Септемвриски активности на еко тимот

Во месец септември успешно ги реазлизиравме планираните активности согласно еко-календарот.

Одбележани беа следните денови:

 Светски ден за заштита на озонската обвивка (16 Септември)

Активност: Изработка на пано за важноста на озонската обвивка и читање текст за важноста на озонот кои го изготвија учениците од 9 одд. кои се дел од еко тимот.

Рефератот го изработија ученичките Ивана Додевска, Теодора Стефановска и Моника Блаќевска од 9 одд.

Рефератот за озонската обвивка можете да го превземете тука

   Меѓународен ден без автомобили (22 Септември)

Активност: Изработка  плакати и пано  со апел за разумно користење на автомобилите.

Кампања  “Здрава храна за детство без мана “ традиционално ја реализираме и оваа учебна година.

Почетокот на кампањата го означи продажна акција за здрава храна на активот

7 одд.,кои вo училишниот хол на своите ученици за ужинка им понудија овошни плодови.

Исто така во месец септември се спроведоа активности по повод Светски ден на акцијата. Нашето училиште ООУ “Дане Крачев”, Гази Баба спроведе акција за чистење на училишниот двор од смет кој зад себе го оставаат несовесните граѓани. Собрани беа околу 10 црни вреќи мешовит отпад.

Тековно се одржува цветниот фонд во училишната зграда и двор. Во месец септември спроведовме голема собирна акција за стара хартија и обезбедивме 12 картонски кутии за селекција на употребената хартија од компанијата ДС Смит.

Во училиштето во тек е обнова на фасадата и поставување на излоација што оди во прилог на заштеда на енергија.

Одбележана Детската недела во ООУ ”Дане Крапчев”

 

               На 05.10.2018 со културно – уметничка програма беше одбележан приемот на првачињата во Детската организација. Приредбата беше организирана од страна на постарите другарчиња и наставниците од училиштето.
               Истата беше проследена и од родителите на првачињата.
               Првооделенците дадоа свечено ветување.
ВЕТУВАЊЕ
Во овој момент, ветувам на сиот глас
Дека моите наставници ќе ги почитувам јас !
Секоја задача ќе се обидам со леснотија да ја решам,
но Ве молам простете ако некогаш згрешам !
Во овој момент давам чесен татковински збор,
ќе се дружам со другарчињата, во училишниот двор

Огласи за стипендии на талентирани ученици и ученици спортисти

О Г Л А С

За доделување 11(единаесет) стипендии на талентирани ученици

од општинските основни училишта на Општина Гази Баба за учебната 2018/19

 

  1. Услови за доделување стипендии

Право на доделување на стипендија имаат државјани на РМ, кои имаат статус на редовен ученик со следниве услови:

  1. да има постојано место на живеење на територијата на Општина Гази Баба, да не прима кредит, стипендија од друг давател,
  • да е ученик во основно училиште на територијата од Општина Гази Баба
  • листата на приоритет за кандидатите кои исполнуваат услови, ќе ги утврди комисија за одбирање на стипендисти формирана од страна на градоначалникот на Општина Гази Баба.
  1. Потребни документи

Со пријавата за стипендија учениците се должни да ги приложат следните документи:

  • заверена копија од местото на живеење(лична карта)
  • уверение дека ученикот по прв пат го запишува училиштето во таа учебна година како редовен ученик (оригинал или копија)
  • заверена копија од ученичка книшка,сведителства за учебната 2017/18 год.
  • заверена изјава дека кандидатот не прима стипендија или кредит од друг давач, и број на членови во семејството(изјава од родител заверна на нотар)
  • да учествувал и да покажал особен успех и интерес на разни манифестации, проекти и други настани од областа на науката , техниката, културата и уметноста (признаени од МОН) за учебната 2017/18 год.

