Ликовна колонија во с. Кучково

На ден 26.04.2017 ученици од ООУ “Дане Крапчев” беа учесници на традиционалната ликовна колонија во с. Кучково. Колонијата ја организира општина Ѓорче Петров. Оваа година претставник од опшина Гази Баба беше нашето училиште, а не претставуваа учениците Ева Алексоска IX-1 и Павел Наневски VI – 3. Изработените слики од сите учесници беа изложени на Првомајскиот хепенинг што исто така, го организираше општина Ѓорче Петров на платото пред крстот во с. Кучково.

Предметен наставник

по Ликовно образование

Марија Н. Наневска

This slideshow requires JavaScript.

НАСТАВА ВО ПРИРОДА V одд.

Во период од 09.04.2017  до  13.04.2017 учениците од петтите одделенија од нашето ООУ ” Дане Крапчев – Скопје ,  беа на петдневна настава во природа во Западна Македонија.

Воспитно образовите цели на наставата во природа беа :

– Изучување и истражување на објекти и појави во природата како и односите во општествениот живот ,                                                           учениците непосредно (нагледно) да се запознаат со културните споменици и знаменитости,                                                                             – учениците непосредно (нагледно) да се запознаат со релјефот,                                                                                                                                                    учениците непосредно (нагледно) да се запознаат со видовите населби , археолошки ископини ,                                                – учениците непосредно (нагледно) да се запознаат со нашето подалечно и поблиско минато,                                                                                  учениците да се запознаат со животинскиот и растителниот свет во и околу Охридското Езеро ,                                                                        – запознавање со културата и начинот на живеење на луѓето во одделни краеви ,                                                                                                                  развивање на другарство и социјализација на учениците.

Кон патот за Охрид , попатно ги посетивме :

1 ДЕН– 09.04.2017

  • Манастирот Св. Јован Бигорски ,
  • Вештачкото езеро Глобочица
  • Хидроцентралата Шпиље,
  • Посета на Вевчани.
  • Посета на Вевчански извори,
  • куќата на Михајло Пупин,
  • црквата Св. Никола

Во попладневните часови се сместивме во хотелот Конгресен центар во Охрид.

2 ДЕН  – 10.04.2017

Следуваа низа  посети на културни знаменитости во градот Охрид:

  • Посета на Охрид и прошетка низ Охридската чаршија,
  • Горна порта,
  • Антички театар,
  • Плаошник ,
  • Самоилова тврдина,
  • црква Св. Јован Богослов – Канео,
  • црква Св. Софија,
  • куќата на Робевци
  • Билјанини извори

Активности во попладневните часови, во хотелот: цртање на манастир и негова околина, литературно творење, истражување на животински и растителен свет покрај вода и пишување извештај од истото. А во вечерните часови имавме забава со аниматор.

3 ДЕН – 11.04.2017

По појадокот се упативме кон Струга. Во Струга  ги посетивме следните локации:

  • Посета на градот Струга,
  • Посета на Природонаучен музеј Др. Никола Незлобински,
  • куќата на браќата Миладиновци,
  • чаршијата и течението на реката Црн Дрим.

Активности во попладневните часови, покрај брегот на езерото: работа во групи – пишување извештај од посетата на градот Струга , литературно творење , цртање на езерото , разгледување на релјефот во околината.

4 ДЕН  – 12.04.2017

По појадокот се упативме кон Заливот на коските ( музејот на вода) , а потоа кон Св. Наум.

  • Посета на Заливот на коските,
  • манастирот Св. Наум Охридски,
  • црквата Св. Петка,
  • изворот на реката Црн Дрим ,
  • Мостот на желбите ,
  • Кратка посета на с. Трпејца.

Учениците имаа и незаборавно доживување со возење со кајче со цел да ги видат изворите на Црн Дрим кај Св. Наум.

5 ДЕН  – 13.04.2017

Последниот ден од незаборавната настава во природа  се упативме кон :

  • Античкиот град Хераклеа ,
  • Посета на градот Битола ,
  • Широк сокак.

Сите среќни , задоволни со голем број на впечатоци и доживувања пристигнавме во Скопје во попладневните часови.

 

Предавање на тема “Инклузивно образование”

На 11.04.2017 на Советот на родители се одржа предавање на тема “Инклузивно образование”, подготвено од стручните соработници во училиштето. Презентацијата ја имаше следната содржина:

-Концептуална рамка за човекови права која се темели на образование за сите (Право на квалитетно образование, право на пристап до образование, Право на почитување во рамките на средината за учење , Конвенција за правата на лицата со инвалидност, член 24.

– Дефинирање на инклузивното образование во поширока и потесна смисла

-Бариери во инклузивното образование (психосоцијални, физички и комуникациски и институционални)

-Дефинирање на инклузивниот тим во училиштето

-Бенефити од инклузивното образование

-Целта на инклузивното образование

Велигден во нашата училница!

