ВЕРА , ЉУБОВ И НАДЕЖ

На  29.09.2017 г. учениците од II одделение симболично го одбележаа Денот на љубовта – празникот посветен на великомаченичката Софија и нејзините ќерки Љубов, Вера и Надеж (30 септември). Дарувајќи мали, прекрасно спакувани колачиња, зачинети со искрена детска насмевка и топла прегратка, подарија многу љубов и пренесоа силни пораки до сите вработени и ученици во нашето училиште. Не потсетија на трите најважни пориви кои ги држат луѓето исправени и во најтешките моменти во животот. Не потсетија дека:

ВЕРБАТА ги прави сите нешта возможни,

ЉУБОВТА ги прави сите нешта лесни,

НАДЕЖТА ги прави сите нешта достижни.

Честит празник и имајте секогаш вера, љубов и надеж во животот!

Актив на II одделение

This slideshow requires JavaScript.

Последниот час во „Дане“

Септемвриско утро 2008 малите ученичиња за прв пат го пречекорија  училишниот праг. Училишните дни непрестано се движеа и секојдневни искуства учениците нижеа. Беа вредни и работливи, немирни и скокотливи, палави и бесни па клупите им стануваа тесни.

Секојдневно растеа и нови доживувања се пластеа. Први солзи радосници, први единици и петки, први лапсузи и смешки, први симпатии и љубовни грешки. Наставниците во летот ги следеа и секојдневни насоки им делеа.

Денес кога последниот час ќе пројде, секој ученик по својот пат ќе појде. Го напуштаат училишното гнездо, со желби секој да го пронајде своето место.

Летајте слободно ученици наши, животот е пред вас и тоа нека не ве плаши! СРЕЌНО!

Елизабета Георгиевска

This slideshow requires JavaScript.

ЗАБАВА ЗА КРАЈ!

И така по девет години учење и дружење, наградување и казнување, смеење и плачење, петки и единици, кавги и сакање, работа и џаболебарење …. дојде крајот. Генерацијата 2008 – 2017 заминува од нашето училиште. Ние наставниците се потрудивме да им го пренесеме нашето знаење, да ги насочиме на правиот пат. Секој од нив зема толку, колку што можеше или колку што сакаше. Ние сме горди на секој од нив, тоа беа прекрасни деца, прекрасна генерација. Им посакуваме успех во понатамошното школување, им посакуваме да бидат среќни и весели како што беа тука. За крај   НЕМОЈТЕ  ДА НЕ ЗАБОРАВИТЕ И НЕМОЈТЕ ДА СЕ ЗАБОРАВИТЕ! Вашето дружење нека продолжи и понатаму, другарството нема крај!

Овие фотографии нека ве потсетуваат на вашето детство, затоа што веќе зачекорувате во светот на возрасните. СРЕЌНО!

ПС  Фотографиите не се со некој висок квалитет. Дали е до фотографот, дали е до апаратот или е до Вас затоа што не бевте мирни ни секунда, не знам. Но за сеќавање се добри, присутните во своите глави и во своите срца ја чуваат чистата слика  <3

Oдделенски наставник

Тања Метикош

This slideshow requires JavaScript.

 

Одбележување на Франкофонијата

На 10.04.2017 во ООУ „Живко Брјковски“ се одржа одбележување на Франкофонијата. На настанот учествуваа 15 училишта од Скопје кои се претставија со рецитали, песни, глума, танци и изложба. На настанот присуствуваа и ученици од нашето училиште со нивните наставници.

This slideshow requires JavaScript.

Велигден во нашата училница!

Учениците на II-1 одд. денес,среда 12.04.2017 цртаа, боеја, креираа, декорираа, пееја се информираа и рецитираа – во чест на големиот ден  – Велигден! Искрени желби за среќни празнични денови за сите наши големи и мали другарчиња и вработени во нашето училиште од нас-учениците на II-1 одд. и нашата наставничка  Данче Костовска-Јаким

НАСТАП НА ПЛОШТАД ВО АВТОКОМАНДА – АПРИЛИЈАДА 2017

Ученици од V и II одделение од нашето училиште , под раководство на нивните наставнички Даниела Торковска и Лидија Ѓоргиева , во петокот на 31.03.2017 учествуваа на Априлијадата која традиционално ја организира општина Гази Баба. Тие настапуваа во забавниот дел на манифестацијата , која се одржа на плоштадот во Автокоманда , каде учениците од V и II одделение настапија со ритмички точки “Пасо добле” и “Во светот на приказните”. На Априлијада 2017, учество земаа ученици од основните училишта и деца од детските градинки од општина Гази Баба.