За сите полнолетни членови на семејството да се достави следното:

  • за вработените потврда за приходи(потврда за висината на последната плата, за пензионерите последен чек од пензија)
  • за невработените, потврда за невработеност(потврда од Агенција за вработување)
  • за невработените кои ги нема во евиденцијата на агенцијата за вработување, потврда на фондот за ПИОМ дека не е осигуран по ниеден основ.
  • право на стипендија можат да остварат само по еден член од семејство (ученик)

во случај на ист број на бодови предност ќе има ученикот кој имал освоено повеќе бодови од успехот (просек на оцените)

III. Височина на стипендијата

  1. Височината на стипендијата е 1800.00 ден. месечно со пресметан персонален данок, се исплаќа во текот на месецот за претходниот месец почнувајќи од 01.11.2018 год. заклучно со 01.07.2019 год.
  2. Доколку ученикот добие право на стипендија по овој конкурс не може да добие стипендија од други конкурси.
  3. По доделувањето на стипендијата се склучува договор за стипендирање, со кој по блиску се утврдуваат правата и обврските на корисникот и давателот на стипендијата.
  4. Начин и рок на пријавување

Конкурсот трае 10 дена од денот на огласувањето.

Пријавите се поднесуваат во затворен плик со назнака “Пријава на конкурс за стипендија”, “Не отворај” во архивата на општина Гази Баба.

Непотполни и неблаговремени пријави нема да се земаат во обзир.

 

Градоначалник на Општина Гази Баба

 

О Г Л А С
За доделување 11(единаесет) стипендии на ученици спортисти
од општинските основни училишта на општина Гази Баба за учебната 2018/19
I. Услови за доделување стипендии
Право на доделување на стипендија имаат државјанин на РМ ,кои имаат статус на редовен ученик
со следниве услови:
да има постојано место на живеење на територијата на општина Гази Баба, да не прима
кредит ,стипендија од друг давател,
да е ученик во основно училиште на територијата од општина Гази Баба
листата на приоритет за кандидатите кои исполнуваат услови , ке ги утврди комисија за
одбирање на стипендисти формирана од страна на градоначалникот на Општина Гази Баба
II. Потребни документи
Со пријавата за стипендија учениците се должни да ги приложат следните документи:
• заверена копија од местото на живеење(копија од ЛК од родител)
• уверение дека ученикот по прв пат го запишува училиштето во таа учебна година како редовен
ученик(оригинал или копија)
• заверена копија од ученичка книшка,сведителства за учебната 2017/18 год.
• заверена изјава дека кандидатот не прима стипендија или кредит од друг давач, и број на членови
во семејството(изјава од родител заверна на нотар)
• да учествувал и да покажал особен успех и интерес на разни манифестации, проекти и други
настани од областа на спортот за учебната 2017/18 год.
• дипломи освоени од натпреварите , оригинал(по завршувањето на огласот ги враќаме) или
заверена копија, да се регистрирани во националните спортски федерации
За сите полнолетни членови на семејството да се достави следното:
за вработените потврда за приходи(потврда за висината на последната плата ,за
пензионерите последен чекод пензија)
за невработените ,потврда за невработенест(потврда од завод за вработување)
за невработените кои ги нема во евиденцијата на Заводот за вработување потврда на
фондот за ПИОМ дека не е осигуран по ниеден основ.
право на стипендија можат да остварат само по еден член од семејство(ученик)
во случај на ист број на бодови предност ке има ученикот кој имал освоено повеке бодови
од успехот (просек на оцените)
III. Височина на стипендијата
1. Височината на стипендијата е 1800.00 ден. месечно со пресметан персонален данок ,се
исплаќа во текот на месецот за предходниот месец почнувајки од 01.11.2018 год.па до
01.07.2019 год.
2. Доколку ученикот добие право на стипендија по овој конкурс не може да добие стипендија
од други конкурси.
3. По доделувањето на стипендијата се склучува договорза стипендирање,со кој по блиску се
утрдуваат правата и обрските на корисникот и давателот на стипендијата.
IV. Начин и рок на пријавување
Конкурсот трае 10 дена од денот на огласувањето.
Пријавите се поднесуваат во затворен плик со назнака “Пријава на конкурс за стипендија”, “Не
отворај”во архивата на општина Гази Баба.
Непотполни и неблаговремени пријави нема да се земаат во обзир.
Градоначалник на Општина Гази Баба

 

