Заеднички учиме за гравитација

На 19.02.2024 година во просториите на ООУ „25 Мај“ се одржа уште еден заедички час по природни науки. ГРАВИТАЦИЈА! Учениците на часот активно учествуваа во дикусиите, со внимание го проследија излагањето на наставниците и одговорно го сработија работниот лист. Учениците ја идентификуваа гравитацијата како привлечна сила и ја поврзаа како величина која е зависна од масата и растојанието на телата. Пријатна работна атмосфера, дружба, споделување, тимска работа.

Учениците од одделенска настава на детска опера и прошетка низ градот

Детската музичко-интерактивна претстава: ,, Операта на шумските животни” уште еднаш покажа дека класичната музика може да им се доближи на децата ако им се претстави на соодветен начин.

Претставата имаше за цел да ја едуцира најмладата публика со поими од оперската уметност.

Сончевиот ден го искористивме и за: прешетка низ Старата скопска чаршија, плоштадот Македонија и посета на Спомен куќата на Мајка Тереза.

Наши ученици – спортисти, наша ГОРДОСТ

МЕРИТОН ЗЕЈНЕЛИ е еден од најперспективните млади каратисти во државава. Долгогодишен член е на карате клубот ,, Металург.” Со КАРАТЕ се занимава полни седум години. Тој е полуфиналиат од последното балканско првенство одржано во Бар, Црна Гора и освојувач на медали на меѓународни турнири меѓу кои е и последниот турнир во Самобор, Р.Хрватска, турнир со 2000 натпреварувачи од 29 земји.

Меритон ја има нашата поддршка да чекори напред со крупни чекори. Силниот натпреварувачки дух и неговата посветеност даваат надеж дека тој ќе напредува и во иднина и ќе ги достигне најголемите височини во овој спорт

МИХАЕЛА ФИЛИПОВСКА е перспективна млада каратистка која тренира КАРАТЕ веќе 5 години во Карате Клубот,, Автокоманда.” Михаела се натпреварува во категорија Кумите Женски -Борби. Таа е редовен учесник и освојувач на медали и признанија на државни и меѓународни натпреварувања. На државниот натпревар во нејзина категорија во 2022 г. освојувач е на III место, во 2023 г. освојува II место.

Нам ни останува на Михаела да и посакаме оваа 2024г. да го достигне врвот и да биде освојувач на I место.

КОСТА ЗАЕВСКИ тренира ТЕНИС од својата петта година. Во изминативе две години активно учествува на турнирите до 10 и 11 г. организирани од Тениската федерација на Македонија и регионалниот Cherry cup, а од оваа година и на турнирите организирани од Тениската федерација на Србија. Има освоено повеќе признанија во конкуренција до 10 години меѓу кои едно прво и шест втори места на првенствата во Македонија и едно трето место на првенство во Србија.

На Коста му посакуваме да ги достигне височините во белиот спорт, да биде наша гордост и идниот Новак Ѓоковиќ.

АНГЕЛ ЈАНЕВСКИ ученик во II-1 одд. Ангел тренира фудбал од март 2023 во клубот ФК Маџари Солидарност Јуниор. Учествувал на повеќе натпревари, меѓу кои и Детската лига на ФФМ, натпревар со клубот Мондано, на Балканскиот куп во Белград и последно на Kronos kup во Бугарија. Иако млад член Ангел има освоено 3 медали. Најдраги му се освоеното прво место против ФК Мондано и трето место освоено на турнирот во Стајковци. Идол на Ангел е Haaland кој игра во клубот Manchester City. Ангел има желба да продолжи да,тренира и да стане познат фудбалер.

ПАВЕЛ ЈОВАНОВИЌ ученик во II-1 одд. Со карате се занимава од 2022 г.  Тренира во карате клубот „Солидарност“. Павел има учествувано на повеќе натпревари во Македонија и Србија и има освојувано втори и трети места. Најдраго му е учеството на Олимпик Опен турнирот на кој има освоено 2-ро место. Негов идол и човек кој го инспирира е неговиот тренер Ахмедин Мурикиќ. Павел планира да продолжи да тренира карате и да ги освојува најголемите височини во овој спорт.