Одделенски наставник

Даниела Торковска

Првачињата и родителите од I – 3 одделение за својата учителка

Учителката  не е само личност која учи само бројки и букви. Учителката  е таа која те учи на животот. И не случајно ја нарекуваат втора мајка. Сигурно ти мисли најдобро. Таа е тука:

-да те пофали кога си направил нешто добро,

-да те охрабри кога си несигурен,

-да те прегрне кога си тажен,

-да те прекори кога нешто грешиш,

-да ти се насмевне како знак дека ќе сочува тајна.

Таа е водач кон непознатото. Личност која е вредна за спомен и почит.

За една од многуте такви личности – учителката Жаки, родителите и учениците организираа работилница. Учениците со помош на родителите изработија заедничка честитка и научија стихотворба со која ја изненадија својата учителка на приредбата која ја организираа за мајките по повод празникот 8 Март.

ЗА НАШАТА УЧИТЕЛКА

Учителке наша мила,

убава си ко горска вила.

Имаш насмевка топла блага,

затоа на сите нас си ни драга.

Секој ден не учиш песни, сказни

и животни вештини разни.

Заедно ни поминуваат дните,

како свои деца не сакаш сите.

This slideshow requires JavaScript.

Приредба по повод 8 Март III-4 одд.

ЦЕЛИ:

  • Учениците да се поттикнуваат за учество на јавни настапи
  • Поттикнување и развивање другарство, меѓусебно почитување, позитивен дух и подобри меѓусебни односи
  • Созијализација и колективна презентација
  • Развивање интерес за вонаставни активности, рекреација и создавање позитивен  дух

На ден 07.03.2016 год. учениците од III-4  одделение заедно со одделенскиот  наставник  ја реализираа подготвената проектна задача – Осмомартовска приредба посветена на мајките.

Приредбата беше реализирана на 7.03.2016 год. во 18ч. На приредбата присуствуваа 23 гости – мајки, родители и членови на потесното семејство на учениците. Сите ученици според предвидениот план ги изведоа своите точки. Учениците рецитираа, драматизираа изведуваа кореографија на детски песни и пееа песнички учени на час по музичко образование. Во последниот дел секој ученик и додели БЛАГОДАРНИЦА  на својата мајка за нејзинот несебичен труд, љубов и грижа за своето дете.  Атмосферата беше исклучително позитивна, а воодушевувањето на родителите беше огромно.

Одделенски раководител:  Јованка Грујовска III-4                                          

This slideshow requires JavaScript.

ПАТРОНЕН ПРАЗНИК НА ООУ “ДАНЕ КРАПЧЕВ” – СКОПЈЕ

На 03.02.2017 година со почеток во 12 часот во просториите на ООУ Дане Крапчев , беше обележан патрониот празник на училиштето , односно 39 години од постоењето на училиштето. Беше организирана пригодна програма , во која учествуваа ученици од училиштето. Со ритмички точки се претставија учениците од I – V одд. Тие настапија со следната програма :

I – ритмичка точка на песната Чадот во градот – под раководство на наставничката Даниела Салтирова

II – ритмичка точка  на песната Во светот на приказните– под раководство на наставничката Лидија Ѓоргиева

III– ритмичка точка Зумба – под раководство на наставничката Лидија Велковска

IV – ритмичкa точка Танго , Валцер , Ча – ча –ча – под раководство на наставничката Елизабета Георгиевска

V – ритмичка точка Пасо добле – под раководство на наставничките Даниела Торковска и Елизабета Ордева

Училишниот хор под раководство на наставничката Роза Јаневска , настапи со две композиции , изведба на химната на училиштето и композицијата Пеперуга – од Ј.С.Бах.  Нашата колешка по музичко образование , во живо се претстави со песната Ој, Јано Јано “ , со која изведба предивика овации кај публиката.  Матрицата за песната ја изготви Ванчо Јовчев ( наставник по музичко  во нашето училиште).

Пријатната атмосферата беше надополнета и од страна на училишниот оркестар под раководтсво на наставникот Ванчо Јовчев , а тие изведоа исто така две композиции : Песните на Ана – од Хенри Манцини – за соло  обоа , виола и оркестар , и Море сокол пие која во живо ја испеа нашата поранешна ученичка Дина Јашари. А за сето тоа така да звучи помогнаа и Сара Трајановска и Ана Димовска исто така поранешни ученички во нашето училиште.

Овој патронат започна малку понеобично од сите други , кога на сцената беше изведена и монодрамата  за Дане Крапчев , напишана од страна на наставничката Јагода Филиповска , а во изведба на Лука Карагунов и Катерина Илиевска.

Изразите на лицата на посетителите , вработените , учениците ,  градоначалникот на општината и претставниците од различни институции и фирми со кои училиштето соработува , говореа за успешноста на приредбата и времето поминато во добра атмосфера. А за сето тоа да изгледа така се погрижи координаторот на тимот за културно забавен живот , во нашето училиште Даниела Торковска.

 

Координатор на тимот

за културно забавен живот

Даниела Торковска

This slideshow requires JavaScript.

