Посета на театар

На ден 14.11.2016 год. Учениците од I до  V од нашето училиште беа во посета на Македонската опера и балет и имаа можност да јо проследат Музичко сценската претстава „ Роденденот на принцезата Ева„

1 2 3 4 5 6 7 8 9 10 11 12 13

Oбука за креирање средина за учење на тема: „Нашата училница – нашиот свет“

Во ноември 2014 година Фондацијата за образовни и културни иницијативи „Чекор по чекор“- Македонија потпиша меморандум за разбирање и соработка со Министерството за образование и наука за реализирање на Проектот на УСАИД „Со читање до лидерство“. Главна цел на проектот е подобрување на наставата и постигнувањата на математичката и јазичната писменост кај децата од одделенска настава како и зголемување на свесноста за важноста на јазичната и математичката писменост кај децата.
Како дел од проектот на УСАИД „Со читање до лидерство“ од страна на Фондацијата за образовни и културни иницијативи „Чекор по чекор“, во рамки на Компонентата за професионален развој, се организира целодневна обука за креирање средина за учење на тема: „Нашата училница – нашиот свет“. Oваа обука се одржa во просториите на нашето училиште на 12.11.2016. Обуката започна во 09 часот  со времетраење до 16:15. Обуката  ја реализираа обучувачите: Симона Палчевска и Лулзим Адеми.
На оваа обука учествуваа 6 претставници од нашето училиште: Атанасовска Жаклина, Данче Костовска – Јакимовска, Наталија Николовска, Елизабета Георгиевска, Тања Метикош и Даниела Торковска. За прв пат на една ваква обука учествуваа и 5 родители и 5 ученика исто така од нашето училиште.
Целта на обуката е учесниците да се запознаат со креативни активности и техники за креирање на стимулативна средина за учениците и стекнатото знаење да го споделат со останатите наставници во училиштето. За време на обуката една од училниците во нашето училиште беше преуредена од страна на обучувачите и учесниците на обуката.
15032486_126173204528806_816331062_n 15032633_126173297862130_1270885962_n 15050013_126173331195460_223436212_n
viber-image14 viber-image12 viber-image13 viber-image11 viber-image10 6viber-image9 viber-image8 viber-image7 viber-image  viber-image-2 viber-image-1

ОБУКА: Диференцирано учење и индивидуализирана настава во инклузивна училница

Од 08 до 10 ноември 2016 год. се одржа обука на тема „ Диференцирано учење и индивидуализирана настава во инклузивна училница“  во организација на

Македонски центар за граѓанско образование  и УСАИД Македонија во соработка со Бирото за развој на образованието и Министерството за образование. Предавач на обуката беше Д-р Едина Кромпак од Универзитетот за применети науки и уметности, Северозападна Швајцарија, Факултет за обрзование, Базел, Швајцарија.

На обуката беа разработени темите: Клучни елементи на диференцирање, Организација на училница, Измени и прилагодување на наставните планови, Колаборативно учење, Различни видови на оценување итн.

На обуката присуствуваа членовите на инклузивниот тим Тања Метикош – одделенски наставник и Билјана Стојановска наставник по математика. Во наредниот период ќе се реализира  дисеминација на обуката за сите наставници од нашето училиште.

15032570_126092054536921_2034827729_nunspecified-1 unspecified-2 unspecified-4 unspecified-5 unspecified-6 unspecified-7 unspecified-8 unspecified-9 unspecified-10 unspecified-11 unspecified-12 unspecified

Награда „Големата мајка“

Во Музејот на Македонската Револуционерна борба со богата програма и многубројни посетители се одбележа 40-годишнината на општина Гази Баба.

За постигнати резултати во повеќе области, за соработка, за афирмација на општината, за хуманост, за врвни резултати постигнати во својата област, петта година по ред на најдобрите им беше  доделена наградата „Големата мајка”.

Наградата за значајни остварувања во областа на образованието и воспитанието од наставнички кадар ја доби одделенскиот наставник Тања Метикош од ООУ „Дане Крапчев”.

