Меѓуетничка интеграција во образованието

Правилна исхрана – одлична иднина

                        

Дружбата и активностите продолжија на 07.06.2018г. во нашето училиште “Дане Крапчев’. Учениците раскажуваа за поминатите случки и впечатоците од заедничките посети на Земјоделскиот факултет, во фабриката Виталија, Зелениот пазар. Дискутираа за здравата храна и она што го осознале. Потоа од набавените зеленчукови и овошни плодови, различни по вид, учениците приготвија овошни и зеленчукови салати според различните рецепти, онака како што правеле нивните мајки или по рецепти. Додека ги приготвуваа салтите појаснуваа каде најмногу успева плодот, кои витамини ги содржи и сл. Подготвија прекрасна трпеза. Вредните раце на учениците ги наполнија кошниците со овошје и зеленчук и се упативме кон СОС Детско село. Беа пречекани од нивните соученици – штитеници на СОС Детско село. Дружбата продолжи.

Правилна исхрана – одлична иднина

Продолжуваме со реализација на проектот: ,,Правилна(здрава)исхрана-одлична иднина“  во рамки на МИО по добиениот Гранд од МОН.  Учениците од ООУ,,Дане Крапчев,, и ООУ,,25 Мај,, беа во заедничка посета на ВИТАЛИЈА – Фабрика за производство и преработка на здрава храна. Поминавме еден прекрасен ден во дружење и запознавање со процесот на преработка, производство и пакување на здрави производи од „Виталија“.

Правилна (здрава) исхрана – Одлична иднина

Пирамида  на здрава исхрана

На 23.05.2018г. продолживме со активностите предвидени во рамки на проектот Правилна исхрана-Одлична иднина по добиениот ГРАНД од МОН преку проучувања за производството и  дистрибуцијата на здравата храна и  посета на Факултетот за земјоделски науки и храна во Скопје каде учениците од двете училишта имаа можност да следат презентација и предавање за здрава исхрана од Доц.д-р Фросина Бабановска Миленковска која работи како професор на факултетот.Активностите продолжија со посета на овоштарник каде се запознаа со начинот на одгледување на разни сорти овошки кои виреат на нашето поднебје.

Правилна исхрана – Одлична иднина

На 21.05.2018 г. започнаа заедничките активности на учениците од ООУ „ Дане Крапчев “- Скопје и ООУ „25 Мај“ – Скопје по добиениот ГРАНТ за Проектот: Активности за меѓуетничка интеграција и толеранција – Правилна (здрава) исхрана – Одлична иднина: Пирамида  на здрава исхрана.

Активностите започнаа со   креативни поетско – ликовни работилници каде што учениците истражуваа, проучува кои видови на сезонското овошје и зеленчук виреат во нашето поднебје, а потоа тоа го претставија во своите изработки, поетско прозни и ликовни творби.

Следеа излагања на учениците од нивните истражувања, читање на поетските творби и претставување на ликовните творби. Сите изработки беа изложени во холот на ООУ „Дане Крапчев“ каде што можеа да ги видат сите ученици, наставници, родители и останати посетители во нашето училиште.

Од реализацијата на овој проект следат уште четири активности.

Градиме заедничка иднина – Денови на МИО во Општина Гази Баба

Во рамките на Грантовите за заеднички активности – ГРАДИМЕ МОСТОВИ организирани од МОН и ОБСЕ, општината Гази Баба е добитник на гранд со проектот Градиме заедничка иднина – Денови на МИО во Општината, на кој главна цел е да се сплотат учениците од сите основни училишта во општина „Гази Баба“, кои во мешани групи (од било каков аспект: полов, етнички, социјален…) ќе соработуваат и ќе се подготвуваат за одбележување на Денот на општината: 03.11.2018 год. Нашето училиште активно е вклучено во сите планирани активности од проектот, а во една од планираните активности – Подготовка на заедничка приредба за Денот на општината е и училиште домаќин.

На 24 и 26 април во нашето училиште се реализираше првата активност Работилници за мултикултурно учење и меѓуетничка соработка за учениците на кое активно учество земаа 30 ученици и одговорни наставници кои учествуваат во овој проект.

