Денес се слави Рамазан Бајрам

 

Светиот месец Рамазан е муслимански празник кој трае во текот на целиот деветти месец од исламскиот календар. Се верува дека во текот на тој месец светата книга – Куранот му бил откриен на Архангелот Гаврил, кој потоа му го пренел на пророкот Мухамед. Рамазан е време на пост, молитва, солидарност и милост, во кој муслиманските верници целодневно се воздржуваат од конзумирање храна, цигари, алкохол, но и од лоши мисли, идеи и дела. Постот почнува со изгрејсонце (суфур) и трае до зајдисонце (ифтар). Јадење и пиење се дозволени во текот на ноќта. Од пост се ослободени децата, бремени жени, доилки и болни. 

Рамазан е еден од петте столба на исламот. Останатите се верата, молитвите, поклонението и давањето милостина. Тоа е месец на добрина, милост, љубов и простување. Верувањата се дека кога ќе дојде празникот, портите на џенетот (рајот) се отвараат, портите на џехенем (пеколот) се затвораат. Муслиманите сметаат дека Рамазан на секој дом му носи полни раце дарови – милост, бериќет и проштевање. Куранот вели дека Рамазан има четири димензии – духовна, морална, солидарна и здравствена.

Еден од најбитните настани во текот на овој месец е постењето (савма). Секој ден во текот на месецот Рамазан, Муслиманите низ светот стануваат пред изгревот на сонцето да јадат Сухоор, оброк пред зората, и обавуваат фаџар (fajr) молитва. Сите мора да имаат завршено со јадење и пиење пред да започне повикот за молитва (езан) па се до четвртата молитва од денот, магриб (залез). Муслиманите може да продолжат да јадат и пијат по залезот на сонцето, па се до следниот фаџар (повик за молитва). Рамазан е време за обожување на Бог. Муслиманите треба да посветат повеќе време и внимание врз следењето на исламските учења и да избегнуваат лоши мисли и нерелигиозни разговори. Размислување и имање секс во текот на постот исто така се забранети. Насилството, освен ако тоа навистина е потребно е забрането исто така (Коран 2:187). Една од најважните карактеристики на месецот е чистотата на мислата и активностите. Постот има за цел да го продлабочи искажување на почит и воспевањето на името на Бога, со што и самите верници стануваат поблиску до бога.

Единствено од постот може да бидат „оправдани“ старите, болните и безумните/лудите, иако првите две групи мора да дадат напор секојдневно да исхрануваат барем еден сиромашен верник. Исто така исклучок може да бидат бремените жени, жените во периодот на менструација и доилките. Сите ги надокнадуваат деновите во кои не постат отпосле. Децата не се обврзани да постат, сепак многу деца се обидуваат да постат колку што е можно повеќе пати во текот на детството, во тоа им помагаат нивните роднини. На крај, патниците се исклучени од обврската на постот, но исто како и другите, по нивното патување мора да надокнадат за пропуштените денови на пост.

По триесетдневниот рамазански пост, следува тридневен Рамазански бајрам, кој се смета за голем празник во исламот. Почетокт на Рамазан секоја година се поместува за 10 дена наназад, односно во престапните години за 11 дена, во однос на претходната година, поради разликата помеѓу исламскиот и грегоријанскиот календар.

Муслиманите во Република Македонија, како и во целиот свет, денеска го слават Рамазан Бајрам. По едномесечниот пост, во кој верниците се воздржуваа од храна и пијалоци од зора до зајдисонце, денеска во сите џамии се служи утрински Бајрам-намаз.

Кај муслиманите Бајрам се честита со зборовите „Бајрам шериф мубарек олсун“, што во превод значи „Нека е благословен племенитиот Бајрам“.

Одговорот е: Алах рази олсун (Нека Алах биде задоволен од тебе).

Во текот на бајрамските празници муслиманските верници се посетуваат и го честитаат празникот на своите најмили, на роднините, соседите и пријателите.

На сите ученици и нивните родители од исламската вероисповед им го честитаме празникот и посакуваме да го празнуваат во мир, радост љубов и среќа!

Превземено од   https://www.fakulteti.mk/news/15062018/deneska-se-slavi-ramazan-bajram

Правилна исхрана – одлична иднина

Дружбата и активностите продолжија на 07.06.2018г. во нашето училиште “Дане Крапчев’. Учениците раскажуваа за поминатите случки и впечатоците од заедничките посети на Земјоделскиот факултет, во фабриката Виталија, Зелениот пазар. Дискутираа за здравата храна и она што го осознале. Потоа од набавените зеленчукови и овошни плодови, различни по вид, учениците приготвија овошни и зеленчукови салати според различните рецепти, онака како што правеле нивните мајки или по рецепти. Додека ги приготвуваа салтите појаснуваа каде најмногу успева плодот, кои витамини ги содржи и сл. Подготвија прекрасна трпеза. Вредните раце на учениците ги наполнија кошниците со овошје и зеленчук и се упативме кон СОС Детско село. Беа пречекани од нивните соученици – штитеници на СОС Детско село. Дружбата продолжи.