Во музичката програма учествуваа оперската певица Александра Коцевска, хорот Хераклеа под водство на Јасмина Ѓоргеска, и мандолински оркестар на МКЦ под водство на професорот Ванчо Јовчев.

14976540_1531964630165587_7724467048488174348_o        14876648_1531964583498925_2165134062157135912_o       14889789_1531964723498911_2825752993931903981_o       14902823_1531964776832239_6139914395284058637_o

den_na_opstinata_08       thumb_den_na_opstinata       den_na_opstinata_32

 

II Книжевна манифестација „Есен во Гази Баба“

По повод Денот на општина Гази Баба 3-ти ноември, во основното училиште „Григор Прличев” се одржа втората книжевна  манифестација „Есен во Гази Баба”, која беше организирана од училиштето, Сојузот за грижа и воспитување на децата на Македонија, со поддршка од општина Гази Баба.

За оваа манифестацијата беше објавен литературен конкурс на тема ” Григор Прличев и Сердарот во мојот есеј”, во која зеде учество и нашето училиште „Дане Крапчев“.

На одржаната манифестација се прогласија петте најдобри ученици, кои од Сојузот за грижа и воспитување на децата беа наградени со книга и благодарница и посета на манифестацијата „Детски лирски треперања” која се одржува во Охрид.

Награден ученик од нашето училиште е  Владимир Грујоски од VIII-4одд.

Пред присутните гости по обраќањето на градоначалникот Тони Трајковски, директорката на основното училиште „Григор Прличев”, Сузана Танева и претставникот од Сојузот за грижа и воспитување на децата на Македонија, Горјан Петрески беа прочитани литературните творби од наградените ученици.

Пораката од оваа манифестација е да се негува македонскиот литературен збор и да се инспирираат учениците повеќе да творат и да ја развиваат својата мисла.

Беше  претставена и големата уметничка слика со мотиви од животот и тврештвото на Григор Прличев која е поставена во холот на училиштето,а во дворот на училиштето во поетската шума „Срдарот“ беа засадени дрвца.

Наградената творба

Прличев и Сердарот во мојот есеј

Историјата пишува податоци. За жал во неа е испишано дека Македонскиот народ е еден со векови напатен народ. Податоците се нем факт пред вистината. Вистината ја облагородува народното творештво и народната песна. Тие ги опејуваат вистинските јунаци кои ги родила ова парче напатена земја. Таа богата историја на мојот народ со своето врвно уметничко перо ја испишал и Григор Прличев со неговата ,,историска балада,, Сердарот. На многу сликовит начин во историјата ја вметнал и поезијата  во ова врвно дело. Прочитав дека оваа творба е обединување на фолклорот, стилот на големиот Хомер и сопствената силна уметничка дарба на Прличев. Затоа и не е случајно што поемата е ставена на највисоко место во периодот на Романтизмот, но и денеска.

И повторно се навраќам на борбата на Македонците против насилствата со векови. Таа борба за слобода сликовито се проткаени во темата на ова дело со врвни уметнички квалитети.  Макотрпното минато на својот народ и стремежот за слобода е идејата на голеиот мајстор кој  бил прогласен за втор Хомер во 1860 год да го  прикаже во ова голема историско-јуначка поема.

Инспириран е од тешкиот живот на Македонците од западните делови на Македонија кои биле изложени на терор од страна на Гегите. Мотивот Прличев го зел од народната песна за Кузман Капидан кој го слика со особено мајсторство и во хомеровски дух.  Освен Кузман Капидан-Сердарот и останатите ликови во неговата поема се длабоко и силно впечатливи, носители на возвишени, но и реални особини. Турската власт за да го заштити населението од грабежи, за да може после да им земе даноци, морала да организира заштитнички единици. Кузман Капидан бил водач, сердар на една таква единица.

Поемата започнува жално….

Пискотници се слушаат од Галичник во Река,
Што тешка несреќа ги збра
и мажите, и жените, та гласи тажна ека
и навева сал коб и зла?