Европски ден на јазиците

На ден 26 Септември Европскиот ден на јазиците беше одбележан со читање реферат за овој значаен ден и паноа изработени од нашите ученици со важните особености од различни земји изложени во холот на нашето училиште.
На ден 28.09.2018год. во ООУ Димитар Миладинов се одбележа Европскиот ден на јазицитесо приредба, во соработка со 5 основни училишта од Скопје: ООУ Димитар Миладинов- домаќин на настанот, ООУ “Дане Крапчев “ , ООУ “Кемал Ататурк”, ООУ” Лазо Ангеловски”, ООУ “Живко Брајковски” и ООУ “Браќа Миладиновци” Училиштата подготвија штандови на 10-тина европски земји, на кои беше
презентирана нивната култура, знаменитостите како и традиционалните јадења од таа земја.
Основните училишта подготвија штандови на : Македонија, Франција, Англија, Турција, Ирска, Шпанија и Србија. Нашето училиште се претстави со македонски и шпански штанд. Приредбата со  5 точки презентирани од 5-те основни училишта започна во 12часот. Секое училиште претстави на свој
начин точка зборувана на повеќе европски јазици. Нашите ученици од 8-мо одд. се претставија со точка на меѓусебно запознавање на група извидници на повеќе јазици (македонски, англиски, француски, албански, ромски, хрватски и италијански). Учениците од 4-то одд. имаа кратка драматизација  за професии и стихотворба за поздравување на англиски јазик. На приредбата присуствуваа многу важни гости: Директорот на бирото за Франкофонија на југоисточна Европа Г-дин Моџамед Кетата, потпретседателката на Здружение на професори по француски јазик : Снеже Петров, директорката на катедра на француски јазик при Филолошки факултет: Ирина Бабамова, одговорната за универзитетско
образование при француски институт: Сузана Пешиќ, Француската оперска пеачка: Елена Голомеова, повеќе директори на основните училишта, раководителот на сектор образование при општина Центар – Јагода Јанковска и раководителката од одделението за образование на општина Бутел.  По
завршување на приредбата гостите ги погледнаа штандовите и ја доживеа европската култура и традиција.
download (1)

Објавен редовниот конкурс за учениците од основите и средните училишта по повод Светскиот ден на штедењето и Светскиот ден на осигурувањетo

Превземено од: http://www.nbrm.mk/ns-newsarticle-objaven-redovniot-konkurs.nspx

Денес, Народната банка на Република Македонија (НБРМ), Министерството за финансии и Агенцијата за супервизија за осигурување (АСО) го објавија конкурсот за ученици од основното и средното образование, којшто веќе неколку години наназад е заедничка активност по повод одбележувањето на Светскиот ден на штедењето – 31 октомври и Светскиот ден на осигурувањето – 1 ноември. Трите институции коишто заеднички учествуваат во Координациското тело на регулаторните институции во Македонија за финансиска едукација, со овој конкурс имаат за цел да ja поттикнат креативноста, имагинацијата, како и критичкото размислување на учениците при создавањето творби на темите штедење и осигурување. Овие институции на овој начин ќе придонесат за натамошно интересирање и едуцирање на младата популација за овие два клучни сегмента во финансиската сфера.

Во конкурсот се одредени две теми на кои учениците од основите училишта можат да се јават со испраќање литературна творба – песна и/или ликовна творба – цртеж: „И јас умеам да штедам“ и „Што значи осигурувањето на домот и семејството за мене“. По завршување на конкурсот ќе бидат избрани по три најдобри литературни и ликовни творби на двете теми. На авторите (ученици) на избраните творби ќе им бидат доделени парични награди.

Годинава, за првпат, на конкурсот, учениците од средните училишта можат да испратат литературна творба – есеј, и тоа на тема „Штедам – мислам на својата иднина“. Според насоките дадени во конкурсот, есејот треба да содржи личен поглед кон штедењето, со осврт на некои од важните прашања: причините и потребата за штедење, значењето на штедењето за иднината, ставот кон штедењето на младата популација наспроти повозрасните, семејните навики и штедењето, познавањата на младите за штедењето во финансиските институции и други аспекти.

