Саем на книгата 2018

По повод триесет годишнина од манифестацијата Саем на книгата ученици од IV до IХ одделение на ден 09.04.2018г. со наставниците Елена Малинова, Роза Јаневска, Катица Стојчевска, Весна Трајковска, Марија Наневска и Елена Тасевска, ја посетија метрополис арената Борис Трајковски каде годинава се одржа Саемот на книга . Учениците самостојно избраа и се подновија со книги по сопствена желба , заедно со наставниците присуствуваа на промоција на книга од писателката Исидора Бјелица која ја предводеше лично госпоѓата Бјелица со професори од институтот за Педагогија. Учениците имаа и време за слободни активности во бифето од спортскиот центар каде ги разменија своите импресии од посетата на саемот.

This slideshow requires JavaScript.

Избор за за најдобри изработки од тетрапак амбалажа

На ден 30-04-2018 во нашето училиште се одржа избор за за најдобри изработки од тетрапак амбалажа во рамките на проектот ЕКО пакет-Македонија.Teмата на која учениците твореа беше Зелен тарнспорт

Им честитаме на победниците кои одат на националниот конкурс во мај.

Сите изработки ќе бидат  изложени во училишниот хол до крајот на утрешниот ден. 

Благодарност до сите наставници,ученици и родители кои се влучија во активностите во рамките на проектот

Освоено ПРВО МЕСТО на училишен натпревар

Наслов на уметничко дело KAJAK

 

Ментор: Данче Костовска-Јакимовска
Име и презиме  на ученикот Одделение
1.       Максимилијан Стојчев Трето одделение
2.     Давид Арнаудов Трето одделение
3.      Мики Величковски Трето одделение
4.     Стефани Настева Трето одделение

Освоено ВТОРО МЕСТО на училишен натпревар

Наслов на уметничко дело EKO-МЛЕКО

Ментор:Гордана Павлова
Име и презиме  на ученикот Одделение
1.Марио Јовчевски V
2.Теодора Цветковска V
3.Јована Деаноска V
4.Стефан Јанкоски V
5.Кристина Тасева V

Освоено ТРЕТО МЕСТО на училишен натпревар

Наслов на уметничко дело СОЛАРЕН ВОЗ

Билјана Трајановска
Име и презиме  на ученикот Одделение
1.Јана Павловска II-4
2.Софија Мијалковска II-3
3.Матеј Митрески II-2
4.Марија Спасовска II-1
5.Павел Доневски II-1

 

Едукативна работилница за хигиена на рацете и бон-тон при кашлање и кивање

На 30.04.2018 година (понеделник) во нашето училиште ООУ,,Дане Крпчев,, беше одржана ,,Едукативна работилница за хигиена на рацете и бон-тон при кашлање и кивање,, за учениците од I и IV одделение од страна на Клиничката болница Аџибадем Систина.

Целта на оваа работилница беше преку практични вежби децата да се научат на правилна хигиена на рацете во точно време и на правилен начин. Преку брошури и краток танц беа претставени техниките за хигиена на рацете, а беше прикажана и кратка видео презентација со цртан филм со цел да се објасни ширењето на инфекциите и потребата за хигиена на рацете и бон-тонот при кашлање и кивање.

По работилницата, на децата  им беа поделени дипломи за успешно завршен курс по Хигиена на рацете и бон-тон при кашлање и кивање, свежо овошје и вода.

Даниела Торковска

This slideshow requires JavaScript.

Од спроведена активност за изработка на уметничко дело од селектирана Тетра Пак амбалажа на тема ,,Зелен транспорт “- III одд.

Оваа учебна 2017/2018 година нашето училиште е вклучено во Проектот Еко пакет, кој  е наменет за развивање на свеста и значењето на одговорното однесување кај учениците, наставниците, вработените во училиштето и родителите, преку собирање и селектирање на употребената Тетра Пак амбалажа од млекото, јогуртот и соковите.

За таа цел во месец март активот на   III  одделение формира тим од ученици , наставници  и родители кои на 02.04.2018 организираа работилница за изработка на уметничко дело од селектирана Тетра Пак амбалажа на тема „Зелен транспорт“.

  На работилницата од 35 тетрапак амбалажи  од  сокови од еден литар,                                 20  капачиња и  1 метар коноп беше изработен кајак.

Со изработениот кајак активот на трето одделение ќе учествува на училишниот избор за три  најдобри уметнички дела.

Избраните дела  ќе учествуваат на националниот конкурс „Еко пакет Македонија“ .

