Месец на штедење со НЛБ Банка

По повод Месецот на штедењето,  во нашето училиште а во соработка со НЛБ Банка на 17 Октомври беа организирани работилници со учениците од II-1  одд.(ооделенски наставник Данче Костовска)  и III- 2 одд. ( одделенски наставник Лидија Велковска). На почетокот учениците преку приказната за Штуки и Тиби беа запознаени со користа и потребата од штедење а потоа цртаа на тема „Штедиме со Штуки и Тиби“.

Денес ( 28.10.2016 год.) Беше организирана изложба на цртежите во просториите на НЛБ Банка. Покрај нашето училиште на овој настан учествуваа и уште четириесет други училишта од целата земја и беа изложени преку 1700 цртежи . На сите училишта им беа доделени благодарници за учество на настанот.  Соработката со НЛБ Банка ќе продолжи и истата ќе се продлабочува. Преку фотографиите ви претставуваме дел од трудовите на нашите ученици и моменти од денешната изложба.

 

14875343_1154569367962826_84069382_n 14872478_1154569201296176_2032711328_n 14874944_1154569414629488_766841146_n 14874978_1154569621296134_1678189529_n               14885854_1154569534629476_14427170_n 14885864_1154569554629474_1872784691_n 14885961_1154569654629464_303761701_n14826257_1154568897962873_721214579_n 14877651_1154568827962880_814506725_n 14886182_1154569027962860_299245210_n14877902_1154568961296200_1148700444_n 14875366_1154568771296219_529830840_n 14872665_1154568741296222_746755862_n

Помогнете му на детето да се осамостои

Неколку совети како да му помогнете на Вашето дете да има повеќе самодоверба, а и за Вас за негово правилно воспитување
 
image
Децата на возраст од 11 до 14 години од ден на ден стануваат се посамостојни и родителите им се помалку потребни. Секое дете е индивидуа сама за себе. Некои се зрели, некои помалку подготвени да се осамостојат. Родителите на деца над 1 години треба да работат на тоа детето се помалку да се потпира на нив.

Ова подразбира детето сите физиолошки потреби да ги врши самостојно, да е во состојба само на себе да си налее вода, да земе сендвич, да се организира што ќе облече. Детето треба да има чувство за времето, да води сметка да не задоцни на час.

 

СОВЕТИ за родителите

  • Бидете му добар пример

Покажете му на детето дека верувате во себе и своите можности, дека другите Ве почитуваат и ценат. Ќе се раководи по Вашиот пример, па ке успее и тоа да изгради своја личност.

 

  • Ценете го неговиот труд

Пофалете го секој негов обид да постигне или научи нешто и охрабрете го. Ако е потребно дајте му некој совет, но никако не критикувајте го.

 

  • Не инсистирајте ако нешто не сака

Пуштете го да созрева со темпо кое најмногу му одговара. Во спротивно ќе му ја уништите самодовербата

 

  • Не ги решавајте неговите проблеми

Ја заборавил опремата за физичко во училиште? Не прашал во колку часот почнува роденденската забава? Не правете го тоа наместо него!

 

  • Не го исмејувајте

Немојте да му се потсмевате поради некоја грешка или неуспех, затоа што така му ја намалувате самодовербата и храброста

 

Ова е поважно од сите петки во дневникот!

Sandra Todorovic, 14.7.2016

Моите деца не се одлични ученици. Немаат чувство дека тоа е се што се очекува од нив, па приоритетите си ги одредуваат сами. Мачно ми е секое одење на родителска средба кога наставничката насамо ќе ми рече: “Стиснете ги малку”
image
Отсекогаш им се восхитував на вредните, посветени деца, кои се одлични ученици, тренираат два спортови, свират некој инструмент и подеднакво се успешни во се. Им завидував на родителите кои имаат такви деца, посебно нив, на вложениот труд и снага сето тоа да го организираат и остварат. Срцето ми беше полно заради сликите на социјалните мрежи каде што децата ги бакнуваат своите златни пехари, а не знам ни кои се, ни чии се.

Моите деца не се одлични ученици. Немаат чувство дека тоа е се што се очекува од нив, па приоритетите си ги одредуваат сами.  Мачно ми е секое одење на родителска средба кога наставничката насамо ќе ми рече: “Стиснете ги малку”. Стискам и премногу, но изгледа тоа не е доволно. Посилно да стискам не умеам. Што воопшто значи, стискајте ги?