Учениците од средното образование можат да конкурираат и со литературна творба – расказ на тема: „Што значи осигурувањето на домот и семејството за мене“. На авторите (ученици) на трите најдобри есеи и раскази ќе им бидат доделени парични награди.

Условите за учество се наведени во конкурсот којшто е објавен на интернет-страниците на НБРМ, Министерството за финансии и АСО.

Крајниот рок за доставување на творбите е 15 октомври 2018 година.

Пристигнатите творби ќе ги разгледуваат и ќе ги оценуваат комисии формирани од претставници на трите институции коишто го распишаа конкурсот. Списокот на наградените ученици, датумот и локацијата на доделувањето на наградите ќе бидат објавени најдоцна до 31 октомври 2018 година, на интернет-страниците на трите институции.

НБРМ, Министерството за финансии и АСО се надеваат дека и оваа година, конкурсот ќе предизвика голем интерес меѓу учениците од основните и средните училишта во Република Македонија и дека дополнително ќе го стимулира стекнувањето и развивањето на навиките за штедење, а воедно ќе придонесе и за подобра упатеност во можностите коишто ги дава осигурувањето. Трите институции ќе продолжат со активностите преку кои ќе се обидуваат да придонесат за соодветно финансиско едуцирање на новите генерации, со што ќе се овозможи зголемување на финансиската писменост на населението во Република Македонија и во иднина.

 

Екологистите во акција

This slideshow requires JavaScript.

Реазлизација на активности по повод Светски ден на чистење Нашето училиште ООУ “Дане Крачев”, Гази Баба спроведе акција за чистење на училишниот двор од смет кој зад себе го оставаат несовесните граѓани. Собрани беа околу 10 црни вреќи мешовит отпад. Учениците од еколошката секција најпрво го собраа отпадот од зелените површини, а потоа ги отстранија остатоците од суви лисја и растенија. Засадените дрвја и жардињерите се окопаа и исплевија, со што започнаа подготовките за eсенско засадување на сезонски цвеќиња. Во училишната зграда учениците исто така спроведоа акција за расчистување и се погрижија за саксиските цвеќиња кои беа окопани и наводенети.

Литературен конкурс на тема:,,Егејска Македонија,,

41709925_276945133151089_638051163148648448_n

На 11.09.2018 г. во Средното фискултурно училиште во Скопје на учениците Павел Наневски 8-3 одд,  Ангела Богатинова 8-3 одд. и Лорина Јакимовска од 7 одд. од страна на Заменик министерот за образование проф. Петар Атанасов им беа доделени пофалници, плакети и ваучери од ,,Матица Македонска,, за учество на литературниот конкурс на тема ,,Егејска Македонија,, Литературниот конкурс се одржа во рамките  на Петтата светска средба на децата бегалци која се одржа од 19 – 22 јули 2018 г. во Скопје. Овој литературен конкурс беше организиран од Сојузот на здруженијата на Македонците од Егејскиот дел на Македонија во соработка со МОН. Честитки за учениците и им посакуваме уште многу успеси во иднина. Ученици браво!

 

Денес се слави Рамазан Бајрам

 

Светиот месец Рамазан е муслимански празник кој трае во текот на целиот деветти месец од исламскиот календар. Се верува дека во текот на тој месец светата книга – Куранот му бил откриен на Архангелот Гаврил, кој потоа му го пренел на пророкот Мухамед. Рамазан е време на пост, молитва, солидарност и милост, во кој муслиманските верници целодневно се воздржуваат од конзумирање храна, цигари, алкохол, но и од лоши мисли, идеи и дела. Постот почнува со изгрејсонце (суфур) и трае до зајдисонце (ифтар). Јадење и пиење се дозволени во текот на ноќта. Од пост се ослободени децата, бремени жени, доилки и болни. 

Рамазан е еден од петте столба на исламот. Останатите се верата, молитвите, поклонението и давањето милостина. Тоа е месец на добрина, милост, љубов и простување. Верувањата се дека кога ќе дојде празникот, портите на џенетот (рајот) се отвараат, портите на џехенем (пеколот) се затвораат. Муслиманите сметаат дека Рамазан на секој дом му носи полни раце дарови – милост, бериќет и проштевање. Куранот вели дека Рамазан има четири димензии – духовна, морална, солидарна и здравствена.