Убедени сме дека со селектирање на употребената Тетра Пак амбалажа ја намалуваме количината на отпадот во депониите, го намалуваме загадувањето на животната средина и ги зачувуваме природните ресурси.

Со оглед на тоа што  изработката на  уметничкото дело помина во позитивна атмосфера , смеа, другарство ,соработка, надополнување на креативноста , со нетрпение го очекуваме училишниот избор и се надеваме на успех.

Актив на трето одделение

This slideshow requires JavaScript.

Еко пакет – Работилница „Зелен превоз“ – IV одд.

Во месец март активот на четврто одделение ја реализира планираната активност „Еко пакет „ на Македонија.

Имено  најнапред се формира тимот  и се договори датум за работилницата. Истата се реализира на 22.03.2018 год. Целта беше да се изработи уметничко дело од употребената и селектирана Тетрапак амбалажа.

Работилницата се реализира со голем ентузијазам од страна на учениците и родителите. Во работата покажаа доста креативност и умешност и создадоа две уметнички дела под мотото Зелен превоз.

Работилницата помина во ведар дух и позитивно расположение.

 

This slideshow requires JavaScript.

 

Одговорен наставник:  Јованка Грујовска

 

20 март- Меѓународен ден на Франкофонијата

Над 270 милиони франкофони на петте континенти во текот на месец март го слават францускиот јазик преку разни конкурси за пишување состави, поеми, литературни средби, преку приредби, филмски фестивали, гастрономски настани, уметнички изложби…

И нашето училиште се приклучува кон прославата на Франкофонијата.

На 21 март, во училницата по француски јазик, се одржа презентација за Франкофонијата во светот, а потоа преку интерактивен квиз учениците низ забава ги проверија своите познавања но и научија нешто повеќе за Франкофонските земји и нивната култура.

На 30 март ќе продожиме со франкофонски игри, а во следниве три седмици и талентите за уметност ќе творат на тема Франкофонија. Активностите ќе ги заокружиме со учество со заедничка приредба со повеќе основни училишта во Скопје каде ќе бидат изложени и цртежите од наште уметници.

This slideshow requires JavaScript.

Новогодишен базар

На 26.12.2017 год. во холот на нашето училиште во празнично расположение и пријатна атмосфера се одржа Новогодишен базар во рамките на програмата за соработка со родителите. Во организацијата и реализацијата на овој настан се вклучија голем број родители. На сите родители кои се вклучија во оваа активност  неизмерно им  благодариме за нивното залагање, одвоеното време и средства.  Собраните парични средства од базарот ќе се искористат за подобрување на условите за работа и учење во нашето училиште.

Тим за соработка со родителите

 

 

Посета на кино претстава

На 07.12.2017 год. учениците од V одделение со нивните одделенски наставници според планот за воннаставните активности ја реализираа планираната посета на кино. Учениците беа во кино „Милениум“ и го следеа детскиот игран филм  „Мечето Падингтон 2“.

Омилениот лик на култната англиска серија сликовници, мечето Падингтон се враќа на големото платно со нови авантури. Сега, кога мечето Падингтон среќно се сместило кај семејството Браун, како рамноправен член на заедницата, шири радост и љубов каде и да оди. Во потрага за совршен роденденски подарок за стотиот роденден на својата сакана тетка Луси, Падингтон налетува на една совршена книга во антикварница, но ќе мора да заврши неколку работи за да може да ја купи. Но, кога ќе открие дека книгата е украдена, Падингтон и Браунси ќе мора да тргнат во потрага по крадецот.

This slideshow requires JavaScript.

 

 

ЕКО ПАКЕТ-Македонија

На 21-11-2017 во нашето училиште се одржа работилница за наставници  во рамките на проектот ЕКО ПАКЕТ-Македонија со што официјално го означуваме стартот на овој еко проект. Проектот  се реализира во соработка со НВО „ОХО” и компанијата „Пакомак”, а оваа година целна група се учениците од I до  V одд..

Целта на проектот е запознавање на учениците, наставниците , родителите  и локалната средина за употребната важност на тетрапак амбалажата. Тетрапак амбалажата доколку се селектира од останатиот отпад е погодна за рециклирање. За да ја постигнеме таа цел во училиштето ќе бидат поставени соодветни корпи за селектирање на тетрапак амбалажа, со што ја означуваме првата фаза од проектот. Еден дел од собраниот амбалажен отпад ќе се искористи за изработка на уметнички дела од учениците под менторство на одделенските наставници, а останиот дел ќе се предаде на компанијата “Пакомак” со цел истиот да се одложи соодветно. Најуспешните дела ќе се ипратат на национален награден конкурс во организација на НВО  „ОХО” и компанијата „Пакомак” кој е планиран за месец мај.

