Посета на Планетариум при МКЦ

На 14.11.2023 година, се реализираше воннаставна активност-посета на Планетариум при МКЦ, предвидена со активностите од Проектот „Градиме нови мостови“. На оваа посета учествувавме ние учениците од VI-4 одделение заедно со нашата наставничка Бојана М.Личева и нашиот координатор Роза Јаневска, нашите другарчиња од VI-4 и IV-1 одделение од училиштето ООУ „25 Мај“ со нивните наставнички Теута Хаскај и Сузана Курбардовиќ и другарчињата од IV-а, б и в одделение од ООУ „Наум Наумовски-Борче“ со нивните наставнички Дијана Николовска, Анета Пешевска и Соња Николова и координаторот Даниела Караташова-социолог. На оваа активност како дел од Проектот МИО, поддржан од ОБСЕ, МОН, општина Гази Баба и нашето училиште присуствуваа и претставници од ОБСЕ. Посетата имаше за цел да се обезбеди дополнителен простор за учениците вклучени во заедничките наставни часови да се поттикнат на граѓанскиот ангажман и да се промовира меѓуетничката соработка.

Заеднички час со нашите другарчиња од ООУ „25 Мај“ на 10.11.2023


Уште еден успешен заеднички час со нашите другарчиња од ООУ „25 Мај“ и нашите наставнички Бојана М.Личева и Анида Амиди. Овој час беше многу интересен, интерактивен, практичен, а најважното е тоа што имавме и посетители-гости, г-ѓа Емилија Симоновска Јаначковска и г-дин Франческо Бигагли претставници од ОБСЕ/OSCE – Mission to Skopje. Наставната содржина „Пренесување на храна и гасови“ беше многу интересна и поттикнувачка, бидејќи имавме за задача практично да го претставиме респираторниот систем, патот на воздухот низ органите за дишење и да ги именуваме органите. Потоа следеше презентација на изработките, толкување на поимот респирација и претставување на разликата меѓу вдишување и издишување. Споделуваме дел од атмосферата.

Час со нашите сооученици од ООУ „25 Мај” – 27.10.2023 година

Со нашите другарчиња од ООУ „25 Мај“ изградиме уште еден заеднички мост на знаења по предметот Природни науки. Нашите наставнички Бојана и Анида денес не научија за видовите заби и нивната функција. Имавме многу интересни активности кои заедно ги реализиравме. Еве и вие да видите што правевме на овој час!
П.С. Се гледаме наскоро! Овој пат со гости на часот. Следете не за да дознаете!

Час со нашите сооученици од ООУ “25 Мај”

Со нашите сооученици од ООУ “25 Мај” изградивме уште еден мост на знаења по предметот природни науки. . Нашите наставнички Бојана М.Личева и Анида Амиди на интересен начин ни ја пренесоа содржината за органите од дигестивниот систем. Со задоволство ја споделуваме атмосферата од овој час.

Заеднички час со нашето партнер училиште ООУ „25 Мај”

На 22.09.2023 година одржавме уште еден заеднички час со нашето партнер училиште ООУ „25 Мај”. Овој пат ние бевме домаќини. Редовниот наставен час го одржавме во кабинетот по Природни науки и Биологија, а учесници беа учениците од 6-4 одделение заедно со нивната наставничка Бојана М.Личева и учениците од 6-2 одделение со нивната наставничка Анида Адеми. Учениците со голем интерес го проследија предавањето на двете наставнички, а потоа поделени во групи истражуваа за физичките промени на материите. Секоја група имаше за задача да промени физичко својство на дадена супстанца. Тие успешно и на многу креативен начин успеаа да ги променат физичките својства на хартијата, пластелинот, алуминиумската фолија и жица. Убави импресии и впечатоци, заедничка дружба, заедничко поучување, креации на вештите рачиња на сите дечиња. П.С. Со нетрпение ги

очекуваме следните наши заеднички активности и дружење. Се гледаме наскоро!

Мултикултурализмот во образованието

Работилницата се одржа на 06.05.2022 година во Еко градината на нашето училиште. Голема благодарност до учениците од двете училишта, до родителите кои помогнаа во реализација на активностите и благодарност до колегите од ООУ „25 Мај“ кои се вклучени во овој проект.

Беше задоволство за учениците и позитивно искуство при реализација на активност 1„Весели емотикони“ во рамки на проектот „Мултикултурализмот во образованието“ во соработка со нашето партнер училиште ООУ „25 Мај“.

Работилницата се одржа на 06.05.2022 година во Еко градината на нашето училиште. Голема благодарност до учениците од двете училишта, до родителите кои помогнаа во реализација на активностите и благодарност до колегите од ООУ „25 Мај“ кои се вклучени во овој проект.

Проект на УСАИД за меѓуетничка интеграција на младите во образованието

Проектот на УСАИД за меѓуетничка интеграција на младите во образованието (МИМО) реализиран од Македонски центар за граѓанско образование (МЦГО) во партнерство со Младински образовен форум (МОФ), ја продолжува соработката со општините со развиени и донесени стратегии за меѓуетничка интеграција и младинско учество и спроведува Младински акции на ниво на општина. 

