Резултати од литературниот конкурс

Почитувани ученици

Најпрво би сакале да ви се заблагодариме за вашето учество на литературниот конкурс “Да се заштитиме седејќи дома и творејќи” и на сите да ви честитаме за прекрасните творби.

Комисијата составена од тројца наставници Јагода Филиповска, Катица Стојчевска и Елена Малинова ги прочита творбите и ги рангираше на следниот начин:

Категорија 2-5 одделение

  1. 2 CUBER 5  Давид Арнаудов 5/4 одд
  2. Anonimus 3  Ведран Вељковиќ 3/4 одд
  3. 1 CUBER 5  Давид Арнаудов 5/4 одд

Категорија 6-9 одделение

  1. Јо Т8   – Тео Јовиќ 8/2 одд
  2. Тарки 8 – Лорина Јакимовска 8/4 одд
  3. Баскет 7 – Дарио Ристовски 7/3 одд

Творбите можете да ги прочитате со кликање на линкот на шифрата.

Другите творби може да ги прочитате на следниот линк

Резултати од ликовниот конкурс

Почитувани ученици

Најпрво би сакале да ви се заблагодариме за вашето учество на ликовниот конкурс и да ви честитаме за прекрасните творби кои ни ги испративте. Се надеваме дека убаво се забавувавте додека творевте.

Комисијата составена од тројца наставници Марија Н. Наневска, Жаклина Атанасовска и Елизабета Ордева ги разгледа творбите и ги рангираше на следниот начин:

Категорија 2-5 одделение

  1. место Калина Филипова 4/3 одд, шифра 1kalinaF4
  2. место Анастасија Ивановска 4/3 одд , шифра Applejack4. Второ место исто така има и творбата со шифра Zdravje5 на ученикот Ангел Крстевски 5/2 одд.
  3. место Семир Сехралтиќ 5/2одд, шифра Skopje5-2

Категорија 6-9 одделение

  1. место Михаела Стојменовиќ 9/3 одд, шифра Yugo9
  2. место Дина Шабановиќ 9/3 одд, шифра d1102
  3. место Давид Цветковски 8/3одд нема шифра

Кликнете на шифрите за да ги видите наградените творби

На следниот линк може да ги погледнете сите испратени творби

Кликни тука за сите творби

22 Април-Ден на планетата Земја

Денот на планетата Земја се одбележува секоја година на 22
април и се прославува во 192 земји низ целиот свет.
Првиот Ден на планетата Земја е одржан на 22 април, 1970
година и бил организиран за промовирање на свеста за нашата
животна средина, да се укаже на загадувањето на воздухот и
водата, исцрпувањето на ненадоместливите енергенси и да се
поттикнат луѓето да ја подобрат грижата за животната
средина.
Оваа година се слави 50 годишнина од првото одбележување
на Денот на планетата Земја
Научниците предупредуваат дека луѓето најчесто не се ни
свесни за промените кои и ги прават на планетата Земјата.
Нарушени се глобалните климатско хидролошки циклуси,
нарушено е движењето во биосверата.
Со одбележувањето на овој ден ширум светот се настојува да
се укаже на проблемите со кои се соочува природата и човекот
и начинот на кој може да се подобри состојбата на животната
средина.

Ајде да се потсетиме како влијае човекот со неговата негрижа и
себичост врз природата:
https://www.youtube.com/watch?v=PKj2rU7wFRY&fbclid=IwAR0gexW15Tu2b9Y0B0MbZiVWvpfET9
D1TR5POXlVHM7lisce9mQ1vgarDdw

https://www.youtube.com/watch?v=rhFud2tlaNI
Што навистина се случува со пластичните шишиња што ги фрламе:
https://www.youtube.com/watch?v=_6xlNyWPpB8&feature=share&fbclid=IwAR2vBRvgYJDk5FNsIpt
g49gQgZIV7E-hi0udK85HuOW94pPoVkSgWJx-onI

Какви климатски проблеми предизвикуваме:
https://www.youtube.com/watch?v=Sv7OHfpIRfU
Драги ученици сигурно се прашувате: Како јас можам да придонесам да
се намали загадувањетo и глобалното затоплување, што можам јас да
направам за планетата Земја?
Сите можеме да и помогнеме на нашата планета Земја и да
допринесеме за нејзиното зачувување со едноставни работи:
-Редуцирај го отпадот кој секојдневно го фрлаш !
-Реупотребувај и потикнувај секогаш кога можеш !
-Рециклирај и подржи го рециклирањето со тоа што ќе купуваш
производи со рециклирана содржина !
-Штедете ја колку можете електричната енергија !
-Штедете ја водата!
-Користете ги велосипедите а на автомобилите !
Дел од нашите ученици од еколошката секција изработија
цртежи по повод Денот на планетата Земја.
Ученици!!! Може да се вклучи секој од вас. Напишете пораки,
песна, или нацртајте цртеж по повод Денот на планетата Земја.
Одберете по ваша желба!
Испратете ја вашата изработка на вашиот одделенскиот раководител!!!
Останете во добро здравје !