 

Предновогодишни активности во нашето училиште


УЧЕНИЧКА КВИЗОТЕКА

На ден 20.12.2016, нашето училиште ”Дане Крапчев” учествуваше на натпреварот УЧЕНИЧКА КВИЗОТЕКА. Овој натпревар се одржа во Детскиот културен центар ”Карпош”. Во овој натпревар учествуваа деца од 8 и од 9-то одделение. Нашето училиште го претставија Александар Недев, Тамара Велковска и Марија Спасовска. Овој натпревар се содржеше од прашања од содржините: географија на Македонија, бонтон, историја и пикадо. Исто така имаше и музички настапи, Миа Јакимовска се претстави со песната ”Две Лири” од Каролина Гочева и Бојан Доневски кој свиреше на хармоника. Нашето училиште го освои второто место на натпреварот.

Предметен наставник

Бранко Атанасоски

This slideshow requires JavaScript.

Новогодишна приредба III-4 одд.

На 22.12. 2016 год со почеток во во 18ч. III-4 одделение приреди новогодишна претстава за родителите. Во рамките на вонаставните активности кои ги реализираме во нашето училиште, нашето одделение широко ги отвори вратите за сите родители и другите членови на нивните семејства. Задоволсвото на наставникот е најголемо кога ќе види среќни лица на своите ученици и задоволни родители. Денес како наставник тоа задоволство имав прилика да го почувствувам. Моите третооделенци со нивниот вложен труд ни приредија топла новогодишна атмосфера во која уживавме сите. Со успешни рецитации, драматизации, песни и ритмички точки беа главни sвезди на новогодишната приредба. Нивниот успех во изминатово полугодие беше крунисан со оваа новогодишна празнична претстава. За миг ги сплотиј

а сите присутни, и возрасните и учениците и не пренесоа во прекрасен новогодишен сон. Благодарност до учениците за нивниот покажан резултат и благодарност до родителите за покажаниот интерес и внимание.

Оддделенски наставник

Грујовска Јованка

This slideshow requires JavaScript.

Новогодишна театарска претстава

This slideshow requires JavaScript.

ЕКО патрола во нашето соседство

-Цели:

-Да се потикне јавната свест на локалното население за справување со отпад на соодветен начин

-Опис на настанот /активността:

Драги соседи и минувачи на на нашето училиште Еко тимот при ООУ  “ Дане Крапчев “ Ви ги честита претстојните празници и ви посакува се најдобро во Новата 2017-та год..

Искрено Ве замолуваме да внимавате каде фрлате отпадоци .

Сведоци сме дека нашиот училишен двор е се почесто е исполнет со најразличен отпад кој не потекнува од училиштето.Токму затоа ние младите екологисти денеска ги посетивме првите соседи, им ја честитавме Новата Година и им пренесовме порака дека сакаме чист училишен двор.

Училишниот двор е место за уживање и рекреација на учениците и сите Вас, а не депонија.

Овозможете ни го тоа сосовесно однесување и фрлање отпад на соодветно место.

Сите заедно за чиста животна средина!!!

 

This slideshow requires JavaScript.

Новогодишна мултиетничка трпеза

На 29.12.2016 г.со почеток во 17 часот, активот од I одделение ја реализира активноста „Новогодишна мултиетничка трпеза“. Истата е планирана во акциониот план на „Тимот за соработка со родители“ со цел учество на родителите во животот и работата на училиштето. Исто така активноста е испланирана во рамките на проектот  „Меѓуетничка интеграција во образованието“ а со цел учество на родителите од сите националности застапени во нашето училиште со подготовка на традиционални јадења и запознавање со истите.

Секој одделенски наставник  во соработка со родителите од својата  паралелка ја истакна целта и организираше подготовки на активностите за мултиетничката трпеза со традиционални јадења. Сите  ученици и нивните родители активно се вклучија и учествуваа во  истата. На мултиетничката трпеза можеше да се види традиционална храна од секоја етничка заедница: селско месо, сутлијаш, разновидни пити и погачи, кифли, макала, ајвар, баклави, алва, божиќни колачиња, природни цедени сокови и друго. Мултиетничката трпеза  овозможи подобрена соработка помеѓу родителите, учениците и наставниците како и поголемо запознавање на различните јадења, развивање чувство на почит на разликите, разбирање и вреднување на традиционалните вредности на секоја култура.

Активноста помина со големо учество и во многу пријатна и весела атмосвера на големо задоволство на сите. Затоа искажуваме голема благодарност до сите ученици и родители од I одделение  за  учествoто  и  успешната  реализација на оваа активност.

 

Одделенски наставници: Билјана Трајановска,  Даниела Салтирова, Жаклина Атанасовска,  Светлана Пешовска

 

This slideshow requires JavaScript.

Новогодишна забава со мултиетничка трпеза во IV одд.

This slideshow requires JavaScript.