Проект „Децата и семејствата во образованието“ (ДИСО) 

http://www.face-lifeskills.com/mk/

Со големо задоволство и гордост известуваме дека нашето училиште е вклучено во Проектот  „Децата и семејствата во образованието“ (ДИСО)  кој е поддржан од Институтот за педагошко образование од Цирих (ИПО), а се реализира во соработка со Бирото за развој на образованието (БРО) и Македонскиот центар за граѓанско образование (МЦГО). Реализацијата на проектот ќе започне од октомври наредната учебна година, но ние вработените во нашето училиште ќе го искористиме летото за запознавање со истиот.
Децата и семејствата во образованието (ДИСО) претставува проект кој има за цел да поддржи деца од социјално загрозените средини да станат свесни за своите способности и да се охрабрат во сопствениот развој. Преку активно учење на животни вештини и градење на нивните компетенции кај овие ученици, во рамки на проектот се помага да се зголеми нивното самопочитување и нивната доверба кон вредноста на училиштата и образованието. На овој начин, учениците ќе бидат подобро подготвени да се соочат со секојдневниот живот и да го пронајдат сопствениот пат во општеството. Развивањето на овие вештини секако ќе биде корисно за сите наши ученици.
Прирачниците (работните тетратки) можете да ги превземете тука

PHZH_Face1_MK_web_single_pages-001-212x300      PHZH_Face2_MK_web_single_pages-001-212x300     PHZH_Face3_MK_web_single_pages-001-212x300

Честитки за постигнатиот успех на сите наши ученици!

Двојки, тројки, четворки и петки,

да се покажат на стрини и тетки.

Секој ученик е горд на успехот свој,

не е важно колку е висок тој.

 

Па што е тогаш важно? 

– ќе прашате вие.

Важно е знаењето во умните

главички што се крие!

 

 Се гледаме во септември !

This slideshow requires JavaScript.

 

 

Богатството на еден наставник

Одделенски наставник
Елизабета Георгиевска

Што прават наставниците додека се на „распуст“

На 10 јуни започнува летниот распуст за учениците. Многумина мислат дека истото важи и за наставниците. Замислете, дури и моите дома до пред некоја година ме прашуваа, дали секој ден ќе одам на работа. А секој втор што ме сретнува ми го поставува прашањето „ И што правите сега кога немате деца? Зошто воопшто одите на работа?

Овој текст е за сите оние што не знаат што работат наставниците кога нема ученици. Па да почнеме од почеток.

Уште првиот ден од распустот започнуваат одделенските совети на кои се утврдува успехот и поведението на учениците, потоа следи и наставнички совет. Потоа се пополнуваат извештаи за истото, во извештајот пополнуваш табела со успех по предмети, табела со успех на ученици по национален и полов состав. табела со оправдани и неоправдани изостаноци по пол, осипани ученици, отпишани и запишани ученици, ученици со изречени педагошки мерки итн.

Откако ќе се утврди успехот следува пишување на оцените за крајот на второто полугодие и годишните оцени во дневникот на паралелката, запишување на изостаноците, мерките и средниот успех по ученик. Препишување на сето тоа во главната книга. Истите тие податоци треба да се внесат и во електронскиот дневник и на крај е пишувањето на свидетелствата. Многу е и ако пишуваш бројчани оцени а замислете како е со описните ( една оцена на  има минимум 500 зборови)

И тоа не е се! (во стилот на Топ-шоп )

Следи подготовка на извештајот за работата на училиштето за изминатата година. Значи повторно наставниците и стручните соработници членови на тимови изготвуваат извештаи за:  приоритетите на училиштето, детска организација, естетско уредување на училиштето и училишниот двор, ученичко – училишна заедница, работата на стручен актив на одделенска настава, стручен актив на општествено – јазична група на предмети, стручен актив на природно-математичка група на предмети, за организирање на ученички екскурзии,  културно- забавен живот, црвен крст, професионален развој на наставниците во училиштето, подобрување на следењето на планирањето на наставата и наставниот процес, подобрување на примената на стекнати знаења од обуките, изготвување на ученичко досие, ЕКО, за работа со надарени ученици,  подобрување на квалитетот на додатна и дополнителна настава,  подобрување и продлабочување на соработката со родителите, инклузија на учениците со посебни потреби и емоционални потешкотии, професионална ориентација на учениците,  меѓуетничка интеграција во образованието, превенција од насилното однесување во училиштето, следење, анализа и поддршка на оценувањето, за увид во педагошка евиденција и документација,  за грижа за здравјето на учениците ….

