Прво место на ликовен конкурс

На ликовниот конкурс „Априлилили“ кој го организира ДКЦ „Карпош“ по повод 1 Април – Денот на шегата, од нашето училиште учествуваа ученици од 6 до 9 одделение, а ученичката Теодора Стефановска освои прва награда. Доделувањето на наградите беше на 1 Април на плоштадот „Македонија“ каде што беа и изложени дел од маските.

ЗА ЖЕНИТЕ

Сте чуле ли некогаш за упорност до крај,

за борење до последен здив,

за очи полни сјај?

 

Сте чуле ли за плешки како карпи,

За срце кое сака да пукне, а не смее,

За срце кое душа нема, а од љубов тлее?

 

Сте чуле ли за ноќи кои се потемни и од ноќ,

За утра кои се чини нема да разденат,

За колена кои клекнуваат и губат моќ?

 

Сте чуле за глас кој од бол трепери,

за глас кој и тогаш утеха ќе ти пружи,

за глас кој не се предава, а се гуши?

 

Сте чуле ли за пожртвуваност и љубов,

за откажување од последно парче леб,

за посветување некому живот сет?

 

Сте чуле ли за срце кое повеќе сила нема,

за истото тоа кое и тогаш замав зема,

за срце кое за друг од себе се збогува?

 

Сте чуле ли за време бреме кое седата коса го носи,

за приказни во линиите околу изморените очи,

за солзите позади насмевките сочни?

 

А сте чуле ли за жена,

за борец, непокор, моќ?

 

Сето ова е жена,

онаа како гранка која ја виткаат,

а не се крши.

 

Ова сме ти и јас,

ова сме сите жени на овој свет,

ова сме ние кои се слушаме и кога немаме глас.

 

Илина Тодева IX 1 одд.

 

I награда на литературниот конкурс

по повод 8 Март – Ден на жената

 

 

ЛИТЕРАТУРЕН КОНКУРС И ЛИТЕРАТУРНО ЧИТАЊЕ НА ТЕМА 8 МАРТ – ДЕН НА ЖЕНАТА

По повод празникот 8-ми Март – Денот на жената  во нашето училиште ,,Дане Крапчев” беше организиран литературен конкурс. Право на учество на конкурсот имаа сите ученици од нашето училиште, а учествуваа   29 од нив со лични литературни творби.

На денешното литературно читање кое се одржа во просторијата на училишната библиотека во присуство на неколку наставници, директорката и библиотекарот со почеток во 12.00 часот, преку поетски и прозен  литературен мозаик учениците ја покажаа почитта и љубовта кон своите мајки, баби и наставнички…

За оваа пригода беа доделени награди (книга) за најуспешните литературни творби во предметна и одделенска настава и тоа:

I награда за личната творба ,,За жените” – Илина Тодева IX 1 одд.

I награда за лична творба ,,Мајка” – Кирил Недев IV 4

II награда за личната творба ,,Мојата мајка” – Ања Јованова V4 одд.

Библиотекар – Жаклина Атанасовска

Резултати од Општински натпревар по Физика 2018/19 година

На  02.02.2019 година се одржа Oпштинскиот натпревар по Физика во организација на ДФРМ со почеток во 10 часот во ООУ„Кирил и Методиј“ – Гази Баба

Постигнати се следните резултати на учесниците од нашето училиште:

VIII одд
Ученик Поени Награда
Тијана Антовска 92 I место
Методија Тасевски 86 II место
Јане Ѓорѓиевски 83 II место
Ема Котеска 50 пофален
Маја Стојаноска 41 /

 

IX одд
Ученик Поени Ментор
Ивана Додевска 83 II место
Петар Здравевски 75 III место

 

Според условите на ДФРМ сите ученици се стекнаа со право на учество на регионалниот натпревар по физика кој ќе се одржи на 09.03.2019 година.

 

                                                                                                                                                                               Ментор:                       

Јулија Јанкуловска

Најбезбедно и најчисто училиште – ООУ „Дане Крапчев“ – Скопје

Министерството за образование и наука информира дека се избрани училиштата на кои ќе им се доделуваат сертификати за „Најбезбедно и најчисто училиште во учебната 2017/2018 година”. Од страна на МОН беше распишан Јавен повик за избор на „Најбезбедно и најчисто училиште“ со бр.12-14904/1 од 14.12.2017 година а истиот беше објавен и на веб страната на Министерството за образование и наука. На Јавниот повик аплицираа вкупно 15 училишта од кои 11 основни училишта и 4 средни училишт

Комисијата составена од претставници од Министерството за образование и наука, Бирото за развој на образованието, Центарот за средно образование и обука и Министерството за внатрешни работи, по разгледувањето на пристигнатите апликации и извршениот увид во самите училишта, ги избраа и добитниците, и тоа

–          Во категоријата основни училишта:

ООУ„Дане Крапчев“ од општина Гази Баба – прво место

ООУ„Кочо Рацин“ од општина Петровец – второместо

ООУ „Наум Охридски“од село Булачани, општина Гази Баба – трето место

–          Во категоријата средни училишта:

СОУ„Ѓорче Петров“ од општина Крива Паланка – прво место

СОУ Гимназија „Панче Арсовски“ од Скопје – второ место

СУГС „Владо Тасевски“ од Скопје – трето место

This slideshow requires JavaScript.

