Посета на Францускиот Институт
Денес, ученици од 6 одделение го посетија Францускиот Институт во Скопје.
Се запознаа со содржините што ги нуди Институтот, се дружеа со Фриж, маскотата на претстојните олимписки игри во Париз 2024, слушаа француска музика, гледаа видеа со знаменитостите на Париз, разгледуваа книги, фотографии, едукативни игри.
Највозбудлива беше можноста учениците да се качат на Ајфеловата кула со помош на виртуелна реалност и од таму да го набљудуваат Париз.
Задоволни ја завршија посетата во очекување на следна франкофонска активност.
Денес учениците и наставниците од IV одд. направија ПРОШЕТКА НИЗ МИНАТОТО во МУЗЕЈОТ на ГРАД СКОПЈЕ во чест на 60 годишнината од катастрофалниот земјотрес.
Следно остваривме СРЕДБА СО Бобан Стефковски ГРАДОНАЧАЛНИК НА ОПШТИНА ГАЗИ БАБА.
,,ОД ДЕТЕ ЗА ДЕТЕ”
Со оваа активност подарувавме, преку пораки потсетувавме за правата на децата, ставивме насмевки на лицата на нашите првачиња и создадовме среќни моменти за нив.
ДРАГИ НАШИ ДЕЦА-ДЕНЕС И СЕКОГАШ БИДЕТЕ СРЕЌНИ
Денес низ нашето училиште ширевме љубов и насмевки , повикувавме на почит, разбирање, прифаќање, сослушување, трпение, поддршка , другарство, хуманост и ненасилство.
Учениците од осмо одделение заедно со нивната наставничка Магдалена Павлеска во рамките на предметот Граѓанско образование , изработија пано за толеранцијата и пораки во облик на срце кои на големиот одмор ги изложија во училишниот хол и им ги поделија на своите соученици.
Пораки за толеранција учениците делеа и на жителите на нашата населба, а воедно и ги прашаа што за нив претставува толеранцијата и дали практикуваат толеранција.
На овој ден кога се потсетуваме зошто е потребно да ги прифатиме и почитуваме различностите, повикуваме на секојдневно практикување на ТОЛЕРАНЦИЈА!
Хорот на нашето училиште, под раководство на наставникот Ванчо Јовчев, денес имаше чест да го отвори настанот по повод одбележување на 3-ти Ноември Денот на општина Гази Баба.
Денес нашите ученици од III одд. со нивниот наставник по физичко и здравстено образование Томи Спасовски учествуваа на натпревар кој се состоеше од полигон со атлетски и психомоторни вежби и препреки.
Натпреварот беше организиран од Сојузот на училишен спорт на Гази Баба.
На истиот учество земаа сите општински основни училишта.
На наше големо задоволство учениците од VI до IX одделение проследија предавање кое го одржаа медицински лица, од Македонско здружение за исхрана и здравје. 
Посебно се стави акцент на количеството сол и шеќер кои несвесно ги внесуваме секојдневно, а можат сериозно да наштетат на нашето здравје. 
Веруваме дека овие препораки ќе допринесат за подобрување на нашите навики во исхраната.