На 02.05.2018 год. во ООУ „Његош“ се започна со реализација на втората активност од проектотИстражување на причините за загаденоста во нашата општина, изготвување препораки до пошироката популација за заштита од загаденоста и превенција на здравјето и изработка на рекламен материјал –флаери и брошури – на која активно учество земаа 5 ученици од нашето училиште –Аделина Ајваз, Никола Стојменовиќ, Методија Тасевски, Нина Ристиќ и Христина Јовановска придружени од координаторот на МИО на училиштето Весна Трајковска, педагогот Габриела Пљачкоска и координаторот на проектот од нашето училиште Виолета Стоилевска.

На 09.05.2018 и 11.05.2018 во ООУ„25 Мај“- Скопје се започна со реализација на четвртата активност од проектот Изработка и печатење на двојазичен водич низ Гази Баба (македонски и албански) на која активно учество земаа 4 учениците Павел Наневски, Вероника Неделковска, Јана Стоилевска и Михаил Стефановски. придружени од наставничката по информатика и член на МИО Марина Пејковска и одделенскиот наставник Јованка Грујовска и координаторот Виолета Стоилевска.

На 09.05.2018 во ООУ„Наум Наумовски Борче“- Скопје се започна со реализацијата на шестата активност од проектот Игри без граници на која активно учество земаа 8 ученици од 3 и 4 одделение – Бисера Стојменовиќ, Адриана Стоилевска, Горазд Стојановски, Драгана, Рамадан Јашарај, Башким Абедим, Давид Митевски придружени од одделенските наставници Јованка Грујовска и Виолета Стоилевска.

На 16.05.2018 се започна со реализација на третата активност од проектот Подготовка на заедничка приредба за Денот на општината на која нашето училиште „Дане Крапчев“ беше училиште домаќин. На оваа активност учество земаа 10 ученици – Ердуан Демиров, Никола Јакимовски, Јана Ѓорѓиевска и Миа Јакимовска во хор – придружени од наставничката Роза Јаневска и Марина Пејковска; Теа Веселинова, Ники Пандовска, Моника Георгиевска и Теона Пешевска – оркестар придружени од наставникот по музичко обр, Ванчо Јовчев и координаторот Виолета Стоилевска; Тамара Додевска и Катерина Пислевиќ – ритмичка група придружени од одделенскиот наставник Лидија Ѓорѓиева, Јованка Грујовска и Христина Петровска.

На средбите земаа активно учество, учениците и наставниците од сите училишта на општина Гази Баба работеа интегрирано, балансирано и со иста цел – заедничка иднина, во пријатна атмосфера и соработка помеѓу сите учесници.

Продолжуваме да ги реализираме планираните активности !!!!

Координатор:

Виолета Стоилевска

Проект на УСАИД ,, Зајакнување на социјалната кохезија “- Спортски игри

   

Среда, 18.04.2018 година во нашето училиште беа спроведени спортски активности како дел од проектот на УСАИД   ,, Зајакнување на социјалната кохезија “ во Р.Македонија . Целта на проектот е да ја зајакне меѓуетничката интеракција меѓу  децата и да го унапреди меѓукултурното образование.

Во спортските активности кои траеа 120 минути учествуваа 75 ученици од трето одделение од ООУ ,,Дане Крапчев” и ООУ,, 25 Мај ” – од Скопје.

Учениците од двете училишта , а и наставниците заедно со нив добија можност да се дружат –  учениците   заедно да се радуваат на  успесите во игрите, а наставниците да разменат професионални  искуства.

Извештај  бр. 2

Во склоп на програмата за меѓуетничка интеграција во образованието беа реализирани следниве активности за месец октомври 2017 година:

  1. Слушање песни и ора од различни националности и анализирање на видовите носии со учениците од 5то одд.
  2. Запознавање со традиционална храна, народни носии, народни песни и ора на ромите, албанците и македонците со учениците од 5то одд.
  3. Читање и запишување на поговорки од различни култури на хамер и особеностите на поговорките и пораките кои се пренесуваат во различните култури со ученици од 6то одд. на часот по класична култура во европската цивилизација
  4. Изработка на иконографија за историјата, јазикот, обичаите и културата на различните етнички групи кои живеат во Македонија со ученици од 7мо одд. по предметот историја

Координатор:  Весна Трајковска

 

                                                                                                                                                 Извештај  бр. 1

 Во склоп на програмата за меѓуетничка интеграција во образованието беше реализирана предвидената активност за месец септември 2017 година: одбележување на Европскиот ден на јазиците, 26 септември.

За таа цел беше подготвена приредба со повеќе точки кои пригодно го одбележаа овој ден. Меѓу другото беше изведена познатата песна Т’га за југ на 6 јазици: македонски, англиски, француски, германски, албански и ромски јазик.