Еден од најбитните настани во текот на овој месец е постењето (савма). Секој ден во текот на месецот Рамазан, Муслиманите низ светот стануваат пред изгревот на сонцето да јадат Сухоор, оброк пред зората, и обавуваат фаџар (fajr) молитва. Сите мора да имаат завршено со јадење и пиење пред да започне повикот за молитва (езан) па се до четвртата молитва од денот, магриб (залез). Муслиманите може да продолжат да јадат и пијат по залезот на сонцето, па се до следниот фаџар (повик за молитва). Рамазан е време за обожување на Бог. Муслиманите треба да посветат повеќе време и внимание врз следењето на исламските учења и да избегнуваат лоши мисли и нерелигиозни разговори. Размислување и имање секс во текот на постот исто така се забранети. Насилството, освен ако тоа навистина е потребно е забрането исто така (Коран 2:187). Една од најважните карактеристики на месецот е чистотата на мислата и активностите. Постот има за цел да го продлабочи искажување на почит и воспевањето на името на Бога, со што и самите верници стануваат поблиску до бога.

Единствено од постот може да бидат „оправдани“ старите, болните и безумните/лудите, иако првите две групи мора да дадат напор секојдневно да исхрануваат барем еден сиромашен верник. Исто така исклучок може да бидат бремените жени, жените во периодот на менструација и доилките. Сите ги надокнадуваат деновите во кои не постат отпосле. Децата не се обврзани да постат, сепак многу деца се обидуваат да постат колку што е можно повеќе пати во текот на детството, во тоа им помагаат нивните роднини. На крај, патниците се исклучени од обврската на постот, но исто како и другите, по нивното патување мора да надокнадат за пропуштените денови на пост.

По триесетдневниот рамазански пост, следува тридневен Рамазански бајрам, кој се смета за голем празник во исламот. Почетокт на Рамазан секоја година се поместува за 10 дена наназад, односно во престапните години за 11 дена, во однос на претходната година, поради разликата помеѓу исламскиот и грегоријанскиот календар.

Муслиманите во Република Македонија, како и во целиот свет, денеска го слават Рамазан Бајрам. По едномесечниот пост, во кој верниците се воздржуваа од храна и пијалоци од зора до зајдисонце, денеска во сите џамии се служи утрински Бајрам-намаз.

Кај муслиманите Бајрам се честита со зборовите „Бајрам шериф мубарек олсун“, што во превод значи „Нека е благословен племенитиот Бајрам“.

Одговорот е: Алах рази олсун (Нека Алах биде задоволен од тебе).

Во текот на бајрамските празници муслиманските верници се посетуваат и го честитаат празникот на своите најмили, на роднините, соседите и пријателите.

На сите ученици и нивните родители од исламската вероисповед им го честитаме празникот и посакуваме да го празнуваат во мир, радост љубов и среќа!

Превземено од   https://www.fakulteti.mk/news/15062018/deneska-se-slavi-ramazan-bajram

Правилна исхрана – одлична иднина

Дружбата и активностите продолжија на 07.06.2018г. во нашето училиште “Дане Крапчев’. Учениците раскажуваа за поминатите случки и впечатоците од заедничките посети на Земјоделскиот факултет, во фабриката Виталија, Зелениот пазар. Дискутираа за здравата храна и она што го осознале. Потоа од набавените зеленчукови и овошни плодови, различни по вид, учениците приготвија овошни и зеленчукови салати според различните рецепти, онака како што правеле нивните мајки или по рецепти. Додека ги приготвуваа салтите појаснуваа каде најмногу успева плодот, кои витамини ги содржи и сл. Подготвија прекрасна трпеза. Вредните раце на учениците ги наполнија кошниците со овошје и зеленчук и се упативме кон СОС Детско село. Беа пречекани од нивните соученици – штитеници на СОС Детско село. Дружбата продолжи.

 

This slideshow requires JavaScript.