Подготвил ЕКО Тимот

Конкурс за запишување ученици во јавните средни училишта за учебната 2020/2021 година во Република Северна Македонија

Конкурс за запишување ученици во јавните средни училишта за учебната 2020/2021 година во Република Северна Македонија

Од 26-тата седница на Владата:

Владата на Република Северна Македонија на својата 26 седница одржана на 23 март 2020 година, ги усвои записниците од седмиот и осмиот состанок на Главниот координативен кризен штаб за обезбедување целосна координација во врска со спречување на внесување и ширење на Коронавирус COVID-19, одржани на 22 март и на 23 март 2020 година.
На оваа седница е донесена и Уредба со законска сила за примена на Законот за основното образование за реализација и организација на наставата во основните училишта и за оценувањето на учениците за времетраење на вонредната состојба.

Според одредбите од оваа уредба со законска сила наставата во основните училишта се организира преку далечинско учење односно учење од дома, со примена на средства за електронска комуникација.
Средства за електронска комуникација, во смисла на оваа Уредба се средства кои обезбедуваат реализација на наставата без заедничко физичко присуство на учесниците во наставниот процес и кои овозможуваат взаемна двонасочна комуникација.

Средства за електронска комуникација можат да бидат видео-конференциски платформи, електронска пошта или други системи за електронска размена на податоци.

За употреба на видот на средствата за електронска комуникација од став 2 на овој член одлука донесува основното училиште.

За периодот на организирање на наставата во основните училишта преку далечинско учење односно учење од дома, наставникот може да изврши оценување на учениците.

Со примена на средствата за електронска комуникација може да се спроведат испрашувања, тестирања на учениците или да се користат други форми на утврдување и оценување на знаењето на ученикот. https://vlada.mk/node/20679?fbclid=IwAR1eSMpjfAkwsJbSsvkrf7g2iBx0UrvKh7Hohtzl4i9Th164HuIFsVxgcK8

Хипо 2020, Осма Меѓународна Олимпијада по Англиски јазик, Англиски Без Граници

Почнувајќи од 2013 година Асоцијацијата Глобал Хипо секоја година организира натпревар по Англиски јазик за учениците од сите држави во светот со цел да се поттикне натпреварувачкиот дух кај учениците што го изучуваат Англискиот јазик. Оваа година натпреварот се одржа по осми пат и беше спроведен во нашето училиште за нашите ученици.
Учествуваа ученици од 6,7,8 и 9 одделение. Учениците беа поделени во 3 категории:
Хипо 1 за учениците од 6 одделение-седум ученика, Хипо 2 за учениците од 7 и 8 одделение-12 ученика и Хипо 3 за учениците од 9 одделение-3 ученика. Секоја категорија има посебен тест. Секој ученик доби сетификат за учество.
Од тие ученици двајца продолжуваат во следниот круг на натпреварување т.е. во полуфинале. Тоа се учениците: Матеј Спасовски 7-2 и Алексеј Стојановиќ 7-3. Им честитаме на нив како и на сите ученици што учествуваа во натпреварот. Сите тие имаа
навистина добри резултати и се гордееме со нив.
Во иднина се надеваме дека бројот на учесниците ќе биде уште поголем.

Издавање потврди

Почитувани родители, доколку се уште имате потреба од потврда за редовен ученик, истата може да ја добиете и следната седмица од понеделник 16.03.2020 год., од 08 до 12 часот, кога е планиран ротационен распоред на вработените. Барањето може да го превземете Т У К А. Истото, пополнето прикачете го во електронска порака (mail) и пратете го на службениот mail – oudanekrapcev@yahoo.com. Потврдата ќе Ви ја испратиме скенирана електронски со цел да се намали физичкиот контакт. Доколку имате потреба од потврда во оригинал истата ќе може да ја подигнете на шалтерот кај дежурни ученици каде што има и формулари за барање за издавање потврди. За дополнителни информации и измени во протоколот навремено ќе бидете информирани. Со почит!

ВАЖНО СООПШТЕНИЕ !!!

Почитувани родители ,
Поради новите насоки добиени од Извадок од Нацрт -Записникот од 16 та седница од Владата и општина Гази Баба, а во врска со издавање потврди на родители кои се ослободени од работа заради згрижување на дете до 10 годишна возраст Ве известуваме дека утре (петок, 13. 03.2020) од 8 до 16 часот може да дојдете во Управата на ООУ„Дане Крапчев“ Скопје – административна служба да ги подигнете истите.
Од ваша страна потребно е ДЕНЕС да ни пишете на маил на oudanekrapcev@yahoo.com име и презиме на родителот за кој се однесува потврдата ,име и презиме на детето – одделение, одделенски раководител. Со вас треба да носите писмено Барање за потреба од издавање потврда напишано од Ваша страна на лист А4 формат со истите податоци од маилот .
Со почит
ООУ„Дане Крапчев“ -Скопје

УЧИЛИШНА КВИЗОТЕКА

На 5 март нашето училиште учествуваше во УЧИЛИШНА КВИЗОТЕКА – натпревар по знаења од  општа култура, јазик и литература, историја, уметност, природни науки и спорт. Натпреварот се одржа во Детскиот културен центар „Карпош“  со екипа од ученици од 9 одделение: Тијана Антовска, Методија Тасевски и Јане Ѓоргиевски. Атмосферата ја развеселија и разубавија со настап ученички од шесто одделение со изведба на ритмичка точка. Тие беа и поддршка во публика  кои не беа изоставени од жирито и вешто одговараа на загатки и гатанки.

И ДА, со освоено прво место, нашите натпреварувачи влегуваат во нареден круг. Да им посакаме среќа и успех!

Одговорни наставници

Бранко Атанасоски

Билјана Стојановска