Успешно завршена активност :,,Подари книга,,

На 28.10.2019 г. во холот на  ООУ,,Дане Крапчев,, се одржа изложба на донираните книги кои во месецот на книгата беа собрани во акцијата што се спроведуваше   под мотото: ,,Подари книга на другарите твои, со нив сподели знаења свои,,; ,,Прочитав јас,прочитај и ти,,. Над 400 книги беа донирани од учениците и наставниците во училиштето и истите беа изложени каде на сите ученици, родители и наставници им се даде можност да ги разгледаат и да ги користат позајмувајќи ги од училишната библиотека каде што ќе се чуваат.

На најголемите донатори,ученици и наставници, им беа поделени благодарници од директорот на училиштето.

Преку оваа успешно завршена активност учениците упатија порака до нивните соученици дека читањето книги е како сонување со отворени очи,не постои поубав мирис од мирисот на стара, добра книга,- па затоа доколку сметате дека некоја книга е стара, не ја фрлајте, подарете  ја некому или пак оставете ја во најблиската библиотека,таа таму повторно ќе се роди!

Акција за донација на книги „Прочитав јас – прочитај и ти“

Ние учениците, членови на драмско-рецитаторска, новинарска и литературна секција поттикнати од одбележувањето на „Месецот на книгата“ и „Денот на јазиците“, а со поддршка на нашите предметни наставници по македонски јазик, одделенските наставници на нашите помали другари од I до V одд., библиотекарот од нашето училиште, решивме да спроведеме акција под мотото:

„Подари книга на другарите твои

и со нив сподели знаења свои“

„ Прочитав јас – прочитај и ти“

             Целта на нашата акција е да го збогатиме нашето училишно катче, библиотека – медијатека  со разновидна  домашна и странска литература која ќе може да ја користи секој од нас, а читајќи книги да уживаме во пишаниот збор, да ги збогатиме нашите знаења и нашите погледи кон светот за полесно да чекориме напред.

              За таа цел  ве повикуваме вас учениците, вашите родители, наставниците, сите заедно да донираме книги од македонската и странска литература (германска, англиска, француска, спрска, албанска……..) да бидеме успешни и да го уживаме благодетот од пишаниот збор , читајќи книги на секој  јазик.

              Акцијата ќе биде спроведена од 7 до 18 Октомври. Подвижниот штанд ќе поминува секој ден во секоја паралелка каде ќе можете да ги предадете вашите донирани книги во кои може да напишете ваша посвета.

Последниот ден, донираните книги ќе бидат изложени во училишниот хол. Секој ќе може да ги разгледа, а потоа и да ги користи. Ќе бидат истакнати најуспешните донатори и ќе им бидат доделни  благодарници.

Нов список со лектири во основното образование за учебната 2019/2020 година

Бирото за развој на образованието го објави одобрениот список за лектира за основното образование за учебната 2019/2020 година.

Список со лектири од второ до деветто одделение на македонски јазик