 

This slideshow requires JavaScript.

 

 

 

Правилна исхрана – одлична иднина

Продолжуваме со реализација на проектот: ,,Правилна(здрава)исхрана-одлична иднина“  во рамки на МИО по добиениот Гранд од МОН.  Учениците од ООУ,,Дане Крапчев,, и ООУ,,25 Мај,, беа во заедничка посета на ВИТАЛИЈА – Фабрика за производство и преработка на здрава храна. Поминавме еден прекрасен ден во дружење и запознавање со процесот на преработка, производство и пакување на здрави производи од „Виталија“.

This slideshow requires JavaScript.

Mеѓуетничка интеграција и толеранција

Правилна (здрава) исхрана – Одлична иднина

Пирамида  на здрава исхрана

На 23.05.2018г. продолживме со активностите предвидени во рамки на проектот Правилна исхрана-Одлична иднина по добиениот ГРАНД од МОН преку проучувања за производството и  дистрибуцијата на здравата храна и  посета на Факултетот за земјоделски науки и храна во Скопје каде учениците од двете училишта имаа можност да следат презентација и предавање за здрава исхрана од Доц.д-р Фросина Бабановска Миленковска која работи како професор на факултетот.Активностите продолжија со посета на овоштарник каде се запознаа со начинот на одгледување на разни сорти овошки кои виреат на нашето поднебје.

This slideshow requires JavaScript.

Правилна исхрана – Одлична иднина

На 21.05.2018 г. започнаа заедничките активности на учениците од ООУ „ Дане Крапчев “- Скопје и ООУ „25 Мај“ – Скопје по добиениот ГРАНТ за Проектот: Активности за меѓуетничка интеграција и толеранција – Правилна (здрава) исхрана – Одлична иднина: Пирамида  на здрава исхрана.

Активностите започнаа со   креативни поетско – ликовни работилници каде што учениците истражуваа, проучува кои видови на сезонското овошје и зеленчук виреат во нашето поднебје, а потоа тоа го претставија во своите изработки, поетско прозни и ликовни творби.

Следеа излагања на учениците од нивните истражувања, читање на поетските творби и претставување на ликовните творби. Сите изработки беа изложени во холот на ООУ „Дане Крапчев“ каде што можеа да ги видат сите ученици, наставници, родители и останати посетители во нашето училиште.

Од реализацијата на овој проект следат уште четири активности.

This slideshow requires JavaScript.

Денови на електротехника 2018

На седмата по ред манифестација Денови на електротехника 2018 во организација на СЕТУГС “Михајло Пупин” – Скопје, тимот од ООУ „Дане Крапчев“ со ментор: Јулија Јанкуловска и ученици: Матеј Трајчевски, Петар Стефановски и Јован Јанковски го освоија четвртото место на градскиот натпревар во кој учествуваа   36 основни училишта со нивните тимови.

Во сколоп на манифестацијата на 22.5.2018 ја посетивме хидроцентралата- музеј Матка.

This slideshow requires JavaScript.

Патување со воз

На 21.05.2018 г. учениците од III-1, III-3, III-4 одд. заедно со нивните наставници реализираа патување со воз на релација Скопје – Велес – Скопје. Во овој период по предметот општество се изучува темата ,,Сообраќај”. Учениците преку оваа посета на железничката станица и патувањето со воз имаа можност во пракса да ги прошират своите знаења за железничкиот сообраќај, професиите врзани за истиот и да уживаат во незаборавното патување. Голема благодарност до сите вработени од Македонска железница кои ни беа љубезни домаќини во текот на посетата и патувањето.

This slideshow requires JavaScript.

Градиме заедничка иднина – Денови на МИО во Општина Гази Баба

Во рамките на Грантовите за заеднички активности – ГРАДИМЕ МОСТОВИ организирани од МОН и ОБСЕ, општината Гази Баба е добитник на гранд со проектот Градиме заедничка иднина – Денови на МИО во Општината, на кој главна цел е да се сплотат учениците од сите основни училишта во општина „Гази Баба“, кои во мешани групи (од било каков аспект: полов, етнички, социјален…) ќе соработуваат и ќе се подготвуваат за одбележување на Денот на општината: 03.11.2018 год. Нашето училиште активно е вклучено во сите планирани активности од проектот, а во една од планираните активности – Подготовка на заедничка приредба за Денот на општината е и училиште домаќин.