Дал’ град полињата житородни ги беше фатил?
ил’ рој од скакулци се вдал?
Дал’ султанот арачлии пред време беше пратил
да збира арач лут без жал?

 

Овие катрени ми ѕвонат во ушите одкако ја прочитав за прв пат ова лето.Со нив започнува потресна слика за положбата на македонското население во Галичник и Река, каде е лоцирано дејствието на поемата.

Како и големиот Хомер, кој употребил словенска антитеза да ја опише разделбата на Хектор и Андромаха, со истата стилска фигура карактеристична за нашето народно творештво Прличев нè воведува во понатамошниот тек на поемата.  Гласот за смртта на јунакот се шири со голема брзина и тој предизвикува болка и страв кај населението, зашто ќе нема кој да го заштитува  oд тој ужас и немир што се шири меѓу селаните. Потоа ненаметливо Прличев се префрла на тивкиот и мирен дом во кој мајката Неда е осамена и во исчекување да се врати синот. Таа претчувствува нешто страшно, бидејќи сонувала како се руши куќата и потпорната греда (Кузман) не издржува Со смирен тон и многу сликовито, Прличев ја опишува мајката:

 

На средна е доба; и јадра, сосема здрава,
кршна и херојски силна.
Извајана е амазонската нејзина става:
Вистинска личота милна.

Годините не ја намалиле нејзината убост;
на лице свежест се гледа,

младешката сочност не ја беше сменила грубост.
Таа е кутрата Неда!

 

Таа е последна која дознава за смртта на синот. Сите се плашат да и ја кажат кобната вест. Но кога таа сепак допре  до неа допре и до мене како остар нож забиен во моето срце. Неда испушта крици како лавица, ја фрла шамијата од главата, ги кубе косите, но многу брзо се созема и им се обраќа на селаните возвишено и гордо

 

Доста му се ридањата, пискотите мои ледни
за награда во овој час.
Над ваш’те невести и ќерки плачете, о бедни
бидејќи за нив нема спас.

 

Како  закрилник на народот го зема мечот во својата рака за да го одмазди синот и ја продолжува неговата борба. Иако Гегите (Албанците) се непријателите кои го пљачкосуваат и тероризираат населението, Прличев ги отсликува  како поклоници на јунаштвото и чесноста. Тие за да му оддадат почест на големиот јунак, сами на раце го носат Кузмановото тело во домот на мајката,  На тој начин ја искажуваат почитта и кон неа и нејзиното херојско и гордо однесување. Непријателот е воодушевен од јунаштвото и сака да ја утеши мајката:

Jас не сретнав појунак човек,

жено, од сина ти сакан.

И блажени нека се твоите гради се довек

што го отхраниле така.

 

Од голема почит, тој ќе вети дека Гегите никогаш нема да ја нападнат и навредат мајката на јунакот, дека таа секогаш ќе биде заштитена. Но, храбрата Неда не прифаќа да ја заштитат само неа, таа сака заштита за сите Македонци.

Марија, свршеницата на Кузман останува  достојна на љубовта на големиот јунак, верна до гроб, бескрајно вљубена, тивка и искрена. По смртта на својот љубен, таа нема повеќе за што да се радува, се повлекува во калуѓерство, посветувајќи му се целосно на споменот на таа љубов.

Кузман Капидан, Неда и Марија се олицетворение на добрина, љубов, верност, пожртуваност..

Само големиот Прличев може да даде пример како се сака својот народ, како се жртвува својот син, како се љуби верно до гроба.. Тој ќе остане запаметен во нашата поезија и се надевам ќе биде пример да ни покаже нам младите и преку поезија да ја искажеме љубовта кон татковината.

Многу пати сум размислувал и на други историски теми..Но содржината на Сердарот ми ја отслика историјата како на дланка. Остана во мене нем крик за тоа что се случувало со векови на оваа мала но по својата историја голема земја. Остана во мене и мала надеж дека како наследник на овие храбри јунаци ќе покажам како се сака својата татковина.. Тоа го направил големиот Хомер со Илјада, Прличев со Сердарот а јас како ученик ветувам дека ќе дадам се од себе да покажам како со знаење се сака и се почитува древната земја.