Се нервирав, ме болеше, бидејќи сакав да им покажам колку е успехот прекрасна работа и колку човек на крај се чувствува гордо. Во еден момент сфатив дека сакам и очекувам да го постигнат мојот успех од училиште и дека тоа е невозможно. Тие не се јас. Јас не умеам да им создадам чувство дека по часовите на училиште, треба да учат уште четири часа.

Сами се по цел ден додека сум на работа. За тоа време учат многу малку. Ја завршуваат домашната, а потоа прават сосема неверојатни работи. Тоа е она заради што сум горда на нив. Тоа се нивните златни пехари, со моето име изгравирано на нив. И никогаш не се објавени ниту на една социјална мрежа.

Моите мали девојчиња одлучиле да ми направат торта. Вистинска. Одозгора со шлаг. Нашле некој едноставен рецепт на интернет и ми ја направиле за роденден. Ставиле и свеќи. Заштедиле од ужината. Тој ден не јаделе на училиште за да стават бројка 40 на мојата торта. Син ми ги поправил фиоките кои се разлабавиле. Тогаш плачев, а и тие плачеа. Ја изедовме тортата, а потоа ги однесов на ќебапчиња.

Добивав саксии со насадено цвеќе, грашок со шеќер, домашен печен леб (се сеќавам дека делуваше како нешто дрвено), поправени кваки, средена тераса, со чаша ладен сок, кој ме чека на масата. Ме дочекуваа со омилените песни кога ќе влезев дома.

Ми пишуваа песни, цртаа ремек дела на кои пишува дека се за мене и дека сум јас најдобрата мајка на светот. Куп поклони направени од крпчиња, стапчиња за сладолед, лак за нокти и резанци. Мојата бела, досадна спавача ја исцртаа со фломастери, да биде шарена за спиење и поубаво да сонувам. Ја исчистиле кадата и умивалникот, спростриле алишта. Ја менуваа сами својата постелнина, а кај мене ја ставаа омилената, портокаловата. Ми правеа обетки од цреши кои сами ќе ги набереа, ме тешеа кога ќе дојдеа претешки денови. Не грижи се мамичке, се ќе биде во ред. Одеа по набавки, го бањаа кучето и го носеа на ветеринар. Му помогнаа на другарчето околу некој проект за на училиште.

Ми го масираа и мачкаа грбот еднаш кога се укочив и лежеа покрај мене додека не заспијам. Ми правеа чаеви кога бев болна. Илјадници утрински кафиња ме имаат дочекано на тераса. Носеа мачиња, кучиња и желки дома, за заедно да ги спасуваме. Ми ги оставаа најсмешните пораки на фрижидерот, ја разбираа мојата одлука да не живеам со нивниот татко. Отсекогаш беа мојата снага, мој двигател, моја инспирација. Моја екипа.

Нивните големи дела, ги прават нив тројцата најголеми личности во мојот живот. Од мене не зборува пристрасноста туку гордоста на тоа што во својот дом направив расадник на квалитетни луѓе кои ќе се снајдат во животот каде и да се. А тоа не може да го замени ниту една петка од математика, физика и хемија.

Еднодневен есенски излет – Парк шума „ Гази Баба “

На 20.10.2016 год. беше реализиран еднодневен есенски излет во парк шумата „Гази Баба“ со  учениците од второ до осмо одделение и нивните одделенски раководители.

14702288_1516467898381927_2152608047587379794_n 14666065_1516467978381919_80984612214183371_n 14642370_1516468051715245_3041428268545056855_n 14568005_1516468128381904_1132551843527254300_n 14632835_1516480435047340_8112595092032748754_n 14716251_1516480478380669_2466235945744800666_n 14670893_1516491458379571_2336187176211941568_n

14787092_1147044015382028_943703364_o 14787733_1147036378716125_1922956194_o 14800168_1147035712049525_855631744_o 14803250_1147035802049516_566748819_o 14808745_1147036308716132_1371266089_o

Тридневна екскурзија низ Македонија – IX одделение

-Цели:

-запознавање со природните убавини и знаменитости на нашите краишта, нивните природно-географски обележја, со релјефот, вегетацијата на овие простори,

-негување на старите културни вредности и обичаи

-запознавање со историјата на овие простори

-развивање позитивен став кон спомениците и природната околина

-запознавање на индустриските и земјоделските капацитети

-развивање и поттикнување на позитивни емоции

20161019_175948 20161019_175835 20161018_161551 20161018_101126 20161017_161342 20161017_161007 20161017_145825 20161017_145500 20161017_144912 20161017_083847

Детска недела

Во периодот од  периодот од 3-7 .10.2016 год.  во нашето училиште  се организираа активности за одбележување на Детската недела.