 

Прва награда од областа биологија на манифестацијата „Ноември – месец на науката“

По повод Ноември-Месец на науката 2018,  во организација на Македонското биолошко друштво (МБД), Сојузот на хемичарите и технолозите на Македонија (СХТМ), Друштвото на физичарите на Република Македонија (ДФРМ), Сојуз на математичари на Македонија (СММ), Македонското географско друштво (МГД), Македонското астрономско друштво (МАД), Скопското астроном­ско друштво (САД), Македонското еколошко друштво (МЕД), Истражувачкото друштво на студенти биолози (ИДСБ) и Природно-математичкиот факултет (ПМФ) се одржа саем на науката на кој учествуваше и нашето училиште.

Настанот беше наменет за учениците од основните училишта и наставниците по природни науки, биологија, хемија, географија и математика и,a имаше натпреварувачки карактер .

Натпреварот   се одржа на Природно-математичкиот факултет во Скопје на ден 17-11-2018.

Претставник на нашето училиште беше ученикот Павел Наневски од VIII одд. кој се натпреваруваше во областа билогија со изработка на експеримент на тема Вода-Прочистување на вода (Модел).

Ментор на ученикот беше наставничката по биологија Бојана М.Личева.

Ученикот демонстрираше постапка за прочистување на вода преку модел на прочистителна станица кој сам ја изработи врз основа на сопствено истражување на оваа тема .

Ученикот Павел Наневски  и менторот Бојана М. Личева со својот експеримент  ја освоија  првата награда на манифестацијата „Ноември – месец на науката“ во областа Биологија.

Повеќе информации за настанот може да проследите на: https://biologija.yolasite.com/

НАГРАДИ НА ЛИКОВЕН КОНКУРС

На ликовниот конкурс “Скопје се смее”, по повод 1 Април – Денот на шегата, а во организација на ДКЦ “Карпош”, учествуваа ученици од нашето училиште од V до IX одделение. Со свои изработки на тема “Првоаприлска маска” се претставија десетина ученици. Маската што ја изработија ученичките Јана Стоилевска и Михаела Стојменовиќ освои 2 награда и маската на Сара Јосевска 3 награда. Останатите учесници добија дипломи за учество. На доделувањето на наградите можеше да се види и изложбата од сите пристигнати маски од училиштата во Скопје.

Честитки за сите учесници, а посебно до наградените. Еве неколку фотографии од доделувањето на наградите и од приемот кај Директорката.

This slideshow requires JavaScript.

ПРВО МЕСТО НА ДРЖАВЕН НАТПРЕВАР

На 23 Март во салонот 1919 се одржа Франкофонска вечер во организација на Здруженито на професори по француски јазик и Националната комисија за Франкофонија од МОН. Во оваа пригода свечено беа доделени наградите од државниот натпревар по француски јазик за осмо одделение.

Нашата ученичка Катерина Илиевска од 8/1 одделение  освои Прво место.

На Кате ѝ честитаме за овој огромен успех и ѝ посакуваме уште многу успеси во животот

Наставник ментор – Анета Митевска

This slideshow requires JavaScript.

Државен натпревар по Информатика

Оваа година за прв пат во организација на Здружението на информатичарите на Македонија беше организиран државен натпревар  по Информатика – информатичко размислување за учениците од IV и V одделение. Нашиот претставник во категоријата за IV одд. Никола Наумов го освои третото место. Честитки!

Натпревар по информатика – информатичко размислување 2018

Од годинава, за учениците од IV до VII одделение се организираше  натпревар во информатичко размислување.

Натпреварот се спроведе на општинско/регионално ниво. Се одржа на 11 март 2018 во просториите на ФИНКИ на Технолошко-металуршкиот факултет.

Се натпреваруваа: Никола Наумов од IV одд.  Нина Ристиќ од  VI одд. и  Јане Ѓорѓиевски од  VII одд.

Јане Ѓорѓиевски го освои првото место во категорија – ученици во  VII одд. а

Никола Наумов го освои второто место во категорија – ученици во IV одд.

Им посакуваме успех и на Државниот натпревар.