За сите подробности во врска со конкурсот   тековно ќе Ве информираме.

 Ве повикуваме да го направме првиот чекор од проектот   и заеднички да отпочнеме со собирната акција на ТЕТРАПАК амбалажа!!!!

This slideshow requires JavaScript.

Есеј во есен – „Мојот град“ од Леонид Велковски

На 11.11.2017 г. во ООУ Григор Прличев беше одржана традиционалната манифестација ,,Есен во Гази Баба ” . На манифестацијата од страна на писателот Горјан Петревски беа наградени шест есеја на ниво на општина Гази Баба. Од нашето училиште награден беше есејот на ученикот Леонид Велковски од IX-4 одд. Пофалени беа и есеите на учениците: Лорина Јакимовска и Мила Петровска од VI-4 одд и есеите на Лора Ристовска,Светлана Симоновска и Владимир Грујовски од IX-4 одд.

Во подолжение прочитајте го наградениот есеј на ученикот Леонид Велковски

 

Мојот град

 

Студениот бакнеж на есента кој во темнината остава свој белег на летните цвеќиња, замагленото утро кое тагува над паднатите лисја, црвениот пожар кој гори во сивилото на градот, ја прават магична есенската прошетката по златната патека. По таа златна патека чекорам јас. Лисјата ми крцкаат под нозете, а од некаде далеку насетувам мирис на печени костени и топло чајче. Ластовиците полека ги напуштаат гнездата и тргнуваат кон југ. Загледан така накај нив ја преминувам улицата а веќе до мене редица бесни возачи ми свират да побрзам.

Изненаден со зачукано срце потрчнувам и набрзина застанувам на тротоарот. Не ми се брза. Сакам само да се прошетам низ градот. Веќе долго време не сум бил покрај Вардар.Трчам за накај кејот. Задишан веќе пешачам по него и си помислувам во каков град живеам. Еден од најубавите во Европа. Тоа е одговорот. Но…Тој е пренаселен, со скоро милион жители во него и многу загаден. Насекаде некултурни луѓе со лош менталитет. А пак да не зборувам за сметот на улиците….Жуборењето на Вардар ми ги оттргна мислите. Како да ме пресече. Како да ми кажа дека тоа не е важно. Веќе се насетуваше плоштадот и ,,грандиозниот,, ,,Воин на коњ,,. Се искачив по скалите и се упатив право кон улица ,,Македонија,,. Поминувајќи низ плоштадот ме обзема едно патриотско чувство. Не дека сум некој патриот, но ете, таквата архитектура околу тебе те тера да се чувствуваш важно. Јас го оспорувам она изграденото па се преиспитувам дали треба да бидам против или не? Но, сето тоа повторно не е важно. Одам по улица ,,Македонија,, и ме обзема едно чувство кое ме потсеќа само на есен и на ништо друго. Амбиентот е прекрасен, а туристите наоколу ги фотографираат барокните згради чудејќи се на нивната свежина.

Полека се доближувам до ,,Рекорд,,.Гледам група на деца од друг град кои дошле да го посетат Скопје. Возбудени погледнуваат наоколу. Очите им се ококорени и пред нив ја гледаат најфрекфентната улица во Македонија. Маса на луѓе чекори кон другиот крај на улицата. Сонцето срамежливо се смешка од небото. Куќата на ,,Мајка Тереза,, ме предизвикува да мислам за таа жена и нејзината добрина и смелост. Таа била чудо, а сега е светица за христијаните. Веќе се затемнува па брзо станува ладно. Јас во мојот топол капут се туткам, што повеќе да ја почуствувам  неговата топлина. Видикот веќе се смалува па го гледам музејот на град Скопје. Одеднаш се смрзнувам. Раката во мојот џеб ги пипка картите за на театар. Зар е можно да доцнам? Многу размислував. Го погледнувам часовникот и гледам дека имам само уште петнаесетина минути. Дали да се враќам назад ? Не. Ќе направам круг и ќе стигнам до театрот. Но, немам време. Ќе викнам такси. Таксито ме донесе до плочникот на театрот, а таму другар ми нервозно цупка. Влеговме заедно желни да ја погледнеме новата претстава. Додека траеше претставата јас повторно размислував. Кои се предностите а кои негативните страни на градот?

