќе мора да тргнат во потрага по крадецот.

This slideshow requires JavaScript.

 

 

Средба со писателот Горјан Петревски

На ден 08.11.2017 година нашето училиште  ООУ ,,Дане Крапчев,, беше посетено од македонскиот писател за деца и млади Горјан Петревски .На организираната посетата присуствуваа ученици од библиотекарската секција предводена од наставник-библиотекар Елена Тасевска и ученици од шесто до девето одделение  заедно со наставниците  Јагода Филиповска , Катица Стојчевска и Елена Малинова.

На средбата беше промовирано новото издание на книгата ,,Марта,,  која го носи насловот  ,,Другата Марта,,  Писателот ја објасни идејата за продолжување на оваа книга која воедно е и лектирно издание во наставните содржини за осмо одделение. Учениците имаа можност да  поставуваат  низа  прашања за богатото творештвото на Горјан Петревски.  Писателот подари книги  за училишната библиотека од свое авторство но и книги потпишани од  негови соработници, по иницијатива на учениците посетата се заврши со потпишување на книгите од писателот.

И дел од учениците од петто оделение имаа чест да  остварат средба со писателот и да се запознаат со неговата дејност. На оваа средба  се разговараше за расказите на авторот кои се вметнати во учебникот за пето одделение по што следеше  рецитирање на лични творби од присутните ученици .

Наставник-библиотекар Елена Тасевска

This slideshow requires JavaScript.

Посета на „ Музеј на македонската борба“

На 09.11.2017 год. учениците од V одд. го посетија Музејот на македонската борба. Посетата беше реализирана во функција на постигнување на целите од програмата на предметот Општество – тема „Нашата татковина Република Македонија“ . Учениците имаа можност да се запознаат со карактеристиките на периодот од крајот на XIV век до осамостојувањето на Македонија.

Посетете ја страната на Музејот на македонската борба

http://www.mmb.org.mk/index.php/mk/

Актив на V одд.

This slideshow requires JavaScript.

Втор меѓународен фестивал на духовни и хумани вредности „Богородичен Покров“

Во рамките на Вториот меѓународен фестивал на духовни и хумани вредности „Богородичен Покров“ кој се одржа во Скопје во периодот од 15-19 октомври 2017 год. под мотото „Горе да ги издигнеме срцата“, учениците од  шестто до деветто од-деление при ООУ. „Дане Крапчев“, предводени од Роза Јаневска – наставник по Историја, Елена Тасевска – библиотекар и Даниела Ристеска – наставник по Етика во религии,  заедно со ученици и од други основни училишта го посетија овој фестивал на 19 октомври на неговото затворање насловено како „Детска Духовна Академија“.

Според програмата на фестивалот се одржа духовна трибина, поточно разговор со наставникот по етика во религии Драги Анастасовски, со кој разговараа на тема: Што е грев и како да се справиме со него? Учениците беа воведени во разговор со наставникот, дебатираа и одговараа на прашања.

Потоа, го проследија филмот „Манжетни“ и после истиот продолжија со уште една кратка дебата.

На крај, ги проследија настапите на двата хора и беа поздравени од претседателот на фестивалот Проф. Д-р Јован Таковски, директорката на фестивалот Зорица Костовска и од гостите од Република Српска и Романија.

Даниела Ристеска – наставник по Етика во религии

This slideshow requires JavaScript.

Посета на Францускиот Институт во Скопје

На 12.05.2017 година (петок) Учениците од шесто и седмо одделение од ООУ „Дане Крапчев“ и наставничката по француски јазик Анета Митевска ја посетија #медијатека во Францускиот Институт и се запознаа со нејзините ресурси. Тие работеа на вокабулар за дивите и домашни животни и се забавуваа низ педагошки активности и квизови достапни на веб страната на ТВ5 Монд.

Les élèves de l’école “Dame Krapcev”, avec leur professeur de français Aneta Mitevska, ont visité notre #médiathèque et ont fait la découverte de ses ressources.
Ils ont travaillé sur le vocabulaires des animaux sauvages et domestiques et se sont amusés avec les activités pédagogiques disponibles sur TV5MONDE.

Наставник по француски јазик Анета Митевска

This slideshow requires JavaScript.

НАСТАВА ВО ПРИРОДА V одд.

Во период од 09.04.2017  до  13.04.2017 учениците од петтите одделенија од нашето ООУ ” Дане Крапчев – Скопје ,  беа на петдневна настава во природа во Западна Македонија.

Воспитно образовите цели на наставата во природа беа :

– Изучување и истражување на објекти и појави во природата како и односите во општествениот живот ,                                                           учениците непосредно (нагледно) да се запознаат со културните споменици и знаменитости,                                                                             – учениците непосредно (нагледно) да се запознаат со релјефот,                                                                                                                                                    учениците непосредно (нагледно) да се запознаат со видовите населби , археолошки ископини ,                                                – учениците непосредно (нагледно) да се запознаат со нашето подалечно и поблиско минато,                                                                                  учениците да се запознаат со животинскиот и растителниот свет во и околу Охридското Езеро ,                                                                        – запознавање со културата и начинот на живеење на луѓето во одделни краеви ,                                                                                                                  развивање на другарство и социјализација на учениците.

Кон патот за Охрид , попатно ги посетивме :

1 ДЕН– 09.04.2017

  • Манастирот Св. Јован Бигорски ,
  • Вештачкото езеро Глобочица
  • Хидроцентралата Шпиље,
  • Посета на Вевчани.
  • Посета на Вевчански извори,
  • куќата на Михајло Пупин,
  • црквата Св. Никола

Во попладневните часови се сместивме во хотелот Конгресен центар во Охрид.

2 ДЕН  – 10.04.2017

Следуваа низа  посети на културни знаменитости во градот Охрид:

  • Посета на Охрид и прошетка низ Охридската чаршија,
  • Горна порта,
  • Антички театар,
  • Плаошник ,
  • Самоилова тврдина,
  • црква Св. Јован Богослов – Канео,
  • црква Св. Софија,
  • куќата на Робевци
  • Билјанини извори

Активности во попладневните часови, во хотелот: цртање на манастир и негова околина, литературно творење, истражување на животински и растителен свет покрај вода и пишување извештај од истото. А во вечерните часови имавме забава со аниматор.

3 ДЕН – 11.04.2017

По појадокот се упативме кон Струга. Во Струга  ги посетивме следните локации:

  • Посета на градот Струга,
  • Посета на Природонаучен музеј Др. Никола Незлобински,
  • куќата на браќата Миладиновци,
  • чаршијата и течението на реката Црн Дрим.

Активности во попладневните часови, покрај брегот на езерото: работа во групи – пишување извештај од посетата на градот Струга , литературно творење , цртање на езерото , разгледување на релјефот во околината.

4 ДЕН  – 12.04.2017

По појадокот се упативме кон Заливот на коските ( музејот на вода) , а потоа кон Св. Наум.

  • Посета на Заливот на коските,
  • манастирот Св. Наум Охридски,
  • црквата Св. Петка,
  • изворот на реката Црн Дрим ,
  • Мостот на желбите ,
  • Кратка посета на с. Трпејца.

Учениците имаа и незаборавно доживување со возење со кајче со цел да ги видат изворите на Црн Дрим кај Св. Наум.

5 ДЕН  – 13.04.2017

Последниот ден од незаборавната настава во природа  се упативме кон :

  • Античкиот град Хераклеа ,
  • Посета на градот Битола ,
  • Широк сокак.

Сите среќни , задоволни со голем број на впечатоци и доживувања пристигнавме во Скопје во попладневните часови.