Учениците на II-1 одд. денес,среда 12.04.2017 цртаа, боеја, креираа, декорираа, пееја се информираа и рецитираа – во чест на големиот ден  – Велигден! Искрени желби за среќни празнични денови за сите наши големи и мали другарчиња и вработени во нашето училиште од нас-учениците на II-1 одд. и нашата наставничка  Данче Костовска-Јаким

НАСТАП НА ПЛОШТАД ВО АВТОКОМАНДА – АПРИЛИЈАДА 2017

Ученици од V и II одделение од нашето училиште , под раководство на нивните наставнички Даниела Торковска и Лидија Ѓоргиева , во петокот на 31.03.2017 учествуваа на Априлијадата која традиционално ја организира општина Гази Баба. Тие настапуваа во забавниот дел на манифестацијата , која се одржа на плоштадот во Автокоманда , каде учениците од V и II одделение настапија со ритмички точки “Пасо добле” и “Во светот на приказните”. На Априлијада 2017, учество земаа ученици од основните училишта и деца од детските градинки од општина Гази Баба.

Одделенски наставник

Даниела Торковска

Регионален натпревар по француски јазик

Задоволство ми е да Ве известам дека на 01.04.2017 (сабота) се одржа Регионалниот натпревар по француски јазик во ООУ „Димитар Миладинов“. Од нашето училиште учествуваа три ученика од IX – 4 одд. Тамара Велковска, Софија Јовановиќ и Марија Спасовска.
 Тамара Велковска освои II место
Софија Јовановиќ освои IV место
Марија Спасовска доби пофалница.
НА 22.04.2017 ОДИМЕ НА ДРЖАВЕН НАТПРЕВАР!
Ментор: Јасмина Ѓоргиева

ПОСЕТА НА ОПШТИНА “ГАЗИ БАБА“

Учениците од IV одд. по предметот ОПШТЕСТВО ја изучуваат темата „Општина“  По тој повод беше организирана посета на Општината „Гази Баба“.  Општината ја посетија сите ученици од IV одд. со своите наставнички. Во текот на посетата беа примени во кабинетот на Градоначалникот Тони Трајковски. Потоа  во салата за седници на Советот на општината водеа разговор со стручни соработници вработени во општината.

Резултати од општинските натпревари по Природни науки и Биологија

На ден 04-03-2017 во нашата општина се одржа традиционалниот натпревар по природни науки и биологија во организација на Душтвото на биолози. На натпреварот нашето училиште зеде учество со 17 ученика од V до IX одд.  кои постигнаа одлични резултати

Официјалните резултати и информации околу регионалните натпревари може да погледнете на: http://prirodni-nauki-natprevari.blogspot.mk/               https://biologija.yolasite.com/

Наградени ученици на општински натпревар по биологија VII одд

Ивана Додевска            II  награда

Катерина Илиевска       II  награда

Симона Петровска        II  награда

Теона Пешевска            II  награда

Емилија Трајковска       II награда

Наградени ученици на општински натпревар по природни науки VI одд

Павел Наневски       I награда

Методија Тасевски   I награда

Ангела Чангрлиева  II награда

Ема Котеска              III награда

Јане Ѓорѓиоски        III награда

Ментор  на учениците од VI и VII одд.  Бојана Мешковска Личева

 

Наградени ученици на општински натпревар по биологија VIII и IX  одд.

ред.број Име и презиме одд. ОСВОЕНА НАГРАДА
1 Тамара Велковска IX I награда
2 Софија Јовановиќ IX II награда
3 Ана Тасева VIII II награда
4 Сања Филиповска VIII III награда
5 Матеј Трајчевски VIII III награда
6 Александар Недев IX III награда

7              Лора Поповска        VIII                                           Пофалница
Ментор на учениците од VIII и IX. одд
. Душанка  Китановска

Сите ученици продолжуваат на регионалниот натпревар

Честитки за учениците и нивните ментори. Продолжуваме понатаму за поголеми успеси!!!

21 Март – Ден на екологијата

Цели:

  • Подигање на свеста за значењето на здравата животна средина во училиштето
  • Намалување на продукцијата на отпад во училишниот двор
  • Потсетување на еко кодексот и правилата на однесување во зградата од страна на родителите,учениците,наставниците и останатите
  • Зазадување на сезонски цвеќиња во училишниот двор и одржување на веќе засадените садници

По повод денот на екологијата во нашето училиште се спроведе традиционалната акција за расчистување на училишниот двор и зграда.За таа цел се изготви акционен план за работа и учениците заедно со своите наставници излегоа на терен.Од училишниот двор беа отстранети плевел и гранки. Во задниот дел од дворот за жал беше собран и отпад кој зад себе го оставиле несовесните минувачи и содеди. Јавно ги замолуваме сите оние кои минуваат низ училишниот отпадот да го одложуваат во поставените корпи.

Убавиот пролетен ден го искористивме и да засадиме околу 100 љубичици во жардињерите, 1 младо борче и 3 сезонски сончогледки. Секако не заборавивме да ги освежиме и саксиските цвеќиња во училишните холови.

Во училишниот хол по повод ден на пролетта ликовната секција постави изложба на тема “Природа” во техниката графика која ќе може да  се разгледа во текот на оваа недела.

Исто така спроведовме и масовна акција за собирање на е-отпад, стара хартија и пластични шишиња кои ќе бидат соодветно одложени.

Одговорен наставник: Бојана М. Личева

This slideshow requires JavaScript.