Зошто баш вечерва мислам на тоа? Изборите се виновни за тоа, тие ме натераа на ова. Но, не! Јас не се интересирам за тоа. Ова е моја желба да разграничам . Покрај лошите страни кои секојдневно ги повторуваме и веќе на секој му се врежени во меморијата, јас реков зошто не ги истакнеме позитивните страни на овој град. Прво ќе започнам со чаршијата. А, да! Сега имам желба да ја посетам. После претставата веднаш се упатувам таму. Тоа е наш историски белег. Многу работи можат да се видат. Не сите занаети се застапени но, некои како опаничарството и слаткарството се едни од преостанатите. Правењето чевли е интересен процес. Ги имам посетено луѓето што ги изработуваат. Многу фини луѓе.  Да не ги заборавиме златарите и дуќаните со народна облека, каква убавина. А пак Камениот мост! Тој е посебно врежан во моето срце. Него, не го засенија гламурозните зданија околу. Тој е симбол на нашиот град. И ќе остане. На него многу работи се случиле, а османлиската архиктетура го прави посебен. Секако, да не го заборавиме и Калето. Тоа е белег за животот на просторот на градот. Праисториските докази покажуваат колку Скопје е старо. Но, не само тие. Средовековната смелост го покажува тоа. Водно е незаборавлив дел од сево ова. Тоа е мини – планина како изградена за нас скопјаните.Таму можеш да бидеш рекреативен ама и мелахонличен.

Така претсавата заврши а јас со пола моменти од неа во мојата глава си заминав од таму. Полека  поминавме покрај Камениот мост и се упативме кон чаршијата за повторно да ја погледнам нејзината убавина. Така двајцата шетајки низ неа разговаравме за длабоки теми од нашите животи. Се разделивме и сите си тргнавме по нашите патишта. Ноќта додека спиев сонував еден чуден сон. Јас како летам над градот. Дестинација беше Градскиот парк. Таму си се шетав сам над тепихот од суви лисја. Стадионот беше премал за мене од мојата перспектива. Личеше на една чудна чинија. Од зоолошката лавот рикаше, а чуствував како ветер да струи низ мене и гледав како прави бранчиња на малите езерца. Вегетацијата веќе станала жолта, а дрвјата останале без нивните лисја на гранките. Тоа е сликата што ја видов за нашот парк. Голем со многу изненадувања во него. И така после сето тоа се најдов во еден паралелен свет. Скопје во иднината. Многу беше грозно. Едноставно бев во агонија. Она што беше сегашниот Градски парк, во иднината е место со многу отпад. Зар е можно?Да можно е!Тоа е ,,Градскиот отпад,,. Се вивнав во воздухот и видов само  црно околу мене. Смог и чад во облаците. Студена слика добив за Скопје. Не можев да гледам понатаму и се разбудив запрепастен. Рипнав и почекав да се освестам. Во тој момент сфатив колку си го сакам мојот град .Колку е посебен и величенствен за мене. Не можам да го заменам со никој друг. Толку убави мисли и сеќавања ми дојдоа за градот што бев вчудовиден од самиот себе. Сфатив колку си го сакам Скопје.

Истиот ден требаше да пишуваме состав на слободна тема, па јас го избрав Скопје како тема за пишување. И она што го доживеав минатата вечер ме мотивираше уште повеќе да мислам и за бабичките во ЈСП и дедовците на Зелен пазар и концертите во Универзална сала. Спортските натпревари во ,,Борис Трајковски,, не беа исклучок. Така ми дојде слика за она вистинското. Слика како треба да се почитува родното место. Повеќе не го навредував моето огниште и очекувам се повеќе и повеќе од него.Вистинската работа е љубовта. Ама скопскиот дух треба да го осетиш и насетиш. Тоа е сигурно она што ме воздигна на некое следно духовно ниво.Чувствата ми се непроценливи во моментов. Уживам во секој мој нареден збор. Копнеам секој пат да се прошетам по градот и уште еднаш да се присетам на ова искуство. Урбано Скопје допрва ќе го запознавам , а не сакам моите искуства да бидат полоши од претходните. Скопје  е моето детство, мојата секојдневна мисла, мојата копнеж, мојата радост и среќа, мојата тага. Скопје за мене е се на светов. Те сакам!

Леонид Велковски

IX-4

Училиште: ООУ,,Дане Крапчев”- Скопје

Ментор: Јагода Филиповска