 

 

Владимир Грујовски  VIII-4одд.

ООУ „Дане Крапчев“-Скопје

Ментор:   Катица Стојчевска

 

Како да се помогне на децата во пишувањето домашна

Во еден идеален свет би било можно подеднакво добро да го поминувате времето со семејството и истовремено со тоа да сте совршени во работата и во социјалниот живот. Но, колку и да сакаме да сме совршени во секој поглед, тоа често е невозможна мисија.
Во еден идеален свет би било можно подеднакво добро да го поминувате времето со семејството и истовремено со тоа да сте совршени во работата и во социјалниот живот. Би можеле да го комбинирате бизнисот со задоволството, да им помагате на децата во учењето, да обрнувате доволно внимание на својот сопруг, но сето тоа понекогаш се чини невозможно.

Па, колку и да сакаме да сме совршени во секој поглед, тоа често е невозможна мисија.

Децата најмногу страдаат од секојдневието на вработените родители. Кај некои деца настапуваат потешкотии со учењето на лекциите и пишување на домашни. Во овие моменти родителот треба да интервенира, колку и да е тешко во многу случаи.

Како да му помогнете на вашето дете да ги научи лекциите и да напише домашна задача, без да го правите тоа целосно наместо него?

Воспоставување на  рутина

Децата, особено додека се мали, тешко ја разбираат важноста на учењето, одењето на училиште и пишувањето на домашни. Повеќето од нив го гледаат ова како тежок товар, кој не им дава ништо суштинско, освен дека им го одзема времето за игра.

Затоа задача на родителите е да воспостават ред и да го натераат детето да се фокусира на овие непријатни задачи, за да му остане доволно слободно време и за забава.

Рутината е една од најважните нешта кои родителот треба да ги воспостави. Направете распоред за сите обврски, но не оставајте го  пишувањето на домашни за подоцна вечерта. Тогаш детето станува не работоспособно, а има потреба и од одмор пред следниот тежок ден во училиште.

Отстранете ги елементите кои му го одземаат вниманието

Поставете правила – кога се учи, тоа се прави квалитетно. Во утврденото време за учење не треба до детето да има паметни телефони, лаптопи и уреди за игра, кои ќе го одвлекуваат неговото внимание.

Создадете простор за учење

Некои места во домот се многу попријатни за учење од други места. Спалната соба на детето е една од најлошите варијанти. Таму е сè што предизвикува одвлекување на вниманието. А и од психолошка гледна точка не е добро да се спие и да се учи во една просторија.

Една студија покажа дека масата во кујната или во трпезаријата се двете најпогодни локации за пишување на домашни. Важно е во овој момент регионот да е тивок, за да може детето да се фокусира.

Бидете негов асистент

Не го терајте детето задолжително само да ги пронајдува и поправа грешките. Важно е да се научи да се справува со предизвиците, вклучувајќи ги и најтешките лекции, но не го оставајте потполно само да се мачи. Помагајте, одговарајте на прашања, нудете помош и мислење.

Бидете строги

Повеќето деца ќе направат се што е можно за да го избегнат здодевниот дел на пишувањето домашна и да одат да си играат. Бидете строги и не попуштајте. Натерајте го детето да ја сфати важноста на учењето, без разлика колку пати ќе треба да го повторите.

На секое дете му треба цврста рака, додека се навикне на рутината и да го разбере значењето на упорноста во учењето.

Обука „ Читаме, учиме и се забавуваме“

На 29.10.2016 год. во нашето училиште се одржа обука „Читаме, учиме и се забавуваме“ што е во рамките на проектот „Со читање до лидерство “ а во организација на Фондацијата за образовни и културни иницијативи  – Чекор по чекор и УСАИД – Македонија. На обуката присуствуваа претставници од осум училишта. Од нашето училиште присуствуваа наставниците: Жаклина Атанасовска, Данче Костовска Јакимовска, Наталија Николовска, Елизабета Георгиевска, Тања Метикош, Даниела Торковска и педагогот на училиштето Габриела Пљачковска.