Врз основа на горенаведеното на 24 август 2021 година од 10:30 часот во салата на Советот на општина Гази Баба се одржа средба со Дејан Ризински, одговорен на Тимот на МЦГО, Besa Reçi – Quality Assurance Coordinator, USAID Youth Ethnic Integration Project, Macedonian Civic Education Center (MCEC) и одговорно лице од општината – м-р Валентина Ангеловска- Ќиевска, педагог, гешталт терапевт и Анчевска Елизабета и по три одговорни лица (директорот, претставник од стручната служба и координаторот на Тимот за училишна интеграција од училиштата ООУ „Дане Крапчев“, ООУ „25 Мај“ и ООУ „Св. Кирил и Методиј“ – с.Стајковци за да ја поддржат реализацијата на активностите со учениците од различни средини и сите наставни јазици, со забелешка дека во активностите би вклучиле ученици од 7-9 одделение. Целта на овој проектот е младите да иницираат идеи и да одберат приоритети, кои во иднина ќе прејдат во акции кои ќе се реализира во соработка и поддршка на општината,  а со поддршка и на приватниот сектор.

 Согласно заклучоците од состанокот, во прилог беа испратени следните документи: Формулар за контакти – кој ќе послужи за доставување на контактите од назначените ученици и нивните родители и Изјава за согласност – која треба да ја доставиме засега во електронска форма (скенирана или фотографирана) со цел да се запазат правилата и протоколите. Дополнително, во продолжение беа испратени и неколку линкови со промотивните видеа од младинската кампања #ЈасПридонесов од младинските акции кои веќе се спроведено во Струга и Пробиштип.

На ден 09.09.2021 (четврток) со почеток од 10:00 на платформата Zoom, се одржа и првата онлајн работилница со учениците од ООУ „Кирил и Методиј“, ООУ „25 Мај“ и ООУ „Дане Крапчев“, за мапирање на младинските приоритети во општина Гази Баба. Сите ученици од 3-те училишта како и дел од одговорните наставници беа присутни на работилницата која ја водеше одговорниот на Тимот на МОФ, Фари Хисени. Од нашето училиште учествуваа учениците: Катарина Пислевиќ 7-2, Михаела Димчова 8-2, Клара Караџоска 8-2, Јана Саздовска 8-2, Петар Ристовски 8-3, Никола МИлосковски 8-4 и Алексеј Стојановиќ 9-3 одделение.

Учениците во текот на работилницата се претставуваа самите себеси преку игровни активности, потоа разговараа и споделуваа свои идеи со другарчињата од другите училишта за тоа што сакаат да променат во својата средина со цел поквалитетен, посигурен живот на младите, поставуваа нејасни прашања во врска со проектот, а одговорниот ги појаснуваше. Им се објаснија и активностите кои се предвидени и треба да се реализраат. На крајот на средбите на учениците повторно им се кажа денот и времето на реализација се следната средба и активноста која треба да се реализира.

„Кој ќе го освои срцето на Сара“ – театарска претстава

Во склоп на програмата за меѓуетничка интеграција во образованието беше реализирана предвидената активност за месец февруари 2020 година: изведба на театарска претстава под наслов „Кој ќе го освои срцето на Сара“.

Во период од 12.02.2020 до 20.02.2020 година, се реализираа 15 театарски претстави во Домот на култура „Чекори“ во населбата Автокоманда. Текстот за претставата го напиша, а воедно и ја постави на сцена Изабела-студент на Факултетот за Драмска уметност, а учесници-глимци во театарската претстава беа ученици на возраст од 3-то до 9-то одделение од сите 11 училишта на општината Гази Баба и од различна етничка и верска припадност. Учениците кои учествуваат во претставата се екипа и како тим ја претставуваат општината. Инаку, од нашето училиште во претставата учествуваа двајца ученици од 7-мо одделение – Јасин Малиќи и Анелија Ајваз и ученикот Рохан Крујезиу од 9-то одделение кој беше ангажиран за музиката која оди во позадина на претставата меѓу која е и химната на Општината под наслов „Мостови на другарство“, напишана на три јазика (македонски, албански и англиски) која се изведуваше на крајот на секоја од претставите и сите посетители можеа да се качат на бината и заеднички да ја пеат.

Одговорен наставник кој ги подготвуваше учениците за своите улоги во претставата беше наставничката по македонски јазик Елена Малинова, а одговорен наставник за музиката покрај ученикот беше наставничката по историја Роза Јаневска.

Сите 15 претстави се реализираа во 7 работни дена и тоа се со цел да можат учениците од сите 11 училишта да ја проследат. На крајот на претставата се случија солзи, многу цврсти прегратки, се случи заедништво, потреба за повторно видување. А всушност тоа беше целта почитување на различностите, толеранција, заедништво, градење на мултикултура и интеркултура. Билетите за претставата чинеа по 100 денари и имаат хуманитарна и општествено корисна улога.  Затоа дел собраните средства од билетите се наменија за подароци и заедничка фотографија за сите учесници во претставата,  за Изебела која ја напиша и постави претставата и остатокот од собраните средства ќе биде наменет за набавка на вреќи за седење во дневниот престој на нашето училиште. За оваа набавка која ќе следи во блиска иднина одлучи тимот на наставници од МИО, претседателот на Ученичкиот парламент, ученикот јавен правобраните и директорот на училиштето. На 19.02.2020 година на овие претстави беа присутни и градоначалникот на општина Гази Баба, претставници од ОБСЕ, главниот координатор на овој проект Анита Ангелова, претставници од општината, а претставата доби и свој видеозапис од страна на фото студио Маестро. За секое училиште имаше обезбедено и бесплатен превоз од страна на ЈСП.