Во понеделникот на 3.10.2015  год. на одделенскиот час се читаа одредбите од Конвенцијата за правата на детето и се разговараше за детските права.

Во текот на оваа недела првачињата  ја вежбаа свечената изјава.

Во текот на неделата се лепеа маркичките со логото на детската недела.

Во училишниот хол беше поставена ликовна изложба од детски трудови.     ,,Правата на децата” .

Во петок на 7.10.2016 год. се одржа приредба по повод приемот на првачињата во Детската одрганизација ,каде тие го дадоа свеченото ветување и со тоа тие беа примени во детската организација.

pp priem prvacinja

Општински натпревар „Млади библиотекари“ 2016 година, ООУ „Дане Крапчев“

Друштвото на библиотекарите на Македонија во имплементирањето на нови тенденции во дејноста на библиотечните институции, со оглед дека најмладата популација во најголем дел ги користи нивните услуги, даде иницијатива за воведување на една т.н. “слободна активност“ на јавните библиотеки во релацијата со своите корисници. Имено, во почетокот на дваесетите години се формираат “секции на млади библиотекари“. Оваа организирана форма на активности на јавните и на училишните библиотеки им овозможува на најмладите корисници непосредно да се запознаваат со организацијата и дејноста на библиотечната институција, создавањето, обработката, депонирањето и користењето на носителите на информации. Членовите на овие секции се стекнуваат со теоретски сознанија за библиотекарството како дејност и наука, а реализираат и поедноставни практични активности.

Натпреварот “Млади библиотекари” е востановен во 2000 год. како годишен. Негова цел е да ги промовира читањето и книгата и да влијае на негувањето навика кај најмладата популација за користење библиотека  но, и самата библиотека како и професијата библиотекар. Натпреварот се организира на две нивоа: општинско и републичко (државно). Право на учество имаат учениците до 14-год. возраст како членови на училишните и јавните локални библиотеки. Начинот и критериумите на одржување на натпреварот се регулирани со Правилник.

ПРАВИЛНИК

Библиотекарското здружение на Македонија традиционално е организатор на Републичкиот натпревар „Млади библиотекари“ –Во просториите на ЈУ –библиотека „Браќа Миладиновци“, Скопје, во согласност со Правилникот за начинот за спроведување на натпреварот „Млади библиотекари“, Комисијата за организирање и спроведување на Натпреварот го спроведе на 07 октомври 2016 година , а Државниот натпревар ќе се одржи на 28 октомври во Велес.
Секое училиште има право на учество во натпреварот со свои најмногу 3 (три) натпреварувачи, кои самостојно се натпреваруваат. Комисијата подготвува прашалник од најмногу дваесет прашања од Прирачникот за подготовка на кандидати за натпреварот „Млади библиотекари“, на кои натпреварувачите писмено одговораат во рок од еден час (60 минути).

Натпреварувачите учествуваат под шифра што ја запишуваат на пополнетиот прашалник и ја депонираат во затворен плик, во кој ги запишуваат и своите лични податоци. По прегледувањето и бодирањето на прашалниците, Комисијата ги отвора пликовите, го утврдува редоследот на освоените бодови на натпреварувачите (учесници) и прво рангираниот се стекнуваа со право на учество на Државниот натпревар на млади библиотекари – 2016 година.

1 1 3

Одбележан е меѓународниот ден за здрава храна

На 16-102016г. По повод Меѓународниот ден на храната, во нашето училиште се оджа предавање за здрава храна, кое го реазлизраа ЕКО тимот и тимот за соработка на родители. Во присуство на родителите ,наставниците и учениците се одржа едукативно предавање на тема Јаболко-кралица на овошјето , со цел подигање на свеста за здрава храна  ,,Кампањата за здрава храна,, има задача да ги потикне учениците да ги заменат нездравите ужинки, со храна која е здрава  и богата со витамини.

2016-10-17-15-52-03-1 nnn

Ајде Македонија!

На ден 30-09-2016-петок во нашето училиште  се спроведе еко акција за собирање на стара хартија, е-отпад и пластични шишиња.
И оваа година ја подржуваме акцијата за справување со отпадот – Ајде Македонија! Во  кампањата за справување со отпад учествуваа ученици од сите одделенија. Отпадот беше донесен во нашето училиште , собиран во текот на двете смени на посебно означени места и истиот правилно  се одложи.

Да ставиме крај на дивите депонии и нечистотијата по нашите улици!

Еко тимот

14463259_1498285286866855_3650123343298869807_n 14485036_1498285333533517_8508801084434932127_n 14457417_1498285426866841_3427599195585730834_n