На обуката беа претставени техники за препознавање букви и зборови, читање текст и разбирање текст како и начини за вклучување на семејствата во процесот на описменување на децата. Во наредниот период ќе се изврши дисеминација на оваа обука пред сите наставници од одделенска настава во нашето училиште.

20161029_104219_resized20161029_100802_resized20161029_100808_resized20161029_124704_resized 20161029_124701_resized 20161029_124940_resized 20161029_124948_resized 20161029_125018_resized

Месец на штедење со НЛБ Банка

По повод Месецот на штедењето,  во нашето училиште а во соработка со НЛБ Банка на 17 Октомври беа организирани работилници со учениците од II-1  одд.(ооделенски наставник Данче Костовска)  и III- 2 одд. ( одделенски наставник Лидија Велковска). На почетокот учениците преку приказната за Штуки и Тиби беа запознаени со користа и потребата од штедење а потоа цртаа на тема „Штедиме со Штуки и Тиби“.

Денес ( 28.10.2016 год.) Беше организирана изложба на цртежите во просториите на НЛБ Банка. Покрај нашето училиште на овој настан учествуваа и уште четириесет други училишта од целата земја и беа изложени преку 1700 цртежи . На сите училишта им беа доделени благодарници за учество на настанот.  Соработката со НЛБ Банка ќе продолжи и истата ќе се продлабочува. Преку фотографиите ви претставуваме дел од трудовите на нашите ученици и моменти од денешната изложба.

 

14875343_1154569367962826_84069382_n 14872478_1154569201296176_2032711328_n 14874944_1154569414629488_766841146_n 14874978_1154569621296134_1678189529_n               14885854_1154569534629476_14427170_n 14885864_1154569554629474_1872784691_n 14885961_1154569654629464_303761701_n14826257_1154568897962873_721214579_n 14877651_1154568827962880_814506725_n 14886182_1154569027962860_299245210_n14877902_1154568961296200_1148700444_n 14875366_1154568771296219_529830840_n 14872665_1154568741296222_746755862_n

Помогнете му на детето да се осамостои

Неколку совети како да му помогнете на Вашето дете да има повеќе самодоверба, а и за Вас за негово правилно воспитување
 
image
Децата на возраст од 11 до 14 години од ден на ден стануваат се посамостојни и родителите им се помалку потребни. Секое дете е индивидуа сама за себе. Некои се зрели, некои помалку подготвени да се осамостојат. Родителите на деца над 1 години треба да работат на тоа детето се помалку да се потпира на нив.

Ова подразбира детето сите физиолошки потреби да ги врши самостојно, да е во состојба само на себе да си налее вода, да земе сендвич, да се организира што ќе облече. Детето треба да има чувство за времето, да води сметка да не задоцни на час.

 

СОВЕТИ за родителите

  • Бидете му добар пример

Покажете му на детето дека верувате во себе и своите можности, дека другите Ве почитуваат и ценат. Ќе се раководи по Вашиот пример, па ке успее и тоа да изгради своја личност.

 

  • Ценете го неговиот труд

Пофалете го секој негов обид да постигне или научи нешто и охрабрете го. Ако е потребно дајте му некој совет, но никако не критикувајте го.

 

  • Не инсистирајте ако нешто не сака

Пуштете го да созрева со темпо кое најмногу му одговара. Во спротивно ќе му ја уништите самодовербата

 

  • Не ги решавајте неговите проблеми

Ја заборавил опремата за физичко во училиште? Не прашал во колку часот почнува роденденската забава? Не правете го тоа наместо него!

 

  • Не го исмејувајте

Немојте да му се потсмевате поради некоја грешка или неуспех, затоа што така му ја намалувате самодовербата и храброста