Промотивен настан на активности за меѓуетничка интеграција на Денот на Општината

Ве очекуваме на 03.11.2018 во 17:00 во спортската сала „Крсте Мисирков“ да ги проследите заедничките активности на учениците од 11 основни училишта во општина Гази Баба.

44948651_2234829983254898_5425486770881953792_o







Денес се слави Рамазан Бајрам

 

Светиот месец Рамазан е муслимански празник кој трае во текот на целиот деветти месец од исламскиот календар. Се верува дека во текот на тој месец светата книга – Куранот му бил откриен на Архангелот Гаврил, кој потоа му го пренел на пророкот Мухамед. Рамазан е време на пост, молитва, солидарност и милост, во кој муслиманските верници целодневно се воздржуваат од конзумирање храна, цигари, алкохол, но и од лоши мисли, идеи и дела. Постот почнува со изгрејсонце (суфур) и трае до зајдисонце (ифтар). Јадење и пиење се дозволени во текот на ноќта. Од пост се ослободени децата, бремени жени, доилки и болни. 

Рамазан е еден од петте столба на исламот. Останатите се верата, молитвите, поклонението и давањето милостина. Тоа е месец на добрина, милост, љубов и простување. Верувањата се дека кога ќе дојде празникот, портите на џенетот (рајот) се отвараат, портите на џехенем (пеколот) се затвораат. Муслиманите сметаат дека Рамазан на секој дом му носи полни раце дарови – милост, бериќет и проштевање. Куранот вели дека Рамазан има четири димензии – духовна, морална, солидарна и здравствена.

Еден од најбитните настани во текот на овој месец е постењето (савма). Секој ден во текот на месецот Рамазан, Муслиманите низ светот стануваат пред изгревот на сонцето да јадат Сухоор, оброк пред зората, и обавуваат фаџар (fajr) молитва. Сите мора да имаат завршено со јадење и пиење пред да започне повикот за молитва (езан) па се до четвртата молитва од денот, магриб (залез). Муслиманите може да продолжат да јадат и пијат по залезот на сонцето, па се до следниот фаџар (повик за молитва). Рамазан е време за обожување на Бог. Муслиманите треба да посветат повеќе време и внимание врз следењето на исламските учења и да избегнуваат лоши мисли и нерелигиозни разговори. Размислување и имање секс во текот на постот исто така се забранети. Насилството, освен ако тоа навистина е потребно е забрането исто така (Коран 2:187). Една од најважните карактеристики на месецот е чистотата на мислата и активностите. Постот има за цел да го продлабочи искажување на почит и воспевањето на името на Бога, со што и самите верници стануваат поблиску до бога.

Единствено од постот може да бидат „оправдани“ старите, болните и безумните/лудите, иако првите две групи мора да дадат напор секојдневно да исхрануваат барем еден сиромашен верник. Исто така исклучок може да бидат бремените жени, жените во периодот на менструација и доилките. Сите ги надокнадуваат деновите во кои не постат отпосле. Децата не се обврзани да постат, сепак многу деца се обидуваат да постат колку што е можно повеќе пати во текот на детството, во тоа им помагаат нивните роднини. На крај, патниците се исклучени од обврската на постот, но исто како и другите, по нивното патување мора да надокнадат за пропуштените денови на пост.

По триесетдневниот рамазански пост, следува тридневен Рамазански бајрам, кој се смета за голем празник во исламот. Почетокт на Рамазан секоја година се поместува за 10 дена наназад, односно во престапните години за 11 дена, во однос на претходната година, поради разликата помеѓу исламскиот и грегоријанскиот календар.

Муслиманите во Република Македонија, како и во целиот свет, денеска го слават Рамазан Бајрам. По едномесечниот пост, во кој верниците се воздржуваа од храна и пијалоци од зора до зајдисонце, денеска во сите џамии се служи утрински Бајрам-намаз.

Кај муслиманите Бајрам се честита со зборовите „Бајрам шериф мубарек олсун“, што во превод значи „Нека е благословен племенитиот Бајрам“.

Одговорот е: Алах рази олсун (Нека Алах биде задоволен од тебе).

Во текот на бајрамските празници муслиманските верници се посетуваат и го честитаат празникот на своите најмили, на роднините, соседите и пријателите.

На сите ученици и нивните родители од исламската вероисповед им го честитаме празникот и посакуваме да го празнуваат во мир, радост љубов и среќа!

Превземено од   https://www.fakulteti.mk/news/15062018/deneska-se-slavi-ramazan-bajram