Потоа беа испеани песни на француски, англиски и ромски јазик, а беа претставени наградени песни од ученици, како и народни песни на дијалекти од Македонија. Исто така беше изведен и мал скеч на француски, јазик, а преку  проектни таблоа беа преставени главните карактеристики на Лондон, Италија и Холандија со зборови и слики

Приредбата беше изведена во холот  на нашето училиште пред ученици, наставници и гости од францускиот институт.

Ова беше убава можност учениците да се претстават со свои точки и да ги доближат различните јазици и култури на останатите.

Координатор:  Весна Трајковска

 

„Различна нација, различна вера, сплотени за раце во иста атмосфера“

-Цели:

-претставување преку поетско читање, песни на различни јазици;

-да осознае дека преку песната може да се искажат чувства кои секој може да ги разбере без разлика на јазикот на кој е напишана;

-развивање љубов кон пишаниот збор и песната;

-развивање позитивен другарски однос;

-развивање и поттикнување на позитивни емоции

На ден 23.12.2016г. во рамките на проектот ,,Меѓуетничка интеграција во образованието,, под мотото „Различна нација, различна вера, сплотени за раце во иста атмосфера“,  ученици од нашето училиште  пред своите соученици  се претставија  преку поетско читање и рецитирање песни на различни јазици. Истите творби имаа можност преку истражување на интернет да ги слушнат  во нивната музичка верзија исто така на различни јазици.

Учесници беа учениците од предметна настава од VIII и IX одделение.

Одговорни наставници: Катица Стојчевска, Елена Малинова, Роза Jаневска

This slideshow requires JavaScript.

Новогодишна мултиетничка трпеза

На 29.12.2016 г.со почеток во 17 часот, активот од I одделение ја реализира активноста „Новогодишна мултиетничка трпеза“. Истата е планирана во акциониот план на „Тимот за соработка со родители“ со цел учество на родителите во животот и работата на училиштето. Исто така активноста е испланирана во рамките на проектот  „Меѓуетничка интеграција во образованието“ а со цел учество на родителите од сите националности застапени во нашето училиште со подготовка на традиционални јадења и запознавање со истите.

Секој одделенски наставник  во соработка со родителите од својата  паралелка ја истакна целта и организираше подготовки на активностите за мултиетничката трпеза со традиционални јадења. Сите  ученици и нивните родители активно се вклучија и учествуваа во  истата. На мултиетничката трпеза можеше да се види традиционална храна од секоја етничка заедница: селско месо, сутлијаш, разновидни пити и погачи, кифли, макала, ајвар, баклави, алва, божиќни колачиња, природни цедени сокови и друго. Мултиетничката трпеза  овозможи подобрена соработка помеѓу родителите, учениците и наставниците како и поголемо запознавање на различните јадења, развивање чувство на почит на разликите, разбирање и вреднување на традиционалните вредности на секоја култура.

Активноста помина со големо учество и во многу пријатна и весела атмосвера на големо задоволство на сите. Затоа искажуваме голема благодарност до сите ученици и родители од I одделение  за  учествoто  и  успешната  реализација на оваа активност.

Одделенски наставници: Билјана Трајановска,  Даниела Салтирова, Жаклина Атанасовска,  Светлана Пешовска

This slideshow requires JavaScript.

Новогодишна забава со мултиетничка трпеза во IV одд.

This slideshow requires JavaScript.

МУЛТИЕТНИЧКА ТРПЕЗА

Во рамките на Проектот за „ Меѓуетничка интеграција во образованието“  на 20.12.2016  во 10.30 h.  се одржа новогодишна Мултиетничка трпеза  во организација на активот на  трето одделение. Мултиетничката трпеза е планирана активност од програмата на тимот за Соработка со родители. Секој одделенски наставник  во соработка со родителите од својата  паралелка организира  активности за подготовка на традиционални јадења. Сите  ученици и нивните родители се вклучија во  истата. На мултиетничката трпеза можеше да се види традиционална храна од секоја етничка заедница: сарми, гравче, баклави, мантии, пити, божиќни колачиња…  Мултиетничката трпеза  им овозможи на учениците развивање чувство на почит , разбирање и вреднување на традиционалните вредности на секоја култура.

Благодарност до сите ученици и родители од III одделение  за  учествoто  и  успешната  реализација на оваа активност.

Одделенски наставник: Лидија Велковска

This slideshow requires JavaScript.