ПАВЕЛ ЈОВАНОВСКИ ученик во II-4 одд. Тренира фудбал од 5 години во ФК Маџари Јуниор. Досега има учествувано на многу натпревари и турнири на кои со екипата има освоено неколку пехари и медали. Павел има учествувано на турнири организорани од ФФМ. Има освоено прво место на турнирот Мондано, трето место на Јуниор Куп и прво место Нова Колонија.Тој е прогласен и за најдобар фудбалер на овој турнир.

ДАМЈАН СТАМЧЕВСКИ, ученик во IV-4 одд. веќе 4 години тренира фудбал во Фудбалска Школа Форца. Тој е ГОЛМАН и брани во генерација 2014 година. Има учествувано на меѓународни натпревари во Хрватска, Бугарија и Србија. Неговиот тим во сезона 2021-22 на државно ниво има освоено 1во место, а Дамјан е прогласен за најдобар голман. Во Бугарија-Пловдив 2022-23 со тимот има освоено 4то место, а Дамјан прогласен за најдобар голман. На турнир 2022-23 Железара-Форца има освоено 1во место и Дамјан повторно е награда за најдобар голман!

ДАВИД ТРАЈАНОВСКИ ученик во VII-1 одд. Се занимава со возење картинг веќе четири години. Во Македонија не се одржуваат натпревари, но на картинг стаза има освоено второ место. Давид учествува и на дигитални трки. Тој со неверојатна умешност, како возач почетник успеа да земе прво место, пол позиција, победа и најбрз круг на трката во Брно. На оваа трка од OPEL GSI шампионатот 2024 Давид  ДОЈДЕ, ВИДЕ И ПОБЕДИ!

ДЕЦА НАШИ, РЕСПЕКТ ЗА СИТЕ ВАС ! СТЕ ГО ИЗБРАЛЕ ВИСТИНСКИОТ ПАТ! СПОРТОТ Е НАЈДОБРИОТ СОЈУЗНИК НА МЛАДИТЕ. ПРОДОЛЖЕТЕ ДА ГИ СОНУВАТЕ И ОСТВАРУВАТЕ ВАШИТЕ СОНИШТА – ЈА ИМАТЕ НАШАТА ПОДДРШКА!!!

НЕДЕЛА НА ИНФОРМАТИКАТА 2024

Во рамките на Неделата на информатика 2024, која се реализира во период од 5 – 9 февруари, учениците од 5-2 и 5-3 одделение, со своите наставници Билјана Јовчева и Христина Петровска, активно се вклучија во одбележување на истата.

На часовите беше разговарано за безбедноста на интернет. Стекнатите знаења беа проверенипреку квиз:”Дали си добар “онлајн” пријател?” и Kahoot квиз *Онлајн безбедност”.

Учениците имаа можност да го запишат своето име со бинарен код и да дешифрираат дадени кодови за да креираат слика.

Искуството беше поучно, креативно и забавно, меѓу другото кај учениците се развиваше и јакнеше натпреварувачкиот дух!

Со нови сили, во второто полугодие, продолжуваме да работиме со нашето партнер училиште ООУ “25-ти Мај” на проектот: “ГРАДИМЕ НОВИ МОСТОВИ”

На 26.01.2024 учениците од 6-4 одд. беа на посета на своите другари и заеднички се реализираше наставната содржина за Земјини движења. Преку визуелната презентација учениците се запознаа со движењата на Земјата. Преку практична вежба, срочена во облик на игра, ги симулиравме Земјините движења ,а потоа преку дискусија учениците ги увидоа последиците овие движења.

Разгледуваме модели на Соларен систем ,изработени од рацете на нашите учениците и дискутиравме за изученото. Потоа следеше и втората активност- учениците се распределија во парови, составени од ученици од двете училишта и одговорија работен лист со

прашања поврзани со земјините движења.  Точноста на одговорите ја проверивме заеднички со нашите наставнички по природни науки Бојана и Анида. Резултатите беа одлични !!!