Од сето тоа и уште многу други податоци се составува годишниот извештај што е поголем од отчетот на една влада.

И тоа не е се! Работата на наставниците не завршува тука. Наставниците треба уште и да го пополнат своето професионално досие со докази за посетување обуки, часови со примена на современи методи, со примена на ИКТ, со примена на диференциран пристап, со итегрирани цели од меѓуетничка интеграција, намалување на насилството, ЕКО, професионална ориентација на учениците, тестови со диференцирани задачи, подготовки и докази за одржана додатна и дополнителна настава, учество во проекти, држење обуки, објавени трудови итн.

Е тука веќе се гледа крајот! Нооооооооо , тоа не е се! Веќе е месец јули и новата учебна година опасно се наближува, мораме да почнеме со изработка на новите акциони планови за сите оние горенаведени тимови и полека да ја изработуваме годишната програма за наредната година.

А кога ќе се вратиме од нашиот летен распуст кој завршува негде околу 12 Август ќе имаме време да ги подготвиме нашите годишни и тематски планирања за наставата и предметите кои ги предаваме, да направиме распоред на часови, план за писмени проверки, план за еко активности, план за посети и екскурзии, план за соработка со родители и родителски состаноци, план за слободни активности, план за секции …… иииии сакате ли уште да набројувам или Ви е јасно што работат наставниците кога нема ученици во училиштето?

Одделенски наставник,

Тања Метикош

This slideshow requires JavaScript.

 

ПРВЕНЕЦ НА ГЕНЕРАЦИЈА 2017

Ѕвездо сјајна!

Од ѕвезденото небо,  сите навидум  исти но секоја со свој сјај, блесна најсјајната по име ТАМАРА. Одговорна, вредна, исполнителна, хумана, дружељубива ученичка, која остави посебен белег во срцата на наставниците и учениците. Го покажа патот по кој треба да чекорат и останатите генерации. Постави високи критериуми и затоа се закити со титулата ПРВЕНЕЦ НА ГЕНЕРАЦИЈАТА.

Продолжи да светиш со сиот свој сјај ѕвездо сјајна!

Одделенски наставник

Елизабета Георгиевска

This slideshow requires JavaScript.

ЗАБАВА ЗА КРАЈ!

И така по девет години учење и дружење, наградување и казнување, смеење и плачење, петки и единици, кавги и сакање, работа и џаболебарење …. дојде крајот. Генерацијата 2008 – 2017 заминува од нашето училиште. Ние наставниците се потрудивме да им го пренесеме нашето знаење, да ги насочиме на правиот пат. Секој од нив зема толку, колку што можеше или колку што сакаше. Ние сме горди на секој од нив, тоа беа прекрасни деца, прекрасна генерација. Им посакуваме успех во понатамошното школување, им посакуваме да бидат среќни и весели како што беа тука. За крај   НЕМОЈТЕ  ДА НЕ ЗАБОРАВИТЕ И НЕМОЈТЕ ДА СЕ ЗАБОРАВИТЕ! Вашето дружење нека продолжи и понатаму, другарството нема крај!

Овие фотографии нека ве потсетуваат на вашето детство, затоа што веќе зачекорувате во светот на возрасните. СРЕЌНО!

ПС  Фотографиите не се со некој висок квалитет. Дали е до фотографот, дали е до апаратот или е до Вас затоа што не бевте мирни ни секунда, не знам. Но за сеќавање се добри, присутните во своите глави и во своите срца ја чуваат чистата слика  <3

Oдделенски наставник

Тања Метикош

This slideshow requires JavaScript.

 

Регионален натпревар во правопис/спелување по француски јазик

На 18.11.2016 година (петок) во просториите на ООУ Дане Крапчев со почеток во 10 часот се одржа регионалниот натпревар во правопис/спелување по француски јазик. Се натпреваруваа 27 ученици од 10 училишта од двата региона во Скопје.

На овој натпревар учествуваа три ученички од 7мо одделение од ООУ Дане Крапчев Ивана Додевска 7/2 (наставник Анета Митевска) Маја Стојановска и Наталаја Гочевска од 7/4 (наставник Јасмина Ѓорѓиева). На државниот натпревар кој ќе се одржи на 3 декември на Филолошкиот факултет во Скопје се пласираа Маја Стојановска 7/4 која освои второ место на регионалниот натпревар и Ивана Додевска со четврто место.

20161118_104143 20161118_104203 20161118_104224 20161118_104356 20161118_104546