На 24 и 26 април во нашето училиште се реализираше првата активност Работилници за мултикултурно учење и меѓуетничка соработка за учениците на кое активно учество земаа 30 ученици и одговорни наставници кои учествуваат во овој проект.

На 02.05.2018 год. во ООУ „Његош“ се започна со реализација на втората активност од проектот Истражување на причините за загаденоста во нашата општина, изготвување препораки до пошироката популација за заштита од загаденоста и превенција на здравјето и изработка на рекламен материјал –флаери и брошури – на која активно учество земаа 5 ученици од нашето училиште –Аделина Ајваз, Никола Стојменовиќ, Методија Тасевски, Нина Ристиќ и Христина Јовановска придружени од координаторот на МИО на училиштето Весна Трајковска, педагогот Габриела Пљачкоска и координаторот на проектот од нашето училиште Виолета Стоилевска.

На 09.05.2018 и 11.05.2018 во ООУ„25 Мај“- Скопје се започна со реализација на четвртата активност од проектот Изработка и печатење на двојазичен водич низ Гази Баба (македонски и албански) на која активно учество земаа 4 учениците Павел Наневски, Вероника Неделковска, Јана Стоилевска и Михаил Стефановски. придружени од наставничката по информатика и член на МИО Марина Пејковска и одделенскиот наставник Јованка Грујовска и координаторот Виолета Стоилевска.

На 09.05.2018 во ООУ„Наум Наумовски Борче“- Скопје се започна со реализацијата на шестата активност од проектот Игри без граници на која активно учество земаа 8 ученици од 3 и 4 одделение – Бисера Стојменовиќ, Адриана Стоилевска, Горазд Стојановски, Драгана, Рамадан Јашарај, Башким Абедим, Давид Митевски придружени од одделенските наставници Јованка Грујовска и Виолета Стоилевска.

На 16.05.2018 се започна со реализација на третата активност од проектот Подготовка на заедничка приредба за Денот на општината на која нашето училиште „Дане Крапчев“ беше училиште домаќин. На оваа активност учество земаа 10 ученици – Ердуан Демиров, Никола Јакимовски, Јана Ѓорѓиевска и Миа Јакимовска во хор – придружени од наставничката Роза Јаневска и Марина Пејковска; Теа Веселинова, Ники Пандовска, Моника Георгиевска и Теона Пешевска – оркестар придружени од наставникот по музичко обр, Ванчо Јовчев и координаторот Виолета Стоилевска; Тамара Додевска и Катерина Пислевиќ – ритмичка група придружени од одделенскиот наставник Лидија Ѓорѓиева, Јованка Грујовска и Христина Петровска.

На средбите земаа активно учество, учениците и наставниците од сите училишта на општина Гази Баба работеа интегрирано, балансирано и со иста цел – заедничка иднина, во пријатна атмосфера и соработка помеѓу сите учесници.

Продолжуваме да ги реализираме планираните активности !!!!

Координатор:

Виолета Стоилевска

This slideshow requires JavaScript.

Катче за чиста вода- проект на Општина Гази Баба

Општината Гази Баба обезбеди буџет за набавка и поставување на филтри за вода во јавните институции. Три основни училишта и три градинки се опфатени во овој проект, меѓу кои и нашето училиште .

Согласно динамиката на проектот денеска се поставија филтрите во ООУ „Дане Крапчев, со што нашите ученици ќе добијат поквалитетна питка вода .

Училиштето го посети градоначалникот на општината Г-н Борис Георгиевски кој ги поздрави учениците и го претстави проектот.

Исто така за учениците беше одржано едукативно предавање за значењето на питката и квалитетна вода за човечкото тело.

Чешмата со филтерот за прочистување е достапна за употреба на учениците .

Препорачуваме учениците од хигиенски причини водата да ја полнат и конзумираат во шишиња и чаши за лична употреба.

This slideshow requires JavaScript.

III-1 на Саем на книгата

Денес, (09.05.2018 г) учениците од III-1 одд. го посетија Саемот на книгата. Некои од учениците имаа можност за прв пат да посетат настан од овој тип и уште при влезот , првата рекција беше-воодушевеност од глетката. Потоа секое дете тргна во потрага по книга по сопствен избор. На саемот имавме средба и мал разговоор со Министерката за образование – госпоѓа Рената Дескоска.

Веднаш по посетата на саемот, во нашето училиште активот на трето одделение беше посетен од студенти на ФИНКИ , кои одржаа кратко предавање на тема ,,Запознавање и заштита од малициозни , штетни софтвери – Информатика во мини паакување .“

This slideshow requires JavaScript.